نعطيها و لالا ؟؟؟

[foued1986]

السلام عليكم و رحمة الله تعالى و بركاته
بصراحة بغيت نهجر هذه البلاد اللي ما ولاة تسوا حتى قيمة في معضم الميادين حتى لا نقول الكل في نظري و اريد الهجرة الى امريكا
فماذا تنصحوني
هل اهاجر؟ و لماذا ؟
لعل ارآءكم تفيدوني بحول الله
و شكرا لكم​

 

[بنت الـ25]

رد: نعطيها و لالا ؟؟؟

السلام عليكم ورحمة الله وبركاته
شوف اخي مكان حتى واحد ماللي هاجرو شكرو الغربة
الغربة مهما كانت مرة وصعبة
مي انا نقولك حاجة،، لاكان قادر تخدم في بلادك ما ننصحكش تتغرب
أخدم قدك قد حالك وعيش وسط أهلك وناسك فيها ألف بركة
ولكن إذا ما عندكش فرصة باش تحسن من ظروفك لهنا
وواتاك فرصة باش تروح تهاجر وتحسن من ظروفك والله ما ننصحك تراطيها
الله غالب بلادنا نحبوها مي المعيشة ولات صعيبة خاصة في ظل المعريفة والرشوة ...الخ
الشي اللي كركر بلادنا لأعلى القائمة في الدول الأكثر فسادا وخلى الشعب يتخبط في مشاكل ما عندها لا أول ولا آخر
نسأل الله لك التوفيق
​

 

[آمِيْرَتُه]

رد: نعطيها و لالا ؟؟؟

السلام عليك
الغربة صعيبة مهما تكون ليها من ايجابيات
اذا شايف قادر لشقاك و عندك صبر كبير روح شوف حياتك ممكن تنجح بصح اذا تروح في بوطي و تتمرمد بلا فايدة غير خطيك و ان شاء الله ربي يفرج عليك

 

[Hakan]

رد: نعطيها و لالا ؟؟؟

يااخي هذي ما يسموهاش هجرة باسكو راك عارف الهجرة واش تكون لكن نقدر نقولو عليه تغير البلد للعمل
انا نقلك روح يا خويا وما تشوفش للوراء
انا تاني راني معول ندير كيفك ونروح
وكي تزوج ا خويا شوف وحدة من تم ما تجيبها دزيريا ما والو بعد قد ما تقدر عليهم وربي يوفقك خويا وراني كي نلحق راني نقلك هنا في اللمة بلي راني جيت
باسكو كل عام نسجل في القرعة وما خرجتش
ما زالني برك نتخصص في اللغة الانجليزية وشويا صوارة والى اللقاء الجزائر نرجعولها من الصيف للصيف
بلاد فشل وبلاد حقرة وبلاد ذل ......سلام.​

 

[chr-ndj]

رد: نعطيها و لالا ؟؟؟

<الغربة صعي________________بة و انت تعرف روحك لا تقدرلها ولا لالا و زيد انا وش نشوف بلادك تبقى بلادك و الله انا كونر الغربة نحب خفيف خفيف برك دورة ونولى بالصح قلهاش نتا تعطيها ديراكت شويه وااااااااااااعرة خمم بينك بين روحك لا تصبر على اهلك و ناسك الغربة واعرة غدارة و انت و وش يخرج عليك لا شايفها تساعدك ربى يوفقك اخى تقبل مرورى رأيلى المتعصب هههههه مانحبش الغربة تاع الصح​

 

[foued1986]

رد: نعطيها و لالا ؟؟؟

السلام عليكم ورحمة الله وبركاته
شوف اخي مكان حتى واحد ماللي هاجرو شكرو الغربة
الغربة مهما كانت مرة وصعبة
مي انا نقولك حاجة،، لاكان قادر تخدم في بلادك ما ننصحكش تتغرب
أخدم قدك قد حالك وعيش وسط أهلك وناسك فيها ألف بركة
ولكن إذا ما عندكش فرصة باش تحسن من ظروفك لهنا
وواتاك فرصة باش تروح تهاجر وتحسن من ظروفك والله ما ننصحك تراطيها
الله غالب بلادنا نحبوها مي المعيشة ولات صعيبة خاصة في ظل المعريفة والرشوة ...الخ
الشي اللي كركر بلادنا لأعلى القائمة في الدول الأكثر فسادا وخلى الشعب يتخبط في مشاكل ما عندها لا أول ولا آخر
نسأل الله لك التوفيق
​

اولا شكرا على قبول الموضوع
ثانيا اختي الكريمة الموضوع لا يتعلق فقط في كسب المال لكن في عقلية هذه البلاد وين ما تروح مشنفين تحسب راهم يخدموا علينا مشي يخدموا لينا
ثالثا وين ما تروح الحڨرة و الرشوة و التنوفيق
رابعا وين ما تروح لست بمرحب الا من اتى الله بقلب سليم
خامسا . سادسا . سابعا...........الخ يعني تقول معليش بلادي و هادو خاوتي و مين تفوتها جيك مشكلة اكبر منها بلا ما ننساو البطالة . المعريفة . الذل .. ووووو

السلام عليك
الغربة صعيبة مهما تكون ليها من ايجابيات
اذا شايف قادر لشقاك و عندك صبر كبير روح شوف حياتك ممكن تنجح بصح اذا تروح في بوطي و تتمرمد بلا فايدة غير خطيك و ان شاء الله ربي يفرج عليك

علابالي بللي صعيبة بصح راني ناوي même نخدم كواعط لوالدي و نديهم معايا هادك اللي نستحقهم برك ما الشي لاخر ما نحوسش

يااخي هذي ما يسموهاش هجرة باسكو راك عارف الهجرة واش تكون لكن نقدر نقولو عليه تغير البلد للعمل
انا نقلك روح يا خويا وما تشوفش للوراء
انا تاني راني معول ندير كيفك ونروح
وكي تزوج ا خويا شوف وحدة من تم ما تجيبها دزيريا ما والو بعد قد ما تقدر عليهم وربي يوفقك خويا وراني كي نلحق راني نقلك هنا في اللمة بلي راني جيت
باسكو كل عام نسجل في القرعة وما خرجتش
ما زالني برك نتخصص في اللغة الانجليزية وشويا صوارة والى اللقاء الجزائر نرجعولها من الصيف للصيف
بلاد فشل وبلاد حقرة وبلاد ذل ......سلام.​

اخي انا حاصل ليسانس انجليزية و تقني في المحاسبة و دبلوم في الاشعة و نخدم عند بيجوتري ههههه افهم انت فوت لي كونكور و راك تعرف لاسويت على العموم انا متزوج راني في عامين هههه و مرتي موافقتني باش نعطووها هناك على الاقل تقدر تحقق حلمك و هذا انا عندي الكثير و ليس بقليل و الكل بارادة الله و الاسباب لكن هنا الاسباب نحاوها و دمروها

 

[SOFIANE020]

رد: نعطيها و لالا ؟؟؟

مرحبا خويا
شوف كيما قلت انت حاب تروح الامريكا
اذا كانت هجرتك قانونية وعندك وين التروح اقصد المسكن منبعد العمل
غير ما تراطيش
مي اذا راك رايح هكذا وصايى غير خطيك
قادرة تحكملك و قادر لا
وغربة واعرة
كلب جاركم تتوحشوا هههه

 

[الباندي]

رد: نعطيها و لالا ؟؟؟

روح و متشوفش موراك

 

[ثَسْكُورْثْ نَثْدُوكْلِي]

رد: نعطيها و لالا ؟؟؟

سلام عليكم خويا
​

صح الغربة صعيبة وراح تتوحش لبلاد بعد سنين

مي نورمال اذا فيها خير ان شاء الله
اتكل على ربي
وربي يسهلك ويوفقك
توالف مي الواحد برك يشد في دينو هذا مكان والباقي ساااهل
في امان الله
وطريق سلامة خويا
تحياتي

 

[اسماعيل22]

رد: نعطيها و لالا ؟؟؟

شوف خويا نصيحة تاع خوك ديها رسميا من عندي إذا كان عندك الإمكانيات
روح...صحابي راحو كامل راهم عايشين غاية الغايا
إذا رحت حراG نقولك أنت و شطارتك ​

 

[stelllo]

رد: نعطيها و لالا ؟؟؟

ربي يجيب اللي فيه الخير

 

[مهدي الثعالبي]

رد: نعطيها و لالا ؟؟؟

جدودنا ما هربوش ، قعدوا هنا حتى خرجوأ فرنسا ، وانت ولى بحالك حبيتوا تخلوهالهم يتمتعو فيها هما وولادهم ، لالا هنا يموت قاسي ، اذا ما لحقتش يلحقوا ولادي (اوروبا تستحقك كي تكون شاب بصح كي تكبر يشروهالك و يرجعوك لبلادك )

 

[حُلم عابرْ]

رد: نعطيها و لالا ؟؟؟

شخصيا نفضل الذل في بلادي ولا الذل في بلاد الكفار على الاقل الا متت نلقى لي يصلي عليا و يترحم عليا لهيه الا لقيت ماكلة حلال اليوم مش مضمون غدوة تلقاها وفهمك كفاية .

نص الامة العربية والاسلامية عايشين نفس الظروف لو فكروا نصهم في الهجرة علابالك الغرب يولي عالم عربي مش اوروبي لان بطبعنا ندوا العقلية راك فاهم

 

[حكاية قمر]

رد: نعطيها و لالا ؟؟؟

ادا راك ضامن مستقبلك تما واعرف روحك بلي تلقى راسك خير من هنا غي روح مع انو الوطن افظل شي وادا باغي تروح غي هكا اخطيك لانو بلادك واهلك خير مليون مرة من الغربة​

​

 

[*Prinçesse*]

رد: نعطيها و لالا ؟؟؟

لالالالا يا خويا لعزيز انا نبغيلك الخير كيما خويا و ننصحك انا و الله عندي بابا كل صيف يروح لاسبانيا علابالك اول خطرة كي راح قالنا المعيشة لهيت خلالالاف على لهنا فدزاير لهيه كلش غاالي نهدرلك يعني اون جينيغال الخارج كيفاش و الغربة كيفاش صعيبة تروح لهيه تتوحش العادات و التقاليد حنا بابا كي راح قالنا في رمضان تمنيت نلقى طرف نتاع كسرة و شوية شوربة نتاع بلادي مهما يكون هاذي بلادك اللي ماتو عليها الرجال الله غالب فسدوها و علاش الدزاير كانت هاك لالا دزاير بناوها الرجال و ماتو علاجالها مي خسارة فسدوها و كل يوم تفسد اكثر و اكثر ربي يهدينا باختصار الغربة وواااااااعرة حتان كي تروح لهيت باش تحس المهم نتمنى تتقبل رايي اخي في امان الله

 

[بنت الصحراء08]

رد: نعطيها و لالا ؟؟؟

تاخد رايي غير خطيك

خممت في عايلتك خممت بللي امريكا بلاد كفر وانحلال

خممت كيفاش رايح تحافظ على اخلاقك ودينك تما
​

راك داير في بالك بللي كاين تمييز عنصري بسبب الدين

عاود حساباتك مليح خويا وربي شاهد بللي ماكانش اللي يبغيلك الخير كتر من ولاد بلادك
​

 

[hadil21]

رد: نعطيها و لالا ؟؟؟

انا من رايي غير اخطيك
​

 

[مهدي الثعالبي]

رد: نعطيها و لالا ؟؟؟

دحمان الحراشى رحمه الله قديم عليا و عليك و انسان مجرب ، اسمعلو واش قال على الغربة

 

[صلوا على النبي]

رد: نعطيها و لالا ؟؟؟

روح للندن فيها دزاييرين كاش مايعاونوك
متروحش لامريكا والله قاع عينا مالدزاير
بصح علم ولادك العربية