الجامع كي يرجع........

[اسماعيل22]

اليوم إن شاء الله جيتكم بظاهرة والله معلابالي إذا سبق و طرحوها خاطرش فركست شويا و ملقيتش إن شاء الله نكون أنا الأول هههه
المهم الموضوع باين مالعنوان اللي هو الجامع أو المسجد

المسجد قبل كل شيء مكان للعبادة والذكر وتلاوة القرآن
بصح درك رجع مكان للثرثرة والكلام لي خارج الدين
رجع مكان للنميمة..تلقى شيوخا كبار يدخلوللجامع بكري يحكموا زاوية ويبدو في الهدرة في عوض ما يحكمو المصحف،خطراتش يوصلو يهدرو حتى على الإمام ومن بعد يصلوا موراه عادي :s
حاجة واحدوخرا سورتو رمضان نكون ماشي نصلي في الجامع خصوصا وقت العصر أنا غير ندخل نشك لا راني في الجامع نحسب يا صرات إبادة جماعية ولا مقر لاجئين الكل متطايش وبالاك تنوضه راه تنوض عليك القيامة والأسوأ ينوض عينيه حمرين ويصلي عادي :-o لا وضوء ولا أي شيء!
مادام هدرنا على الوضوء ،بيت الوضوء ومشاكله تلقاهم مدابزين على طاسة تاع ماء شكون يتوضى الأول وبعض الأحيان توصل بالشتم والسب والأسلحة ما هاذا داعش مثلا؟
واش هذا المرض اللي راه يمشي؟
أين الإسلام؟
أين حرمة المسجد؟
أين التوعية؟
والحل كيفاه؟
نخليكم تعبرو لساني تعقد منهم
ســـــــــــــــــلام​

 

[Ma$Ter]

رد: الجامع كي يرجع........

السلام عليكم و رحمة الله وبركاته

الضاهرة هاذى نشوفها يوميا

ودايما الامام يهدر ويقول المسجد ماهوش مكان تاع حكايات وووو

بصح واحد ما يسمع بيه

والكلام الخارجى فى المسجد ياكل الحسنات كما تاكل النار الحطب

ربي يهديهم
​

 

[Ra Off]

رد: الجامع كي يرجع........

وعليكم السلااااااااااام والرحمة

بارك الله فيك خويا اسماعيل ، فعلا موضوع من الواقع ، نتأسف له
ونتأسف أيضا لماذا يسكت عنه

فلو كانت هناك حملة وطنية من طرف الأئمة في كل مرة درس أو خطبة حول حرمة المسجد
وآدابه ، مرة ثنين ثلاثة ، ستبدأ هذه الظاهرة في الزوال

وربي يهدي
​

 

[السلطانة]

رد: الجامع كي يرجع........

وعليكم السلام

شعب :down:
البلاصة لي يروحولها يديرو ديgا

نشفى لخويا كان صغير ويروح يصلي زعم
هيا منين داك سبلط بيه واحد الشايب ديما يحقر فيه ويحصرو على الحيط
حتى واحد النهار قبضو بابا
هاه الحاج راك كبير :graduation:
يعني حتى لولاد لي رايحين باه يتعلمو الصلاة يكرهوهم في الجامع ويتلعوهم
ربي يهديهم برك
ومنحكيلكش على الناس والعجايز والبنات الحلوات :love01:
جاية تصلي ولا تحوسي مثلا !
يصليو بالvرني واللباس المزيّر
وووو
والنسا والعجايز يجو يمنشرو في كناينهم
وفي بعضاهم
ومام يبخصهم الامام
شغل هدر من خرجت من
وينوضو يصليو كيما قلت عادي
ولي حبستلي مخي واحد النهار
الامام في صلاة التراويح غلط
ذهبتلو الاية قعد يعاود باه يصلحها وتنطق وحدة حذايا هازة المصحف
تصلحلو !!!
وحنا نصليو وراهي تهدر وتقول هادا مالقاش لي يصلحلو
كملنا صلينا
وحكمتها واحد المرة قاتلها انتي نورمال !
علاه تهدر بالصوت وتعيطي وحنا نصليو شوشتينا وزيد الامام ماش محتاج تصلحيلو انتي
وزيد مرى واش دخلك في الحكاية

يعني باختصار لازمتهم القباحة باه يسقمو روحهم

شكرا

​

 

[نجيب]

رد: الجامع كي يرجع........

كل مساجد الجزائر تعاني من هد المشكل


و المشكل لوكان تروح تنصحهم يلصقوا فيك


و لوكان تروح تهدر معاهم هما في المركز الاول في فهم الاسلام يعني حنا كفار منفهموش.


و الله العظيم نكره هد الفئة من الناس و نتمنى نشوفهم في فيديو نتاع لخرين


حتى نسبة الطلاق و نسبة الشجار بين الناس خرجت من عندهم

كنت صغير نشفى بلي شيوخا لكبار هوما لي يدخل و يقيمون الصلح بين الرجل و زوجته لاكن اليوم هم السبب فيما نحن فيه


و يتحملون جزء كبير من الشجارات التي نعيشوها يوميا بافكارهم .

و قدر رايت منهم في المسجد من يعمل اعمال صبيانية و عندما تتكلم معه تحس ان المسجد مسجده و هو


الراعي الرسمي لدخولنا الجنة


اسماعيل خويا اسمحلي بلاك راني خرجت شوية عن الموضوع لاكن قلبي راه معمر من جيهتهم


خطرا واحد شاب انسى التلفون مغلقوش اقاموا عليه الدنيا و نسو انفسهم مادا يفعلون في كل وقت صلاة من ضحك

و دردشة ووووالخ حينها اردت ان اتشاجر مع احدهم ليس من اجل الشاب لاكن احسست انني في مسجده الخاص

من طريقة كلامه لاكن تراجعت عن دالك و خشيت ان يتبعني كلام الناس اينما كنت.


اكره هده الفئة شد الكره و اكره من يرى نفسه اعلى شأن في الاسلام


و اتمنى ان يدخلوا الموضوع اصحابنا و يفسروا لنا عن اخوانهم في المساجد يعني في الاسلام

صراحة انا لم ارى اي احد منهم شرفنا في مواضيعنا و ناقشنا في اي موضوع.


شكرا لك اخي على موضوعك الدي نعيشه ليس كل يوم بل كل وقت صلاة بمعنى خمس مرات في اليوم.


و الله راك نرفزتني يا اسماعيل راك تعرف منعرفش نهدر في موضوع هد الناس كنت تنصحني منقربش من الموضوع.​

 

[اسماعيل22]

رد: الجامع كي يرجع........

السلام عليكم و رحمة الله وبركاته

الضاهرة هاذى نشوفها يوميا

ودايما الامام يهدر ويقول المسجد ماهوش مكان تاع حكايات وووو

بصح واحد ما يسمع بيه

والكلام الخارجى فى المسجد ياكل الحسنات كما تاكل النار الحطب

ربي يهديهم
​

أمين خويا
كلامك صح حتى الإمام ماهمش يسمعوله أو على الأقل يحتارموه من بعد كي يقولهم المسجد لا يفتح إلا وقت الصلاة يقولك واش خبر ويزعفوا
بارك الله فيك أسعدني مرورك​

 

[اسماعيل22]

رد: الجامع كي يرجع........

وعليكم السلااااااااااام والرحمة

بارك الله فيك خويا اسماعيل ، فعلا موضوع من الواقع ، نتأسف له
ونتأسف أيضا لماذا يسكت عنه

فلو كانت هناك حملة وطنية من طرف الأئمة في كل مرة درس أو خطبة حول حرمة المسجد
وآدابه ، مرة ثنين ثلاثة ، ستبدأ هذه الظاهرة في الزوال

وربي يهدي
​

يا خويا القلوب اللي فيها الرحمة و يأنبها ضميرها هي لي دير توعية
أنا اللي خلعتني أنه هاذ الظواهر مانيش نشوفها مالشباب لي نقولو هو صغير راه يتعلم راهب تجي من عند كبار لي نورمالمو هوما يكونو قدوة للآخرين
الله يهدينا وصلح أحوالناا
شكرا خويا رؤوف على المرور ​

 

[أم لينة]

رد: الجامع كي يرجع........

السلام عليكم

يعطيك الصحة موضوع حساس بارك الله فيك.

كيما حكيت زوجي دايما يقلي هاذا الكلام كي يروح للجامع . الحرمة تاعو راحت ،هذا هو شعبنا المرض فيه.. مسلكش منو حتى بيت الله ..

 

[اسماعيل22]

رد: الجامع كي يرجع........

وعليكم السلام

شعب :down:
البلاصة لي يروحولها يديرو ديgا

نشفى لخويا كان صغير ويروح يصلي زعم
هيا منين داك سبلط بيه واحد الشايب ديما يحقر فيه ويحصرو على الحيط
حتى واحد النهار قبضو بابا
هاه الحاج راك كبير :graduation:
يعني حتى لولاد لي رايحين باه يتعلمو الصلاة يكرهوهم في الجامع ويتلعوهم
ربي يهديهم برك
ومنحكيلكش على الناس والعجايز والبنات الحلوات :love01:
جاية تصلي ولا تحوسي مثلا !
يصليو بالvرني واللباس المزيّر
وووو
والنسا والعجايز يجو يمنشرو في كناينهم
وفي بعضاهم
ومام يبخصهم الامام
شغل هدر من خرجت من
وينوضو يصليو كيما قلت عادي
ولي حبستلي مخي واحد النهار
الامام في صلاة التراويح غلط
ذهبتلو الاية قعد يعاود باه يصلحها وتنطق وحدة حذايا هازة المصحف
تصلحلو !!!
وحنا نصليو وراهي تهدر وتقول هادا مالقاش لي يصلحلو
كملنا صلينا
وحكمتها واحد المرة قاتلها انتي نورمال !
علاه تهدر بالصوت وتعيطي وحنا نصليو شوشتينا وزيد الامام ماش محتاج تصلحيلو انتي
وزيد مرى واش دخلك في الحكاية

يعني باختصار لازمتهم القباحة باه يسقمو روحهم

شكرا

​

ههههه فكرتيني كنت صغير أنا تاني وكنت نحب نصلي الصفوف الأولى
واحد النهار أنا جالس في الصف الأول نستنى الإمام يجي باه نصلوا
يجي واحد الشيخ قالي نوض نوض واش راك دير هنا كي رجعو البز (الدراري) يجمعوا في الصف الأول واحنا موراهم ما بقا والو ..ينطقله المؤذن المهم أعطاه درس مليح و نشفى حتى الإمام تدخل من بعد و دار درس قبل خطبة الجمعة على داك الشيء لي صرا
أما بالنسبة للنساء هههههه علابالك لازملي نديرلهم موضوع خاص والله الحوايج اللي شفتهم و اللي حكاولي عليهم بفففففف كي توصل الفتاة ترجع الصلاة سبة باه تخرج من الدار توصل للجامع الماكياج و العطور و في شهر رمضان بالأخص
تلقاهم في بيت الوضوء و التيليفونات واش نحكي واش نخلي وأنتم أدرى بما يحدث في المصلى يعني العجب واحد يقول الله يحفظ ويستر
شكرا لمرورك ساندي نورتي الموضوع ​

 

[hadil21]

رد: الجامع كي يرجع........

عندك الحق

 

[اسماعيل22]

رد: الجامع كي يرجع........

كل مساجد الجزائر تعاني من هد المشكل


و المشكل لوكان تروح تنصحهم يلصقوا فيك


و لوكان تروح تهدر معاهم هما في المركز الاول في فهم الاسلام يعني حنا كفار منفهموش.


و الله العظيم نكره هد الفئة من الناس و نتمنى نشوفهم في فيديو نتاع لخرين


حتى نسبة الطلاق و نسبة الشجار بين الناس خرجت من عندهم

كنت صغير نشفى بلي شيوخا لكبار هوما لي يدخل و يقيمون الصلح بين الرجل و زوجته لاكن اليوم هم السبب فيما نحن فيه


و يتحملون جزء كبير من الشجارات التي نعيشوها يوميا بافكارهم .

و قدر رايت منهم في المسجد من يعمل اعمال صبيانية و عندما تتكلم معه تحس ان المسجد مسجده و هو


الراعي الرسمي لدخولنا الجنة


اسماعيل خويا اسمحلي بلاك راني خرجت شوية عن الموضوع لاكن قلبي راه معمر من جيهتهم


خطرا واحد شاب انسى التلفون مغلقوش اقاموا عليه الدنيا و نسو انفسهم مادا يفعلون في كل وقت صلاة من ضحك

و دردشة ووووالخ حينها اردت ان اتشاجر مع احدهم ليس من اجل الشاب لاكن احسست انني في مسجده الخاص

من طريقة كلامه لاكن تراجعت عن دالك و خشيت ان يتبعني كلام الناس اينما كنت.


اكره هده الفئة شد الكره و اكره من يرى نفسه اعلى شأن في الاسلام


و اتمنى ان يدخلوا الموضوع اصحابنا و يفسروا لنا عن اخوانهم في المساجد يعني في الاسلام

صراحة انا لم ارى اي احد منهم شرفنا في مواضيعنا و ناقشنا في اي موضوع.


شكرا لك اخي على موضوعك الدي نعيشه ليس كل يوم بل كل وقت صلاة بمعنى خمس مرات في اليوم.


و الله راك نرفزتني يا اسماعيل راك تعرف منعرفش نهدر في موضوع هد الناس كنت تنصحني منقربش من الموضوع.​

أولا سمحلي نقولك أخي نجيب شكرا لمرورك وقراءتك الموضوع والرد عليه
راك تكلمت على بزاف نقاط حساسة
هذا الفئة من الشيوخ الكبار منحبش نعمم خاطرش كاين اللي ماشاء الله عليهم
هاد الشيوخا كيما قلت ميتقبلوش أنه يجي واحد أصغر منهم سنا يقوللهم انعلوا الشيطان رانا في بيت الله يوقله أنت واش دخلك تعرف الدين خير مني؟؟ شوف الإجابة كيفاه دايرة
داك الشاب كيفاه يعاود يحكي معاه يقول لا حول ولا قوة إلا بالله و ينوض عارف بلي لا حياة لمن تنادي
كيما قلت عندهم حب التملك كي شقل المسجد مكتوب بإسمهم أو أنهم هم من يقررون ماهي قواعد حرمة بيت الله وكأنهم خلاص شافو رواحهم في الجنة يحق لهم أن يفعلوا الليل يحبوا.إذا هم غلطو وحاسبتهم تنوض عليك القيامة وإذا أنت غلطت يرجعو أول المفتين
الله يهديهم خويا هذا واش نقولوا
وراك طرحت سؤال عجبني بزاف "و اتمنى ان يدخلوا الموضوع اصحابنا و يفسروا لنا عن اخوانهم في المساجد يعني في الاسلام"
صحيح قل تواجدهم إن لم أقل انعدمت ردودهم و مشاركاتهم في مواضيعنا
بارك الله فيك على المرور المميز و سمحلي إذا نرفزتك خويا ههههه​

 

[اسماعيل22]

رد: الجامع كي يرجع........

السلام عليكم

يعطيك الصحة موضوع حساس بارك الله فيك.

كيما حكيت زوجي دايما يقلي هاذا الكلام كي يروح للجامع . الحرمة تاعو راحت ،هذا هو شعبنا المرض فيه.. مسلكش منو حتى بيت الله ..

وفيك بركة أختي والله واش قال زوجك صحيح راح الوقر والحشمة والناس الطيبة
حتى الإنسا رجع يخاف ينصح لأنه عارف كلش يولي عليه بالهدرة الزايدة وينوض شجار
شكرا أختي على المرور الطيب
سلام​

 

[MiriRina]

رد: الجامع كي يرجع........

مشي غير مكان للهدرة والثرثرة ايضا ولا مكان للسرقة
بارك الله فيك موضوع رائع

 

[اسماعيل22]

رد: الجامع كي يرجع........

عندك الحق

شكرا أختي مرورك أسعدني ​

مشي غير مكان للهدرة والثرثرة ايضا ولا مكان للسرقة
بارك الله فيك موضوع رائع

وفيك بركة أختي
والله تالمون السرقة راني داير بليغة سبيسيال للجامع ههه هكذا لا سرقوها متغيضنيش
شكرا ليك أختر نورتي الموضوع بتواجدك
سلام​

 

[stelllo]

رد: الجامع كي يرجع........

الله يهدي الجميع وشكرا ع الطرح

 

[اسماعيل22]

رد: الجامع كي يرجع........

الله يهدي الجميع وشكرا ع الطرح

اللهم أمين
شكرا لمرورك أهلا و سهلا بيك :regards01:​

 

[بنت الـ25]

رد: الجامع كي يرجع........

السلام عليكم
مين تجيب فالمواضيع تعك ههههههه
موضوع ممتاز خويا اسماعيل
انا ماما كل جمعة كلما تروح مالمسجد تحكيلي حكايات وروايات على الشي اللي صاير فالمسجد
قاتلي مرة وحدة قاعدة تهدر فالخطبتين تع الجمعة،، مين خلصو الصلاة حكمتها هي ومرا اخرى قالولها متزيديش تهدري فالخطبتين
سينو صلاتك تعتبر باطلة
قاتلهم اييييييييييو رجعتو الكل تفتيو

نزيدكم ترو ستوري
رمضان لي فات ما قدرتش نصلي التراويح خاطر الكل يروحو والدار تبقى وحدها وولد ختي عندنا منخليوهش وحدو
مي العشر ايام لخرين فهديك روّح ولد ختي قلت نبروفيتي نتهجد فيهم
ايا رحت نصلي فالمسجد ولابسة حجاب مطلوق يعني بياسة وحدة
المهم كلما نمشي فالمسجد تحكمني وحدة ختي وين خيطتي الحجاب تعك ،، مين شريتيه
هدا مشري ولا مخيط،، جاك يهبل
(إنه عالم معقد)
مع انو حجاباتي سامبل وألوانها متجذبش الأنظار وجاية كولار وحدة مش مخلط وملون
ايا كملت السبع ايام لخرين بعباءة كحلة

بلا ما نحكيو على التقرعيج والقيل والقال والغيبة والنميمة
الله يهدي تجي تنصح يشعلو فيك
مرة وحدة قالت للمشرفة تع المسجد رجعتولنا كامل الشيخ شمسو
هههههههههههههههههههههههههههههه
عيش تشوف ،، عيش تسمع
​

 

[اسماعيل22]

رد: الجامع كي يرجع........

السلام عليكم
مين تجيب فالمواضيع تعك ههههههه
موضوع ممتاز خويا اسماعيل
انا ماما كل جمعة كلما تروح مالمسجد تحكيلي حكايات وروايات على الشي اللي صاير فالمسجد
قاتلي مرة وحدة قاعدة تهدر فالخطبتين تع الجمعة،، مين خلصو الصلاة حكمتها هي ومرا اخرى قالولها متزيديش تهدري فالخطبتين
سينو صلاتك تعتبر باطلة
قاتلهم اييييييييييو رجعتو الكل تفتيو

نزيدكم ترو ستوري
رمضان لي فات ما قدرتش نصلي التراويح خاطر الكل يروحو والدار تبقى وحدها وولد ختي عندنا منخليوهش وحدو
مي العشر ايام لخرين فهديك روّح ولد ختي قلت نبروفيتي نتهجد فيهم
ايا رحت نصلي فالمسجد ولابسة حجاب مطلوق يعني بياسة وحدة
المهم كلما نمشي فالمسجد تحكمني وحدة ختي وين خيطتي الحجاب تعك ،، مين شريتيه
هدا مشري ولا مخيط،، جاك يهبل
(إنه عالم معقد)
مع انو حجاباتي سامبل وألوانها متجذبش الأنظار وجاية كولار وحدة مش مخلط وملون
ايا كملت السبع ايام لخرين بعباءة كحلة

بلا ما نحكيو على التقرعيج والقيل والقال والغيبة والنميمة
الله يهدي تجي تنصح يشعلو فيك
مرة وحدة قالت للمشرفة تع المسجد رجعتولنا كامل الشيخ شمسو
هههههههههههههههههههههههههههههه
عيش تشوف ،، عيش تسمع
​

ههههههه أهلا بيك أختي
والله هدا الأفكار يجوني كي نكون برا يعني في موقع الحادث نبقى جاي في الطريق و نخمم واش نكتب
ههههه
شكرا ليك على المرور أختي كلامك يعطي بعض الأمثلة الحية
هطذا حنا قلنالكم واش راه صاري معانا و أنتن تقولولنا واش صاري عندكم
الله يهدينا و يثبت الإيمان في قلوبنا و يعطينا العقل و الرزانة
بارك الله فيك نورتي الموضوع بوجودك​

 

[fugi]

رد: الجامع كي يرجع........

وعليكم السلام و رحمة الله

يا اخي واش نقلك كاين حل نورمال

كي تشوف الناس يحكو فالجامع ديراكت روح عندهم و انصحهم اذا دارو بالنصيحة الحمد لله و اذا مانفعتش عاود انصحهم معناها كرر كيما نقولو ماتكرر تقرر

كيما هك يولو يحشمو شويا ...

ماتنساش رانا مطالبين بهاد الشيء ومسؤولين عليه ​

 

[اسماعيل22]

رد: الجامع كي يرجع........

وعليكم السلام و رحمة الله

يا اخي واش نقلك كاين حل نورمال

كي تشوف الناس يحكو فالجامع ديراكت روح عندهم و انصحهم اذا دارو بالنصيحة الحمد لله و اذا مانفعتش عاود انصحهم معناها كرر كيما نقولو ماتكرر تقرر

كيما هك يولو يحشمو شويا ...

ماتنساش رانا مطالبين بهاد الشيء ومسؤولين عليه ​

يا أخي جربت و جربت دون جدوى و الأكثر من ذلك تسمع كلام لا يرضيك يقولك شكون أ،ت حتى تقولي واش ندير واش مانديرش ماشي أنت لي تعلمني الإسلام واشدير تسكت وتروح خاطرش من طبعي نقادر لي كبير عليا منقدرش نرد عليه الكلام ربما علابالي نجرحو وقادر يوصل مايزيدش يجي داك المسجد خلاص ..ماعليش ربي يهديهم إن شاء الله​