للكبار فقط / ساعدوني

[--جنون انثى--]

السلام
الله يخليكم ساعدوني ..مشكلتي اللاولى هي الشعر الزائد في الجسم كله
يزعجني كثيرا و يسبب لي لحرج في كامل الجسم بدون استثناء ..
رجليا نحيهم ..
اما المشكلة الثانية ..اريد وصفة لتسمين تكون فعالة ..
علما عمري 16سنة
ارجوكم ساعدوني / و باركالله فيكم

 

[touta04]

رد: للكبار فقط / ساعدوني

سلام حبيبتي

اولا المر تع الشعر الكثيف هو امر يمكن يكون وراثي و هو طبيعي

و هناك كثير وصفات للتخلص منه اكثرها فائدة هي الرجينة لكن بما انك مزلتي صغيرة لا تتقلقي منوا

خلي كي تكبري شوي و بداي انزعيه لانوا لو نزعتي من الآن راح تبقاي ديما تنزعي و بشرتي تكثري عليها ههه خلي كي تكبري شوي و بداي انزعي و ماتنساي الرجينة احسن وسيلة

اما على السمونية كولي الحلبة صربة صربة و راهي صحية تفتحلك الشهية و تخليك تسماني بامتياز

اذا كنتي متحبيش ريحتها ديريها مع العسل و كل صبحة كولي مغرف

تحياتي لمي و ابحثي في منتدى تلقاي كثير وصفات الي تناسبك اعمليها

ربي يوفقك حبيبتي :d:d:d

 

[--جنون انثى--]

رد: للكبار فقط / ساعدوني

شكرا حبيبتي على الرد ... ان شاء الله نجرب الحلبة .. اما الرجينة منعرفهاش حتى .. مي ندير عليك و نخلي حى نكبر ..شكرا​

 

[touta04]

رد: للكبار فقط / ساعدوني

شكرا حبيبتي على الرد ... ان شاء الله نجرب الحلبة .. اما الرجينة منعرفهاش حتى .. مي ندير عليك و نخلي حى نكبر ..شكرا​

لا شكر على واجب حبيبتي خلي تكبري شوي و نوريلك الرجينة :d:d:d:d

 

[--جنون انثى--]

رد: للكبار فقط / ساعدوني

227 مشاهدت
و رد واحد
لمادا؟؟

 

[sunrise]

رد: للكبار فقط / ساعدوني

227 مشاهدت
و رد واحد
لمادا؟؟

لانك كتبت للكبار فقط ويبدو انو معظم المنتدى صغار ههههههه

 

[--جنون انثى--]

رد: للكبار فقط / ساعدوني

ههههههه لا
ادا كان هكا مايدخلوش اصلا .. لكن انينشوف يدخلو و ما يمدوش راي هههههههه

 

[{مُدَلَّلَتُهُ}]

رد: للكبار فقط / ساعدوني

السلام عليكم و رحمة الله و بركاته

اختي مشكل الشعر ماكانش بنت ما تعانيش معاه و لحد الآن ماكانش وسيلة للتخلص النهائي منه
كاين كيما قالت الأخت الرجينة الشعر يطول باش يخرج مبعدها .. أو بماكينة نزع الشعر ولا بالشرائح الي يتباعو برا

أما على السمن نقولك مازلتي صغيرة تكبري و تسمني حتى انا وزني 45 كغ و في عمري قريب 21 سنة ! يعني سلك هههه اذا كنت بصحة جيدة هاداك هو الصح أما الشحم تكسبيه مع الوقت

حاولي تبعدي قدر الإمكان على الدوا الي يتباع برا psk الأضرار تاعه كثر من منافعه

هادا ما نقدر نقولك . . . ان شا الله يفيدوك الأخوات و يفيدونا معاك
​

 

[ضيوف وسـنغادر]

رد: للكبار فقط / ساعدوني

اختي حاول تبعدي على انك تنزعي الشعر بالجيلات بيسك هي غير تزيد
الحل الامثل بالنسبة لي هو انك تستعمل " الشب" نسيت كيفاه سمو بالعربية المهم هاداك دي يتباع في باكيات وكيما الكراميل هه صح يوجع مي النتيجة تكون مثالية ويطول باش ينوض ومع الوقت ديتها كتجربة من عند خالتي كلما والفتي بيه يقل اكثر كي تكبري
وربي يعينكــ

 

[RoseBonbon]

رد: للكبار فقط / ساعدوني

نحي بلاسيغ أحسن شيء

وممنوع تستعملي الرازوار

راهو يخشن الشعر ويقويه