تطبيقي لكعك جنان لالة ^^

[آمِيْرَتُه]

السلام عليكم و رحمة الله تعالى و بركاته


مرحبا بحراير اللمة


درت ليوم كعك كنت شفته في قناة سميرة


المقادير


2 حبات بيض + 1 خمارة القاطو + غرفية سكر + غرفية زيت + 2 غرفيات حليب + مغرف صغيرة خميرة الخبز + عصير الليمون أو مبشور الليمون + حبة حلاوة + السانوج + مغرف كبيرة ماء زهر + الفرينة


التحضير


نخلطو السكر و البيض مع بعض ثم نبقوا نضيفوا في اللوازم تدريجيا نضيفوا الزيت ثم الحليب لي نذوبوا فيه الخمارة + عصير أو مبشور الليمون + حبة الحلاوة + السانوج + ماء الزهر حتى نتحصل على خليط

بعدها نضيفوا الفرينة عينك هي ميزانك مع الخمارة نتاع الخبز و نبقوا نخلطوا بلا منعجنوا و في الأخير نتحصلوا على عجينة طرية

نخلوها ترتاح 45 د و بعدها نجيبوا صينية ندهنوها بالزيت و نبقوا ندوا من العجينة و نكونوا أشكال ( تقدري تحطيه على شكل خبزة أنت حرة في الاختيار )

بعد ما نكملوا تقدري تدهنيه من الفوق بالزبدة أو صفار البيض أو الزيت و ندخلوه للفرن

و هذا بعد ما يطيب يجي طري

و يتقدم مع شاي :thumb_up02:

​

 

[سفيان اسلام]

رد: تطبيقي لكعك جنان لالة ^^

الله يعطيك الصحة اختي
الله يبارك

 

[~خفة روح~]

رد: تطبيقي لكعك جنان لالة ^^

:bravo01::bravo01:اممممم شكرا روعة4444

 

[السلطانة]

رد: تطبيقي لكعك جنان لالة ^^

وعليكم السلام جاك هايل يعطيك الصحة تاكلوه بالصحة والعافية وشكرا على الوصفة

 

[rose09000]

رد: تطبيقي لكعك جنان لالة ^^

خرجلك هايل يعطيك الصحة على الوصفة
بصحتكم أختي:thumb_up02:

 

[ندى الورود]

رد: تطبيقي لكعك جنان لالة ^^

خرجلك هايل يعطيك الصحة اختي
بصحتكم
​

 

[منار السبيل]

رد: تطبيقي لكعك جنان لالة ^^

يعطيك الصحة

 

[samah06]

رد: تطبيقي لكعك جنان لالة ^^

تطبيق رائع
يعطيك الصحة

 

[بنقابي افتخر]

رد: تطبيقي لكعك جنان لالة ^^

رائعة
خرجلك شباب

 

[مطبخ الأحلام]

رد: تطبيقي لكعك جنان لالة ^^

خرجلك هايل يعطيك الصحة على الوصفة
بصحتكم ختيتو ^^
​

 

[آمِيْرَتُه]

رد: تطبيقي لكعك جنان لالة ^^

شكرا على المرور حبيباتي

 

[mà_dikrà]

رد: تطبيقي لكعك جنان لالة ^^

يوووووووووه هااايلة
فووور ختيوتو بصحتك بالعافية ^^​