صعوبة في التنفس ~ نبضآت قلب~ أرجو المسآعدة ~

[همس الوُرود]

السلآم عليكم ورحمة الله وبركآته

عندي بروبلآم رآيحة ندكر الأعرآض و نتمنى تعرف الطبيبة مرضي ~ إن شآء الله مآيكونش مرض

كنت من قبل نحس بروحي مش قآدرة نتنفس ويصعبلي بزآف و نبقى نحآول نحآول نتنفس حتى يسيلوا الدموع ومآنقدرش نتنفس

وبعد مدة تطورت الحآلة عدت منقدرش نتنفس و بعدهآ نفشل وبعد مدة ولى قلبي يخبط يخبط يخبط ومآنقدرش نتنفس ومبعد نولي نفشل نفشل نفشل غير بلعقل ديفوآ حتى نولي مش قآدرة نحكي ~

وبعدهآ تطورت الحآلة و عآد يصآحب كل هدي الأعرآض آلآم في القلب

~ شآكة في هدي الأسبآب~

نسهر بزآف حتى لو مآكآنش سبب للسهر نبقى نتأمل ~

ومآنآكلش بزآف يعني كي نبدآ نآكل شوية مغآرف ونشبع ~

أتمنى الرد في أسرع وقت ممكن وشكرآ مسبقآ~​

 

[yac94]

رد: صعوبة في التنفس ~ نبضآت قلب~ أرجو المسآعدة ~

SLM
Ana manich TBIB mais 7abit nmed ra2yi el basit ki 9rit had el mawdo3 bon ana ndon anou nti kima 9oulti teshri ou ma taklich bezar ou na3arfou beli sahr machi mli7 ye3ni rahou byen 3léch ou benesba liya 3la 7seb wéch yesra le yema had el 2a3rad ta3 la tension ya3ni 9elbek ou el jesm ta3ek ydirou bezaf jouhd bech ykhliw el 2a3da2 mla7 ou ma ykhshom walou mais nti ki ma taklich ts3bi 3lihom el mouhima

RABI YECHFIK OU CHOUFI TABIBT 9elb afdel
YEB9A Hada moujarad ra2y

 

[زهرة الندى]

رد: صعوبة في التنفس ~ نبضآت قلب~ أرجو المسآعدة ~

سلآم عليكم ،،

ان شاء الله مآيكون غير لخير حبيبتي

ايضا النفسية تلعب دور لازم تريحي رآسكـ

ربي يشافيك ويعافيكـ وما تشوفي شر غلآتي
بإنتظار رد اصحاب الخبرة
​

 

[ЯǾᵯẫḭṧşẰ]

رد: صعوبة في التنفس ~ نبضآت قلب~ أرجو المسآعدة ~

السلام عليكم
اختي الضغط النفسي يلعب دور كبير في الاعراض لي راكي تحسي بيهم
ممكن نطرح عليك بعض الاسئلة :
انت مقلقة ؟
عندك مشاكل في القولون العصبي ؟عندك دوخة واسهال وتعرق؟
وهدا ضيق التنفس يجيك فجــأة ويستمر لفترة طويلة ؟

​

 

[همس الوُرود]

رد: صعوبة في التنفس ~ نبضآت قلب~ أرجو المسآعدة ~

السلام عليكم
اختي الضغط النفسي يلعب دور كبير في الاعراض لي راكي تحسي بيهم
ممكن نطرح عليك بعض الاسئلة :
انت مقلقة ؟
عندك مشاكل في القولون العصبي ؟عندك دوخة واسهال وتعرق؟
وهدا ضيق التنفس يجيك فجــأة ويستمر لفترة طويلة ؟

​

لالا أختي القلقة مش هي السبب في حالتي أنا بيسك خطرة رحت لطبيبة المؤسسة وعطاتني
دوا يريح البال وشربتو مادارلي والو هي قالتلي ولي ليا بصح أنا ماوليتش ههه
مانكدبش عليك معلاباليش وش القولون العصبي هدا مي مبعد نحوس عليه ونرجعلك ان شاء الله
لالا لوخرين مانعانيش منهم غير الدوخة تكون مع هدي الأعراض تاني نفقد توازني كون نوقف ديفوا لازم نبقى فالفراش
وتاني كون يزيد عليا الحال بزاف وهادي صراتلي 2مرات يولي وجهي يعرق ونحس روحي سخونة نغلي
أما سؤالك الأخير

ضيق التنفس مآيجيش فجأة هو تقريبآ ديمآ عندي الأعرآض الي تجي معآه هي الي ديفوآ تجي و كل خطرة كيفآش
بصح ديفوآ حتى نلقى روحي ريحت عدت نقدر نتنفس و ننشط بزآف هآدي هي الي تجي فجأة~
نتمنى نكون فدتك بهدي الإجابات إن شاء الله
ملاحظة:راني نكتب بالبورطابل علابيها مارجعتش للبقية آسفة وبارك الله فيكم​

 

[السلطانة]

رد: صعوبة في التنفس ~ نبضآت قلب~ أرجو المسآعدة ~

وعليكم السلام روحي للطبيب وهو يعطيك الحل
بنتيلي بلي شغل تخافي من الطبيب لالا ؟

ربي يشفيك ان شاء الله حبيبتي

 

[همس الوُرود]

رد: صعوبة في التنفس ~ نبضآت قلب~ أرجو المسآعدة ~

وعليكم السلام روحي للطبيب وهو يعطيك الحل
بنتيلي بلي شغل تخافي من الطبيب لالا ؟

ربي يشفيك ان شاء الله حبيبتي

آه وشمن طبيب نروح ليه أختي ؟؟ تع القلب؟؟ أنآ نقدر نجري ومآيصرآلي وآلو علآبيهآ مستبعدة طبيب القلب.

وتآني صدقتي منحبش نروح عند الطبة ههههه نخآف يقصفوني بكآش مرض هههه

آمين يآ رب مرسي أختي سآندي :regards01:​

 

[همس الوُرود]

رد: صعوبة في التنفس ~ نبضآت قلب~ أرجو المسآعدة ~

SLM
Ana manich TBIB mais 7abit nmed ra2yi el basit ki 9rit had el mawdo3 bon ana ndon anou nti kima 9oulti teshri ou ma taklich bezar ou na3arfou beli sahr machi mli7 ye3ni rahou byen 3léch ou benesba liya 3la 7seb wéch yesra le yema had el 2a3rad ta3 la tension ya3ni 9elbek ou el jesm ta3ek ydirou bezaf jouhd bech ykhliw el 2a3da2 mla7 ou ma ykhshom walou mais nti ki ma taklich ts3bi 3lihom el mouhima

RABI YECHFIK OU CHOUFI TABIBT 9elb afdel
YEB9A Hada moujarad ra2y

وي بآلآك تآني لاطونسويو ن مآمآ قآعدة تقولي هكآ تآني وبآلآك فقر الدم ومآعرف

بآرك الله فيك
​

سلآم عليكم ،،

ان شاء الله مآيكون غير لخير حبيبتي

ايضا النفسية تلعب دور لازم تريحي رآسكـ

ربي يشافيك ويعافيكـ وما تشوفي شر غلآتي
بإنتظار رد اصحاب الخبرة
​

وعليكم السلآم فوفتيي

صح بآلآك مي مآشكيتش القلقة هي السبب لأني شربت الدوآ يريحني وبقيت كيمآ رآني

آمين يآ رب شكرآ غآليتي عفآف
​

 

[زهرة الندى]

رد: صعوبة في التنفس ~ نبضآت قلب~ أرجو المسآعدة ~

ربي يشآآفيك ويعآفيك غلآتي

لكـن لآزم تستشيري طبيب و مآيكون غير الخير ان شآء الله مآ تخآفيش

لآزم عليك تروحي ليه وإلآ
​

 

[Mr Brahim]

رد: صعوبة في التنفس ~ نبضآت قلب~ أرجو المسآعدة ~

القلون العصبي و استشارة طبيبة امر ضروري جدا
زيارة الطبيب لا تعني بالضرورة مرض خطير و ادوية . . . الخ هناك بعض الامراض تحتاج فقط الى حمية مناسبة و التخلص من بعض العادات السيئة كالاكل في وقت متأخر من الليل . . . الخ

​

 

[همس الوُرود]

رد: صعوبة في التنفس ~ نبضآت قلب~ أرجو المسآعدة ~

ربي يشآآفيك ويعآفيك غلآتي

لكـن لآزم تستشيري طبيب و مآيكون غير الخير ان شآء الله مآ تخآفيش

لآزم عليك تروحي ليه وإلآ
​

إممم رآني نستشير هنآ في طبيبة أختي عفآف ههه غير بلعقل عليآ :d

يآه مآتضربينيش برك ههه:p​

القلون العصبي و استشارة طبيبة امر ضروري جدا
زيارة الطبيب لا تعني بالضرورة مرض خطير و ادوية . . . الخ هناك بعض الامراض تحتاج فقط الى حمية مناسبة و التخلص من بعض العادات السيئة كالاكل في وقت متأخر من الليل . . . الخ

​

صح زيآرة الطبيب لآ تعني مرض خطير لكن الخوف هو السبب
​

 

[همس الوُرود]

رد: صعوبة في التنفس ~ نبضآت قلب~ أرجو المسآعدة ~

قريت على القولون

لقيت بلي عندي غير هدي الأمور


* الغثيان: الغثيان واعلامة من علامات التوتر والإجهاد العصبي، مثل ذلك الطفل المرهق في رحلة، والإنسان الذي يشاهد حادثاً مفزعاً، والبنت المطالعة لقصة مفزعة، كلهم قد يصابون بالغثيان كرد فعل عصبي للموقف المتوتر المثير للانفعال.

* الضيق والتعب وازدياد ضربات القلب.

عدم الراحة والإحساس الشديد بالامتلاء خاصة بعد الأكل.

بالرغم من أني نآكل شويية مغآرف برك نحس روحي شبعآنة بزآف
​

 

[نبض الحياة]

رد: صعوبة في التنفس ~ نبضآت قلب~ أرجو المسآعدة ~

السلآم عليكم ورحمة الله تعآلى وبركآته
اعتذر عن التاخر في الاجابة حبيبتي
سلآمتك وربي يشآفيك حبوبة
من بين الاسباب اللي ذكرتيها ممكن نعتمد مسالة عدم الاكل
لانو السهر ممكن يهبطلك لاطونسيون، تفشلي، مي ما يديرلكش صعوبة في التنفس برك قلبك يتسارع لمحاوله تعديل الضغط
الجماعة اللي قالت القولون العصبي واش دخلوا في الاعراض اللي قالتها !!!!
على العموم حبوبتي ما نقدر نقولك واش بيك بالضبط، على الاقل على الاقل لازم نسمع قلبك وتنفسك حتى نعرف درجات النبض، عمل القلب، ودرجات التنفس اذا عادية او عندك un sifflement الداخل
ما تخسري والو لو تشوفي طبيب، ممكن يطلب منك اجراء بعض التحاليل FNS سيرتو او الردايو نتاع الصدر télethorax او un simple ECG يعرف بيه المشكل وينو بالضبط اذا الرئة او القلب او مجرد حالة نفسية
المهم الواحد يتاكد من سلآمة الاجهزة
ربي يشافيك ويعآفيك حبوبتي
​

 

[Yayan]

رد: صعوبة في التنفس ~ نبضآت قلب~ أرجو المسآعدة ~

انا ثاني في رمضان جاتني نفس الاعراض و كيما قالت رقية دارلي الطبيب تحاليل fns و راديو الصدر و شافلي الواحد تاع القلب معلاباليش وش اسمو ، لقا كل شي لاباس عليه وعندي شوي خفقات قلب اما الباقي الحمدلله ، وقاللي المشكله في نفسيتك ماشي مليحه ,,
ربي يشفيك بيلا حبوبتي ممكن راكي مقلقه من حاجه كيما انا كنت مريضه وكانت نفسيتي زيــروو ونفس الاعراض اللي جاتك جاتني كيما راها حسيت بلي راكي تحكي عليا يوم قريت هدرتك..
​