شكون تقدر تعاوني مشكل نمش

[زهور الشوق]

السلام عليكم خواتاتي ان شاء الله راكم هايلات

حبيت نسقسي على حابة اي مقلقتني
كان عندي النمش في وجهي اقل من هدا بشوي



مي دوك مشالي في كامل وجهي مافهمتش الا الجو تاع الجامعة بيسك فيها بزاااف سخانة اثرت على لابو ديالي ولا هكا برك
قولولي ماكاش كاش وصفة مجربة باش يرجع يصفالي وجهي
وفضلا واش نقدر ندير باش نحمي وجهي من السخانة بيسك يحمارلي بزااف امبعد يولي لونو داكن وكي نحي خيمار تبان لاطراس تاع الخيمار فاصل بين لونين ابض واسمر
وشكراااا مسبقااا​

 

[¬Đỉaмơŋđ ✿]

رد: شكون تقدر تعاوني مشكل نمش

وعَليْكمْ السَلآمْ ورَحمَة اللهِ تعآلَى وبرَكآتُه


بالنسبَة للنمشْ ديرِي مزيجْ منْ زيتْ الزيتُون،زيتْ الحبَة السوْدآء يكُون المقدآرْ متسآوِي
وحُطيه علَى وجهكْ لمُدة نصفْ سآعَه مرَه فاليُوم ويفضلْ ليلاً ..


- بالنسبَة لآثارْ الخِمآرْ أكيدْ هآذِي مشكلَة توآجه كل المحجبَآتْ
أنآ شخْصياً أستعملْ قنآعْ الصآبُون والليمُون
- مقآدرْ منْ صابُون الحجرَة أبرشيهـ وزيديلُوا القليلْ منْ عَصير الليمُون وخلطِي مليحْ حتى يذُوب الصآبُون كلياً
ديريِه كقنآع حتَى ينشفْ على وجهَك وبعدينْ إغسليه ..

نتمنَى نكونْ أفدتَك أختِي
​

 

[زهور الشوق]

رد: شكون تقدر تعاوني مشكل نمش

الله يعطيك ماتتمني حبيبتي
ميرسي بزااااااااااف​

 

[RoseBonbon]

رد: شكون تقدر تعاوني مشكل نمش

أختي العزيزة

أهم شيء أنك تحمي وجهك من أشعة الشمس المباشرة

أولا بوضع كريم واقي ننصحك بماركة 50+daylong والي هدرت عليه في المدونة ديالي في ركن العناية بالجسم والشعر

وحطيه 20 دقيقة قبل التعرض للشمس

وعاوديه كل 3 ساعات

وإلا قدرتي حطي الشابو لي نديروه في البحر مشي عيب على الأقل في أوقات الي تكون الشمس فيه قاسحة

حطيه في الصاشي كي تحسي بلي تقدري تحطيه حطيه

وهنالك اشكال جميلة

وراهم يحطوه فوق الخمار عادي

الوقاية خير من العلاج


أما بالنسبة للعلاج


شفت وحد الفيديو عن وصفة بصح بصراحة ما جربتهاش


جيبي قطعة قطن بلليها بعصير الليمون ورشي فوقها السكر وادلكي بها الأماكن لي فيها النمش


وهذي الوصفة يقولو بلي تقشر الوجه واستعمليها في المساء وماديريهاش وتخرجي للشمس ديراكت


وديرها مرة فقط في الاسبوع


وقولو بلي الودعة أيضا مفيدة مع الليمون