هل هنـآكـ من علاج لدآء ابي ؟؟؟

[أم عبد الله]

السلام عليكم اطبائنـآ و اعضائنـآ الكرام
اتمنى ان تكونو بصحة جيدة بعيدآ ع كل الم ومرض

تمنيتـ ان تفتحو موضوع انتـ تسأل والطبيب يجيب ولكل مـآ علينـآ

ابي يعـآني من فـ الكتفـ حسب تشخيص الطبيب
بعد التشخيص وصف له وصفته
ولكن ف الحقيقة التغاتمو مانفعوش وهو الشي لي خلاه مايسوقش السيارة واعملو نوع م الكئـآبة والقلق
مع نوباتـ الالم المتفاوته و عجزنـآ ع ايجاد دواء يساعده
قررتـ ان استشيركم لعلي بذالكـ اجد منكم من يفيدني وايـآه بطريقة لتحسين الوضع
وسنكون انـآ وعـآئلتي شاكرين لكم

اتمنى ان القى عندكم الحل لمشكلة ابي
كونو دومـآ بخير

واعتذر منكم ع الازعـآج
سلامي​

 

[نبض الحياة]

رد: هل هنـآكـ من علاج لدآء ابي ؟؟؟

السلآم عليكم ورحمة الله تعآلى وبركآته
ربي يشفي الوآلد الكريم ويعآفيه يآ رب
اعتقد انو هآد هو الامر اللي حبيتي تكلميني فيه البارح ورآحت النت
بخصوص موضوع استشارات طبية عندو مدة مغلوق حبيبتي وانا اللي غلقتو واقترحت فتح ركن خآص بالاستشارات
هآك حتى تكون الحالة منظمة نوعا ما
بالنسبة لاستفسآرك غاليتي يآ ريت لو تسالي الوالد وتفصليلي بالضبط نوع الآلام مكآنها، العوامل المؤثرة، العوامل اللي تخففها، وينتا تبدا وآسكو تكون كامل اليوم ولالا، من وقتآش وهو يعآني منها، اي امراض أخرى عنده، اذا شربلها دوا واش هو؟ اذا عمل فحوصآت واش هوما؟ واذا ممكن النتائج، كل شيء لميهلي اذا ممكن
علابالي ما نقدر ندير والو هآك لانو التشخيص عمرو ما يكون في النت بعيدا عن المريض
لكن ممكن ولو نقدر نوجهك وجهة صحيحة فقط
وأعتذر عن عدم توآجدي هنا وتغيبي عن الاجابة للاسئلة
سلآمي
​

 

[أم عبد الله]

رد: هل هنـآكـ من علاج لدآء ابي ؟؟؟

وعليكم السلام روكـآ
مم الافار لي حابة نحكيلك عليهـآ خاطية المرض كي نتلاقاو نقصرو
وبالنسبة لبابا اوكي نلملكـ كل شي طلبتيه بعد مانسقسييه مليح والا كتب ربي يكون فيها الخير
وي علابالي بلي التشخيص ف النت ماشي مضمون مي صدقيني الطبيب مافادوش لبابا وقالي السطر مازال كيف كيف
ورجع الامر للتابلات قال ممكن كي يبقى يكونكتي بيها لوقت طويل عملتلو حالة م التشنج ولا تفزر للاوعية
مي نديلو جلسة اسئلة ونجمعلك كلشي قلتيهولي ونردلك بالخبر
ان شاء الله النت تبقالي برك
مرة اخرى ربي يحفظك ويسترك لعزيزة
سلامي​

 

[نبض الحياة]

رد: هل هنـآكـ من علاج لدآء ابي ؟؟؟

هههههه مالا كي تدخلي بيبيلي :p
اوكي حبوبتي جيبي التفاصيل نتاع التفاصيل
ربي يحفظك غاليتي ويخليك
في الخدمة
​

 

[أم عبد الله]

رد: هل هنـآكـ من علاج لدآء ابي ؟؟؟

سلامي روكـآ
مابيبيتش مي نوغمـآلمو عقلتي علاه يالفنيـآنه هههههه

ايا حـٌبي ندخلو ف المفيد
سقسيتـ بـآبا وقالكـ السطر يحكمو توجوغ يهفتـ ساعـآتـ مي مايحبسش خلاص وهـآدي السمانة زاد عليه الحـآل قالكـ سطر لايـٌحتمل وزيد يحس كلي كتفو راهو يتقطع
يحكمو السطر ف عضلة الكتف الايسر واحيانـآ يتعداها للصدر
قتلكـ عندو 15 يوم وهو بالسطر وزاد عليه هادي الياماتـ
اول مابداه الالم حسبالو القلب وعمل راديو وطبيب القلب قالو سالامات ماكان والو
اهاه لفوق نسيتـ نكتب تشخيص الطبيب ف السؤال باسكو قلتـ نكمل بالعربية ومن بعد نكتبها بالفغونسي خخخخخ تبا
هو التشخيص قالو عندك Tendenite
اوصفلو كوديران \ فلوفيناك ت.م
مي مافادو والو وليوما اشترى فوغماد بلا وصفة طبية
الفرمادا اسمها لاتندرا

سالتيني ع الامراض لي عندو هو يعاني م ضغط الدم
مي اليومين آدوما لاتونسيو راهي تهبطلو لـ .9 والصغيرة ساعات نلقاها 4.6 :-o
وهو يشرب ايكسفورج 5ملغ\160ملغ

اهاه تفكرت غلاتي كتبلو الطبيب ثانيت سيليبركس 200 مي كي قالولو خطيرة وتعملك مضاعفات وخاف ع لاتونسيو ولا القلب

وف الاخير غلاتي كتبولو راديو ثانيت ع يدو مي ماحبش يواسيه قالك كرهت
نوغمالمو قتلك كلشي الا كاين كاش سؤال قوليلي ونجاوبك عليه

ايا سلامي لحبيبة

​

 

[نبض الحياة]

رد: هل هنـآكـ من علاج لدآء ابي ؟؟؟

السلام عليكم
شكرآ نينآ حبوبتي على الديتآآي راكي تعرفي تعملي un très bon interrogatoire avec le malade
بون شوفي حبوبتي وفقا للاعراض اللي حكيتيهم في رايي نقدر نقول tendenite ou arthrose
مي بويسكو الطبيب صرح بالاولى راه عملو فحص ف les tendons ولقى فيهم المشكل
التراتمون نتاع لاطونسيون خاطيه يواصل عليه وربي يشفيه ان شاء الله
tendenite ناتجة عن inflammation في les tendons واللي تكون غالبا في حركات exagérée يعني
الواحد يطول في الحركة يوقع ضغط على العضلات
لاتاندرا ممكن تخفف الآلام لكنها ترجع لازم علاج للالتهاب حتى تخف الآلام نوعا ما
ديكلوفيناك ما عملت والو للاسف
ممكن كان يجرب معاه des corticoides à faible dose حتى ما ياثروش بزاف على الضغط
على شكل ابر
اكيد رايح يخفف الآلام
تقريبا هآد هو علاج هاد الحالات حبيبت
يحآول الوالد يريح شوية وما يخدم بيدو بزااف كيما قلتي السياقة + Kinésithérapie كيما المسآج مي بطريقة طبية اذا توفرت المراكز طبعا
والله حبوبة هاد اللي وصل ليه مخي اذا قدرت نزيد نسالك راني نجيبلك الجديد ان شاء الله
ربي يشفيه ويعآفيه يا رب

​

 

[أم عبد الله]

رد: هل هنـآكـ من علاج لدآء ابي ؟؟؟

هههههه صار ايا مليح
اوكي حبوبة راني فهمتك مليح
شوفي ليوما الطبيب كتبلو هدا التغاتمو
الحقن فرادين اليوم دارلو وحدة وغدا وبعد غد حقنتين ويكمل بحقنة كل يوم ع التوالي
و الدوا للمعدة كتبلو بروتون آهو مليح موالفين بيه احنا ههه و ثانيتـ نوريف و هذا لتخفيف حدة الالام ثانيت
و نصحو وراهو ضرك بوشاح خاص لليد باش مايحركهاش بزاف وقالو هذا المرض سامط تبرى ع 6اشهر ولا عام
مي حاول البوسيبل تريحها
ومرة اخرى شكرا جزيلا ع النصائح غلاتي ديما نلقاك وقت لي نحتاجك
كوني بخير لاكون
سلامي​

 

[نبض الحياة]

رد: هل هنـآكـ من علاج لدآء ابي ؟؟؟

اهلا حبوبة
مليح مالا
الحقن عبارة عند مضادات التهابات مليحة ان شاء الله يريح عليها
ايه الحالة تطول شوية برك لازملو يصبر وما يمل باسكو اذا عاود ضغط عليها ترجع كانو ما دار والو
يريحها قدر ما يستطيع
وان شاء الله ما يكون غير الخير حبوبة
كوني ديما مع الوالد وما تخليه يياس من المرض ويكره توجوغ ديريلو الكوراج
ويا رب يشفيه في اقرب وقت ان شاء الله
مرة على مرة نطل عليك هنا حبوبتي
كآش جديد لا تترددي
سلآمِي غلاتي
​

 

[أم عبد الله]

رد: هل هنـآكـ من علاج لدآء ابي ؟؟؟

ربي مايحرمنيش منكـ لعزيزة ويوفقك ف مشواركـ الدراسي وتولينـآ طبية ههه
كيما قلتي نتمنى التغاتمو هذا يفيدو وياسيدي انا عندي اعز من بابا باش نوقف معاه اكيد لا
راني الممرضة ديالو ماتخمييش
مرة اخرى شكرا
ربي يوفقك لما تحبينه ويرضـآه
سلامي​