بروبلام تاع أعضاء ادخلوا اللمة راهي مقلقة منكم

[red rose]

رد: بروبلام تاع أعضاء ادخلوا اللمة راهي مقلقة منكم

مرحبا اختي شوشو
للاسف عندك الحق مي زوج كلمات بالنسبة ليا
سماطت اللمة ماشي زي بكري
تقبلي مروري
​

صح
حوايج بزاف تبدلو فيها

 

[لاجودان شاف]

رد: بروبلام تاع أعضاء ادخلوا اللمة راهي مقلقة منكم

بروبلام تاع لاجودان شاف ومكانش ​

 

[روز]

رد: بروبلام تاع أعضاء ادخلوا اللمة راهي مقلقة منكم

اهلا روز ميرسي ليك ولتفهمك وبارك الله فيك
نشوف انه مهما كان ف التسامح والتجاوز عن الخطأ خير وهذا مايعنيش مايتحضروش بصح مؤقتا و تعميم قوانين صارمة على الكل هذا مش عدل
هذا رأي برك وأتمنى الموضوع مايخرجش بحساسيات
^^
​

طيب أرسلي لي قائمة هذ الاعضاء
لي تشوفي غيابهم على المنتدى مؤثر لهذ الدرجة حتى نشوفو في أمرهم

 

[الحق سلاحي]

رد: بروبلام تاع أعضاء ادخلوا اللمة راهي مقلقة منكم

طيب أرسلي لي قائمة هذ الاعضاء
لي تشوفي غيابهم على المنتدى مؤثر لهذ الدرجة حتى نشوفو في أمرهم

بارك الله فيك روز ^^
والغاية مش مدى تأثيرهم في المنتدى لانهم أثروا بدون شك لكن بقدر التسامح وتجاوز الخطأ


معاك يا الخضراء
DJAMELEGYPT
قلمي سلاحي بعض الاخوة في المنتدى السياسي يعتقدوا اني هي وهذا مش صح
*ياسر*
عابر سبيل12
SOUHA
بيكهام
أم اسحاق

 

[Amine7N]

رد: بروبلام تاع أعضاء ادخلوا اللمة راهي مقلقة منكم

بارك الله فيك روز ^^

معاك يا الخضراء
DJAMELEGYPT
قلمي سلاحي بعض الاخوة في المنتدى السياسي يعتقدوا اني هي وهذا مش صح
*ياسر*
عابر سبيل12
SOUHA
بيكهام
أم اسحاق

هؤلاء الأعضاء كانوا يشعلون المنتدى السياسي يوما ما
ضفي إليهم ريم الرياشي التي كانت بحق أحد الأقلام التي كنا
نفتخر بها في القسم السياسي

 

[روز]

رد: بروبلام تاع أعضاء ادخلوا اللمة راهي مقلقة منكم

بارك الله فيك روز ^^
والغاية مش مدى تأثيرهم في المنتدى لانهم أثروا بدون شك لكن بقدر التسامح وتجاوز الخطأ


معاك يا الخضراء
DJAMELEGYPT
قلمي سلاحي بعض الاخوة في المنتدى السياسي يعتقدوا اني هي وهذا مش صح
*ياسر*
عابر سبيل12
SOUHA
بيكهام
أم اسحاق

توقعت تعطيني هذ الاسماء
بعضهم لهم عضوية مزدوجة والبعض الاخر رجعوهم ممكن والبعض الاخر لا أعدك
فملفهم مليء بالمخالفات الثقيلة جدا جدا جدا والتي لا علم لك بها
والتي لا تنم لا عن أخلاق ولا عن تربية تلقوها في منازلهم

ورجعوهم قد يكون فيه اهانة لأعضاء أكثر أهمية منهم متواجدون حاليا في المنتدى

شكرا على حرصك

 

[أم منيــــــر]

رد: بروبلام تاع أعضاء ادخلوا اللمة راهي مقلقة منكم

بارك الله فيك روز ^^
والغاية مش مدى تأثيرهم في المنتدى لانهم أثروا بدون شك لكن بقدر التسامح وتجاوز الخطأ


معاك يا الخضراء
DJAMELEGYPT
قلمي سلاحي بعض الاخوة في المنتدى السياسي يعتقدوا اني هي وهذا مش صح
*ياسر*
عابر سبيل12
SOUHA
بيكهام
أم اسحاق

السلام عليكم
*ياسر* هو عضو من سنة 2008 كان اساء لعضوة هنا بكلام غير لائق وهي من بعد سامحاتو ورجعت تحكي معاه عادي جدا وقالتها لي شخصيا انو هي مسامحاتو
هدا لاضافة المعلومات
شكرا لكم جميعا :regards01:

 

[زهور الشوق]

رد: بروبلام تاع أعضاء ادخلوا اللمة راهي مقلقة منكم

يعطيـــــكـ الصحة أختي ســــآندريلآ
موضوع يمس الصميم
يااارب ونفطنوا من هاد الركود
ان شاااء الله بعد هاد الطرح تمشي الامور للأحسن
سلآمي
​

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلام عليكم اختي سندريلا
اولا نقلك كيف حالك ؟ان شاء الله تكوني بخير
ثانيا نقلك جزاك الله خيراا على الموضوع الدسم
اولا المشكل وكما قلتي مشكل اعضاء وبامتياز تخيلي كاين اعضاء عدد المشاركات بالالاف لكن ولا مواضيع
ثانيا الغيابات يعني عضو تلقاه يروح يغيب لمدة 10 ايام فما فوق سبحان الله
ما يقول تبقاولنا على خير ماوالو ونضن كامل حابين يشوفو رواحهم في موضوع اعضاء غائبين عن العين حاضرين في القلب
يااختي الفعاليات والمسابقات كاين اللي نقدر نشاركنشاركوكاين اللي الله غالب باسكو لقيت انو اغلب المسابقات نتاع بنات وهدا اللي شفتو
اما عن الاعضااء نقلكم ياناس راكم نتوما اللي تحدو المصير نتاع اللمة بين المنتديات
ربييجازيكم ما تبخلوناش بمواضيعكم راكم تستفيدووحنا نستفيدو
شكراا سندريلا ربي يوفقك...​

اهلا وسهلا بيك خويا حكيم الحمد لله
صح كاينة منها تاع الاعضاء لي يغيبو على جال باه يلقاو اسمهم في موضوع السؤال عن الغائبين وكي ميلقاوش يزعفو
نظن مليح العبد كي يغيب يفاكروه حبابو لكن ماشي سبب تاع واحد يغيب او يسجل بعضوية جديدة باه يشوف الناس كان فاكروه ولا نو :tongue02:
بالنسبة للمسابقات او الفعاليات
كاين منتدى الطبخ وكاين منتدى عالم المرأة
من اكبر المنتديات في اللمة وكل مرة نعملو فيهم مسابقة او فعالية تهم المرأة
سامحونا منقدروش نراطيو :p كون نغفلو البنات يتغشو

وكاين تاني فعاليات ومسابقات في منتديات اخرى لكن للاسف المشاركات مرات تكون قليلة وكاين لي تنجح حسب المنتدى والمشرف لي عليه ...

وياريت نشوفو مسابقات من نوع اخر تهم الشباب

ان شاء الله يلبو النداء

نورت اخي بارك الله فيك

صح انا ثاني منهم
كنت نشيطة و كل مرة نخربش هنا موضوع خلااف
مي رانا في فترة اختبارات و فروووض
لازم نحفضو شوية

سلاااااااااااام:-h:-h

ربي يعينك عبير ان شاء الله كي تخلصي القراية هاي قدامك النت

بالتوفيق لكل من هو مقبل على الامتحانات
وربي يعاون كل واحد راه في شغلوا

ان شاء الله شكرا اخي حمزة

ولات سامطة ماشي كيما زمان
انا واحد من الناس كنت يوميا ندخل ويوميا نشارك
ولات عاطية غير للمدامات
هدي هي

رأيي الشخصي

​

انت او تضرب الغيبة بالقرن :pوتقول رجعت صامطة وين راك
والمدامات على قولتك ميضربوش الغيبة بالقرن كيما انت :thumb_up02:
صحيت

انا ابتعد عن النت لسنوات
و رجعتي من هدا المنتدى العزيز
كانت عندى الاف المشاركات في احداها
لكن حسيت بالعنصرية منهم و توقفت عن الكتابة لمدة طويلة
و الله حتى ابجديات العمل في المنتديات نسيتها
عندي شي ست سنوات و انا بعيد
ممكن مع الوقت تكون عندي مشاركات أكثر و تكون دسمة للنقاش
راجيا من الادارة التفهم و عدم التسرع في اغلاق المواضيع او الغاؤها​

نتمناو اقامتك تطول في هذا المنتدى ونستفادو منك ومن المواضيع لي راك تطرح فيها
ربي يبارك فيك اخي

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلام عليكم شوشو
يعطيك الصحة عالموضوع
سبقتنيني ليه هدا وين كنت نفكر فيه
يا ختي الحالة راهي مخلطة خلالالالالاص
و راهم كثروا فيها بزاف
الاقسام كامل ميمتين
مفيهمش نشاط و حيوية
بوغ موا راني ندير الي نقدر ليه
نقدر نساهم
مي المشكل ماشي فيا
اسمجولي النت راهي تتقطع بزاف عندي
و شوشو حنونة

يعطيك الصحةةةةةةةةةة ​

:tongue02::tongue02::tongue02::tongue02:
صحيتي اختي

ان شاء الله يلبوا النداء

شكرا :sport02::love01:

 

[السلطانة]

رد: بروبلام تاع أعضاء ادخلوا اللمة راهي مقلقة منكم

حالياً الأعضاء النشيطين الذين يشاهدون هذا الموضوع : 6 (1 عضو و 5 ضيف)
سلام اختي كل واحد عندوا ضورف كما انا عندي دارسة بصح راني في لمة
كاين لي يسجل يعدر حطرا مبعد يروح مازيدش gع يطل علا منتدى لمة
شكرا اختي تقبلي موروري

بيان سير كل واحد وليه ظروفو وكامل الناس ليها ظروف :thumb_up02:
وكيما قلت كاين لي يسجل وميزيدش يرجع لكن حنا كلامنا موجه للناس لي مسجلة ومتبعة طول
بارك الله فيك

 

[السلطانة]

رد: بروبلام تاع أعضاء ادخلوا اللمة راهي مقلقة منكم

اظنها فترة فراغ تمر بها جميع المنتديات وليس اللمة فقط
شكرا لك على الطرح

لااعتقد ذلك هنالك منتديات :up:

ان شاء الله تكون فترة فقط وتعود للنشاط بارك الله فيك

 

[Ľă Mîšš HîBă]

رد: بروبلام تاع أعضاء ادخلوا اللمة راهي مقلقة منكم

a

na kont msajlaaaaaaa mn 2009 wbsbab lhgraaaaaa roht frjlin mi 3fast 3la galbbbi w3awdt sajlt 3la wjoh qulque 3ibbad 3zaz 3liya hna hna cctt allrs mankdabbch 3lik mawlatli hta bannna wla gostto hna .......... wlhdith 9yas 3aychoch n5alo lbir bghtah​

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلام عليكم ورحمة الله
ههههههههه
"" هدا الموضوع برعاية:-شركة شوشو للانتاج المنغولي- وماكنلاه تعاندو""
نسيتيها وقيل هه

اهلا
هههه لالا منسيتهاش :d:d:d:d:d:d
في رأي الاعضاء كرهوا من يستناو المشرفين يعتمدوا مواضيعهم وكرهوا من الغلق العشوائي والحضر العشوائي وبالاخص الحضر هذا الحضر الابدي خسر المنتدى بزاف اعضاء مميزين واقلام قمة ,وحسسهم أنهم غير مرغوب فيهم فالاكيد راح يروحوا والاجدر كان التجاوز على بعض الاخطاء والتسامح نشوفو احسن ,
المنتدى صح شهد تجاوزات كبيرة من بعض الاعضاء لكن تعميم قوانين صارمة على الجميع مش صح
والله أعلم ^^​

والاعضاء كي ميعتمدش المشرف ليهم موضوع علاه يكرهو
تعرفي في سنوات سابقة
ماكانت هادي العقلية طول
كنا نسناو في واش راك تهدر باه يعتمدلنا عبدو مول الكوستيم
موضوع في سمانة كاملة نورمال
ولا الاخت هيلدا تاني
ونبقاو نسناو وكي يعتمدولنا الموضوع نطيرو بالفرحة
ونشاركو في الموضوع ونفوتو ويكاند فور
ودرك غير يتوخر المشرف في الاعتماد تنوض حرب !!!
مرات حتى العضو ميقدرش خدمة المشرف
مرات كاين مواضيع لازم يرجع فيهم المشرف للادارة
يشوف كان يعتمد الموضوع ولا نو لأنو مرات يحتار في نوعيتو او هل يتوافق مع القوانين او الواقع ...الخ
هادي كامل ميقدرهاش العضو
وزيد درك راه كي يغيب المشرف كاين المراقب يعتمد المواضيع
يعني ماش حاجة كبيرة :smile02:
والغلق ماكانش غلق عشوائي
نظن كنتي مشرفة وتعرفي الخدمة كيفاه صراحة صدمتيني بهدرتك !!!
شغل انو المشرفين يلبزو برك تجيهم في راسهم يغلقو المواضيع غلق عشوائي !!!

اما عن الحضر
راهي الادارة تسكت وتسكت
العقوبة اللولة تحذير بعدها حظر لمن يتجاوز القوانين والاخلاق
كاين حالات متتصوروش علاه يتحظر العضو !! لأنو فات فوق العِبر من فوق

في بالك انتي الادارة تحظر برك !!!

راكي غالطة في اعتقاداتك
شكرا.

مرحبًآآآ

أنَآآ معآآك سآندرينْ فِ كلّ اللي قلتيِه
و أنَآآ مثلْك ، بالرّغم من إنّو عندِي
مذكرّة تخرجْ و امتحآنآآت نهآئيّه و الجآمعَه بعيده على وين نُسكنْ
لكن رآني ندخل تقريبًآ يوميّآآً
لكنْ تعرفِي إنّو قسمِي المفّضلْ
منتدى بـوح الـقلم الحـر [ كـتابات حـصرية ]
و تلاقيني فيه دائمًآآ
و كُل وآحد و ظروفٌه ,,
و الغآيب عذره معَه
البنآت تزوجو ، و الشباب مغلوب على أمرهم
واحد يجري على خدمة و واحد حاصل فِي قرايته و كل واحد و كيفاه

موفقِينْ و ربِي يسهل أمور الكُل ياربْ
​

اهلا بعاشق الورد
نعم اكيد
ربي يوفقك ان شاء الله
ولو انو الانسان يخطف ساعة او اكثر فقط
ربي يوفق الجميع ويهنيهم

يعطيك الصحة اختي على هد الموضوع

كلنا نحس بهد الفراغ من مدة وليس اليوم فقط

مع ان المشكل ليس في الادارة و لن يكون في الادراة

المشكل في الاعضاء لان الاعضاء هم العمود الفقري للمنتدى

نجد بعض الاعضاء كما قلت يدخلوا للموضوع يحطوا جام و يخرجوا و كاين البعض يكتب تعليق شكرا على الموضوع

و اتحداه ان قرأ الموضوع اصلا لان همه الوحيد ان يصل للمشاركة الألف للحصول على خاصية الرسائل.

اهلا اخي الفاضل نجيب
اثرت نقطة مهمة جدا بالفعل هناك من يجمع المشاركات فقط من اجل الدردشة مع الجنس الآخر
المشكل الثاني في المواضيع المختارة من طرف العضو نحن نحتاج لموضوع نعيشه في حياتنا اليومية نحن نحتاج لموضع

مختصر الكلام نستفيد منه بسرعة و لا نحتاج لموضوع يشبه الجريدة او كتاب

و هناك الكثير لو دخلت لقسم الشريعة ستجيدين كل المواضيع على شكل كتاب و لو طرحت فكرتك عليهم يقولون بانك

ضد كلامنا و افكارنا ووو..
اوافقك الرأي هنا ايضا
كاين مواضيع في اقسام الشريعة طويلة عريضة
حتى ويقراها العبد ماش راح يهزها في راسو
لأنها نسخ لصق
وكاين اعضاء يشاركو غير تم
و هناك اعضاء مكانهم واضح في قسم الالعاب و التسلية هدا القسم أراه مخصص لمن يريد ان يصل للمشاركة الألف

و عليك التأكد من كلامي هناك اعضاء لا اعرفهم و لم أراهم من قبل في أي موضوع و وجدتهم في هدا القسم ينشطون
لاكان تشفاو نهار تنحاو اركان التسلية
ثارو اعضاء قالك ردولنا التسلية والادارة ومالادارة
هاو رجعو اركان التسلية واش استفدنا منها ؟!!!!

راهي جات بالعكس على بقية المنتديات
المشكل ليس في المشرفين لان المشرف عمله الوحيد اعتماد المواضيع و حماية المنتدى من المنقولات

لاكن للأسف نجد بعض الاعضاء ينقلون مواضيع من منتدايات أخرى و عندما يغلقها المشرف و ينقلها لمكان المنقولات

تجد العضو في حالة غضب كأنه سرقت منه أفكاره و تعبه و جهده .

و نجده أيضا يراسل المشرفين و يطالب بحقه كأنه مظلموم

صح كاين لي يراسل المشرف او الاداري بطريقة
تاع تقول حرب قايمة
والقصة ومافيها انو موضوعو مكرر
ومنقول زيد
يقولك علاه غالقو وباعثو للارشيف تقولو او مكرر يديرلك بيان اول نوفمبر نورمال
:bravo01:

نحن هنا لا نحتاج لمواضيع منقولة لا نحتاج لأي زائر من منتدى أخر يدخل للمة يضحك علينا بسبب المواضيع المنقولة

نحن هنا من أجل طرح أفكارنا و نسمع لبعضنا و نتبادل وجهة نظرنا

نحن هنا من أجل فرض أفكارنا و لسنا بحاجة لنسب مجهود غيرنا لنا

ربما أكون قد خرجت عن الموضوع لاكن حتى هدا سبب في الفراغ الدين نعيشه هنا في المنتدى .

أنا لا أكتب مواضيع في قسم أكتب فقط خواطر في قسم البوح لاكن يا سيدي ان تجولت في اقسام المنتدى سترى

تعليقاتي على مواضيع الاعضاء .
هاذي لي حابين الاعضاء يفهموها :up:

و هناك بعض الاعضاء ينشطون في قسم الشريعة الاسلامية لا يدخلون الى اي موضوع في المنتدى و لا حتى اي مشكلة

تقع و أتحداك ان وجدت تعليقاتهم في باقي أقسام المنتدى حتى في قسم مشكلتي الدي نحتاج لهم بفكرهم و اخلاقهم

لمساعدة الغير ألم يأمرنا الله سبحانه و تعالى بمساعدة بعضنا؟؟ ألم يأمرنا رسولنا الكريم بأحاديثه الشريفة و المقدسة

بمساعدة غيرنا و بعضنا ؟؟ لم لا تساعدونا بما حثه علينا الاسلام في قسم مشكلتي ؟؟؟

صح وألف صح

أختي القضية ليس قضية فايس بوك و لا دردشة و لا ادارة

القضية واضحة تدخل للموضوع نتاعي تعلق ندخل انا ايضا للموضوع نتاعك نعلق يعني المعاملة بالمثل هده هي الافكار

التي جعلتنا نشعر بفراغ و هناك ايضا ظرف اخرى مثل الامتحانات و العمل لاكن لدينا وقت و لو نصف ساعة لدخول المنتدى

اتمنى ان لا اكون قد خرجت عن الموضوع و اتمنى ايضا أن تصل وجهة نظري بالشكل الصحيح .

لان بعض المنتدايات يدخلها يوميا أكثر من 900 عضو و تجد في منتدى لمتنا اعضاء لا يتجاوز عددهم العشرين الفرق واضح

و موضوعين اثين واحد يتكلم على تعدد الزوجات و الاخر يتكلم عن الطلاق .

تقبلي مروري و اتمنى ان يكون منتدى اللمة في القمة بأفكارنا و أخلاقنا ​

بارك الله فيك اشرت لعدة نقاط مهمة جدا جدا

السلام عليكم ورحمة الله وبركاته وبعد
نشكر جميع اخواني و اخواتي الغيورين عاللمة و اللي حسيت فيهم خوف انو الاعضاء يروحوا و ما يوليوش.
ما نعرفش كيفاش كانت اللمة من قبل لكن حسب رأيي راهو منتدى مليح و في القمة منحيث
المواضيع متنوعة و عناوين تجلب القراء . وما نشوف اي عيب فيها المواضيع مختلفة و تناسب كل العقليات
الأعضاء بوجهات نظر مختلفة لكن بأهداف مشتركة و هذا اجمل شي
اما عن الفيسبوك فلا اعلم انا ما عنديش فيسبوك وﻻ تويتر وﻻ غيرو زوجي عندو فيسبوك و صحيح لا يفتح النت الا للنظر فيه
اما بالنسبة لي المشكلة هي:
انترنيت غير متوفر اﻻ من الهاتف النقال s3mini صعععععععب تكتب تعليقك فما بالك بموضوع لانو صغير و النت 2g
ومع ذلك باذن الله نحاول هاد الايام نشتري طابليت 3g
ايضا اظن التفاعل ناقص عن بقية المنتديات هذا راجع لكون ناس المنتدى ناس دراسة و شغل ما شاء الله مش متفرغين 100% للمنتدى وهذه فترة آخر السنة معليش نعطوهم فرصة يخرجوا العام و يتفرغونا . كذلك اوت شهر الفول قرب:d بلغة التجار هذا وقت الحركة قبل الركود
باذن الله مكاش سبب للقلق وﻻ الخوف رح يرجعو الاعضاء كيما كانو و احسن​

اهلا وسهلا بيك اختي ان شاء الله تضلي معانا ويعجبك المنتدى ونستفادو منك وتستفادي منا

السلام عليكم
شكرا لك أختي على هذا الموضوع
كاين بزاف لتقدري تعذريهم كل واحد او شغلوو
كاين لسجل في هذا المنتذى باش كاش ميسحق كاش معلومة يدخل يديها ويروح
انا كي ندخل منتدى اللمة خاوتي يضحكو عليا
يقلولي مزالك قديم الناس فالفيسبوك و تويتر وووو ونت مزالك فالمنتدى
بصح كاش ميسحاقو كاش معلومة يجو للمة
كاين بزاف كيما هك
أنا راني مسجل من 2010 او معنديش بزاف مشاركات
لخطرش كنت نكونكتي من السيبار
او فالسيبار تعجز تكتب
او كاين بزاف أعضاء يديرو اعجاب او يخرجو كاين ممبا ميقراش الموضوع
موضوع تلقى المشاهدات 400 ولرد فالمشاركة تلقى 2 ولا 3 تولي تكره او تعجز تكتب موضوع
مي ان شاء الله ضك راهو عندي أنترنات فالدار
راني تقريبا كل يوم نشارك فالمواضيع
مي ميهمنيش لي ميشاركش
نشكرك أختي مرة أخرى على هذه الصراحة
​

اهلا وسهلا اخي
انا عن نفسي يبقى المنتدى عندي افضل من الفايس والتويتر والانستغرام ووووو
من ناحية الاحترام والمعلومات واشياء كثيرة
بارك الله فيك ان شا ءالله ربي يجازيك خير عما تقدمه

 

[السلطانة]

رد: بروبلام تاع أعضاء ادخلوا اللمة راهي مقلقة منكم

انا نظن هي فترة او مرحلة وتجوز مثل الانسان يكون فى قمة نشاطو ومنين ذاك يجيه الخمول والكسل اومبعد يسترجع نشاطو ان شاء الله لما يتفرغ الجميع يرجع المنتدى الى نشاطه المعهود ومهما كان يبقى منتدى اللمة هو الافضل بالنسبة لى مهما كانت وتيرة عمله
وان شاء الله نداءك يوصل للاعضاء وكل واحد يعمل اللى عليه للنهوض مرة اخرى بالمنتدى
شكرا اخت ساندى على الموضوع ان شاء الله يكون هو الجرعة المحفزة للاعضاء باه يتلحلحوا شوية

ان شاء الله اختي بارك الله فيك
:graduation::love01::regards01:

 

[السلطانة]

رد: بروبلام تاع أعضاء ادخلوا اللمة راهي مقلقة منكم

أهلا بيك عزيزتي
أحببت أن ألفت انتباهك بخصوص الاعضاء المحظورين 95% منهم هم أعضاء يمارسون الاشهار لمواقعهم وهذا مخالف ان كان بدون اذن
اما بخصوص الـ 5% من الاعضاء الذين حظروا حظر ابدي على مدى سنوات فائتة فهم أعضاء تمادوا كثيرا في الكلام والتصرفات اتجاه أعضاء آخرين تصل للتهديد وتشويه وسب والقذف في الاعراض
وأيضا مع الادارة وهذا مالا يظهر للأعضاء العاديين فتبدو لكم الامور عادية وبسيطة في حين أنها عكس ذلك
فأعضاء مثل هؤلاء لا يمثلون التربية الصحيحة ولا أخلاق الفرد البسيط المسلم
لا أظن أنك قد ترحبين بهم حتى ضمن قائمة أصدقائك

شكرا ساندريلا على الموضوع ان شاءلله تكون فترة وتمر وترجع اللمة مثل زمان احسن

الحظر الأبدي وقليل فيهم
ان لم تستح فافعل ماشئت
شكرا :regards01:

 

[السلطانة]

رد: بروبلام تاع أعضاء ادخلوا اللمة راهي مقلقة منكم

السلآم عليكم


أنآ في بدآيتي مع اللمة كنت أكتب الموآضيع و أشآرك كثيرآ ~في البدآية ~

أعجبتني اللمة و لكن مع مرور الوقت رحلت كل الصديقآت تقريبآ أتت أخريآت جدد

أنشئنآ معهم صدآقآت جديدة لكن مع الوقت تحدث مشآكل الإنسآن يكبر

لآزم يولي ميحكيش تفآهآت ديفوآ وين يضحك ويحكي بزآف

مع الوقت بيآنسير الإنسآن يتبدل

المنآقشآت أصبحت أغلبهآ منآقشآت جآفة تحكي وتجيبي أدلة يقولولك أنتي حآسبة روحك وشوفي روحك

كآمل ولآو يحبوا يكونوا مشرفين ومشرفآت برك هذآ وش عجبهم

~ أنتي تقولي المنتديآت لوخرين مآعندهمش هدو الأمور

بيسك عندهم موآضيع بزآف تع الدردشة وين تروح فيهآ دردشة

وهنآ كلمة زوج يغلق الموضوع و تحذيرآت كي شغل درت حآجة غرآف

صح العيب رآهو فينآ مي رآكم تتعآملوا مع نآس هكآ يدخلوا بش ينحيو على بآلهم مش بآش كي يهدروا كلمة يغلق الموضوع

وزيد كآين حوآيج بزآف


ربمآ الأمر كمآ قلت وربمآ أنآ مخطئة للغآية ~سمحولي ويلآ جرحت كش شخص منكم في كلآمي وسلآم
​

اهلا وسهلا بيك بيلا عاش من شافك اختي
الدردشة التي لافائدة منها صراحة تضر بالمنتدى
اتصوري نفتحو ركن كامل خاص بيها
راح يتوجهولو الاعضاء ويهملو بقية المنتديات
واش نكسبو هنا وين راهي الفايدة والقيمة لي راح نكسبوها ؟
من غير كلام بلافايدة
مع انو كاين مواضيع تقدرو تدردشو فيهم
لكن تبقى الدردشة بحدود كي يزيد الشي على حدو ينقلب لضدو
شكرا اختي

 

[السلطانة]

رد: بروبلام تاع أعضاء ادخلوا اللمة راهي مقلقة منكم

مشكووور على الطرح وانا معاك في الراي المشكل من عدم تفاعل الاعضاء

صحيت اخ بلال
:regards01:

 

[السلطانة]

رد: بروبلام تاع أعضاء ادخلوا اللمة راهي مقلقة منكم

كلام صح مليون بالمية
كاين مشرفين الله يبارك يحاولو ينشطو أقسام تاوعهم ولكن للاسف الأعضاء مش ناشطين
مي حتى مشرفين ويتلامو
انا مثلا مازلت نستنى في واحد الموضوع انو يعتمد
حاجة كما هادي تفشل
وفي الأخير
مشرفين ولا أعضاء
كامل نتمناو انو لمتنا تكون نشيطة ​

اهلا وسهلا اختي
صح كاين منها
كي تشوفي موضوع طول باه يعتمد اضربي طلة على ملف المشرفين لي تما
كان لقيتيهم مدخلوش يعني اعرفي بلي راهم غابو وليهم اسبابهم
راكي كنتي مشرفة ومرات كنتي تغيبي ؟ لا !
وفي حال غياب المشرف يتدخل المراقب يعتمد الموضوع نيابة عن المشرف
او راسلي المراقبين يعتمدو الموضوع لأنو من حقك تشوفي موضوعك وقت ماتحبي
ان شاء الله ترجع اللمة تنشط اكثر شكرا اختي

 

[السلطانة]

رد: بروبلام تاع أعضاء ادخلوا اللمة راهي مقلقة منكم

انا مع الاخت عبير
صح نجيو نحكيو شوية نحيو على خواطرنا ترجوها حاجة كبيرة و تغلقوا المواضيع
لازم تديرولنا قسم لدردشة البنات و كل وحدة على راحتها كيما في كل بلاص

حتى الشباب لازملهم قسم باش لي معرفش حاجة يسقي خوه
قسم خااااااااااااااااص​

اهلا وسهلا اختي
عملنالكم في عالم المرأة مجموعات خاصة للدردشة
مي انتم متدخلوش ليهم !!
مجموعة أنسات اللمة واش تدير :tongue02: