مقروط ساهل

[ام اشراق]

السلام عليكم ورحمة الله وبركاته

اليكم وصفة ساهلة لمحبات المقروط

3كيلا سميد متوسط انا عبرت بكاس تاع الماء
كيلة خليط سمن +زيت
حبة بيض+ 1خمارة قاطو
ونلمو بالماء والماء الزهر
الحشوة
كوكاو او الغرس كما تحبوا
الشربات
كاس سكر +كاس ونص ماء
نخلطوا المواد الناشفة ونلموا بالماء والماء الزهر نتقسموا العجينة على 2
نحلوا العجينة الاولى فى السنيوة اومبعد نحلو الغرس على بلاستيك غذائ باه يسهل

علينا العمل ونحطوه على العجينة الاولى ونزيد نحل العجينة الثانية ونحطها فوق الغرس
نقسم مقروطات وننقشهم اذا حبينا

لما تحمر العجينة من تحت وتحمر من الجوانب نشعل من فوق
نسقى بالشربات
عند التقديم ممكن نزيدوا نفوتوا عليهم شوية عسل

وشهية طيبة للجميع
سلام


​

 

[بنقابي افتخر]

رد: مقروط ساهل

اممممم راه يبان يشهي معا الصباح.
يعطييييييك الصحة.

 

[أم منيــــــر]

رد: مقروط ساهل

يعطيك الصحة نور
يشهي جوعتيني على الصباح وانا صايمة
​

 

[بنقابي افتخر]

رد: مقروط ساهل

يعطيك الصحة نور
يشهي جوعتيني على الصباح وانا صايمة
​

صيامك في الجنة حبيبتي

 

[ام اشراق]

رد: مقروط ساهل

اممممم راه يبان يشهي معا الصباح.
يعطييييييك الصحة.

تعيشى اخت ليدى ربي يخليك شكرا لكرم المرور

 

[ام اشراق]

رد: مقروط ساهل

يعطيك الصحة نور
يشهي جوعتيني على الصباح وانا صايمة
​

الله يسلمك حبيبتى ام منير
وصيامك فى الجنة ان شاءالله

 

[سكون الفجر]

رد: مقروط ساهل

بــــآرك الله فيكِ حبيبتي نور على هذه الوصفة الرآئعة
تشبه البسبوسة لكن هذه بالتمر
جزاكِ الله خيراً حبيبتي ​

 

[ام اشراق]

رد: مقروط ساهل

بــــآرك الله فيكِ حبيبتي نور على هذه الوصفة الرآئعة
تشبه البسبوسة لكن هذه بالتمر
جزاكِ الله خيراً حبيبتي ​

وفيك بارك الله حبيبتى سكون
تشبه البسبوبة نقولوا نوعا ما لانوا البسبوسة تكون سائل اما هذى عجينة تحليها بالحلال وهى تشبه لبراج فى الشرق الجزائرى
شكرا لكرم المرور ربي يخليك

 

[Hakan]

رد: مقروط ساهل

روووعة وآخ ياراسي
راهو قرب رمضاان
والمقروط من اولويات رمضان عندي
بارك الله فيك مي يما ما تخدموش هكاك ويبانلي نتاعك مليح بارك الله فيك نور....​

 

[ام اشراق]

رد: مقروط ساهل

روووعة وآخ ياراسي
راهو قرب رمضاان
والمقروط من اولويات رمضان عندي
بارك الله فيك مي يما ما تخدموش هكاك ويبانلي نتاعك مليح بارك الله فيك نور....​

وفيك بارك الله اخى حكيم
نظن الوالدة تخدموا بالحبة وانا خدمتوا هنا فى بلا تاع الكوشة كما قلب اللوز هذا مكان
ويبقى مقروط الام لا يعلى عليه
شكرا لكرم المرور ربي يخليك

 

[Hakan]

رد: مقروط ساهل

الله الله عليك تقول دخلتي للدار باينا عليك تعرفي الكوزينة مليح
كي قلت الميمة تخدمو بالحبة ربي يهنيك ...​

 

[ام اشراق]

رد: مقروط ساهل

الله الله عليك تقول دخلتي للدار باينا عليك تعرفي الكوزينة مليح
كي قلت الميمة تخدمو بالحبة ربي يهنيك ...​

ههه واش مورانا الكوزينة مرجعنا الاصلى والحلوى نعرف فيها مليح
تعيش ربي يخليك على المداخلة العطرة
شكرا جزيلا اخى حكيم نورت الموضوع

 

[Nilüfer]

رد: مقروط ساهل

السلام عليكم

روووعة

يعطيك الصحة
​

 

[ام اشراق]

رد: مقروط ساهل

السلام عليكم

روووعة

يعطيك الصحة
​

وعليكم السلام
مرورك هو الرائع حبيبتى ربي يهنيك

 

[samah06]

رد: مقروط ساهل

الله يبعثلك الخير سخفتيني وانا نشرب في قهوتي حفيانة
يعطيك الصحة هاذ ليام نجربو
شكلو جديد و يشهي

 

[ثَسْكُورْثْ نَثْدُوكْلِي]

رد: مقروط ساهل

سلاام عليكم اختي ممممم باين يسخف يعطيك الصحة وبصحتكم

وفكرة مليحة ماشي بالحبة يعني بالحربوش هكا على ضربة تقطعي برك وخلاص

مليح ان شاء الله نجربوه

تحياتي وراني هزيت وحدة نشرب بيها القهوة دوكا هههه

سلاام

 

[Malika Tlm]

رد: مقروط ساهل

يعطيك الصحة نور راه يشهي راح

نجربو ان شاء الله شكرا راكي عرفتينا

علي طريقة جديدة

 

[ام اشراق]

رد: مقروط ساهل

الله يبعثلك الخير سخفتيني وانا نشرب في قهوتي حفيانة
يعطيك الصحة هاذ ليام نجربو
شكلو جديد و يشهي

ههه لوكان جا يتفليكسى والله مانخلى اختى تشرب قهوتها حفيانة
ربي يخليك اخت سماح على المرور العطر ربي يخليك

 

[ام اشراق]

رد: مقروط ساهل

سلاام عليكم اختي ممممم باين يسخف يعطيك الصحة وبصحتكم

وفكرة مليحة ماشي بالحبة يعني بالحربوش هكا على ضربة تقطعي برك وخلاص

مليح ان شاء الله نجربوه

تحياتي وراني هزيت وحدة نشرب بيها القهوة دوكا هههه

سلاام

وعليكم السلام
ههه الطبسى راهو كامل ليك ياسارة
جربيه وان شاء الله ينجح معاك
شكرا لكرم المرور ربي يهنيك

 

[ام اشراق]

رد: مقروط ساهل

يعطيك الصحة نور راه يشهي راح

نجربو ان شاء الله شكرا راكي عرفتينا

علي طريقة جديدة

الله يسلمك اخت مليكة جربيه وان شاء الله ينجح معاك
شكرا لمرورك العطر ربي يهنيك