فطور أول يوم رمضان

رنيم الصمت

:: عضو بارز ::
أحباب اللمة
إنضم
13 جويلية 2008
المشاركات
4,198
نقاط التفاعل
2,040
النقاط
351
السلام عليكم
اللهم بلغنا رمضان لا فاقدين ولا مفقودين
ان شالله تصوموه بالصحه و الهنا و يتقبل منا صالح الاعمال
ايا الشاطرات قولولنا عاداتكم وش طيبو اول يوم رمضان للفطور ؟

انا ان شالله راح ندير شربة فريك طبعا لازم نفتتحو بيها رمضان .. و سفيرية بالفرماج
بوراك العجينة و الحلو و اوردوفر و للتحلية بسبوسة
عجوزتي الله يرحمها كانت دير بطاطا مقلية و تبعث لجيرانها كامل

وانتم؟

في انتظار تفاعلكم
 
رد: فطور أول يوم رمضان

حنا في الفطور شربة +طاجين حلو ^^
 
رد: فطور أول يوم رمضان

الله يبارك خفيف ضريف ... ان شالله تصوموه بصحتكم
 
رد: فطور أول يوم رمضان

احنا ثاني في اليوم الاول نديرو طاجين الحلو بصح ماهوش وحدو . انا مازلت ما خممتش وش ندير.
 
رد: فطور أول يوم رمضان

اممم بصحتكم
انا الحلو ديجا موجداتو في الفريجيدار يبقى جديد اياماااات
 
رد: فطور أول يوم رمضان

اولا الله يبلغنا جميعا
احنا نديرو الحريرة كامل الشهر ما تنقصش نهار كاين لي ينوعو مرة حريرة مرة شوربة بصح انا في داري الحريرة كل يوم كامل نحبوها
الطاجين لحلو كنت نديرو في سنوات مضت درك ما نديروش لاخاطر ما ياكلوهش مع السخانة يحوسو غير على حاجة خفيفة وباردة
ما زال ما قررتش واش ندير صراحة
تصومو بالصحة والهنا
 
رد: فطور أول يوم رمضان

السلام عليك
إن شاء الله يدخل علينا بالصحة و الهناء
كل عام يجي بخيره
راجعتلك إن شاء الله بعد حلول الشهر الفضيل
 
رد: فطور أول يوم رمضان

سلام اهلين بحرائر لمتنا :regards01::regards01::regards01:

والله راني مازلت نخمم في عاداتنا نديروا شربة فريك و طاجين حلو باه يحلوي ربي ايامنا في رمضان :d:d:d:d:d

اما انا هذا العام راح تكون عندنا ضيفة هذا الشهر الي هي عمتي نافسة و راح تجي عندنا نهزها هي و اولادها يعني راح نعمل الريجيم ليها نقصد البويون بالخضرة
و راني نخم نفتتح الشهر الكريم بطاجين فرماج و شربة و طاجين حلو بتفاح و بوراك و سلاطة
و مزالنا نخمموا
و راني لقيت وصفة عجبتني باللحم تع الدجاج و الفطر هايلة راح نوريهالكم الايام القادمة ;);););)
ربي يخلينا نصوموا و نقوموا الشهر الفاضل على اتم وجه و ربي يثبتنا و يغفر للجميع :regards01::regards01::regards01::regards01:

و ربي يعينا على حرارة الصيف و الكوزينة :thumb_up02::thumb_up02::thumb_up02::thumb_up02:
 
رد: فطور أول يوم رمضان

يعني اختي قلتي غير الشاطرات
والشاطرين من الرجال وين راحو
على العموم انا نعرف نذوق بحاسة الشم القوية نتاعي
وبعيني نعرف اسكو الماكلة طايبة مليح ولا
نجو للعادات
حنا عدنا شربة فريك
نديرو البكبوكة
الجلبانة
طاجيي حلو
البوراك
شطيطحة بوزلوف
السلطات بانواعها والوانها

وبالصحةوالهنا
مشكوريين يا آىنسات وسيدات الطبخ ...وردو بالكم تغلطو باسكو الوالدة تاعي رمضان دايما يروحلها نهار ولا زوج
نطل عليها نلقاها تذوق في الشربة هههه الله يعاونكم..
 
آخر تعديل:
رد: فطور أول يوم رمضان

وعليكم السلام ان شا ء الله شربة فريك وحلو وسلاطة


اللهم بلغنا رمضان ^^
 
رد: فطور أول يوم رمضان

وعليكم السلام

اللهم امين يارب

وتصوموه كاامل بالصحة والهناء


_____________________


احنا نديرو :

هذو ثابتين : شربة فريك + فلفل مهرز ( حميس )

هذو يتناوبو : طاجين زيتون + طاجين لحم لحلو + لكباب ...

والله اعلم واش نديروو في اليوم الاول ربي يوفقنا

المهم بالصحة والهناء والله يرزق ويعين كل فقير ومحتاج يارب

تحياتي لك

شكراا

 
رد: فطور أول يوم رمضان

وعليكم السلام
رمضان كريم وكل عام والجميع بخير

في اول يوم مازلت ما قررتش بالضبط
بصح ممكن نطيب هاذو
جاري فريك لازم واكيد
طبق رئيسي ممكن يكون غراتان وممكن طاجين الكفتة بالزيتون
خبز الدار وبوراك وسلطة وتحلية
الصراحة احنا عايلتنا قليلة وما نطيبوش الاطباق بزاف
اولا ما نقدروش ناكلوا ثانيا حرام نعمة ربي تضيع


 
رد: فطور أول يوم رمضان

وعليكم السلام
رمضان كريم وكل عام والجميع بخير

الله يقدرنا ويوفقنا اجمعين
اليوم الاول زمان ماما دير طبق الحلو لكن ماناكلوش
ايا ان شاء الله راح نديرو فريت مسقية بروا مع لحم
بيتزا صلاطة وحريرة مع فواكه
ان شاء الله هاد رمضان رانا معولين تكون حاجة خفيفة وقليلة الا ادا جاو ضياف :)
الحمد لله
 
رد: فطور أول يوم رمضان

السلام عليكم ورحمة الله
صح رمضانكم وكل عام وانتوما بخير
أما أنا بإذن الله أندير شربة فريك ، بوراك ، لحم لحلو ، سلطة متنوعة، والطبق الثاني ربما طماطم محشية
 
رد: فطور أول يوم رمضان

اولا صحا رمضانكم
مهما كانت العايلة كبيرة وتتشهى وقت الفطور ماراح ياكلوا والو غير ينقبو شوي شوي ..
الفطور انشاء الله: شوربة فريك +بوراك +شلاطة
 
رد: فطور أول يوم رمضان

حنآ نديرو شربة فريك, شلاظة, بوراك (شوية تاع اللحم و شويا تاع البطاطا و الفرماج), و السوفليه, و الطبق الثاني بالاك كباب, اللحم الحلو (طاجين الحلو كيما تقولو)و خبز المطلوع و المشروبات (كوكاكولا, حمود, الشاربات) و التحلية ( زلابية, قلب اللوز...)
 
رد: فطور أول يوم رمضان

النهار الاول
حريرة وبوراك وسلاطة هادو ضروري
ونزيد طاجين لحلو ضروري النهار الاول بصح نديرو شغل تحلية بلا لحم خاطرش ماناكلوهش غي ندوقو برك ندير طبسي صغير شوية برقوق وشوية زبيب ولوز برك ونزيد طاجين لحم باللوبيا خضرا وفريت
لكان غي انا وراجلي ندير حريرة وبوراك برك ماناكلوش سيرتو النهار الاول بصح اخو راجلي ياكل عندي ومايحبش لحريرة ولحلو
وغدوة ندير قلب اللوز نوجدو هو والفلون نديرهم فالليل

رمضان كريم للجميع
 
رد: فطور أول يوم رمضان

سلام عليكم
كل عام و انتم بخير يا اهل اللمة
ينعاد عليكم بالخير و البراكة
وان شاء الله نصوموا بالصحة
حنا عادتنا في عنابة راهي معروفة نهار الاول
جاري فريك
ملقة حلوة (طاجين حلو )
بوراك
سلايط بجميع انواعها كعاد صيف و السخانة

اما تحلية

زلابية الله الله

تاي بانعناع

flan

باذن الله نصور و نحط الصور

موفين وربي يجعلوا رمضان مبروك علينا
لا تنسونا من صالح دعواتكم
وعليكم السلام​
 
رد: فطور أول يوم رمضان

الله يبارك ما شاء الله راني نتخيل في موايدكم ربي يدوم النعم
تصومو بالصحه والهنا
 
رد: فطور أول يوم رمضان

السلام عليكم عندنا اليوم الاول فيه الحريره المحمر السلاطات بانواعها الحلو باش يجي باقي الشهر حلو انشاء الله والتحليه الحلو ندير بزياده نبعث للجيران
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top