عندي بنتي 5 سنوات تقريبا بصح تقول مولات 80 سنة
ساعات نحتار عليها الى درجة الخوف عليها وساعات نتعجب منها الى درجة الضحك .
كثيرة الكلام بدون توقف راني نقولكم بدون توقف بكل ما تحمله الكلمة من صداع .
ساعات نجلس متخفي عليها ونتفرج فيها تقوم باشياء خيالية وتخترع وقائع وحالات واحاديث وسيناريوهات بشخصية واحدة اللي هي شخصيتها .
ساعات نحسب الدار معمرة اولاد وفي الاخير نلقاها هي والحيط عاملة حالة .
وساعات نعيطلهم ارواحو كامل كيما راكم حتى تجي مولات الحنك وحيدة تتمختر .واش آآآبي .
هذا تزوجوا هاذي تطلقها الاخر ادخلو للمستشفى هذا ادخلو في حيط الدواسات العرضات هنا ولهيه الاعراس والطهارات هي كلها على بعض عائلة كاملة .:surrender01:
ساعات نخاف تباصيني في كاش حكاية من راسها :cray02:
يعني نحتار في حجم دماغها واش راه حامل من شخصيات وسيناريوهات وووو
ونخاف على المحرك نتاع فمها لا تتعب من الحديث ولا تمل .
ولما تحب ترتاح تاخذ الهاتف وتشايخ مع صحاباتها اللي هوما اصلا مكانش منهم .
والان مع ايام رمضان رانا صابرين والصراحة لفتت نظري حالتها لاني قبل رمضان
والاجازة كنت قليل التواجد في النهار نشوفهم من العشاء للعشاء تقريبا .
وكيما يقولو عيش تشوف ولا ريح مع اولادك تشوف
اتهلاو في اولادكم وربي ما يحرم منهم انسان .
آخر تعديل بواسطة المشرف: