- الأوسمة
- 6
اهــــــــــــلآ بحبيبــــــآتي،
بالنسبة للمعجنآت، اخترت:
Des Cornets Salés
( ممكن البعض شافوهم في جهة اخرى :d مالقيت الوقت حتى نغير، قلت يا الله نشآرك بيهم وخلآص :-r)
مقآديــــــــــر الوصفة:
العجينة: 250غ فرينة، رشة ملح، 2 م ك زيت، 2 م ك زبدة ذائبة، 1 م ص سكر، 1 م ك خميرة خبز، 1 م ص خميرة حلوى، ماء نلموا بيه العجينة.
( م ص: ملعقة صغيرة، م ك: ملعقة كبيرة)
الحشو: اختياري، احيانا نعمل صوص تومات مع كفتة وفرماج، احيانا بطاطا وجزر نقطهم قطع صغيرة، نفورهم ونلمهم بالمايونيز مع شوية ماييز و زيتون مقطع وبيض رابي، وديفوا تبقالي الفلفلة (حميص) ما يحبوا ياكلوها نحشيهالهم :d
طريقة التحضــــــــير:
نخلط جميع مكونات العجينة، نلمها بالماء حتى تتماسك، ندلكها لمدة 5 د ونغطيها بالنايلون مليح ونخلوها تخمر،
نحضر الحشو، وندهن ليمول ديال الكورني بالزيت،
نحل العجينة بالحلال على شكل مستطيل، ونقطع اشرطة طويلة،
ناخذ شريط ونبدا نلف على المول من راسو ونجو هابطين، اذا بقى من الشريط نقطعوه،
صففتهم في صينية فرن بها ورق الطبخ، دهنتهم بصفار بيضة وضفتلهم السانوج، و دخلتهم للفور،
لازم يحمارو مليح من فوق،
نخلوهم يبردو ونحو ليمول بالعقل برك حتى ما يتكسرش الكورني،
درت فرماج قطع في عمق الكورني وبعدها الحشو وكملت بالفرماج رابي،
وبالصحــــــة والعآفية :-r
ســـــــــلآمي
