ساعة روطار ولا رقدة فالسبيطار ...!

[mà_dikrà]

رد: ساعة روطار ولا رقدة فالسبيطار ...!

الـسَلآمُ عـليْكُمْ

كـي شـفت الـعـنوآن جيت نـجري عـجبني خخخ
والـوضوع فـ القمة
سيغتو فِ ولـيـنآ فـ وقت عـ أبسط حآجه يقولو باغين نموتوا
ولي يموت يقولوا بصحتوا تهنا .. وتمني الموت حرام !!
والطاكسي ولاو بلا برملي ويسقوا -_____-
و يدورو ب الطونوبيل كأنـو فِ مـضمآر تآآع سـبآق :/

ربي يـهدي الـجميع
ومرسي عـمي حـمزه .. :d​

 

[لؤلؤة قسنطينة]

رد: ساعة روطار ولا رقدة فالسبيطار ...!

وعليكم السّلام ورحمة الله وبركاته
أستغفر الله ولا حول ولا قوّة إلاّ بالله
والله قلبي يوجعني لما نسمع هكا
لأنو رمضان هادا خرجنا مرتين لزيارة الأقارب
كلّ مرة نخرجو فيها نلقاو حادث
وهاديك السيارة تلقاها تشوهت خلاص
وياريت يكون لي راكب فيها ما تشوهش كيفها
لأنو كيما قلت الحديد يروح على روحو المهم روح الإنسان
ولي يغيض كتر أنهم ساعات يديو معاهم ناس أبرياء
ما عندهم حتى ذنب ، واش نقولو ؟؟
ربي يهديهم وينقصو في هاد السرعة الجنونية
لي رايحة تدي حياة الشباب
شكرا على الموضوع القيم
تحياتي الخالصة​

 

[sahiko hamza]

رد: ساعة روطار ولا رقدة فالسبيطار ...!

بارك الله فيكم لآنكم فهمتوني
نتمنى برك تعاونوني في تقديم رسالتي
والله الخطر تاع الطريق اخطر من الخطر تاع الجرذان لي نبحو شويا والحمد لله قضى عليهم الجيش الوطني


الف شكر على تثبيت الموضوع .
​

 

[جليلوس]

رد: ساعة روطار ولا رقدة فالسبيطار ...!

معك حق أخي
شكرا لك بارك الله فيك موضوع رائع وجا في وقته
بكري ياحسراااه قليل وين تسمع صرات اكسيدون
أما الآن كل يوم حتى ولا شيء عادي
حتى أنو ولينااا مستحيل نمشيوا في الأوتوروت و مانشوفوش زوج ولا ثلاث تاع ليزاكسيدون ... الأرواح التي حصدت تلك الطامة الكبرى
هذا كله إنتقام من الله عز وجل لاحول ولا قوة الا بالله
والله يلا الناس رايحة اطير ... اول امس عائلة كانوا جايين من الاغواط ماتت الخالة وبنات الاخت صغار عاد كي ربحوا البيام وزيد معاهم زوج الخالة ... ولوكان تشوف الحادث 4 سيارات داروا اسيدون في دقيقة ... قبل العيد بيومين تاني زوج ماتوا في البلاص ... هي صح مقدرة من عند ربي بصح الحذر واجب الله يرحم لي ماتوا ويجعل مثواهم الجنة ... واش نقولك احنا عندنا وحد الطاكسيووور طياااارة الناس كامل تشكي منو وكي تقولوا نقص يقولك ماعجبكش الحال انزل راني في طاكسي تاعي ... شكون يسالني .... والله شعب يحير تجي تفهم دوووووخ
الله يهدينا ويسترها معانا يارب ... صراحة الطريق راهي تخوف والاعماااار بيد الله ... الحفظ ياربي الحفظ
جزاك الله خيرا أخي

​

 

[MiriRina]

رد: ساعة روطار ولا رقدة فالسبيطار ...!

السلام عليكم
موضوعك في القمة
وي هاد ليامات رانا غير نشوفو في ليزاكسيدون
ولي يجي يقلك فلان مات ..واش سبتو هاك تعرف
وهادي ولات بارتو في رمضان ولا غيرو
وسباب الحوادث لي جان لي ولاتو تلقاه معندوش
البارمي ولي عندو تلقاه مداير الغنا على طولو وحارق
الموتور يزايد بطوموبيلو كوم كوا هاني وشوفوني
ربي يهديهم ان شاء الله شكرا ع الموضوع

 

[غريب الديار]

رد: ساعة روطار ولا رقدة فالسبيطار ...!

موضوع هادف .. وفي وقتو ..

الله يعطينا ويعطيهم العقل ..

بارك الله فيك ..

 

[ثَسْكُورْثْ نَثْدُوكْلِي]

رد: ساعة روطار ولا رقدة فالسبيطار ...!

سلام عليكم خويا

والله غير صح للاسف الشديد احصائيات كبيرة في رمضان وفي العيد و كل يوم
رانا نشوفوها ونسمعوها في تزايد
ربي يستر برك هذا مكان

وربي يهديهم مايحترموش القوانين كااامل

ويروحو فيها ابرياء

على كل كيما قلت ربي يرحم الموتى

وربي يصلح كاامل السائقين ..

شكرااا على الموضوع

تحياتي ​

 

[Ønlÿ Mę]

رد: ساعة روطار ولا رقدة فالسبيطار ...!

شعب خطيه الفهامة