ساعدوني ارجوكم.

[بنقابي افتخر]

السلام عليكم
واش راكم لاباس
انا الان اعاني من ابنتي التي تبلغ من العمر سنتين
وراني حابه نحيلها ليكوش
وهي لي بدات تنيحه وحدها وتوسخلي الدنيا
وضوك راني حابه نحيلهاها مبصح
راهي معذبتني مالقيتش طريقه كيفاه نخليها قبل ما تبهدل الدنيا تقولي
لا لا هي حتى تبهدلها عاد تقولي ماما كاكا. اكرمكم الله
والله مالقيت حل الا عند الامهات خبرة يفيدوني
واجركم عند الله

 

[ضآحكة مستبشرة]

رد: ساعدوني ارجوكم.

ان شاء الله يفيدوك الامهات​

 

[ЯǾᵯẫḭṧşẰ]

رد: ساعدوني ارجوكم.

السلام عليكم
مشكل تعاني منو بعض الامهات
علميها تقعد ف البو ادا عندك
كلخيلها قلها اقعدي فيه نكافيك بلعبة ولا بفاكهة
المهم ماتكونش حلوى
ولا تخرجيها لزنقة
قعديها فيه واعطيلها الالعاب دياولها قدامها
وهكدا شوية شوية ان شاء الله تنجح الطريقة معاها


​

 

[بنقابي افتخر]

رد: ساعدوني ارجوكم.

مانفع معاها والو ......

 

[حياتي ابداع]

رد: ساعدوني ارجوكم.

لازم تلاحظي جيدا الاوقات اللي تعمل فيها عادة الاطفال يعملو في الصباح بعد ما ينوضو مباشرة من النوم و تتناول حليبها حطيها فوق البو مع حاجة ممتعة انا بنتي كنت نخليها تتفرج فالتلفزيون و لازم تغنيلها و تصفقيلها و تحاولي تشجعيها و إذا محبتش تجلس حذاري انك تعيطي عليها ولا تضربيها لانها رايحة تكرهلك البو. و حتى ما تعمل والو افرحي بيها المهم توالف البو . و اذا عملت على روحها خاطبيها بلهجة حازمة و اديها للبو و قوليله هنا ديري كاكا.
و حاولي تستعاديها مثلا كل ساعتين حطيها.
و كل طفل واش يحب انا بنتي الكبيرة والفت البو من عمر 9 اشهر و ضرك في عمرها 4 سنين تحب تقعد عليه . اما ابني الثاني عمرو عامين و 4 أشهر رفض البو رفضا مطلقا كي نحطو يبدا يصرخ و يبكي بصح يحب يروح للحمام راني عقابو باه يوالف احيانا يعمل فالحمام و احيانا على روحو.
و بالتوفيق.

 

[*amina*]

رد: ساعدوني ارجوكم.

الاخت حياتي ابداع كفات ووفات اختي اسومة
انا وليدي عمرو عامين مزال منحيتولوش وتلاقاتلي بالشتا قلت نخليه حتى للعام الجاي بويسك يشرب الما بزااااااااف ومزال ميفهمش مليح

 

[حياتي ابداع]

رد: ساعدوني ارجوكم.

اختي امينة الامر لا يتعلق بأنو يشرب الما بزاف. وانما باستعداد الطفل باه ينحي الحفاظ . و تعرفي الطفل بلي راه مستعد اذا صار يطول باه يشمخ الحفاظ ساعتين او أكثر. و هنا لازم تعلميه النظافة متقوليش نخلي للعام الجاي لانو هذا متعلق بالنمو النفسي السليم للطفل .

 

[مريم.]

رد: ساعدوني ارجوكم.

ربي يعينك انا مزال معنديش الاولاد ادعيلي

 

[بنقابي افتخر]

رد: ساعدوني ارجوكم.

ربي يرزقك بالذريه الصالحه انشاء الله

 

[حياتي ابداع]

رد: ساعدوني ارجوكم.

أسأل الله أن يرزقك ذرية تقية صالحة عاجلا غير أجل
أختي أكثري من الاستغفار ففوائده عظيمة

 

[المرشدي]

لاول مرة بمصر العلاج في تايلاند بأفضل الأسعار والخدمات

لاول مرة بمصر العلاج في تايلاند بأفضل الأسعار والخدمات , أحد أرقى المستشفيات الكبرى المتخصصة في تايلاند مع مراكز متخصصة في جراحات التجميل , الجلدية والتجميل, أمراض الشيخوخة, السرطان, الأسنان, العيون, الجهاز الهضمي والكبد, جراحة العظام ,أمراض الأطفال.
أسعار تنافسية مقارنة بالمستشفيات الأخرى.
الرجاء التواصل معنا على البريد الإلكتروني :
thai_health@almurshidi.com
thai.hospital2020@gmail.com