نديها Gاورية ادخلو تضحكو شوياا

[chahinez23]

رد: نديها Gاورية ادخلو تضحكو شوياا

السلام عليكم ....

اني كنت نشوف فاها ادي ف النهار هههههههه الله غالب الشبيبة تعناا كارهاا حياتها مادابيهم يديو الgاورية عجال les papier c tt
بصح كي نجيو لهدرة الصح الgاورية تحب تحكم في الراجل و يحبو السهريات ويحبو واحد يصرف عليهم المهم حتي بنات البلاد فيهم وعليهم مشني قاعدة نطيح فيهم just نهدر ف la vérité والله كاين بنات ساعات نحير فيهم كيفماه عقلية عيانة خلاه يتكبرواا اني نشوف فيهم بعيني
و كاين بنات الله يبارك تربية و فحلات صح ... و ماشي البنات كل ما يتفاهموش مع العجوزة والله عندنا في la famille كنة ماشاء الله بصح العيب جاا في العجوزة ههههه الله غالب ديما تلقا مشكل لكان مش في الكنة تلقاه في العجوز ....

ااااا تفكرت اداكا لي قال خاطب وحدة من المكسيك ههههههه يتمسخر بينا يخساب فينا منعرفوش المكسيك ام في الهم مساكن الفقر قاتلهم .... اي بلادنا خير من بلادهم كون جات من فرنسا ولا الماريكان ماعليناش بصح من المكسيك هههه غير هادي لي منسكتش علاها lolll :p​

 

[Hakan]

رد: نديها Gاورية ادخلو تضحكو شوياا

السلام عليكم خويا مشكور على الموضوع

وي راني نعرف بزاف يديو القاوريات علة الاوراق في الاغلب مي كاين الي يداها على جال الزين

مي ربي يهديهم زينها راح يدخلك الجنة

راك مخلي بنت بلادك من دينك و طينتك و رايح لوحدة اجنبية ما تعرفش جدها من وين

لكان على يماك خويا و الله كاين بنات حلال ( كيما انا هههههههههههههه)

يتفاهمو مع عجايزهم مي الله غالب كاين بنات تروح من دار باباها معلنة الحرب على عجوزتها

و في حكاية الفريت اومليت كاين الفحلات الي كل صبع بصنعة مي كاين الي من الفريت اوملات و البيتزا ما تخرجش ( حرام عليك راك جوعتني ههههه)

المهم خويا رانا غير نضحكو و الاخت ما كانش قصدها ما تزعفش


​

ههه ربي يهنيك المهم اذا كانت العين زرقة والشعر صفر لا لا ورااسك غير نجيب العجايز نتاو وساارة كاامل ههه
ربي يهنيك اختي نقصرو برك ​

 

[Hakan]

رد: نديها Gاورية ادخلو تضحكو شوياا

سيفري خويا
قالولي في النرويج كاين ازمة شباب
والزواج في لالجيري بروسي ودار شرع
املا لحب يتزوج راه وصل روحه للحبس بيده
نتوما في ميزكم كاين زواج في الجزائر
والله غير ضياعة تاع الدراهم
الوالدة قاتلي لم باه تتزوج
قلتلها يما قوليلي لم دراهم وروح قيسهم
ومن تقيسهم قارع شغدي جيك (بدون تفاصيل)

شكرا لك خويا




​

ههههههههه راك تقصف نتاع الصح ياخويا سفياان نورماال نروحو كيف كيف وديجا اسباانيا راهي قريب من الجيهة نتااعكم
شوفلنا كااش فلووكة نروحو ياجد العين الزرقة بااطل هههههه
نقصر ربي يهنيك خويا وراني متوحشك ياااسر شحال عندي ما شفتكش في الموااضيع نتاوعي​

:love01::love01::love01:

 

[Hakan]

رد: نديها Gاورية ادخلو تضحكو شوياا

سلــــآمــ عليكمــ

~

كلـآني قلبي بغيت نرد قبل ما نكمل نقرآ الموضوع

أغلبية اجاباتهم توقعتها باسكو حفظنا هاذ السيدي من شبابنا الجزائري الموقر

راح نرد عليهم واحد واحد

الأول نقولو :امك في كل الحالات رح تموت بليكريز ،،،الجزايرية خاطر لسانها فيه مترتين ومش رح تسكت على حقها ،،،والقاورية رح تشوكيها بخدمتها المذرحة ما تلقاش منين تعاود تربي في عوض متجيب مرا تقوملها ولدها تولي تقومهم في زوج،،،ملا شد فاللسان الطويل خير اوموا كل صبع بصنعة لول

الثاني : قتلتونا بهاذ الجملة عدنا كل ما نوضو الصباح نشوفو فلمراية ،،فاه خير منا القاورية ؟وسوستونا ياو هه
اذا فتو وحدة لابسة كي القاوريات ومتشبهة بيهم تسمعو شتى انواع السبان والاهانات (وبالمناسبة اذا كانت هذه غيرة منك على بنت بلدك واختك المسلمة فمتكونش بالسب و الشتم ) اسمحلي علابالي دخلت فالسيريو مي لازم هاذ الهدرة تنقال
واذا سترت روحها وما بينتش مفاتنها تقولو مش زينة ،،،على اساس فالدزاير كاين غير لويزدافيد وخوه ههه


والاخير قالهم نجيبها قاورية بااسكو ماكاانش اللي يعرفهاوعلاش : قالو ساعات الواحد يرووح يخطب يقولولو ماشي هي هاديك فتيحة اللي كانت تسكن في الحومة نتااع ديدوش مرااد وكانت تقرى معاياا هههه وهادي صح كااينة ...(هنا جفت الافلام امام كلماته هه بيسك عندو الحق) ردو بالكم تدو فتيحة وتتبهدلو


مي سؤال للشباب تاعنا :زعما بيكم القاورية ولا ،،،،،،؟نقول ولا لالا؟
امسح الموضوع خير ما نفضحك ازرب يا الله :p

تحياتي^^

ههههه الوحيدة اللي كي ترد نحس في الكلمات نتاعها الغاام نتاع عهد الاستعماار ههه نخليلك هذي الرساالة في هذي الصوورة
ونزيد نحكي لخيتي ياي الرااجل ما يتعاابش والعقلية نتاع بنات الجزاائر هي اللي وصلتهم هكاك والله يابن عمي تخوفو فينااا
خلعتونا بالوجوه الملطخة
وخلعتونا بالسومة نتااعكم وخلعتوناا بكل شيء يتعلق بالارتبااط بكم ومن بعد تجي حنونة تقولك وااش الفرق بيني وبين القااورية ياي القاوية عندها علااقة وثيقة بالهناا والرااحة واروااح لا كانت مسلمة ما عندهمش الغيبة وما عندهمش اللسان الطويل والشغل ما تقوليلي الدزيرية ياك كاين الانترنت زوج دقايق تدخل القاورية لحصة نتاع master chef
وتحضرلك وصفة على الكاتالوg والنسااء كيف كيف كامل يتعلمو مي الزين والعينين الزرق من عند ربي


وهاكي الفوطو وشوفي هههه
وزيدي شوفي روحك في المراياا ههه نقصرو


وغير قولي والله كي تجي الحااجة الجدية بقالب مزااحي تجي خفيفة على القلب حنا ما بينااش القااورية بينا كل شيء رايح يصرى من ورااء الاجنبية ولادك يترباو على العلم والدرااسة ماشي تخرجهم على الصبااح يرجعو مع العشوة
الخدمة تخدم في خدمتهاا ماهي قااعدة تقصر مع فلاان لا تحكي على قصة فلاانة
ههه ننتظر منك الرد ختي وتحيا باتنة منا لصبااح

​

 

[Hakan]

رد: نديها Gاورية ادخلو تضحكو شوياا

السّلام عليكم

و ها قد عُدت ^^
أوّلاً نشكرك أخي على الموضوع لي دائما يكون حديث الساعة
بارك الله فيك

ونبدا كلامي بالله الله على الشاب الجزائري , وهاد الحصة ديما نشوفها ويدهرلي لا ماكدبتش بالاك فيها لي شفت
التسريحات الغريبة , الله اعلم ماشفيتش

المهم, الشاب الجزائري دايما يقول نديها قاورية والسبب الرئيسي هو باه يدير أوراق بيها هادا مكان
هاديك الحجج راهي مجرد مبررات

ولي يقول نديها قاورية تتفاهم مع يما , وينا جهة شفنا قاورية قعدت مع عجوزتها؟
بالاك مايعرفوش واش معناها العجوزة وتشوفها بالاك مرة في حياتها
ولي يحوس على تفاهم بين يماه ومرتو يخير طفلة بنت اصول لي تخاف من ربي و من بعد كل شي ساهل
ماعندو الموضوع حتى علاقة بالقاورية وبالشينوية
وزعما يخمم في يماه الله يبارك ويقولك ما تتفاهمش مع يما, وهو أصلا مايقولهاش حتى يما يقولها لعجوز
ويصبح عليها بكلام باهي و يخرج بكلام باهي , نهار كي تعود خارج تخلي قبلة على راس يماك تما تلقى المرأة لي تحافظ على يماك

ووصلنا لحكاية الزين ههههه , أوّلا يقولك القاورية زينة, صح الله يبارك الله يخلق مايشاء وحتى بنات بلادي ماخصهم والو, فيهم السمراء وفيهم البيضاء وفيهم صاحبة العين الزرقاء والسوداء والخضراء والبنية
لكن لي قلقني هنا ماشي كي تكلم على زين القاورية لي يقلقني هي القاورية مليحة بصح هو ماطلق لا إيمان ولا نسرين ولا فتيحة , فهم روحك من ولا من ؟؟
وهنا نلوم بنات بلادي كن جاو يخرجو على حقيقتهم ويخليو وجهم منور بظرافتهم بلا قوس قزح كن مايهدروش علينا
وزيد بيناتنا زعما هادو لي يهدرو على الزين هوما يعجبو؟ مانتكلموش على خليقة ربي لأنو رب يخلقنا في أحسن صورة
نتكلم على التشوهات لي يزيدوها في نفسهم وفي بالهم راهم يعجبو وهوم اراهم يقيو حاشاك

ويقولك نصرف عليها 90 مليون, وشكون قالك اصرف 90 مليون , راك نتا لي خيرت بنت ال 90 مليون, كاين بنات زين ودين وفهامة وتقولك نربح راجل شهم خير من كل شي , وعلى الفريت أوملات زعما القاورية رايحة توكلو الشربة ولا الكسكس ولا بوزلوف؟
لا ماجابتلوش خنزير ميت هههه, هادا لا ماطيبش هو وماراباش لولاد وحدو

والله مافهمتش كيفاه يخمو, تخلي بنت بلادك بنت أصل تعرفك وتفهمك وتحافظ على العلاقة الأسرية وتربيلك ولادك على الدين
و في نفس الوقت تكون قدام والديك وتدي رضايتهم , وتروح لوحدة لي دينها ماشي كيف دينك وعقليتها ماشي كيما عقليتك

ربي يهديهم برك, وهادو راهم يهدرو برك, معرف الزغاريت هادو لي مدايرين حالة تاع من؟؟
ولا الشاوة جاو يتزوجو عندنا مثلا هههه
ربي يهدينا هادا ما نقولو, وراني ثرثرت حت ىشبعت خاطر نتا لي حليتلي العين ههه
ربي يهنيك أخي وربي يحفظ ولاد وبنات ولادي ويلاقيهم بنصفهم الثاني لي يتهناو معاهم
تحياتي​

هههه انت روعة
بيسك ما خليتيليش منين نرد مي لقيتلك حل هههه

الام كيفااش تتفاهم مع الاجنبية
ببسااطة لانو ما تفهمش الهدرة نتااعهاا
وزيدي كيما قلتي بناتناا ربي يهديهم يخوفو عندهم دو فااص فاص ملون وفااص نوار اي بلون

والرجل الجزاائري كيماا قلناا لوكان يصيب القاورية هناك الرحمان ما يخليها وما تسمعيش الزغاريت بنات بلادنا يااختي صعبوها عليينا وبزااف كاين صح مي وين رااهم
متخبيين ولا دايرين الرونفوااا
يااختي واشمن اسرة رانا نهدرو عليهاا وينا دين رانا نهدرو عليه
روحي شوفي الطفل الاجنبي كيفاه صاانع والطفل الجزاائري كيفااه صاانع بااسكو الام لتم عندهاا قيمة وتعرف كيفااش تربي ماشي كي النسااء كل دقيقة تجيبلك وااحد ومن بعد ترميه للشاارع ورانا نشوفو النتاج نتاع الاطفاال نتاعناا
لا قرااية لاهم يحزنون
ربي يهنيك وغير ثرثري رانا مقصرين مع الموضوع وان شااء الله ما تزعفوش
سلاام
​

 

[Hakan]

رد: نديها Gاورية ادخلو تضحكو شوياا

السلام عليكم ....

اني كنت نشوف فاها ادي ف النهار هههههههه الله غالب الشبيبة تعناا كارهاا حياتها مادابيهم يديو الgاورية عجال les papier c tt
بصح كي نجيو لهدرة الصح الgاورية تحب تحكم في الراجل و يحبو السهريات ويحبو واحد يصرف عليهم المهم حتي بنات البلاد فيهم وعليهم مشني قاعدة نطيح فيهم just نهدر ف la vérité والله كاين بنات ساعات نحير فيهم كيفماه عقلية عيانة خلاه يتكبرواا اني نشوف فيهم بعيني
و كاين بنات الله يبارك تربية و فحلات صح ... و ماشي البنات كل ما يتفاهموش مع العجوزة والله عندنا في la famille كنة ماشاء الله بصح العيب جاا في العجوزة ههههه الله غالب ديما تلقا مشكل لكان مش في الكنة تلقاه في العجوز ....

ااااا تفكرت اداكا لي قال خاطب وحدة من المكسيك ههههههه يتمسخر بينا يخساب فينا منعرفوش المكسيك ام في الهم مساكن الفقر قاتلهم .... اي بلادنا خير من بلادهم كون جات من فرنسا ولا الماريكان ماعليناش بصح من المكسيك هههه غير هادي لي منسكتش علاها lolll :p​

هههه مرحبا بيك العناابية انت جديدة على الموااضع نتاعي نرحب بيك ترحيب خااص

ياي ميرسي على الصرااحة نتااعك وحنا تاني ماقلنا والو بصح لازم تفهموني ماهومش القاورياات اللي رانا نحوسو عليهم كيما راكم تتصورو ياي راهم هوما يحوسو علينا بالضوء واليزر والاقمار الصنااعية و مادام هي تقبل بوااحد عربي كيما تقولو انتوما ما يشبه لوالو ماعناتها راهي عاارفة والقاورية يااختي ماشي كي العربية كي دير حااجة ديجا راهي قرات عليها في علم النفس والطبيعة والميكانيك
معناتها لما تخير دزيري راايحة تواافق على كل شروطو والاورااق ما همش مهمين
المهم عيش لاافي شكراا على كرم المرور .........
​

 

[*مواطن بسيط*]

رد: نديها Gاورية ادخلو تضحكو شوياا

سلامـ عليكم



هههههههـ عندو الحق في حوايج الاخ من ناحية الزين منهدروش خاطاك تطير القاورية منقارنوش في هد الناحية راها متلحقش حتى لضربات الجزاء P=

مممـ من ناحية الطبع فالقاورية شطارة وعقالة واللسان صغير عكس بنات وحد البنات عدنا مش نعمم* تشراك الفم دايرا حالة + الوعارة منين تخرج متتهناش بيسك علبالك كن خليتها مع اهلك راح تنوض مبينتهمـ وعارف راسك راح يسطر كتخطي لعتبة الدار
من ناحية اخرى القاورية خارجا بيها طاي طاي سواء راها صالحة ولا خايبة كلش واضح HD مي انتاعنا تمشيلك بوجهين نورمال منا ملاك فوق الارض ملي تشوفها تحمد ربي و تقول الدنيا مزالت بخير وهي تلعب من تحت وكلها اسرار وماخفي كان اعظم وما تحت السواهي دواهي ربي يستر بلا منحكو على الغلاااء الي صاااااري في المهور الواحد يعرس ويحس روحو داخل على ماتش مبيوع وخاسر هد وش هرب الشباب غير المهر الغالي بلا مننسو القاورية فيها فرصة للفيزا اخخخـ يعني مستقبل اخر يعني عاالم اول متقدم ..!!
والماكلة معليش تتعلم وهاك ربحت كن اسلمت اجر كبييير

اما الصالحات فهدوك حكاية اخرى متتقارنش بمليار قاورية خطاك بنت الاصل متتحتاجش تعرف اي عرافا وزنها ومكانتها بلا ميقولهالها تربية زين وعقل وفهم توت ابسيووون الله يبارك مشكلتهم راهم قلال وهدا امر اخر خلي الشباب يهتمو بالقاورية ههههـ عارف راه صعب يلقاها

ربي يكثرهم ان شاء الله ويثبتهمـ

...سلامـ​

 

[لؤلؤة قسنطينة]

رد: نديها Gاورية ادخلو تضحكو شوياا

هههه انت روعة
بيسك ما خليتيليش منين نرد مي لقيتلك حل هههه

الام كيفااش تتفاهم مع الاجنبية
ببسااطة لانو ما تفهمش الهدرة نتااعهاا
وزيدي كيما قلتي بناتناا ربي يهديهم يخوفو عندهم دو فااص فاص ملون وفااص نوار اي بلون

والرجل الجزاائري كيماا قلناا لوكان يصيب القاورية هناك الرحمان ما يخليها وما تسمعيش الزغاريت بنات بلادنا يااختي صعبوها عليينا وبزااف كاين صح مي وين رااهم
متخبيين ولا دايرين الرونفوااا
يااختي واشمن اسرة رانا نهدرو عليهاا وينا دين رانا نهدرو عليه
روحي شوفي الطفل الاجنبي كيفاه صاانع والطفل الجزاائري كيفااه صاانع بااسكو الام لتم عندهاا قيمة وتعرف كيفااش تربي ماشي كي النسااء كل دقيقة تجيبلك وااحد ومن بعد ترميه للشاارع ورانا نشوفو النتاج نتاع الاطفاال نتاعناا
لا قرااية لاهم يحزنون
ربي يهنيك وغير ثرثري رانا مقصرين مع الموضوع وان شااء الله ما تزعفوش
سلاام
​

كي قلت الموضوع قابل للثرثرة مالا هنا تلقاني :d
أولا كاين زوج كلمات بقاو يحرقو في قلبي وماكتبتهمش في الموضوع حبيت نزيدهم
أوّلا كي يقولك 90 مليون وم نبعد فريت أوملات , اصلا منين جاتك 90 مليون؟؟ راك ألف فرنك تطلبها من يماك
و زعما راهو يتكبر على الفريت اوملات , وهو يماه كن ديرلو لوبيا ولا عدس يقولها علاه مادرتيش فريت أوملات, ولي فاست فود كامل معمرين غير بالشباب وياكلو في الفريت أوملات, ولا جات غير في الزواج؟؟
وزيد واش داه للقاورية, وهو كن تقولو بونجور يقولك يبنجرك بالخير ههههه

هادي الإضافة لي كانت تحرق في قلبي قلتها :d
نوليو لواش قلت, اصلا كن جا حاب يتزوج على سنة الله ورسوله نقولو معليش, بصح هو أو يتزوج ويعيش معاها لتما, تمو تيماه وباباه وهو في الغربة, اصلا اي ماكنش فرصة حتى باه يماه تهدر مع مرتو و ماتفهمهاش , راهو يروح مايزيدش يولي , والمشكل ساعا تيقبل الذل تاع الخارج وبلادو لالا , واصلا الأم الجزائرية واعرة قادرة يجيبلها قاورية نهار تفلاشيها هههه غدوة تولي تحكي عربية خير عليه
وصح في حكاية الاسرة والزواج راني معاك 100 بالمئة , ولاو يحوسو على المصالح و الصالة والبساط الاحمر تعدي عليه لالة , وليموزين وخلي وخلي
وكن غير جات في الأخير تهنيه, بصح مازالو لبنات كاينين, درك راهو يروح لمولات ليماش الصفر و الحماير البرتبنفسجي , خاطر واحد اللون مانعرفش اسمو هههه
ومن بعد يقولك ماكانش بنات الفاميليا, ربي قالك كن طيب تلقى الطيبة , ماشي تفتش على شاكيرا وتحوس توليلك مرا تاع دار
بصح هوما لما يشوفو وحدة بالحجاب الشرعي يقولك مدايرة خيمة, ولا كيما واحد في العائلة سما لي مدايرين النقاب kinder surprise
روح اتزوج بمولات الفيزو وتشوف حيات كيفاه تولي ماش غير surprise
صدقني لي يكون صافي مع ربي وناوي الصلاح وناوي مرأة تسترو وتخاف ربي, مستحيل ربي يخيبو , ومن هاد النقطة لي رايحة تتبنى أسرة صالحة وولاد صالحين
لم ايكون الشاب فاسد والبنت فاسدة مستحيل الأولاد يخرجو صالحين

وأصلا هادو الشباب لي راهو يهدر على الزواج ولحلال وهو ركعة لربي مايعرفش كيفاه يركعها , خاطر يخاف سروالو يطيح ويتبلل شعرو الجميل لي معمر بهادوك الزيوت لي يعيفو

راني خرجت كامل واش في قلبي ههههه
​

 

[Hakan]

رد: نديها Gاورية ادخلو تضحكو شوياا

سلامـ عليكم



هههههههـ عندو الحق في حوايج الاخ من ناحية الزين منهدروش خاطاك تطير القاورية منقارنوش في هد الناحية راها متلحقش حتى لضربات الجزاء P=

مممـ من ناحية الطبع فالقاورية شطارة وعقالة واللسان صغير عكس بنات وحد البنات عدنا مش نعمم* تشراك الفم دايرا حالة + الوعارة منين تخرج متتهناش بيسك علبالك كن خليتها مع اهلك راح تنوض مبينتهمـ وعارف راسك راح يسطر كتخطي لعتبة الدار
من ناحية اخرى القاورية خارجا بيها طاي طاي سواء راها صالحة ولا خايبة كلش واضح HD مي انتاعنا تمشيلك بوجهين نورمال منا ملاك فوق الارض ملي تشوفها تحمد ربي و تقول الدنيا مزالت بخير وهي تلعب من تحت وكلها اسرار وماخفي كان اعظم وما تحت السواهي دواهي ربي يستر بلا منحكو على الغلاااء الي صاااااري في المهور الواحد يعرس ويحس روحو داخل على ماتش مبيوع وخاسر هد وش هرب الشباب غير المهر الغالي بلا مننسو القاورية فيها فرصة للفيزا اخخخـ يعني مستقبل اخر يعني عاالم اول متقدم ..!!
والماكلة معليش تتعلم وهاك ربحت كن اسلمت اجر كبييير

اما الصالحات فهدوك حكاية اخرى متتقارنش بمليار قاورية خطاك بنت الاصل متتحتاجش تعرف اي عرافا وزنها ومكانتها بلا ميقولهالها تربية زين وعقل وفهم توت ابسيووون الله يبارك مشكلتهم راهم قلال وهدا امر اخر خلي الشباب يهتمو بالقاورية ههههـ عارف راه صعب يلقاها

ربي يكثرهم ان شاء الله ويثبتهمـ

...سلامـ​

هههههههه انت توب والل ما نزيد من ورااء تعليقك ذرة نتاع تعليق بارك الله في لساانك ههههه رد باالك يشدوك من الدوورة راهي سخونة الحاالة.......
​

 

[Hakan]

رد: نديها Gاورية ادخلو تضحكو شوياا

كي قلت الموضوع قابل للثرثرة مالا هنا تلقاني :d
أولا كاين زوج كلمات بقاو يحرقو في قلبي وماكتبتهمش في الموضوع حبيت نزيدهم
أوّلا كي يقولك 90 مليون وم نبعد فريت أوملات , اصلا منين جاتك 90 مليون؟؟ راك ألف فرنك تطلبها من يماك
و زعما راهو يتكبر على الفريت اوملات , وهو يماه كن ديرلو لوبيا ولا عدس يقولها علاه مادرتيش فريت أوملات, ولي فاست فود كامل معمرين غير بالشباب وياكلو في الفريت أوملات, ولا جات غير في الزواج؟؟
وزيد واش داه للقاورية, وهو كن تقولو بونجور يقولك يبنجرك بالخير ههههه

هادي الإضافة لي كانت تحرق في قلبي قلتها :d
نوليو لواش قلت, اصلا كن جا حاب يتزوج على سنة الله ورسوله نقولو معليش, بصح هو أو يتزوج ويعيش معاها لتما, تمو تيماه وباباه وهو في الغربة, اصلا اي ماكنش فرصة حتى باه يماه تهدر مع مرتو و ماتفهمهاش , راهو يروح مايزيدش يولي , والمشكل ساعا تيقبل الذل تاع الخارج وبلادو لالا , واصلا الأم الجزائرية واعرة قادرة يجيبلها قاورية نهار تفلاشيها هههه غدوة تولي تحكي عربية خير عليه
وصح في حكاية الاسرة والزواج راني معاك 100 بالمئة , ولاو يحوسو على المصالح و الصالة والبساط الاحمر تعدي عليه لالة , وليموزين وخلي وخلي
وكن غير جات في الأخير تهنيه, بصح مازالو لبنات كاينين, درك راهو يروح لمولات ليماش الصفر و الحماير البرتبنفسجي , خاطر واحد اللون مانعرفش اسمو هههه
ومن بعد يقولك ماكانش بنات الفاميليا, ربي قالك كن طيب تلقى الطيبة , ماشي تفتش على شاكيرا وتحوس توليلك مرا تاع دار
بصح هوما لما يشوفو وحدة بالحجاب الشرعي يقولك مدايرة خيمة, ولا كيما واحد في العائلة سما لي مدايرين النقاب kinder surprise
روح اتزوج بمولات الفيزو وتشوف حيات كيفاه تولي ماش غير surprise
صدقني لي يكون صافي مع ربي وناوي الصلاح وناوي مرأة تسترو وتخاف ربي, مستحيل ربي يخيبو , ومن هاد النقطة لي رايحة تتبنى أسرة صالحة وولاد صالحين
لم ايكون الشاب فاسد والبنت فاسدة مستحيل الأولاد يخرجو صالحين

وأصلا هادو الشباب لي راهو يهدر على الزواج ولحلال وهو ركعة لربي مايعرفش كيفاه يركعها , خاطر يخاف سروالو يطيح ويتبلل شعرو الجميل لي معمر بهادوك الزيوت لي يعيفو

راني خرجت كامل واش في قلبي ههههه
​

ربي يهنيك اختي انت راك تعفسيلي على قلبي
والمشااعر نتاوعي ما يتحملووش هههه
ربي يهنيك الموضوم للقصرة وفقط حبيت نطلعلكم الغااز مالغري كاين حقائق مي تبقى
الجزاائرية افضل فتاة في العاالم يااجدك الهبال نتاعها يسوى عندي اروباا بكااملها امزح طبعاا
ههه ربي يهني كاامل وما ديرووش علياا نحب نقصر معااكم وان شااء الله ربي يرزق كل كشروود فينا بكشررودة تحملو وتعيشو لابال في وانتوما تاني بنات بلادي شويا سبوور شوياا رشااقة تهلااو في رواحتيكم
ربي يهنيكم كااملااا وما تزعفووش مني ​

 

[لؤلؤة قسنطينة]

رد: نديها Gاورية ادخلو تضحكو شوياا

هههههه اللهم آمين
بالعكس أخي , هادو لي راهم يهدرو على القاورية نصهم تزوجو وداو بنات بلادهم وتهناو
وحنا والدينا داو القاوريات؟؟ داو بنات بلادهم لي صبرو عليهم وعلى محاين الدنيا وعاشو وجابو ولاد ماشاء الله كيما حنا ههه
(قمة التواضع) والحمد لله وحتى انا نقولها, ولد بلادي يعرف ربي ويحب صلاتو وعبادتو ويحب عايلتو خير من الدنيا ومافيها
ربي يهنينا كامل وكيما قلتها هادا موضوع نضحكو فيه برك ^^
ربي يحفظك اخي ويهنيك
تحياتي
​

 

[باتنية و نص]

رد: نديها Gاورية ادخلو تضحكو شوياا

ههههه الوحيدة اللي كي ترد نحس في الكلمات نتاعها الغاام نتاع عهد الاستعماار ههه نخليلك هذي الرساالة في هذي الصوورة
ونزيد نحكي لخيتي ياي الرااجل ما يتعاابش والعقلية نتاع بنات الجزاائر هي اللي وصلتهم هكاك والله يابن عمي تخوفو فينااا
خلعتونا بالوجوه الملطخة
وخلعتونا بالسومة نتااعكم وخلعتوناا بكل شيء يتعلق بالارتبااط بكم ومن بعد تجي حنونة تقولك وااش الفرق بيني وبين القااورية ياي القاوية عندها علااقة وثيقة بالهناا والرااحة واروااح لا كانت مسلمة ما عندهمش الغيبة وما عندهمش اللسان الطويل والشغل ما تقوليلي الدزيرية ياك كاين الانترنت زوج دقايق تدخل القاورية لحصة نتاع master chef
وتحضرلك وصفة على الكاتالوg والنسااء كيف كيف كامل يتعلمو مي الزين والعينين الزرق من عند ربي


وهاكي الفوطو وشوفي هههه
وزيدي شوفي روحك في المراياا ههه نقصرو


وغير قولي والله كي تجي الحااجة الجدية بقالب مزااحي تجي خفيفة على القلب حنا ما بينااش القااورية بينا كل شيء رايح يصرى من ورااء الاجنبية ولادك يترباو على العلم والدرااسة ماشي تخرجهم على الصبااح يرجعو مع العشوة
الخدمة تخدم في خدمتهاا ماهي قااعدة تقصر مع فلاان لا تحكي على قصة فلاانة
ههه ننتظر منك الرد ختي وتحيا باتنة منا لصبااح

​

ياه منو بالصح !!راهو يحكي على المشاريع المستقبلية التربية والتعليم،،ولي فاكونس هنا فالدزاير ولا عندهم؟

هيه ضك حبك ربي شفت الغام استعمار كون جيت كيما بكري الهيروشيما ومتمنعش منها

حنا جدودنا رباونا على العنف برك:sport02:

ضك هاذ الكاناري اللي فلفوتوز ينة ضك :down:؟؟وين جا الزين تشبه لخالتي فطوم كي جابت ولدها حميد،،وشي هو هي كانت هازة قرعة ريحة برك :p

هذا نحلفلك بلي قعد يحاول فيها باه تصور معاه وجاي يكلح فينا ،،ضراتلو كيما هدوك اللي راحو للبرازيل لول

~

ايه راني عاودت شفت فلمرااية وقلت اللهم كما حسنت (خلقي) :p حسن خلقي


~


ايوا يعطيك الصحة قولها وعاودها تحيا باتنة منا لخمسين سنة من بعد

اخطيولي برك باتنة واحكيو وش بغيتو ^^​

 

[Hakan]

رد: نديها Gاورية ادخلو تضحكو شوياا

ياه منو بالصح !!راهو يحكي على المشاريع المستقبلية التربية والتعليم،،ولي فاكونس هنا فالدزاير ولا عندهم؟

هيه ضك حبك ربي شفت الغام استعمار كون جيت كيما بكري الهيروشيما ومتمنعش منها

حنا جدودنا رباونا على العنف برك:sport02:

ضك هاذ الكاناري اللي فلفوتوز ينة ضك :down:؟؟وين جا الزين تشبه لخالتي فطوم كي جابت ولدها حميد،،وشي هو هي كانت هازة قرعة ريحة برك :p

هذا نحلفلك بلي قعد يحاول فيها باه تصور معاه وجاي يكلح فينا ،،ضراتلو كيما هدوك اللي راحو للبرازيل لول

~

ايه راني عاودت شفت فلمرااية وقلت اللهم كما حسنت (خلقي) :p حسن خلقي


~


ايوا يعطيك الصحة قولها وعاودها تحيا باتنة منا لخمسين سنة من بعد

اخطيولي برك باتنة واحكيو وش بغيتو ^^​

خخخخخخخ نعقبو على الصورة زعما راكي تخمي شكون قلك هو اللي حاول فيهاا
الله يباارك ما عندكش البون اوبسارفاصيون باسكو تشوفي في روحك في المراايا وما تلاحصيش
شوفي شكون اللي شاد البورطاابل ويدير في السيلفي نورمالمون هيا ماشي هو وتبقى بيناتنا والله غير بقووصة عليك
ههههههههه
نعطيك فرصة ثاانية روحي شوفي روحك في المرايا واياك تخربي في روحك والا تحسب ركلة جزااء لصاالح القااورية

عاودي شوفي في الفوطو اذا شفتي ريحت الماكيااج او شميتيه كاحسن تعبير هههه
ربي يهني نااس باتنة في 6 سبتمبر نكون لتم

وما تخلينيش نهدر شاوية باسكو مازال ما تعلمتهااش صحيتي يالفحلة ...​

 

[باتنية و نص]

رد: نديها Gاورية ادخلو تضحكو شوياا

-_- راح نبدآ نزعف

أصلا عآدي :cray02:الزين زين لفعايل :cray02: المهم الأخلاق :cray02:

والله غير نعرف وحدة بوقوصة عليها (جارنا طبيب هه)

روح اتتسذ اممي

+غير مرحب بك -_- :down:​

​

 

[حكاية قمر]

رد: نديها Gاورية ادخلو تضحكو شوياا

السلام عليكم
مالقيت نضحك ولا نزعف ههههه
لوكان يسمعوهم Gاوريات
يمرضو نفسيا
ههه
ربي يهدي ماخلق
باه تقولي هذا موضوع راك درتو لضحك اسمحلي راه حساس شوية ماشي لاني مرا مي لانو الراجل الجزائري يخمم في الGاورية وحاج بيانة معاها الجنسية تولي ساهلة تخدمله وراقيه وهنا تسقط الرجولة
لي تبع لمرا ع بال الدراهم ولا خدمة ما باقا ما نستنوا منه
وادا كما راه يقول ع بال المشاكل فحتى العجوز Gاورية عاقلة
ههه ولا شاقلت فيها
وفي تالي نختم قولي باية الكريمة
(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ )
​

 

[ARCHICAD2016]

رد: نديها Gاورية ادخلو تضحكو شوياا

هذه هي الفروقات بين المرأة القاورية والعربية ...
الاوربيون لديهم اخلاق وعقيدتهم فاسدة ... الفتاة القاورية لاتكذب ولا تسرق ولاتفشي اسرارها الزوجيه الخاصة والدقيقة للغير .. وايضا لاتشعوذ للرجل للحصول على الزواج من رجل حتى لوكان لايرغب فيها لدرجه هلاكه في صحته او في عقله وتذهب الى المشعوذين بمجرد سماع زوجها يريد الزواج عنها .
اما الجمال في المراة الاوربيه مؤقت اغلبيه الاوربيات يهرمون قبل الوقت مثل فتاه في الثلاثين عندهم مظهرها يوازي امراه عندنا في الخمسون ..اي لديهم الشيخوخة المبكرة ..
هناك مساويء اذا كانت المراة الاوربيه دخولها للإسلام غير مقتنعه به فهذا يؤثر على تربيه الاطفال اذا كان الرجل المسلم يرغب في تكوين اسره ..
اشكاليه في الاخلاق والماضي . لاليس بمقدورك ان تحصل فتاة عفيفة اوربية .. الفتاة الاوربيه ما ان تصل سن 14 سنة تدخل عالم المجون والفساد عكس المراة المسلمة عجوز في الستين عانس تكون عذراء وشريفة .
المراة الاوربية لاتتوقع عندما تكون مريض اوتصاب بعاهة لاقدرّ الله ان تكون بجنبك لأنه عندما تنتهي صلاحيتك تعثر على نفسك مرمي عكس المراة المسلمة التي تناضل لاجل زوجها في السراء والضراء لاجل راحتك
وسعادتك خصوصا اذا كانت مراة ملتزمه بدينها ....
عموما الشاب إذا تمكن من حصول على فتاة مسلمه تخااف الله و ملتزمة بشرع الله والفرق كبير بين من يخاف الله ومسلم
من تخاف الله ..لاتصافح .. لاتختلي .... تجتنب ما نهى الله عنه من فواحش باطنا وظاهر .. حريصة على حجابها الشرعي في الشارع واما الاقارب ... من تخاف الله لاتشرك بالله ... من تخاف الله لاتبيع اخرتها بدنياها و تغريها الدنيا وتذهب الى المشعوذون لأهلاك الناس مقابل سعادتها ... من تخاف الله لاتظلم احد ... من تخاف الله تسعى لمساعدة زوجها على بر والديه و صلة الرحم لدخوله الجنه .. من تخاف الله تعين زوجها على طاعة الله وشكره وحسن عبادته ... من تخاف الله تسعى لانجاز اسرة وتربيى اطفالها على تعاليم الشرع والاخلاق الكريمة
لتساهم في اصلاح المجتمع .... وفقكم وفقكن الله جميعا ورزقكم الصالحين والصالحات من خلقه واكرمكم الله بالذرية الصالحة والنافعة للدين و العباد ... انتهى

 

[أم أُنٌَيسة]

رد: نديها Gاورية ادخلو تضحكو شوياا

السلام عليكم و الرحمة و البركة
لم أجد ما أقول غير الجمال جمال الروح و الأخلاق ، سماههم على وجوههم
و كاينين بنات بزاف متربيات و ناس ملاح حتى في الجامعة و كل صديقاتي ماشاء الله تبارك الله
أما عن القاورية واش نقولوا كلش مكتوب ربي
و ربي يهدينا و يهدي كل المؤمنين
تحياتي​

 

[Oussama.GF]

رد: نديها Gاورية ادخلو تضحكو شوياا

سلام عليكم
ههههه
هاذ حصة تاع ضحك
ماشي تاع هدرة
موضوع راقي تسلم خويا
سكاتش وقدام

 

[souma samsouma]

رد: نديها Gاورية ادخلو تضحكو شوياا

hhhhhhhhh wolah za3ma hadi lgawriya 9a tji lblad howa deja zawaj biha bah tedihhhhhh hhhhhhh ye5i maghbon
w 2 haja ki tgolhom gawriya yji fi balo blanda w ch3arha sfar (jaune) hhhhhhhhh
za3ma f lblad makanch kima hakda mmmmmmmmm ya7asrah rahom day5in y3achi marmdato f ma7kama ki 3ayat 3liha hhhhhhhhhhhhhhhhhhhhhh
yaw 9iw gawriya tal3ab b3arbi hhhhhhhhhhhhhhhh
les jeunes ta3 had lwa9t gharethom lmada bzaaaaaaaaaaf

 

[Hakan]

رد: نديها Gاورية ادخلو تضحكو شوياا

السلام عليكم
مالقيت نضحك ولا نزعف ههههه
لوكان يسمعوهم Gاوريات
يمرضو نفسيا
ههه
ربي يهدي ماخلق
باه تقولي هذا موضوع راك درتو لضحك اسمحلي راه حساس شوية ماشي لاني مرا مي لانو الراجل الجزائري يخمم في الGاورية وحاج بيانة معاها الجنسية تولي ساهلة تخدمله وراقيه وهنا تسقط الرجولة
لي تبع لمرا ع بال الدراهم ولا خدمة ما باقا ما نستنوا منه
وادا كما راه يقول ع بال المشاكل فحتى العجوز Gاورية عاقلة
ههه ولا شاقلت فيها
وفي تالي نختم قولي باية الكريمة
(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ )
​

ههههه في وااش تسقط الرجوولة يااختي
ماكان والو حاجة عادية دير اورااق بااسكو هوما يطلبوهاا فيك وهي تاني تطلبهاا فيك صحيح انو كااين شباب يخمو في الورااقي لكن اغلبهم حاب يستمتع بحيااتو
يتزوج مليح ويعيش مليح

والموضوع كان للضحك وفقط ماكانش نية اخرى ضحكني التقرير حطيتو هناا
سلاام
​