حنتك كحلة توت مشاركتي في فعاليات صيفنا احلى مع لمتنا

[NANOUCHA]

السلام عليكم حبيت نشاركم طريقتي للحنة و النتيجة باذن الله رايحين تعتمدوها في كل مناسبة وقولو وداعا للون البرتقالي للحنة رايحة تحتاجي
حنة تخلطيها تغلي الماء فيه شاي اخضر و عيدان سواك تصفيه و تعجني بيه الحنة و تخليها ترتاح اربع ساعات وتحني بنقش الحنة
تشري الم****ة و تخلطيها بشوية زيت يعني مثلا حنيتي في الليل في الصباح نحي الحنة غير بالعقيلة وماتنحيش النقش تاع الحنة
جيبي الخلطة تاع الم****ة وتضعيها فوق الحنة و ديري يديك ولا رجليك في كيس بلاستيكي و خليها نصف ساعة و النتيجة نخليكم مع الصور

 

[AmiR@RoRo]

رد: حنتك كحلة توت مشاركتي في فعاليات صيفنا احلى مع لمتنا

مشكورة اختي
لكن الصراحة انا منحبهاش كامل هكا كحله
تجي سامطه شغل
وهدا رايي انا فقط
بوركت

 

[NANOUCHA]

رد: حنتك كحلة توت مشاركتي في فعاليات صيفنا احلى مع لمتنا

مشكورة اختي
لكن الصراحة انا منحبهاش كامل هكا كحله
تجي سامطه شغل
وهدا رايي انا فقط
بوركت[
العفو شكرا لمرورك

 

[آمِيْرَتُه]

رد: حنتك كحلة توت مشاركتي في فعاليات صيفنا احلى مع لمتنا

السلام عليك

نبغي الحنة نموت عليها بصح مش كيما هاك كحلة ههه


بارك الله فيك

 

[السلطانة]

رد: حنتك كحلة توت مشاركتي في فعاليات صيفنا احلى مع لمتنا

وعليكم السلام بارك الله فيك اختي

شكرا لمشاركتنا تجربتك الناجحة

 

[بنقابي افتخر]

رد: حنتك كحلة توت مشاركتي في فعاليات صيفنا احلى مع لمتنا

مشكوره على الوصفه
بصح عذرا انا اصلا مانحبش الحنه هههه
لكن اختي راح تفرح لوكان نقولها الوصفه ههههه
شكرا لا تحرمينا بجديدك

 

[لؤلؤة قسنطينة]

رد: حنتك كحلة توت مشاركتي في فعاليات صيفنا احلى مع لمتنا

السّلام عليكم
بارك الله فيكِ اختي
حتى انا نموت على الحنة ^^
لكن نحبها حمرا كتر من كحلة

بصح شكراً على هاد الصور
تحياتي​

 

[NANOUCHA]

رد: حنتك كحلة توت مشاركتي في فعاليات صيفنا احلى مع لمتنا

شكرا على الردود هذه الطريقة للعرائس لانو في العادة العازبات مالازمش تكون كحلة احنا في الصحراء العرائس نتاوعنا لازم الحنة تكون كحلة انا متزوجة في الشرق ماتو عليها وليت نحني للناس اكل ههههه اللي تحب الحنة تكون حمرا ماتديرش لام**** و تخرج هايلة

 

[{مُدَلَّلَتُهُ}]

رد: حنتك كحلة توت مشاركتي في فعاليات صيفنا احلى مع لمتنا

السلام عليكم و رحمة الله و بركاته

تجي شابة تاتو ♥ خير من الي يستعملو الحجرة السودا

يعطيك الصحة أختي

بالتوفيق في المسابقة
​

 

[jiji la star]

رد: حنتك كحلة توت مشاركتي في فعاليات صيفنا احلى مع لمتنا

السلام عليك
اسمحيلي مي نكره نكره نكره الحنة لي نديروها في الرجلين و اليدين في االعيد حتى ندابز أنا و ماما باه نديرها مي نبغيها على الشعر فقط
راني درتها في شعري مع وصفات طبيعية وتبدل لون شعري ولا هايل كان شاتان فونسي ولات فيه كولار شابة تهبل

 

[NANOUCHA]

رد: حنتك كحلة توت مشاركتي في فعاليات صيفنا احلى مع لمتنا

السلام عليك
اسمحيلي مي نكره نكره نكره الحنة لي نديروها في الرجلين و اليدين في االعيد حتى ندابز أنا و ماما باه نديرها مي نبغيها على الشعر فقط
راني درتها في شعري مع وصفات طبيعية وتبدل لون شعري ولا هايل كان شاتان فونسي ولات فيه كولار شابة تهبل

مشكورة على الرد اختي الحنة من وقت الجدود نحنيو باش يحن علينا ربي هههه و كل واحد كيفلش يبغيها ومليحة بزاف للشعر

 

[jiji la star]

رد: حنتك كحلة توت مشاركتي في فعاليات صيفنا احلى مع لمتنا

ايه صح نعندك الحق كل مرة نعاودها في شعري حتى تخرج لاكولار لي راني باغيتها