♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

[حياتي ابداع]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

أنا ماخافوش مني موالفين الضرب
يدرى كيفاه نتحمكم فيهم بلا ما نضربهم.

 

[jiji la star]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

أنا والله ما ضربت واحد ممنوع علينا راكي تشوفي قانون غي هاكا ملي دخلت مشنفة و نزقي عليهم سكتو

 

[حياتي ابداع]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

علابالي بللي ممنوع بصح كون تشوفي الضرب اللي موالفينو . يحكيولي غير على التيو و العصا و الستيلو بين الاصابع. ولات الهدرة متنفعش فيهم.
أنا كي شفتهم خلعانين قلت نكون بشوشة معاهم باه نحببهم فالقراية. بصح كي سابو و انفلتوا صعيب باش نتحكم فيهم.
اليوم من الباب رايحة نكون مشنفة

 

[السلطانة]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

مساء الخير اخواتي ان شاء لله راكم بخير


كي تضربو غير بالشوي حاولو تخوفوهم منكم

الاساتذة لقدم راهم يضربو بينهم بين روحهم

احترسو

العصا كان هزيتوها معاكم غير خبوها

ومتهزوش في الصف وفي القسم استعملوها وخبوها


راهم قادرين حتى ومتضربوش الاولياء يشيعوها عليكم ويصراولكم مشاكل

قال ممنوع الضرب قال

كون جاو الولاد مربيين راهم ميتضربوش لكن رانا في دزاير الله غالب


الضرب لازم فيها فيها ولاحاسبين المعلم راه يتعامل مع قاوري مثلا


ربي يعينكم اخواتي

 

[jiji la star]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

أنا هبلني وحد التلميذ و وحدة تلميذ هوما جوارين ويطيحو بزاف يقولو كلام مشي مليح بصح مشي قدامي كي ندخل للقسم يقولولي واش قال آآآآآآآآآآآآآآآآآآآآآه راني شاوياته يخاف مني بصح منحش هذي الطبيعة ي ندير معاه وهذيك الطفلة رسلتلي يمماها قاتلي قريها و متزعفيش عليها معلابالهاش بلي بنتها الكلام لي تقوله في السنة الأولى شيباني ومايقولهش ولا واقيلا عندهم عادي ياخي قوم حصلت فيه كي ندير معاهم

 

[آمِيْرَتُه]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلام عليكم

حرزو ا المسطرة تحطوها فوق المكتب ديرها فوق الخزانة انا صحبتي طاح عليها مفتش و كبرت الحكاية حذارِ


غير بلعقل و درك يولو يحبوك و يساعفوك

 

[jiji la star]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلام عليكم
واش راكم واش راه داير فيكم التعليم

 

[حياتي ابداع]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

و عليكم السلام اختي جيجي
راني في حالة ، نروح ميتة بالتعب مازلت ما والفت .
و انت كيفاه راكي ؟

 

[jiji la star]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

أنا راني هابلة معاهم بصح يخافو مني هبلوني والله ها راني وكي قسملي القسم رجع من الجديد يستقبل ويزيدني هههه

 

[آمِيْرَتُه]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلام عليكم ورحمة الله تعالىو بركاته

غيرت المدرسة و رحت لوحدة كارثة مافيهاش قاع النظام ربي يلطف برك

 

[Naz iha]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلامْ عليكمْ

مانيش معلمة و لا في سلك التعليم
راني عاد نقرا
بلاك كانش نهار نولي أستادة
و لكن من ردرودكم وليت نخاف نقري
سيرتوو كي عاد و لاد درك ميخافووشْ ، و مكانش الضرب
كيفاه يتربو درك
لازم الواحد يديها تشناف و لا كيفاه

اواااه مشكيتش نقري هههههههههه

ربي معاكم
​

 

[jiji la star]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلامْ عليكمْ

مانيش معلمة و لا في سلك التعليم
راني عاد نقرا
بلاك كانش نهار نولي أستادة
و لكن من ردرودكم وليت نخاف نقري
سيرتوو كي عاد و لاد درك ميخافووشْ ، و مكانش الضرب
كيفاه يتربو درك
لازم الواحد يديها تشناف و لا كيفاه

اواااه مشكيتش نقري هههههههههه

ربي معاكم
​

يقولو الضرب ممنوع بصح الله غالب راهم واعرين الضرب و قليل فيهم أنا صراحة نضرب

 

[وحي القلم]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

التعليم في وقتنا هذا تغير كثيرا
النظام الدراسي المفروض لا يتماشى مع عقلية الطلاب
وبعض القانون التي اضيفت في غير محلها
التعليم في الجزائر سيء

​

 

[la lune rose]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

مازلت طالبة في المدرسة العليا للاساتدة
بعد سنتين سانظم اليكم فعليا
كاستادة فزياء ان شاء الله
وفقكم الله واعانكم

 

[عفةة]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

حياكم الله خواتاتي
أهيه ،
قولولي راكم ماشيين في البرنامج ؟
بالنسبة للسنة أولى

ربي يوفقكم

 

[آمِيْرَتُه]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلام عليكم
كي راكم كاش جديد
عطلة سعيدة

 

[داني33]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلام عليكم ورحمة الله وبركاته
الرجاء لمن يملك معلومات او قوائم النجاح في امتحان الترقية استاذ رئيسي للتعليم المتوسط يزودنا بها
معلومات عن ولاية سطيف
وقوائم الولايات الاخرى
اي
الموجود والمتوفر عندكم وبارك الله فيكم

 

[BLEU PEARL]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

السلام عليكم ربي يوفقكم ويقدركم
نسقسيكم على أساتذة الثانوي المتخرجين حديثا
كيف كان ترسيمكم وكيفاه التلاميذ وتعاملهم معكم
باقي 3 سنوات ان شاء الله على تخرجي
وفقكم الله

 

[mabroma dz]

منتدى اللمة الجزائرية

سلام عليكم لحباب انا عضو جديد في المنتدى انا بدور على بحث حول السياسة الاستعمارية للجزائر ممكن اتساعدوني اذا مافي مانع:graduation:

 

[السلطانة]

رد: ♣ملتَقَى أسَاتذة اللّمة الجزائرية♣خاص بِكلّ الأطوار ♦الطبعة2♦

فكرة من طرف أستاذة

رسم وتصميم شجرة الأنبياء كشغل يدوي مع التلاميذ