طفله لم تكبر ..
ㅤ
ㅤ
ㅤ
ㅤ
طفلة .. نست تكبر وغنّت للحمام
عن ( شاعر ً ) ، ما كانت الجنه معه
ㅤ
يا ثغرك .. اللي يشبه لحال الغمام
يمطر كلام ً ، ما قدرت استجمعه !
ㅤ
كل ( الجمال ) اللي نشوفه بالانام
والله العظيم ، اني أشوفك منبعه !
ㅤ
حتى ( عرق وجهك ) ليا زاد الملام
وردً يبلله ( الندى ) في مطلعه ، !!
ㅤ
تدري شكثر فيني شعور من الهيام
كثر ( الكلام ) ، اللي علينا نسمعه !
ㅤ
خذني من يدينك تعبت من الزحام
سافربي عن ضيق الليال الموجعه
ㅤ
أنا .. وصلت لمرحله في هالغرام ؟
أني اشوفك ( بالجهات الاربعه ) !!
ㅤ
كل ابتسامه منك لغيري .. حرااام
حتى لو ان فيها أجر .. او منفعه ،!
ㅤ
يحق لي .. أغار حتى من السلام ،!
تراك فرصه ( مستحيل ) أضيعه !
ㅤ
ياشعرك : اللي علم الليل الظلام ،
يامبسم ً : مهما أشوفه ما أشبعه
ㅤ
ما أتبع المقفي .. ولو عالي مقام
إلا انت ، من بد المخاليق أتبعه !
ㅤ
عيونك ( الكسلا ) قبل وقت المنام
تعطي قصيد الشاعر المبدع سعه
ㅤ
دامك معي ، لايشغلك كثر الكلام !
أحد مايكون بخير ( والجنه ) معه ؟
ㅤ
ㅤ
ㅤ
ㅤ
الثلاثاء
29/08/2018
#ناصر_الوبير
