الهدرة في الناس ...وين رانا رايحين بيها ؟؟؟

[مسك وعنبر]

السلام عليكم يا أهل اللمة الحلوين واش راكم إن شاء الله تمام ومبسوطين :up:اليوم ومن خلال منتدى واش راك تهدر حبيت نشارك معاكم بموضوع نهدرو فيه على ظاهرة خطيرة على الرغم من أنو كاين بالزاف ناس ماشي جايبين خبر بهاد الشيء والظاهرة هي النميمة التقطاع التمنشير ولا الهدرة في الناس عندها تسميات بالزاف ولكن عندهم في المجمل نفس المعنى ولينا نشوفو الناس بلا حشمة ولا حتة احترام يجبدو في لجمايع على الناس ويبداو يذكرو في العيوب ديالهم هادا سمين ويبهدل هادي طويلة وشعرها مكشرد ولخرى تقلك هاديك صامتة وتعيي وهاديك خاطيها اللبسة وهاديك زواخة وشوفو كيفاش تمشي وإلى غيرها من الأمور الأخرى كي شغل هوما كاملين ومعندهمش عيوب :down: ورايحا نحكيلكم على حادثة صرات بحضوري شخصيا مرة كنا أنا وصحاباتي نقسرو جازت علينا وحدة كامل بدينا نسلمو عليها ونستفسرو على أحوالها ولكن بمجرد ما خلات المجموعة بداو القنابل نتاع التمنشير يخرجو دون أي رحمة أو شفقة بالمخلوقة مسكينة سبحان الله كيفاش الإنسان يقدر يتفنن في الهدرة على الناس وهو ناسي روحو واش نقولو من غير حسبي الله ونعم الوكيل ربي يهدينا أجمعين ...​

[/FONT

 

[لؤلؤة قسنطينة]

رد: الهدرة في الناس ...وين رانا رايحين بيها ؟؟؟

تم الاعتماد حبيبتي ^^
بالتوفيق
ولي عودة للرد بإذن الله ​

 

[oumaima m]

رد: الهدرة في الناس ...وين رانا رايحين بيها ؟؟؟

السلام عليكم ورحمة الله و بركاته

اختي للاسف هاذي هي العقلية تاع الناس غير يغيب الانسان يبداو ياكلو في لحمو
وش نقولو حبيبتي ربي يهدي

​

 

[الامين محمد]

رد: الهدرة في الناس ...وين رانا رايحين بيها ؟؟؟

أختااه لقد جعلت هاتين الحديثين الشريفين
قاعدتان في حياتي حتى لا أخوض في أعراض الناس
قال رسول الله صلى الله عليه و سلم
« ثَكِلَتْكَ أُمُّكَ يَا مُعَاذُ وَهَلْ يَكُبُّ النَّاسَ فِى النَّارِ عَلَى وُجُوهِهِمْ أَوْ عَلَى مَنَاخِرِهِمْ إِلاَّ حَصَائِدُ أَلْسِنَتِهِمْ »
و قال أيضا
( من حسن إسلام المرء تركه ما لا يعنيه )

و الله اذا عملنا بهذين الحديثين سنسعد كثيرا أختاااه
شكرا اختااه اقبلي مروووري على عجل
​

 

[بنقابي افتخر]

رد: الهدرة في الناس ...وين رانا رايحين بيها ؟؟؟

السلام عليكم
هدا حالنا
وهدي يشكلي فوبيا و هيستيريا
لأنو مريت بيه تعرفي معناه الناس تجبدك بالباطل وتتهمك في ظهر غيب
آه
غير خليها في القلب

 

[مريم.]

رد: الهدرة في الناس ...وين رانا رايحين بيها ؟؟؟

فارغين شغل لوكان تقوليلهم ايا نصلو ركعتين ولا نمسكو مصحف نقرو شويا يدورو على الحجج وحدة تقولك منيش متوضيا وحدة تقولك منقدرش نمسك مصحف وانتي فاهما اختي بصحححححححححححححح التمنشير ساهل

 

[LINA LOLO]

رد: الهدرة في الناس ...وين رانا رايحين بيها ؟؟؟

هادي هي الناس تحب تهدر من ورا الانسان
ربي يهدي
شكرا على المووع

 

[أمين 27]

رد: الهدرة في الناس ...وين رانا رايحين بيها ؟؟؟

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏

 

[لؤلؤة قسنطينة]

رد: الهدرة في الناس ...وين رانا رايحين بيها ؟؟؟

السّلام عليكم
وها قد عدت حبيبتي ^^
بارك الله فيكِ غاليتي على الموضوع وواصلي الإبداع

نوليو الآن للموضوع, بصراحة يا أختي هادو الناس لي نهار كامل وهوما يمنشرو ويتمسخرو بالغير
هادو من رايي مراض نفسيا لأنو الإنسان قبل مايبدا يهدر على عيوب الناس يبدا بعيوبو ساع
علاه حنا كاملين؟؟ حنا منا لغدوة قادر يحكم علينا ربي ومعرف إذا تكون بلاصتنا في الجنة ولا في النار والعياذ بالله
لو كل كلمة خاطية الطريق وماتخصناش نحكموها عندنا كن المجتمع تاعنا راهو وصل للقمة

بصح حنا غير التمنشير مانفرطوش فيه سواءاً في الحافلات ولا الأعراس ولا الجنائز ولا المناسبات الأخرى
ديما لسانا ماضي
ربي يهدينا هادا مانقولو
وشكرا حبيبتي على الموضوع ربي يهنيك

تحياتي​

 

[souma samsouma]

رد: الهدرة في الناس ...وين رانا رايحين بيها ؟؟؟

one they had stop talking to you they start talking about you pfff l3rab taw3na
what ever they say defines them not you

thanks
​

 

[آمِيْرَتُه]

رد: الهدرة في الناس ...وين رانا رايحين بيها ؟؟؟

السلام عليك
قالك الجمل ناس حدبته و يعيب على حدبت غيره
ناس معندهمش وقت غير للتمنشير
ساعات كي نسمع عباد حكاو عليا نموت بالضحك تعرفي علاه لأنهم 0 و يبقوا 0
ربي يهديهم و يهدينا

 

[مسك وعنبر]

رد: الهدرة في الناس ...وين رانا رايحين بيها ؟؟؟

i do agree with you souma well said thanks for sharing your ideas with us salam

 

[أم أُنٌَيسة]

رد: الهدرة في الناس ...وين رانا رايحين بيها ؟؟؟

السلام عليكم و رحمة الله تعالى و بركاته
بارك الله فيكي أختي الكريمة و جزاكي خيرا و جعل كل حرف كتبته في موازين حسناتكي إن شاء الله يارب

الحديث عن ذوي العيوب في غيابهم، يقول: هل يجوز هذا أو لا؟ جزاكم الله خيراً، وما الفرق بين ذلك والغيبة؟
التحدث عن الناس بعيوبهم إذا كانوا غير مسمين لا بأس، بعض الناس يأتون غيبة، بعض الناس يتعاطى النميمة، للتحذير هذا لا بأس به، بعض الناس يكذب، بعض الناس يظلم ما فيه شيء، لكن كونه يسمي فلان بن فلان يسميه أنه فعل كذا وكذا من الشيء الرديء فهذه الغيبة، وهي ذكرك أخاك بما يكره، فلان بن فلان بخيل، فلان جبان، فلان قاطع رحم، وما أشبه ذلك، لا، هذه الغيبة، والنميمة كونه ينقل كلام رديء، ينقل لزيد يقول ترى أخوك يقول فيك كذا، ترى أمك تقول كذا، ترى عمك يقول كذا حتى يثير الشحناء بينهما، هذا لا يجوز، هذه النميمة وأشباه ذلك.

الشيخ ابن باز

تحياتي احترامي و تقديري لشخصكم الكريم
​

 

[مسك وعنبر]

رد: الهدرة في الناس ...وين رانا رايحين بيها ؟؟؟

بارك الله فيك أختي ملك له معك طل الحق والله استفدنا منك أكثر تحياتي لك :regards01:

 

[ARCHICAD2016]

رد: الهدرة في الناس ...وين رانا رايحين بيها ؟؟؟

والله موضوع رائع ...الهدرة في الناس ايه الهدرة مؤلمه ولكن الكذب على الناس امرّ ... احيانا اذا كنت تمشي مع الطريق المستقيم تلقى كثير من الصعوبات في حياتك...
الحياة العامه بامكاننك تجنب الاشخاص النمامون ولكن المشكل في محيط العمل عندما يخرج التنافس المهني عن الهامش ويصبح التنافس غير اخلاقي و يسعى العامل بدواعي الحسد والغير لضرب زميله والحط من قيمته لتلميع صورته على حساب زميله . و ينتشر الكذب و الغيبه والنميمه
كان لديا زميل موظف و انا لديا مكتبي معزول عن المكاتب الاخرى كانو معايا في المصلحه زوج بنات وكان عندي ارتباطات في مدرسه خاصة مساءا اغيب كان يأتتي الى مكتبي في غيابي يلتقي بفتاة فاخبرتني زميلاتها .
فحذرتها و اعطيتها درس قائلا لها اذ اكانت بينكم ارتباطات شخصيه الله يسهل عليك لكن ليس في مكتبي اذهبي الى مكتبه والله يسهل عليك ... الفتاة لست ادري الله اعلم كيف نقلت له الحديث فحقد عليا ..
وبدا يخلق لي المشالكل و يحرض عليا زملائي ...
وتصورا كان مهندس جديد وظف عندنا شحنه بالكلام الله اعلم ماذا قال عني .. المهندس اشتغل معي كنت لاابخل عليه بكل المعلومات وحتى عندما يخطيء لااصحح لفظيا اخاف ان احرجه و الجأ الى دعمه بالكتب والمراجع المتخصصة في المجال حيث لديا الكثير من المراجع التقنية اشتريتها وانا طالب جامعي بالعاصمه..
وتصور لما اراد الاخ ان يغير عمله الى مدينه اخرى وبدا يودع في زملائيه وقف امام وقال بالحرف لم القى في حياتي عامل متخلق و متأدب ومهذب مثللك انا احترمك كثير من خلا ل عملي معك اكتشفت شخصيتك النيبله المحبه للخير و حذرني من احد الزملاء الذي قال انه يكذب عليا لانه اول مادخلت العمل قال المهندس الفلاني اناني
وصعيب المعاشرة و متكبر و.... وقال لي انه ايضا سمعه " يمنشر فيا امام المقاولون"" لكن اطمئن انه بالرغم
من إساءته للك بالغيبة امام المقاولون و لكن عندما انصرف فالله نصرك لان كل المقاولون كانوا الى صفك
وقالوا عنه انه كذاب ومنافق لان كل المقاولون شهادوا فيك "" شهادة الخير وشهادوا للك بإلتزامك وانضباطك.
والمشكل الذي امامه ان هذا الشخص لااطيق حتى النظر اليه والكارثه انه عين في مكتب الصفقات
وانا في المصلحه التقنيه وعيونوني رئيس لجنه التقييم العروض .. الرجل كذاب ومنافق و يتعامل بالرشوةمع المقاولون .. ولما عينت رئيس لجنه تقييم اصبح يثير لديا المشالكل بيني وبين المسؤول ..
لكي اتنازل عن رئاسة لجنه التقييم لأنني ضيقت عليه الخناق ..
مرة يقول عني انه معقد ومرة يقول انه واعر وصاعب كل مرة يخترع كذبه والله واش يكذب هذي الهدرة
الي لحقتني من زملائي ... وصراحه هذا الشخص اخافه لانه افاك وكذاب .. لانه يوم من الايام تشاجر مع مسؤول
وكانت امراة سيدة اعمال متبرجه تتردد على المؤسسه لاجل العمل هذا ما لحظته بعيني
مرة سمعته باذني يقول امام العمال دون خجل "" فلان المسؤول راح مع فلانه راه في تونس يتفحشش""
تصوروا ربي كي حب يعدل الحق ما ان انتهى من الكلام دخلت سيدة الاعمال بمحفظتها "" هرب وبدل الموضوع"" يرحم بابكم واش تقولوا في هذي الطينة من البشر ترمي االناس وتقذفهم بالاكاذيب و لاتخجل
انا حاير في نفسي هذا الاشكال ماهيش دايرة في بالها الموت"" والله العظيم انا لوكان نظلم واحد عن دون قصد ولو بالكلمه والله ما نرقد من الخوف من الله ... اي بشر هؤلاء من تخول انفسهم الحاسودة والشريرة للكذب على الناس

 

[حمزةusma]

رد: الهدرة في الناس ...وين رانا رايحين بيها ؟؟؟

ربي يجيب الخير هذا واش نقولوا على هاته الظاهرة المنتشرة يوما بعد يوم

 

[ام أمينة]

رد: الهدرة في الناس ...وين رانا رايحين بيها ؟؟؟

لا إله إلا الله محمد رسول الله
للأسف رانا نشوفو ناس بزاف عندهم هاد العادة و ما يطلقو حتى واحد
و كاين لي يهدرو فيك و يزيدو فيها

ربي يهديهم ان شاء الله
تحياتي
​

 

[خفيفة الروح]

رد: الهدرة في الناس ...وين رانا رايحين بيها ؟؟؟

ربي يهديهم واش نقلكم بركاو ما تقطعو في بعضاكم ياك حنا مسلمين ولا بطلنا