الاقامة و ارواح التشوف

[نظرة تفاؤل]

السلام عليكم ورحمة الله وبركاته

واش راكم ياناس اللمة توحشتكم

المهم اليوم جيت حبيت نفرغ قلبي على العجب الي راني نشوف في الاقامة

والتمرميدة الي كنت مستعدة ليها مي متوقعتش تكون هكا

راح نبدالكم باليوم السبت الي جيت فيه للاقامة

وهو اول يوم لي في الاقامة

حيث انه عندما دخلت للغرفة ماعرفتش واش نقول :dunno01:

انخلعت قريب نتغاشة من الحالة الي شفتها فيها

لا ضوء لا مطارح لا خزاين لا طوابل

بدينا نروح احنا نحوس في لي شومبغ الي فارغين ونحوس على هادوا الحوايج

واما الوسخ ماعندا واش نقولوا هدا الشيء مفروغ منوا

وننتقل للمرحلة الثانية وهي
البنات واش راهم دايرين

ياو نحاو الخمارات والحجابات وبداو يدروا هكاك في الاقامة قدام لرجال

والله حرت في هادوا لبنات الي بعتوهم اماليهم باه يقراو وداروا فيهم الكونفيوس مي ميستهلوش

والشيء الثالث الي شفتوا في نص الليل شاعلين الغنا ويزغرت ويزgوا

والله العجب راه صاري عندنا

مي كاين حاجة شابة صبتها في الاقامة نعمة البنات اليقيتهم معايا جواريني ماشاء الله ارتحتلهم بزااف كيما هوما ارتاحولي
ونتمى ان شاء الله حتى واح ماد يشوف العجب الي راني شيفاتو

وادعولي معاكم ربي يحفظني وينجحني

سلام اتهلاو في رواحتيكم




​

 

[Salam Fleur]

رد: الاقامة و ارواح التشوف

السلام عليكم

رغم اني ماعشتش في اقامة لانه جامعتي كانت قريبة لمقر سكني لكن 5 سنين في الجامعة اغلبية لي قراو معايا كانوا يسكنوا في الاقامة ... و عندنا مادورنا فيها ...و شفنا العجب تاعها.. شوفي ختي مازلتي ماشفتي والوا ......... راكي بسم الله ..........

نصيحة من عندي ردي بالك على روحك ماديريش ثقة العمياء .... كوني حريصة على روحك ... بعدي على المشاكل ماتخلطيش في البنات بزاااف حبة زوج يكفوك ..........

حكايات الصحبة مع الشباب ماتقربيش ليهم حتى ولو قالولك انتي متخلفة .. تقعدي متخلفة و لا تضيع حياتك ...........
و ربي يوفقك ان شاء الله و يبعد عليك ولاد الحرام .............​

 

[آمِيْرَتُه]

رد: الاقامة و ارواح التشوف

السلام عليك

كانوا يقروا معايا بنات من الاقامة ماشاء الله عليهن متربيات و يخافوا ربي و والديهم

مداصريش و كوني مؤمنة و صبورة و اقري

و على الحالة معليش حاولي تنظفي و تستيكي غرفتك

ربي يوفقك

 

[♫الباحثة عن الحظ♫]

رد: الاقامة و ارواح التشوف

اختي هادي هي الاقامة فيها وعلهيا انت المهم قرايتك وشونبرتك وكل وحدة حرة في نفسها

ربي يوفقك

 

[Hakan]

رد: الاقامة و ارواح التشوف

ياي انا راجل نهار دخلت للشومبراا تخلعت ومن بعد عطيتها للحانوت جبت فيهل فريطوار ومصلحة وقرعة ازيس
وقرعة صانيبو ونعطيها خرجتها تشعل ومن بعد رحت للحانوت شريت غلافاات غلفت بيهم الطاولة والكرسي
واكيد الغطا نتاعك جيبي نتاع الداار والوسادة نتاع الداار
ومن بعد مع الاياام بديت ندير التصااور والاشيااء الجميلة صور مناظر طبيعية وبعض الحكم والكلمات الجميلة
والحمد لله الشمبرة انت اللي ترجعيها مليحة اما الاقاامة فهمي موطن كل العقلياات الزينة والشينة وانت خيري معامن تمشي
وبما انك فتاة تهلااي في ملابسك واشيااء وننصحك ردي بالك من الفتيات نتاع التهلكة كاين اللي تسحرك عيني عينك ولا تديك دومان ماشي مليح تهلاي سلاام..​

 

[ARCHICAD2016]

رد: الاقامة و ارواح التشوف

تنبه هام الى الطالبات الجامعيات : الاقامة لما بنيت على ما اعتقدت جهزت واثثت كماينبغي... ولم يسكنها إلا انتم ايتها الطالبات : عيب عليكم ما تحفافظوش على االتجهيزات و تخربوها عيب عليكم ...
نبدأ من المطعم ..اروحوا الى المطعم يا الطالبه يامن تدعي الثقافة تاكلي و البلا نتاعك ترميهم على الطاولة و المنظفه مسكينة "" الفام دوميناج "" وين تلقاها عجوز محني ظهرها وترفد لك "" البلا نتاعك "" ما تحشموش..
- دورة المياه حاشكم تجي فناة طولها كي الباب مرة كامله لوكان جات في وقت بكري لوكان راها مزوجه وضانيه تدخل لدورة المياه إما تترك فضلاتها والمصيبه العين "" الحنفيه تمشي"" وماتتفرغوش الما ء من وراكم تتركي زبلك كي البقره عيب عليكم
عيب عليكم ولا تجي طالبه اخرى تكون حائض "" اكرمكم الله "" وترمي حافظاتها المتسخه في المحراث لدرجه انه تسبب في انسداد قنوات الصرف الصحي و يجي السباك يلقى المشكل في حافظاتكم المتسخه التي تتركي المزبله وترميها في المحراث ألي يشوف عورتكم و وسخكم والله العظيم والله العظيم وصلنا و ين شاهدنا حافظة نسويه متسخه امام مدخل ادارة الاقامه وكل الرجال تقزز من هاته التربيه ... "" يالي مزوق من برّ وشحالك من داخل""
كيما تزوقي من برا اهتمي بنظافتك بيئتك ونظافه محيطك واستري عورتك ايتها الطالبه
زمان مع قلة الشيء والاحتياج المراة في الخيمه والعروبيه وعورتها متبانش كيما الملايكه الزوج ومايشاهدش
اثرها تلقى في الدار خمسه بنات في دار و عورتهم ماتبانش ... واليوم مع هذا جيل البخص ولينا نشوفوا حافظاتهم الملطخه بالدم "" اكرمكم الله "" عند مدخل الاداره هذي التربيه العوجه للرباوهاللك مزال تولي حافظاتهمALWAYS معلقه في اشجار الشوارع ... الله يهديكم استر عورتكم استروا عورتكم ... اي تربيه اي ا هذه !!!!

 

[ديسق]

رد: الاقامة و ارواح التشوف

السلام عليكم ورحمة الله وبركاته

أولا نباركولك أول عام ليك في الجامعة، وان شاء الله تتخرجي وتتأهلي للمراتب العليا ..

بشأن الموضوع نتاعك كما قال الأخ حكيم، أحنا شباب ورانا نغسلوا ونسيقوا وو حتى الغطاء والوسادة وغيرها نجيبوهم
من ديارنا مش نتاع الاقامة، لانه في الغالب تكون مش نظيفة، ثانيا ممكن تنقلك كاشي أمراض،..

وفيه أخوات نصحوك كثير عن الصحبة وديري بالك مليح، الي لقيتيها تصاحب الشباب تجنبيها، ممكن احيانا واحد يكون
محتاج للحب ويسخف واش يشوف (الرومانسية والأشكال نتاعها) ولكن راهي مجرد حياة في السراب، والقسم مشكلتي
أكبر دليل عن معاناة البنات وخداع الشباب لهن.

ونظن مازال ما شفتي والو، قارورات الخمر، والدخان، وغيرها من المشاكل الأخلاقية، وربنا يبعدهم عليك وعلى كل إنسان
طيب ومتخلق.

وبالتوفيق لك أخت الكريمة في مشوارك الدراسي ^^
​

 

[لؤلؤة قسنطينة]

رد: الاقامة و ارواح التشوف

السّلام عليكم أختي الغالية
ربي يوفقك حبيبتي في دراستك والأعوام هادو والله يعديو بلمح البصر
غمضي عينك تلقاي 3 سنين طارو , بصح المشكل كي يعديو هاد الثلاث سنوات واش رايحين يخليو وراهم من ذكريات
على هادي الحذر والحذر والحذر, موتي بالجوع وماتاكليش من يد وحدة ماتعرفيهاش
ربما الإقامة تبان مكان عادي بصح راهو صاري فيها العجب العجاب
وخاصة تاع لبنات بالاك تاع الرجال ارحم , خاطر لبنات تلقايها كانت عايشة في دارهم محرومة
وكي تروح لبلاصة بعيدة دير رايها , كاينة لي تنحي الحجاب وكاينة لي تولي دير مساحيق التجميل
وكاينة لي تدخل في علاقات مشبوهة وتروح للدخان والمخدرات, على هادي يا ختي لعزيزة نفسك وماتأمنيش فيها
يعني بالاكي يغرك المظهر الخارجي تاع كاش وحدة وتبعيها, حتى ولو تختاري صديقات ويبانولك ملاح ماديريش فيهم ثقة عمياء
أسرارك خليها ليك, صدقيني كاين بنات لي متربيات صبحو يخرجو في الليالي من الإقامة ويروحو في سيارات مع الشباب
ويرجعو بعد الفجر, يعني بمجرد مانقولها برك لحمي تشوّك فمابالك تصرا
مالا خودي حدرك قد ماتقدري, يقولو على روحهم معقدة وموسوسة, المهم ماتلحقيش للشي الفاسد
راني اكدتلك على هاد الجانب بكثرة خاطر النظافة في زوج سوايع ونتي نحيتي كل شي كيما قالولك الإخوة
بصح تاع البنات هي لي نأكدلك عليها, خاطر لما نسمع طفلة في الاقامة نحط يدي على قلبي
ماش معناها نخوفك بصح باه نولهك برك

المهم ربي يهنيك ختي لعزيزة واتهلاي في روحك وركزي على دراستك هي الصح
بالتوفيق لكِ
تقبلي مروري​

 

[Perle Blanche]

رد: الاقامة و ارواح التشوف

السلام عليكم
الصلاة و السلام عليك حبيبي يا رسول الله
بالشوية على روك هاذو كامل شفتيهم في أول يوم ليك
يعني راهي يسموها إقامة جامعية مش بلاصة تعرفيها و راكي متعجبة مني لي راكي تشوفي فيه
هاذو الحكايات راهم يسمعو بيهم قبل
يعني تبقى فالنظافة راكي طفلة يعني شمري على ذرعيك و شموبرتك راهي قدامك مش تشتكي منها بالعكس قومي بهاا و عادي شغل راكي في داركم
اما حكايات البنات لي شفتيهم في بالي كل وحدة راهي مسؤولة على نفسها و ربي يسهل عليهم راهم كبارات
رانا كامل بنات الدنياا هاذي اليوم هكا غدوا متدري واش يكون لي يحكي بالخير و لا مكان لاه يفضح ووووووووووو
بديتي تقولي ميستاهلوش و وووو يعني حكم مسبق يا أختي واش داك لهاذ الهدرة
كامل فتنا بالمرحلة الجامعية و كامل عشناها
معندو مداني للي خاطيني هاذي القاعدة اللي لازم تمشي بيهاا
كاين بنات عرفناهم ماشاء الله
و شفنا حوايج و فتناهم و مرحلة من حياتناا و فاتت
ربي يوفقك
​

 

[نظرة تفاؤل]

رد: الاقامة و ارواح التشوف

السلام عليكم ورحمة الله وبركاته

شكراا لجميع المشاركين في الموضوع والي قدمو النصائح

اولا انا درت هدا الموضوع باه نفرغ قلبي و نحكي واش شافت عيني رغم اني كنت سامعة هدا الشيء

اما بشان الغرفة فانا قمت بيها على احسن وجه

فهادو الامور موالفة بيهم فمسؤلية تنظيف البيت كانت على عاتقي

واما مصاحبة الشباب فلا تخطر على بالي ابداا ولن تخطر على بالي ابداا
فلن اهز ثقة والداي ابداا

تنبه هام الى الطالبات الجامعيات : الاقامة لما بنيت على ما اعتقدت جهزت واثثت كماينبغي... ولم يسكنها إلا انتم ايتها الطالبات : عيب عليكم ما تحفافظوش على االتجهيزات و تخربوها عيب عليكم ...
نبدأ من المطعم ..اروحوا الى المطعم يا الطالبه يامن تدعي الثقافة تاكلي و البلا نتاعك ترميهم على الطاولة و المنظفه مسكينة "" الفام دوميناج "" وين تلقاها عجوز محني ظهرها وترفد لك "" البلا نتاعك "" ما تحشموش..
- دورة المياه حاشكم تجي فناة طولها كي الباب مرة كامله لوكان جات في وقت بكري لوكان راها مزوجه وضانيه تدخل لدورة المياه إما تترك فضلاتها والمصيبه العين "" الحنفيه تمشي"" وماتتفرغوش الما ء من وراكم تتركي زبلك كي البقره عيب عليكم
عيب عليكم ولا تجي طالبه اخرى تكون حائض "" اكرمكم الله "" وترمي حافظاتها المتسخه في المحراث لدرجه انه تسبب في انسداد قنوات الصرف الصحي و يجي السباك يلقى المشكل في حافظاتكم المتسخه التي تتركي المزبله وترميها في المحراث ألي يشوف عورتكم و وسخكم والله العظيم والله العظيم وصلنا و ين شاهدنا حافظة نسويه متسخه امام مدخل ادارة الاقامه وكل الرجال تقزز من هاته التربيه ... "" يالي مزوق من برّ وشحالك من داخل""
كيما تزوقي من برا اهتمي بنظافتك بيئتك ونظافه محيطك واستري عورتك ايتها الطالبه
زمان مع قلة الشيء والاحتياج المراة في الخيمه والعروبيه وعورتها متبانش كيما الملايكه الزوج ومايشاهدش
اثرها تلقى في الدار خمسه بنات في دار و عورتهم ماتبانش ... واليوم مع هذا جيل البخص ولينا نشوفوا حافظاتهم الملطخه بالدم "" اكرمكم الله "" عند مدخل الاداره هذي التربيه العوجه للرباوهاللك مزال تولي حافظاتهمALWAYS معلقه في اشجار الشوارع ... الله يهديكم استر عورتكم استروا عورتكم ... اي تربيه اي ا هذه !!!!

شكراا اخي على التنبيه
انا لست من هادوا لبنات لو كنت منهم ماحطيت هدا الموضوع

واما بشان الصحبة فانا اخاف منها جداا واحاول قدر المستطاع اجتناب الفتيات الااخلاقيات

وفي اخير طبعا وبكل تاكيد ساتحمل البعد على الاهل والغربة من اجل دراستي التي تدوم لمدة 5 سنوات


وشكراا شكراا جزيلا على النصائح وتحديركم ربي يحفظكم
تحيتي
​

 

[أم لينة]

رد: الاقامة و ارواح التشوف

السلام عليكم
بالتوفيق اختي في دراستك . علاش مرحتيش للادارة و اشتكيتي على عدم توفر المستلزمات هاذي في غرفتك لانك راح تكوني مسؤولة عليهم و في نهاية السنة تلقاي مشاكل في التبرئة . قوليلهم بلي ملقيت فيها والو و هوما يتصرفو .
المهم ربي يعينك في قرايتك و ربي يرزقك صحبة الاخيار ان شاء الله .

 

[جليلوس]

رد: الاقامة و ارواح التشوف

السلام عليكم
اولا نقولك مبارك عليك التفوق في البكالوريا .. وان شاء الله نشوفوك دكتورة بالجامعة ... ربي يسهلك
فيما يخص موضوعك عندي مانقولك خيتي ... اسمعيلي للآخر
حاجة النظافة راهي باينة عندك نص نهار ونتي نقيتي على روحك ... حتى عندنا الكوارث في الإقامة
الله يستر برك ... لكن لي ننصحك بيها ماتخالطيش الخلطة في هاد الوقت صعيبة وماتخرجيش من الورطة لي ديريها في حياتك
راني شفت بعيني ... اعوامي لولالة كنت ساكن قدام اقامة لبنات ياو العجب راه صاري ... بنات بلادي نعرفهم مليح مليح
لقيتهم تبدلو 180 درجة سبحان الله العبد كي يكون مبلعين عليه في قفص وكي يتحرر يدير العجب
صراحة مانيش نقذف ولا نهدر في بنات الناس مي لي شافتو عيني راني نقولك فيه ... الديجي حتى للفجر والزغاريت تقول هادو راهم في عرس
وديك القراية ربي يجيب ... خارجين داخلين نصاص الليالي تقول اوتال ... حتى اعوان الامن ماعلابالهمش ... دايرينها معاهم ... استغفر الله
ودي سيارة تحط ولخرى تدي ... ياو بعضهم راهم يخدموا قزانات وشوافات ... لادوموند عليهم حتى من الولايات لخرين :s:s ... السحر والشعوذة والعياذ بالله
وتلك الامور التي لا يرضى بيها لا ربي لا رسوله الكريم ... الله يبعد علينا مثل هذه المحرمااات ... ويثبتنا قبل مايدينا
يعني قد مانحكيلك مانكملش ... مانيش نخوف فيك بصح هادا هو الواقع ... الا من رحم ربي
الهاي بقرايتك وعرفي معامن تمشي ... باسكو ادا غلطتي طفرت
وعلابالي كاين بنات الفاميلا لي حابين يقراو ويشرفوا اهلهم ويحافظوا على شرفهم وعزتهم ... الله يوفقك خيتي ومايكون غير الخير
توكلي على ربي ... واختاري شريكة الغرفة تكون تخاف ربي وتصلي وتذكر وتنصحك ادا غلطتي ولك بالمثل ... دمت بخير
معذرة منكم اذا اطلت الحديث ... تحيتي
​

 

[جليلوس]

رد: الاقامة و ارواح التشوف

السلام عليكم
فيما يخص قش الغرفة الخاصة بك ... انتي عليك بتنظيفها وبعدها تروحي عندهم في الجناح لي تسكني فيه ...
تخبريهم بلي لا كراسي عندك لا طاولات ... ويعطوك الفراش .. ديباناج برك وجيبي من داركم فراش جديد ونقي ...
المهم ناكد على كلام الأخت ام لينة لازم تكونفيرمي معاهم واش خرجتي من عندهم هاكا ماتصرالكش مشاكل في نهاية السنة بعدما تحاسبي معاهم وديري تبرئة الذمة بلي كلش رجع ليهم ... اي شيئ تحتاجينه فنحن في الخدمة لا تترددي ...
وربي يوفقك
​

 

[نظرة تفاؤل]

رد: الاقامة و ارواح التشوف

السلام عليكم
بالتوفيق اختي في دراستك . علاش مرحتيش للادارة و اشتكيتي على عدم توفر المستلزمات هاذي في غرفتك لانك راح تكوني مسؤولة عليهم و في نهاية السنة تلقاي مشاكل في التبرئة . قوليلهم بلي ملقيت فيها والو و هوما يتصرفو .
المهم ربي يعينك في قرايتك و ربي يرزقك صحبة الاخيار ان شاء الله .

شكراا اختي

اختي واش نقلك الادارة

واحد من الادارة هو الي قالنا حوس على خزاين والطوابل في الغرف الفارغة

ان شاء الله ياربي

ربي يخليك اختي
​

 

[نظرة تفاؤل]

رد: الاقامة و ارواح التشوف

السلام عليكم
اولا نقولك مبارك عليك التفوق في البكالوريا .. وان شاء الله نشوفوك دكتورة بالجامعة ... ربي يسهلك
ان شاء الله ياخويا ربي يعيشك
فيما يخص موضوعك عندي مانقولك خيتي ... اسمعيلي للآخر
حاجة النظافة راهي باينة عندك نص نهار ونتي نقيتي على روحك ... حتى عندنا الكوارث في الإقامة
انا ماهيش مشكلة النظافة الي غبنتني بل عدم توفر الملتزمات
الله يستر برك ... لكن لي ننصحك بيها ماتخالطيش الخلطة في هاد الوقت صعيبة وماتخرجيش من الورطة لي ديريها في حياتك
راني شفت بعيني ... اعوامي لولالة كنت ساكن قدام اقامة لبنات ياو العجب راه صاري ... بنات بلادي نعرفهم مليح مليح
لقيتهم تبدلو 180 درجة سبحان الله العبد كي يكون مبلعين عليه في قفص وكي يتحرر يدير العجب
والله عندك الحق ياخويا هذا راه صاري في كل بلاصة
صراحة مانيش نقذف ولا نهدر في بنات الناس مي لي شافتو عيني راني نقولك فيه ... الديجي حتى للفجر والزغاريت تقول هادو راهم في عرس
والله راهي صارية عندنا في وحد البلوك عندنا مي هداك البلوك بعيد علينا
تاع طالبات قدم
وديك القراية ربي يجيب ... خارجين داخلين نصاص الليالي تقول اوتال ... حتى اعوان الامن ماعلابالهمش ... دايرينها معاهم ... استغفر الله
ودي سيارة تحط ولخرى تدي ... ياو بعضهم راهم يخدموا قزانات وشوافات ... لادوموند عليهم حتى من الولايات لخرين :s:s ... السحر والشعوذة والعياذ بالله
ربي يحفظنا منهم
وتلك الامور التي لا يرضى بيها لا ربي لا رسوله الكريم ... الله يبعد علينا مثل هذه المحرمااات ... ويثبتنا قبل مايدينا
يعني قد مانحكيلك مانكملش ... مانيش نخوف فيك بصح هادا هو الواقع ... الا من رحم ربي
الهاي بقرايتك وعرفي معامن تمشي ... باسكو ادا غلطتي طفرت
شكراا اخي على النصيحة
والله راني نتبع فيها وماتخافش عليا نهز ثقة والديا
وعلابالي كاين بنات الفاميلا لي حابين يقراو ويشرفوا اهلهم ويحافظوا على شرفهم وعزتهم ... الله يوفقك خيتي ومايكون غير الخير
توكلي على ربي ... واختاري شريكة الغرفة تكون تخاف ربي وتصلي وتذكر وتنصحك ادا غلطتي ولك بالمثل .
والله ياخي مواصفات زميلتي في الغرفة كما تذكر وحتى اصحاب الغرف المجاورة
لاادري ان كان تلك طباعهم ام مظاهر ولكن جاوني ناس ملاح وترونكيل والله اعلم بعباده
.. دمت بخير
معذرة منكم اذا اطلت الحديث ... تحيتي

لا يا اخي بل حديثك افادني جداا

​

شكراا اخي على النصائح
ربي يوفقك اخي الكريم
​

 

[نظرة تفاؤل]

رد: الاقامة و ارواح التشوف

السلام عليكم
فيما يخص قش الغرفة الخاصة بك ... انتي عليك بتنظيفها وبعدها تروحي عندهم في الجناح لي تسكني فيه ...
تخبريهم بلي لا كراسي عندك لا طاولات .
.. ويعطوك الفراش .. ديباناج برك وجيبي من داركم فراش جديد ونقي ...
المهم ناكد على كلام الأخت ام لينة لازم تكونفيرمي معاهم واش خرجتي من عندهم هاكا ماتصرالكش مشاكل في نهاية السنة بعدما تحاسبي معاهم وديري تبرئة الذمة بلي كلش رجع ليهم ... اي شيئ تحتاجينه فنحن في الخدمة لا تترددي ...
وربي يوفقك
​

والله ياخويا هوما راهم عارفين بنقص الملتزمات

والبلوك الي قاصوني فيه عندو اربع سنوات مانحلش يعني تصور كيفاش راح يكون

+
شكرا جزيلا ربي يحفظك
​

 

[عاشقة الكرة]

رد: الاقامة و ارواح التشوف

السلام عليكم
هههه اختي مازال ماشفتيي والو والو ديجا أنا راه واجعني قلبي منحكيش خير والله خاوتي كفاو ووفاو المهم انت متخلي حد يزعزعك كوني أنتِ وكلشي يفوت بإذن الله
وفقك الله عزيزتي

 

[GI Joe]

رد: الاقامة و ارواح التشوف

mazalek machefti wallou
matkhaltich bzeef bark, prc kayn hata li tbanlek nass mleh w hia rahi narr taht tben

w la copine de chambre li tbat tahki f telephone na9ssa hanan meskina takerhi hyatek
aaaatention attention tahedri 3la wahda, rahi kelmet allah yahdihom w goliha fi guelbek prc hadi w tjiblek des probleme

w djwarinek ma dassrihomch bzef

bn courage

 

[ثَسْكُورْثْ نَثْدُوكْلِي]

رد: الاقامة و ارواح التشوف

سلام عليكم الزينة اولا مبرووك عليك ^^

وكيما قالو الاعضاء اللي قبلي الشومبرا بيدك اما الاقامة غير ماتعمريش راسك بيها بويسك عندك ماتشوفي هذي برك البداية يا حنونة ديري ربي ف قلبك حافظي على صلاتك وداومي ع الاذكار وننصحك اوقات الفراغ كي تخلصي قرايتك تستغليه مع لبنات ف الاقامة كاين تماتيك مصلى خاص يحفظو القران هكاك تعمري وقتك وماتلتهايش بصماطة لبنات ووسعي بالك واهتمي برك بقرايتك وبلاكي تتشوكاي ههه مارانيش نخلع فيك مي جربت الاقامة لثلاث سنوات ومازالني فيها والتحدي الاكبر لي اني بدلت الاقامة والولاية خخخخ ربي يستر برك تقدري تقولي دوك نبدى الاعتياد من الاول كيما انت ^^
يعني ربي يجيب الخير برك وواش نقولك الاقامة او الجامعة بصفة عااامة فيها طريقين وانت تخيري الطريق اللي حابة تبني بيها مستقبلك وسمعتك وربي يوفقك ان شاء الله ماتخالطيش بزاااف لبنات برك سلام صافا لباس الحمد لله هذا مكان وخيري زوج بنات هذا مكان وماتكثريش ...

تفضلي هذا الموضوع بلاك يفيدك شوية ....

موفقة
تحياتي

​

نصائح للطالبات المقبلات على الاقامة الجامعية ...

​

 

[ثَسْكُورْثْ نَثْدُوكْلِي]

رد: الاقامة و ارواح التشوف

السلام عليكم
اولا نقولك مبارك عليك التفوق في البكالوريا .. وان شاء الله نشوفوك دكتورة بالجامعة ... ربي يسهلك
فيما يخص موضوعك عندي مانقولك خيتي ... اسمعيلي للآخر
حاجة النظافة راهي باينة عندك نص نهار ونتي نقيتي على روحك ... حتى عندنا الكوارث في الإقامة
الله يستر برك ... لكن لي ننصحك بيها ماتخالطيش الخلطة في هاد الوقت صعيبة وماتخرجيش من الورطة لي ديريها في حياتك
راني شفت بعيني ... اعوامي لولالة كنت ساكن قدام اقامة لبنات ياو العجب راه صاري ... بنات بلادي نعرفهم مليح مليح
لقيتهم تبدلو 180 درجة سبحان الله العبد كي يكون مبلعين عليه في قفص وكي يتحرر يدير العجب
صراحة مانيش نقذف ولا نهدر في بنات الناس مي لي شافتو عيني راني نقولك فيه ... الديجي حتى للفجر والزغاريت تقول هادو راهم في عرس
وديك القراية ربي يجيب ... خارجين داخلين نصاص الليالي تقول اوتال ... حتى اعوان الامن ماعلابالهمش ... دايرينها معاهم ... استغفر الله
ودي سيارة تحط ولخرى تدي ... ياو بعضهم راهم يخدموا قزانات وشوافات ... لادوموند عليهم حتى من الولايات لخرين :s:s ... السحر والشعوذة والعياذ بالله
وتلك الامور التي لا يرضى بيها لا ربي لا رسوله الكريم ... الله يبعد علينا مثل هذه المحرمااات ... ويثبتنا قبل مايدينا
يعني قد مانحكيلك مانكملش ... مانيش نخوف فيك بصح هادا هو الواقع ... الا من رحم ربي
الهاي بقرايتك وعرفي معامن تمشي ... باسكو ادا غلطتي طفرت
وعلابالي كاين بنات الفاميلا لي حابين يقراو ويشرفوا اهلهم ويحافظوا على شرفهم وعزتهم ... الله يوفقك خيتي ومايكون غير الخير
توكلي على ربي ... واختاري شريكة الغرفة تكون تخاف ربي وتصلي وتذكر وتنصحك ادا غلطتي ولك بالمثل ... دمت بخير
معذرة منكم اذا اطلت الحديث ... تحيتي
​

وعليكم السلام استاذ اسف ع التدخل :d

للاسف ماقلته حقيقة مرة لا ينكرها احد دخل هذا العالم و وتجعلك للاسف تكره الدراسة من اولها ربي يهدي ماخلق وربي يثبتنا على الصواب ... لكن بالمقابل تستطيع ان تختار طريق يشرفك ويشرف مستقبلك فالاقامة والجامعة طريقين انت واختيارك....

و نزيد نصيحة للاخت ليزاجو او اعوان الامن تجنبي قدر المستطاع ان لا تتكلمي معهم وماديريش الثقة في اي وحد فيهم هما في طريقهم وانت في طريقك الزينة ومايغركش البنات ليحكيو ويقصرو معاهم هما الله يهديهم وانت شدي ف ربي واتهلاي ف قرايتك وتوجولر تفكري ربي وثقة والديك وعايلتك بصفة عامة هما دارو فيك الثقة وخلاوك تباتي في اقامة غير اقامتك غير بيتكم وانت شرفيهم وربي يوفقك ...

هههه تفكرت الريسطو :tongue02: ربي يكون معاك واشري ريزيستونص وبصحتك :d


تحياتي




​