مشكل في حبوب منع للحمل

[بنقابي افتخر]

السلام عليكم
اختي انا عندي مشكل في حبوب منع الحمل
يعني لما نبدا فيه نكون عادا ماكملتش الصفيحه وتجيني الدورة
وراني مغيراتو شحال من مرة يعني اول شيئ كنت نستعمل ميرسيلون ومن بعد ميغفيلون
ومن بعد ميكغوفال
والان وصفتلي الطبيبه مينيس على اساس منظم هرموني في نفس الوقت مانع للحمل
لأنو تشربيه يوميا حتى ايام الدوره
وتحبسيه بعد الدورة بثلاثة ايام
وكل مرة وكيفاه يعني مرات منكملش 15 حبه وتجيني والله حرت.
وخايف كانش مايصرى حمل
لأنو بعد بنتي وبسبة الحبوب حملت حمل عنقدي
يعني خارج الرحم
والسبب كان الحبوب
لأني لما كنت نشوف الدوره نحبسو .. فهميني يرحم والديك ..

 

[نبض الحياة]

رد: مشكل في حبوب منع للحمل

السلام عليكم ورحمة الله
سلامتك غاليتي
الزينة شكون اللي يوصفلك هاد الحبوب؟

 

[بنقابي افتخر]

رد: مشكل في حبوب منع للحمل

مرات القابلة نتاع المستوصف .


ومرات الطبيبه

 

[نبض الحياة]

رد: مشكل في حبوب منع للحمل

اوكي حبوبتي
وهاد المشكل ملي بديتي تتناولي الحبوب ولا بعد الحمل الاول
الطبيبة عملتلك ايكو قبل ولا لا
عانيتي من مشكل من قبل حبيبتي

 

[بنقابي افتخر]

رد: مشكل في حبوب منع للحمل

ايه بدات من اول مرة شربتو
وشربتو قبل ما نحمل بإبنتي وعانيت من مشاكل بقيت ننزف حتال اللي حبستو ماكنتش نعرف بلي بسبتو
ولما عملت ايكو .قالتلي الطبيبه عندك لحيمات في الرحم
وفعلا رحو بالدوا وحملت وعادي
حتال اللي فطمت بنتي وبدبت نشربو لاحظت نفس المشكل نزيف .....
ولما عملت ايكو قالولي حمل خارج الرحم ....
حصل سقوط ...
ولكن المشكل هو هو

 

[نبض الحياة]

رد: مشكل في حبوب منع للحمل

مالا عندك des polypes حبيبتي
وهوما حتى وان راحو احتمال كبير يرجعو
لذلك نظن هوما اللي رجعو عملولك هاد المشكل
لانو في الاصل حبوب منع الحمل بحد ذاتها هي هرمونات منظمة للدورة
وحتى منظمة لمعدل الهرمونات في الجسم
ما نقدر نقولك اسم آخر للحبوب حبيبة
قبل ما نتاكدو من السبب
اذا حبيتي كاينة طبيبة كبداني في البلاد جينيكولوغ لاباس بيها زوريها حبيبتي وتعملك ايكو واحكيلها المشكل
ممكن يكون عندها حل او راي آخر
بالشفا عليك الزينة
واسمحيلي ما قدرت نفيدك اكثر

 

[مريم.]

رد: مشكل في حبوب منع للحمل

ربي يشافيك اختي ليدي ديري رقية شرعية اسمعيها وبدلي لحبوب ديري miliane ميليان ب 500 بصح مليحا جربي يمكن ربي يسهلك فيها

 

[بنقابي افتخر]

رد: مشكل في حبوب منع للحمل

ربي يشافيك اختي ليدي ديري رقية شرعية اسمعيها وبدلي لحبوب ديري miliane ميليان ب 500 بصح مليحا جربي يمكن ربي يسهلك فيها

هادا تاني جربتو واولو

 

[نبض الحياة]

رد: مشكل في حبوب منع للحمل

اسماء حبيبتي
ماتزيديش تخلطي في الحبوب
لازم تعرفي واش هو المشكل اللي راه عاملك هاد الشي
باسكو اذا ما تعالج المشكل تشربيهم كامل و يبقالك المشكل هو
لاني على ما اعتقد المشكل ماشي في الحبوب وانما عندك
ربي يشفيك غاليتي

 

[أم لينة]

رد: مشكل في حبوب منع للحمل

ربي يشفيك اختي ليدي .و طمنينا عليك .