شاركنا يومك الأول من عيد الأضحى == مرحبا بيكم ==

[جليلوس]

رد: شاركنا يومك الأول من عيد الأضحى == مرحبا بيكم ==

الله يجيب الخير خويا

كي كنا صغار ما نعرفوا والو كنا ملي تجي يمات العيد و حنا فرحانين و كي تكون فالشارع تحس بنكهة العيد قبل ما يلحق يومه

لاكن اليوم كي كبرنا و رانا نشوفوا واش راه صاري واحد يعيد و احد ميقدر و زيد حال الامة الاسلامية و الله كلشي يصماط

الحمد لله كي رانا نديروا السنة و هدا هو الصح و نتمنى تكون جميع الامة الاسلامية بخير .

بصح خويا جاليلو الى ما عطاتكش حقها الاخت lee yong مكانش لي تعطيك هههه جيبلها دجاجة و انت دي ملفوف نتاعها .

شكرا لك و نتمى نشاركو في هد الموضوع و ان شاء الله يا ربي بنات اللمة كامل خاصة الصغار هوما لي يديرو بزلوف

و يغسلوا الدوارة هههه ​

السلام عليكم
اهلا اخي نجيب نورت بوجودك
صح نكهة العيد بين زمان واليوم تغيرت
لكن بوجود الاهل والاحباب نفوتوا عيد مليح ولا شاقال خيي :up:
وي وكي تكون الصح هاديك نعمة من عند الله ... نطلبوا من ربي العالي القبول هادا مكان
خخخخخ دجاجة قليلة في حقها ماعليش داندو في خاطر الملفوف :d هههههههه
خخخخخ راك تستشفاا هس هس لا يسمعونا :p اليوم ماتفراش :sport01:
ان شاء الله يارب مرحبا بالجميع ... احبتي في الله
دمت بخير يا طيب

 

[نجيب]

رد: شاركنا يومك الأول من عيد الأضحى == مرحبا بيكم ==

الاخ جليلو قالكم احكيو على أجواء العيد في داركم كيفاش تفوتوها

كامل حنا نعرفو بلي يوجد الفقير والمسكين والي عيد والي ماعيدش وحال الامة كيفاش راهي
هاد الامور كلنا على علم بها واش علينا من غير الدعاء وان شاء الله بعد الدبيحة كل واحد يعرف عائلة ماعيدتش يهديها هدية من العيد مابيدنا حيلة ومع الاسف القادم اسوء برك نقولو اللهم أحسن خاتمتنا
​

أوكي اختي انا مفهمتش كلام جاليلوا بصح كي راكي نبهتيني درك كي نشوط بوزلوف و نغسل الدوارة راني نحط الصور
​

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم أخي جليلو
يعطيك الصحة على الموضوع

وعليكم السلام ورحمة الله
الله يسلمك مرحبا بيك خيتي رزيقة نورتي :up:

صح بنة العيد وحدها ربي يجعلها دايمة كامل على الامة الاسلامية

ان شاء الله يارب ... وربي يفرج على كل فقير في أُمّة الإسلام والمسلمين

مهار العيد نوض بكري من الفجر نشرب قهوة ونرتب البيت ونوجد صوالح تاع الذبيحة
وكي يجو من الصلاة نعايدو على بعضانا
انا شخصيا يد بيد معاهم في السليخ نشد معاهم
ومن بعد نروح للدوارة نقيها واكيد ما ننساوش الكبدة حنا بابا يقعد صايم حتى يفطر على الكبدة عادة باقي شادها نقلي الكبدة وراك عارف فريت
ومن بعد نولي نكمل الدوارة وندير عصبان ونطيب بوزولوف
وفي اليوم الثاني كيف كيف نوض بكري بابا يقطع اللحم نشد معاه ونوجد تاع الشوا قبل ما ينوضو خاوتي وعلى الفطور نديرو كسكس
انا شخصيا ما نكلش اللحم نخاف حتى بعد يومين ولا ثلاثة

ما شاء الله عليكم ... ناشطين ربي يبارك
مليح تقريبا نفس العادات ... خخخخ اللحم ماتخافيش اعطيهولي انا نخبيهولك
هههههههههه :d تعيدوا وتزيدوا وتسلخوا وتشوطوا البوزلوف بصحتكم :yahoo01:
وكل عام وانتم بخير

يعطيك الصحة
تحياتي​

شكرا لتواجدك بارك الله فيك

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

أوكي اختي انا مفهمتش كلام جاليلوا بصح كي راكي نبهتيني درك كي نشوط بوزلوف و نغسل الدوارة راني نحط الصور
​

وعلاش لا يا اخي ؟ مافيها والو تشوط زليف ولا رفدت هديك الدوارة وخويتها واش فيها ؟ وانت ماتدبح وماتسلخ ماتحكم لخروف ؟؟
:-r:-r:-r

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم

وعليكم السلام ورحمة الله

والله يدخل العيد عليكم وعلينا وعلى جميع الامة الاسلامية بالخير الصحة والهنآء
والله يرزق كل محتاج مسكين فقير

اهلا وسهلا اختي شاف اللمة مرحبا بيك
اللهم آمين يارب ... يعطيك الصحة

يوم عرفة يوم خاص يكون فيه جو رمضاني جميل لو ماتصومش وتصبح معيد ماتجينيش اجواء العيد

اكيد فيوم عرفة المبارك هو تحلية العيد
اللهم تقبله منا وتقبل صيامنا وقيامنا ودعائنا يارب يا قادر يا كريم

بالنسبة ليا نوض بكري مور الفجر ماكانش نوم بصح نقعد نتفكر فالاعياد الي مرت معا جدي وجداتي الله يرحمهم ويوسع عليهم تحمني البكية من بعد نتستغفر ربي و نوض نخمل ونتحف الحالة انا واختي طبعا امي تكون تحضر القهوة نتقهواو وابي وخوتي يوحو للمسجد ايا انا نلبس فيها طابليا نتاع البوشية ^^ ونوجدو مستلزمات الدبيحة
من سكاكين وبوشية ككك وباسينات ونحبطهم لتحت ونقي البطاطا على بكري وندير سلاطة هدو الاشياء نديروهم قبل مايدينا يتيدمو نكون نخدم وماد الجامع قدامنا يكونو يكبرو نكبر معاهم ومن بعد نسمع للخطبتين هذا لمام الي جابوهونا يبكي ديما في صلاة الجمعة يبكينا فمابالك بالعيد المهم من بعد يخرجو من الصلاة نغفرو على بعضانا
ايا نتوجهو كامل لتحت ونعاونو ابي انا واختي اما خويا ماكان حالة معاه امالي نمدله لاباراي يصور هههه
من بعد الدبيحة والسليخة انا وختي نتقاسمو المهام امي كانت تعاونا لكن هاد العيد لا اعتقد تقدر اتمنالها الشفاء العاجل احنا كي نكونو نخدمو ابي يشعل النار ويشوي الكبدة وامي تكون توجد فالاضافات واحنا نكملو الحوايج من الزليف والدوارة والرية ووو حتى تقرب 12 نكونو فضينا لحوايج لكابر ايا ونقعدو على الطابلة ايا والكلياكل وانا نتفرج فيهم ^^ حتى شي ما ناكلو حتى لفريت ونعود نشم فيها ريحة لحم ناكل فاكية ونوض وحقي راه مخبي لصاحب الموضوع من دروك ههههههههه من بعد يجي وقت المغفرة وزيارة الاحباب حنا فالحقيقة تاني عيد نخرجو وفالليل كي نرجعو ابي يجي يفصل اللحم احنا عدنا الة القص تجينا ساهلة وامي تختار معاه نتاع الشوا ونتاع القلي والطياب كل واحد وحدو ديرهم في صاشيات ونكتبلها فيهم نتاع واش ويتخباو فالتلاجة وخويا شاطر يكون موجد المجمر ويشوي

حكيت بالتفصيل الممل

لالا بالعكس سرني ردك القيم
يعطيك الصحة اختي ... ربي يشفي الوالدة الكريمة ... ويعافيها يااارب
حسستينا بنهار العيد هههههه وفرحته ... تقريبا نفس الشيئ عندنا الا ان الماشية تقعد تنشف مرات تقطع في الليل ومرات في صباح اليوم الثاني
تقول رانا في دارنا :d اهم شيئ لومبيونس
الله يدوم لمتكم ان شاء الله ... ياو ماتكتريش اللحم يضرك ... يدير الكوليسترول :yahoo01:خخخخ
دمتم بخير


​

تعيدوا وتزيدوا اختي مطبخ الاحلام ... شكرا لتواجدك
بارك الله فيك

 

[AmiR@RoRo]

رد: شاركنا يومك الأول من عيد الأضحى == مرحبا بيكم ==

هههههههههههه روو اجوائكم كانت تشبه لاجوائنا احنا تاني كنا عيال جداتي واحنا وزوج عمومي
ابي مسكين ظهرو ينقسم بالدبيح والسليخ وحتى احنا نكملو مع 1.30 ظهر يأدن علينا بصح شا هي الكبدة ياكلوها مع 12.30 ولا 12 وكل واحد في دارو وكل واحد يدوق خوه سفود نتاع الكبدة ههههه هديك هي الاجواء الي صرت نبكي عليها ...
اسمعي راكي كبرتي هاد العام سيي تنقي الدوارة وخطيك من بوزلوف راه واعر عليك ^^ بكري كنا نكرهو فالتسياق والحوش الكبير
اما كي رحلنا ندبحو فالكراج فيه كارلاج تجي ساااهلة وهديك الهيدورة ديراكت في ساشي لجامع مشي كيما بكري جداتي تكشفنا بيهم
تديهم وتقلنا غسلوهملي واااااااااع وتيبسهم نعقل مرات حتى دود يدور بيها ههههه
بالنسبة لبوزلوف احنا نديروه فاليوم الخامس او سادس ...... :yahoo01:

بصح ماناكل والو ونفرح بالعيييد بزاف ونخدم صوالحو ^^ بصح تلقايني موسوسة مع روحي وغير نشم في يدي ونغسل فيهم ونديرلهم جميع العطور وتبقا الريحة بصح في نيفي مش في روحي ههههههههه
​

هههه ايوا رانا كيفكيف مام حنا نتذاوقو بصح فليل
سيي تنقي الدوارة ... هههههههههه شحال ضحكت كي قريت العبارة هادي يا سمسومه
وش من دوارة يا بنيتي انا غي نشوفهم يخدمو فيهم قلبي يطلع ونبدا نتحسس وين عاد نتوشيها ههه
خلي البوزلوف هما يشوطو وحنا نكرطوه برك تجي ساهله خير ههه
والهيدورة تاني كيف كيف نديروهم كامل ب4 ويفوتو كاميونات يرفدوهم
ماما تكرهلها جدها وبابا كان يحتم عليها تعملها يقولها نديها للبحر معايا هههه
راه عنا نقاط اشتراك بزاف هههه راني كيفك نبقى غير نتحسس مام مانتوشي والو نبدا غي ندور ونغسل فيديا وندير فليبارفا :down:
ماما كي تشوفني تقولي الريحه راها لاصقه في نيفك برك ماكان لا ريحة لا والو هههه
الله غالب توسويس ،، سلميلي على عبود ان شا الله برك مايطلعش كيفك اونتي لحم ههه ​

 

["viola"]

رد: شاركنا يومك الأول من عيد الأضحى == مرحبا بيكم ==

السلاام علييييكم

نهنيكم قبل بعيد الاضحى المبارك :d و كل عام و نتوما بخيير

نحكيلك على نهار العيد عندنا كفاه ..نوضو بكري كيما الخاوة قااع نلقى بابا و خويا راحو للجامع ..

ايا نستيكو الحالة و نوجدو الصالة و القش تاع الذبيحة قااع ..

مبعد "وهاذي ندييرها طووول " نجبد التيليفون و نبدا نكاميري فالعايلة و نعيد عليهم واحد بواحد و نروح للكبش نغزلو و نقوللو مبقالكش بزاااف خخخخخ:p وندير معاه السيلفي :d و نطلق في هبالي قااع وش كاين :d:p

و كي يجو مالصلاة نقلبوها انا و اختي ..نضربو فيها السيرفات و ليبوط و نستنى عمي الذباح يجي:d ..

كي يجي عمي الذباح تبدا المراسم خخخخ نعاونوه فالسليخة و تسياق هذاك الدم و كلش و بابا راه يكاميري برك خخخخ و خويا صغيريشوف من بعيد يخاف ههه

المهم نبعثو ل امّا البوزلوف و الكرعين تشوط.. و انا نحكم ذيك الدوارة نسيقها :d و الضياف داخلين خارجين يعيدو..

و بلا ما ننساو الغنية تاع ابراهيم الخليل هاذيك فالتيلي الله الله جو يهببل ..

و مبعد نفطروا بكبوكة و ملفوف ..حاجة خفيفة

و العشية تفوت سامطة شوية -_- حتى مبعد يجي عمي الجزار يقطع الجزرة و نبداو الوزيعة و الهدايا و كلش .

و العشا يديرو البوزلوف و المخ ععععععع مناكلوش انا نقلي شوية نتاع اللحم برك :d

و النهار الثاني يا حنا نروحو لجداتي و نتلمو فالحوش يا هوما يهبطو عندنا و هذا ماكان:-r

و ربي يتقبل من كل مومن و يفرج على كل فقيييير و يصلح احوال الامة يااا رب مع هاذ العواشير ..

صحيييت جاليلو :thumb_up02:..كل عام و اللماويين بألف خيير ^_^​

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

تعيدوا وتزيدوا اختي مطبخ الاحلام ... شكرا لتواجدك
بارك الله فيك

امين ياربي ويشفي جميع المرضى يارب
لا اخي قلت نفصلو الخروف بعد مانرجعو من المغفرة وقلت احنا نخرجو تاني يوم اي فالنهار تاني وفالليل تكون نشفت وكملت هههه

يا وماناكلش اللحم وحتى مرقة الي طايبة بيه مانكلهاش قول شهر ماندورش بالكوزينة ^^ نلحقها غير طوماطيش فالخبز :d
​

 

[جليلوس]

رد: شاركنا يومك الأول من عيد الأضحى == مرحبا بيكم ==

جزاكم الله خيراً أخي جليلو، تتحفنا بمواضيعك المميزة دائماً
حفظكم المولى.

اهلا بيك اختي سكون الفجر
وجزاكم ربي بالمثل ... شكرا لتواجدك الطيب

ليوم وقفة عرفة طعم خاص ألفته منذ الصغر
حيث اني انهظ باكراً واقوم ببعض التنضيفات البسيطة التي ربما تركتها من اليوم الذي قبله
وأنهي التحضير للفطور من الصباح لكس اتفرغ للدعاء وقراءة القران
وما اصبحت هكذا الا لأن وابي وامي هكذا، حفظ الله والديكم آمين

ما شاء الله وتبارك ... ربي يقوي ايمانك ويرزقكم الخير ان شاء الله
تقبل الله منا ومنكم

بعد الفطور نقوم بتجهيز ملابس والدي وعطره وحذاءه إكرمكم الله
وأتفقد حاجات اخواتي واخي صم اجهز طاولة الحلويات
ولا انقص منها شيء ولله الحمد

:up::up: يعطيك الصحة ...
يا حبذا لو تتحفوننا بصور من عدساتكم المتواضعة

لا احد ينام في هذه الليلة، بين ضحك ولعب وتذكر ايام الطفولة والقليل من البكاء
تنتهي الليلة وكل واحد يرمي بنفسه على الفراش لبعض الراحة ( لا النوم طبعاً)
وما هي الا ساعات قليلة ويأتي وقت الذهاب والاياب من بين الغرف الى المطبخ الى الحمام
ونذهب الى القاعة ونصلي صلاة العيد وهناك فقط نشعر بلذة العيد وبتلك الرائحة الزكية

بعد الصلاة نعود الى البيت ونتناول الفطور
ثم نعود الى حالنا ههه فالعيد هو الصلاة وحين نخرج الى البيت
نعود الى البيت فنرتدي الثياب الجميلة وكل منا ينظر في وجه الآخر ههه

افهم من كلامك انك مغتربة عن الجزائر ... آآآه ربي يقدركم ويصبركم
فعلا الفراق صعب والأصعب لذة العيد مع الأحباب والأصحاب
لكن لا عليكم ... نحن معكم سنشارككم فرحتكم ... ابقي معنا هنا
طالعي على ردود الإخوة لربما ترتاحين ولو قليلا
تقبل الله منا ومنكم

بارك الله لكم في عيدكم احبتي في الله في اللمة الجزائرية
دمتم طيبين
​

الله يبارك فيك وفي ايامك
دمتم بخير وصحا عيدكم ... ربي يتقبل منا ومنكم
تحيتي

 

[جليلوس]

رد: شاركنا يومك الأول من عيد الأضحى == مرحبا بيكم ==

مع الاسف اجواء العيد في الخارج ليس كالبلاد الله يعينكم خيتي ^^
حنا لكان مانوسخوش رواحنا بالدم وريحة الخرفان مايكونش عيد
ان شاء الله العام الجاي تجيو للبلاد تعيدو
ودمتم سالمين ياب
​

معك حق اختي الكريمة ... كان الله في عونهم
وان شاء الله يعيدوا مع لحباب لعوام الجاية
ودمتم بخير جميعا

 

[جليلوس]

رد: شاركنا يومك الأول من عيد الأضحى == مرحبا بيكم ==

الاخ جليلو قالكم احكيو على أجواء العيد في داركم كيفاش تفوتوها

كامل حنا نعرفو بلي يوجد الفقير والمسكين والي عيد والي ماعيدش وحال الامة كيفاش راهي
هاد الامور كلنا على علم بها واش علينا من غير الدعاء وان شاء الله بعد الدبيحة كل واحد يعرف عائلة ماعيدتش يهديها هدية من العيد مابيدنا حيلة ومع الاسف القادم اسوء برك نقولو اللهم أحسن خاتمتنا
​

فالظاهر انو الأغلبية لم تفهم قصدي
يعطيك الصحة اختي شكرا على التوضيح ... كفيت ووفيت
بورك فيك ... تحيتي :regards01:

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

هههه ايوا رانا كيفكيف مام حنا نتذاوقو بصح فليل
سيي تنقي الدوارة ... هههههههههه شحال ضحكت كي قريت العبارة هادي يا سمسومه
وش من دوارة يا بنيتي انا غي نشوفهم يخدمو فيهم قلبي يطلع ونبدا نتحسس وين عاد نتوشيها ههه
خلي البوزلوف هما يشوطو وحنا نكرطوه برك تجي ساهله خير ههه
والهيدورة تاني كيف كيف نديروهم كامل ب4 ويفوتو كاميونات يرفدوهم
ماما تكرهلها جدها وبابا كان يحتم عليها تعملها يقولها نديها للبحر معايا هههه
راه عنا نقاط اشتراك بزاف هههه راني كيفك نبقى غير نتحسس مام مانتوشي والو نبدا غي ندور ونغسل فيديا وندير فليبارفا :down:
ماما كي تشوفني تقولي الريحه راها لاصقه في نيفك برك ماكان لا ريحة لا والو هههه
الله غالب توسويس ،، سلميلي على عبود ان شا الله برك مايطلعش كيفك اونتي لحم ههه ​

ههههههههههههههههه رانا كيف كيف اختلاف غير فالليل ههههههههه
صح ابي مايحبش الهيدورة هههههههه والدوارة نقولولها دوارة ولا الكرشة ككككككك
راني وراه كل ما يكون لحم نوكلو نتاع بسيف احنا عائلتنا تقريبا غير ابي وامي وخويا الي ياكلو اللحم مليح لخرين غير ينقبو اما انا راكي تعرفي ماندورش بيه مطفرية فيا الله غالب لا يكلف الله نفس الا وسعها ...
سلامك يوصل غاليتي وانتي تاني سلمي .........
تبالي ردينا الموضوع حوار دوك جليلو يجري ورانا ههههههههه << اسمع اخي جاليلو هدا عيد ماطردناش رانا فرحانين

 

[AmiR@RoRo]

رد: شاركنا يومك الأول من عيد الأضحى == مرحبا بيكم ==

ههههههههههههههههه رانا كيف كيف اختلاف غير فالليل ههههههههه
صح ابي مايحبش الهيدورة هههههههه والدوارة نقولولها دوارة ولا الكرشة ككككككك
راني وراه كل ما يكون لحم نوكلو نتاع بسيف احنا عائلتنا تقريبا غير ابي وامي وخويا الي ياكلو اللحم مليح لخرين غير ينقبو اما انا راكي تعرفي ماندورش بيه مطفرية فيا الله غالب لا يكلف الله نفس الا وسعها ...
سلامك يوصل غاليتي وانتي تاني سلمي .........
تبالي ردينا الموضوع حوار دوك جليلو يجري ورانا ههههههههه << اسمع اخي جاليلو هدا عيد ماطردناش رانا فرحانين

هههه ايوا سعداتكم تهنيتو منها ههه
وعبود ولفيه من درك خير ماتطفر فيه كما تطفرت في خته
حنا الصغير راه طالع ماياكل والو لا لحم لا دجاج هههه نباتي هههه
ملا قولي نتي والديك واسامة راهم يفيشطو فاللحم بلا بيكم تهناو ههههه
الله يسلمك حبيبة
جليلو اسمحلنا في خاطر العيد برك هههه​

 

[جليلوس]

رد: شاركنا يومك الأول من عيد الأضحى == مرحبا بيكم ==

السلآم عليكم ورحمة الله تعالى وبركاته
اولا عيد مبارك على جميع الامة الاسلامية ينعاد عليكم بالصحة والهنا وربي يتقبل من الجميع
احنا كما بنت الـ25 يوم عرفة نصومو كاامل ونهار كامل والقنوات مارش لي تبث اجواء يوم عرفة والحجاج و التكبير والتهليل
نوجدو طاولة الافطار كما تع رمضان :d ونفطرو كامل مع بعض
جو راائع تحس :up:

وعليكم السلام ورحمة الله
اهلا وسهلا اختي اميرة نورتينا
هههههه :d كامل كيف كيف ... تظل قاع النهار وهي دووور
اكيد فلهذا اليوم نكهة خاصة لا توصف ... مليح ربي يدوم اللمة الزينة :up:

بون احنا ساكنين كامل في دار كبيـــــــــرة تع جدي الله يرحمو
ملا احنا 4 ديار بصح كل واحد باني في جيهة ملا نعيدو كامل مع بعض ( جداتي ..حنا ..2خوالي :d)
نهار العيد كي يروحو المصليين للجامع احنا نقعدو كامل مع بعض لتحت مع لكباش نلقيو النظرة الاخيرة زعما هههه
كي يجيو نروحو كامل فوحد الحوش كبير ويبداو يدبحو بالواحد حتى لي يكملوهم بـ4 ديما ما نكملوش بكري لحتى 1ونص ولا باش يكملو

مليح الدار الكبيرة يتعاونو هاكا خير
الله يبارك عليكم ... بصح لل 1 ونص بفففف بزااااف
مصارينك يتقطعو وانت تشوف في ربع كبداااات قدامك :d
هههههههه اللهم فبارك :up:

النسا دايرين مجموعات لي يغسلو الدوارة وجماعتها ولي يشوطو البوزلوف ويغسلوه كامل يتعاونو مع بعض
وانا وبنت خالي غير احنا لي صغارات فالدار مانديرو والو تقريبا هههه خاطر الغاشي بزاف الله يبارك واحنا ماعنا مانديرو نجيبولهم الصوالح برك وانا ندور كي الفوتوغراف بلاباي افوطو ونصور هههه

خخخخخخ آآه يا آميرة انا قلت كامل دوك يفوتوا على يديك ... خسارة :d
راكي داخلتها غير تصوار :p... هههههههه

بصح السنة راه يستنا فينا تكراط البوزلوف مرت خالي لي موالفه تعملو راها مريضه
ملا العام هدا كامل رايحين ياكلو بوزلوف ناقص هههه خاطر الرسمي نصو نرموه ونخليوله جده هههه

بالشفا ان شاء الله ... خخخخخخ شح فيك وماتنسايش تجيبيلنا صورة المخلوق مشوط :d
نشوفوا حنة يديك.... ها حوجي تخلوله دار بوه ... لالا ما جاياش
اكرمو المخلوق ... ياو بشوي عليه

كي نكملو نسيقو انا وبنت خالي كااامل الحوش والدرج ملفوق لتحت (ظهرك يتقسم:down
والفطور مانديرو والو خاطر مانكملوش بكري ،، ديجا نهار الصيام لي قبل يدربو حسابهم ويكترو الماكله
ومرات نطيبو صباح حاجه خفيفه برك

قاع النهار ونتي تجبدي ماتاكليش من الذبيحة اواه دوختيني نتيااا :d
انا عييت في بلاصتك ... راكي مفرطة بزاااف

بصح جامي فطرنا باللحم ولا الكبدة كما قالو لي قبل ههه الكبدة حتى ليل ونديرو المجمر ونشويو (كل واحد في دارو ) :love01:

غريبة ... احنا جامي خلينا الكبدة والملفوف للعشا
بغيتي نديرلهم الحرب في الدار :d:d اواه راكي انورمال اميرة
افطني يااااو ... ولا نقولك لميلي حقك ناكلو ياك ماشي خسارة فيااا :yahoo01:

وفي عشية العيد يجو كامل لافامي لدار جداتي ونقعدو ونكملو العشية كامل مع بعض ♥
لحتى يجي ليل ونسقمو داك المجمر والكبدة واللحم الله الله ونشويو وناكلو :d

احنا اللحم حتى لنهار الزاوج في ليل البوزلوووف هع هع والدوارة

ولغدوا ماما تصبح على الكرشة تعمرها والمصارن وهكا والروايح اععع :tongue02: :tongue02: كوزينة ماندورش بيها نهار كامل
لحتى يجي بابا لعشية ونعاونو فتقطاع اللحم
+ شفت لي قالو يديرو البوزلوف نهار تاني ومنعرف الله يخليكم تخلو اللحم وتروحو للبوزلوف هههه
احنا البوزلوف يديروه فالكونجيلاتير وحتى لشي نهار من النهارات يكون كمل اللحم يجبدوه هههه :p
هدا هو العيد تاعنا :regards02: :d ماشكيتش كاين لي يفوتو كيفنا :p

ههههههه راني معاهم صحاب البوزلوف يامالا ... زيفطيهلي هو تاني معاهم :p

جليلو حقك تع الكبدة محفوظ كونك هاني هههه + اللحم المحمر راه ليك حقي انا مانكلوش :d

احم احم ... هايا مزيا فهمتي روحك باسكو راني دايخ
:-r:-r

هدرت بزاف علابالي هههه
وصحا عيدكم ،، وربي يفرج على الامة الاسلامية والعربية جمعاء
وماتكتروش الشحم ماشي مليح :bravo01::sport02: ​

الله يسلمك انتوما تاني صحا عيدكم وكل عام وانتم بخير
ههههههه اوك مايكون لا خاطرك :d:d
دمتم بخير

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

هههه ايوا سعداتكم تهنيتو منها ههه
وعبود ولفيه من درك خير ماتطفر فيه كما تطفرت في خته
حنا الصغير راه طالع ماياكل والو لا لحم لا دجاج هههه نباتي هههه
ملا قولي نتي والديك واسامة راهم يفيشطو فاللحم بلا بيكم تهناو ههههه
الله يسلمك حبيبة
جليلو اسمحلنا في خاطر العيد برك هههه​

هههههههه راكي غالطة كي كنت صغيرة كنت نموت على اللحم تبا الجزائري ديما يموت ومزال ماماتش مشات فينا طبيعة نموتو على الحاجة ومانموتوش ههههههههههههه كنت نحب اللحم بزاف وحد الوقت كان يحصل في ضروساتي كان في عمري 7 او 8 سنوات
امالي كي صار عندي9 سنوات مازدتش درت بيه طول وبشويا بشويا بديت مانقدرش حتى للمرقة نتاعو حتى وليت مانحملوش
راني في 16سنة مادرت لا بيه ولا بلمرقا نتاعو ومانكدبش عليك يغيروني كي نشوفهم ياكلو وحاولت ناكل ومانقدرش فوق جهدي
وكي نرغم نفسي راه يعتبر حرام خليناه للباقيييين هههههههههه :d
حتى عبود ماياكل والو عدا مايحب لا فاكية لا فرماج لا ياغورت وااااااع الكفثة بسيف باش نفوتهاله بصح يحب لحم نتاع لحجل كيفي هه
هاد العام رايحة نعيد بحجلة :d نديرها فالكيكوطا ودوك نصورلكم :yahoo01:

راها مخبية فالثلاجة :up:
​

 

[جليلوس]

رد: شاركنا يومك الأول من عيد الأضحى == مرحبا بيكم ==

امين ياربي ويشفي جميع المرضى يارب
لا اخي قلت نفصلو الخروف بعد مانرجعو من المغفرة وقلت احنا نخرجو تاني يوم اي فالنهار تاني وفالليل تكون نشفت وكملت هههه

يا وماناكلش اللحم وحتى مرقة الي طايبة بيه مانكلهاش قول شهر ماندورش بالكوزينة ^^ نلحقها غير طوماطيش فالخبز :d
​

آمين ان شاء الله
هههههه مليح ... ها الملفوف دوخني احسنوا عوني :d:d
خخخخخ والله يلا راكم راطيتووو بزاااف حي عليااا .... قال طوماطيش
نتي كي تجي تلحقي على اللحم تلقايووو بح كلاوه وبقاو غير العظومة ... مسكينة
شفتني حالتك ... ابعتيلي حقك رحمة على شوابين ههههههه :d:yahoo01:

 

[جليلوس]

رد: شاركنا يومك الأول من عيد الأضحى == مرحبا بيكم ==

أوكي اختي انا مفهمتش كلام جاليلوا بصح كي راكي نبهتيني درك كي نشوط بوزلوف و نغسل الدوارة راني نحط الصور
​

هههههه خويا نجيب واش فيها ياخي عادي
رانا نسناو التصاور رد بالك تهرب ... راني نجيبك
ههههههههههه :d:d الله يحفظك خويا
شكرا لتفهمك

 

[جليلوس]

رد: شاركنا يومك الأول من عيد الأضحى == مرحبا بيكم ==

وعلاش لا يا اخي ؟ مافيها والو تشوط زليف ولا رفدت هديك الدوارة وخويتها واش فيها ؟ وانت ماتدبح وماتسلخ ماتحكم لخروف ؟؟
:-r:-r:-r

خخخخخخخخ خلينا نشوفوا اسكو يعاونوا كيفي ولا غير يدبحوا ويسلخوا ولا الهربة تسلك
والماكلة ديك مانهدروش عليها :d

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

آمين ان شاء الله
هههههه مليح ... ها الملفوف دوخني احسنوا عوني :d:d
خخخخخ والله يلا راكم راطيتووو بزاااف حي عليااا .... قال طوماطيش
نتي كي تجي تلحقي على اللحم تلقايووو بح كلاوه وبقاو غير العظومة ... مسكينة
شفتني حالتك ... ابعتيلي حقك رحمة على شوابين ههههههه :d:yahoo01:

هاك حقي حرقوهولي غير زعما باش ناكل وماكليتش ههههههههه

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

واش رايك فهادي

​