شاركنا يومك الأول من عيد الأضحى == مرحبا بيكم ==

[جليلوس]

رد: شاركنا يومك الأول من عيد الأضحى == مرحبا بيكم ==

:thumb_up02:عندك الصح كل العام ونتوما ب 1000خير:yahoo01:

الله يسلمك وانتم بخير
:up::up:

 

[زهرة اللمة]

رد: شاركنا يومك الأول من عيد الأضحى == مرحبا بيكم ==

اولا عيد مبارك للجميع والله كان اليوم من احلى الايام فيه مثال للتعاون و المحبة ....

 

[جليلوس]

رد: شاركنا يومك الأول من عيد الأضحى == مرحبا بيكم ==

نبد نهاري بصلاة و نسلم على كبش من بعد كي يذبحوه نطيب ليفرت و نبعد نشو عيدكم مبروك

ههههه مليح رد خفيف ظريف
ماتكسروليش راسي بالتفاصيل :d
:d الشحم ضرني في السيستام نارفووو
هههههههه ياو صحا عيدكم وربي يتقبل منا ومنكم

 

[جليلوس]

رد: شاركنا يومك الأول من عيد الأضحى == مرحبا بيكم ==

صحيح الصلاة اولى عيد مبارك لكل المسلمين تعيدوا وتزيدو :yahoo01: عقوبة للعوام الجاييين :thumb_up02::love01:

بارك الله فيك
شكرا وعيدكم سعيد طيب
ان شاء الله يارب :up::up:

 

[جليلوس]

رد: شاركنا يومك الأول من عيد الأضحى == مرحبا بيكم ==

اولا عيد مبارك للجميع والله كان اليوم من احلى الايام فيه مثال للتعاون و المحبة ....

الله يسلمك
يبارك في يامك ان شاء الله
اكيد فهو خير مثال للتضامن والتعاون والألفة والمحبة
تقبل الله منا ومنكم
مشكووورة

 

[جليلوس]

رد: شاركنا يومك الأول من عيد الأضحى == مرحبا بيكم ==

السّلام عليكم
موضوع ممتاز الله يبارك , وللأسف وصلت روطار
وبما اني متوخرة نخلي حتى يفوتو اليومين اللولين تاع العيد ونرجعلكم هنا نخربش شوي :d
باه نجيبلكم اخبار ساخنة هههه
بارك الله فيك خويا, مبدع كعادتك
ورايحة نولي بإذن الله لموضوعك
تحياتي الخالصة لك​

السلام عليكم
اهلا وسهلا اختي لؤلؤة الشرق ... صحا عيدكم وكل عام وانتم بخير
يبارك فيك خيتي ... لالا بالعكس راكي في الوقت
ان تاتي متاخرا خير من لا تاتي ابدا
نسناوك تكتبي بالتفصيل الممل ... لا تطيلي علينا ... وربي يهنيك
تحية اخوية متبادلة

 

[جليلوس]

رد: شاركنا يومك الأول من عيد الأضحى == مرحبا بيكم ==

نقولك حاجة مطبخ الاحلام موالف كل عام غير نسلخ و نشوي

هد العام و الله العظيم سلخت و شوطت زليف و قسمتو و غسلت الدوارة هههه الله غالب يما وحدها فالدار و لازم هكا

بصح كي كملت حست بالتعب لي كانت يما تتعبها كل مرة في شواط زليف و غسل الدوارة ​

ههههههه التهرقيم فيها فيها اكدلي عله برك :p
خويا نجيب راك شاطر الله يبارك ... تقريبا عندنا نفس المهام :d:d الشعب يموت على التهمبير :-r
صح الام هي لي تتعب وبالبزاااف .... ربي يحفظهالك ويطولك في عمرها ان شاء الله

كل عام و أنتم بخير​

وانت بخير حبيبي ... تقبل الله منا ومنكم

 

[جليلوس]

رد: شاركنا يومك الأول من عيد الأضحى == مرحبا بيكم ==

انشاء الله عيدكم مبارك

الله يسلمك :up:

 

[جليلوس]

رد: شاركنا يومك الأول من عيد الأضحى == مرحبا بيكم ==

اولا حبيت نهنيكم انتم اهل اللمة واهل بيتي والامة السلامية جمعاء بعيد الاضحى او العيد لكبير

اهلا وسهلا اختي سماح نورتي
الله يسلمك :-r
عيدكم مبارك وكل عام وانتم بخير ... ربي يتقبل ان شاء الله منا ومنكم
​

الان راني نكتب في مساء يوم عرفة راني خلصت التوجاد للعيد
مزال الا الفطور لاننا ككل الامة اليوم عندنا 9 ايام وزاحنا صايمين نسا اللع ان يتقبل منا طاعتنا

يعطيك الصحة :up::up: ... صيامكم في الجنة ان شاء الله

​

اما عن العيد فهو يوم جد متعب بالنسبة لي ابدا اولا بشغ البيت والفطور وغسل اواني افطور يلبسو الاولاد ويخرجو انا نلم واش وسخو نحطهم للغسالة
ونطيب قهوة وتاي ونوجد سينية القهوة ونوجد حوايج الذبيحة للحاج
وثاني ندير الغذاء معلبليش بزاف يوو نديرو الشواء لكن انا نوجد شخشوخة وهاذ العيد راح ندير ثريدة
وبعد مانتغافرو من بعد صلاة العيد اكيد راح يذبحو ومن ثمة تبدا الاعمال
نخدم بوزلزف ونرجع للدوارة ونغديهم ونرجع نغسل لماعن ونعاود التسياق من جديد

الله يبارك راكم ناشطين بسلامتكم :up:... الله يدوم قوسطوكم
​

ونوجد قهوة اذا جاك كاش ضيف في المساء ونروح لعجوزتي وشيخي نغفرلهم ونزيد نعاون واش نلقى خدمة عند عجوزتي ونروح مع اذان المغرب مهدودة
هنا يجي دور الحاج زوجي وابنائي ميدو وانيس يحضرو العشاء عليهم طبعا حتى يناديولي نروح نتعشا
طبعا شواء وسلاطة وديسار لكن في الوقت اللي يديرو العشاء انا نخيط الدوارة ونقسم الدماغ ونكونجليهم
بعد العشاء طبعا يجي دور الجزار اللي يقسم الجزرة ونختموها بسينية قهوة وقسرة مع شهودة
النهاية
يوم شاق بجد هنيالكم يا رجالة غير تذبحو تخرجو
شوفو النساء واش يديرو مساكن

:d:d شفتي كيفاه مي والله حتى حنا نعياو ....
انا عمري خرجت وانا نسلخ احسنوا العون :yahoo01:

​

والله يبلغنا العيد لا فاقدين ولا مفقودين
واذا حبيت كيفاه نقضي اليوم الثاني راح نحكيلكم ثاني
هنا دور اللحم والبربوشة

اللهم آمين يارب ... العاقبة لأعوام قادمة ان شاء الله
تقبل الله منا ومنكم ... وي ممكن جدا ان امكنك ذلك فالموضوع لكم وتحت تصرفكم
​

شكرا لمرورك الطيب بارك الله فيك

 

[جليلوس]

رد: شاركنا يومك الأول من عيد الأضحى == مرحبا بيكم ==

انا يوم العيد الاول فالصباح حاجة باينة بعد الذبح يبدا النيطواياج والتسياق بعدها يبداو يجونا عمامي وولادهم ونروح لجيرانا نديلهم الملفوف ههههههه وبعدها كي يخلاصو الزيارات نفطرو ونروحو لدار جدي وهادي الحاجة للي ننتظرها تم نتلاقا بنساوين عمامي و بناتهم ونديرو الاجتماعات الشيطانية ههههههه وكي قرب المغرب نولو لدارنا نبداو خدمة جديدة نلقاو بابا بدا يقطع اللحم ونعاونه اما نهار الثاني نوضو صباح بكري نوجدو القهوة ونروح لدار اب ماما نتلاقا تم بخالاتي وخوالي وولادهم بصح مشي كيما نهار الاول لخطرش علاقتي بيهم مشي كي علاقتي يولاد عمي عيانة شوي المهم نفطرو في دار جدي وعشية نرجعو لدار وفالنهار الثالث تجي اختي لمزوجة
وهادا هو البرنامج نتاعي فالعيد
موضوع رائع يعطيك الصحة​

السلام عليكم
اهلا وسهلا اختي بنت الصحراء صحا عيدكم كل عام وانتم بخير
الله يبارك ... يدوم هناكم ان شاء الله .... ويحفظك اهلك يارب :up::up:
اشكرك على مشاركتك معنا يوم العيد عندكم بورك فيك ... مرورك الاروع الله يسلمك

والحاجة للي نسيتها هي ان الشي ممنوع في دارنا
هادا قانون ماما كان غير خويا المرحوم للي يخالفه
هههههههه​

آآه .... ربي يرحمو ويجعل مثواه الجنة
تعيدو وتزيدوا ان شاء الله

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم

هذا وين جات دالتي نحكي ...ههه

وعليكم السلام ورحمة الله
ههههه مرحبا بيك الدار داركم ... نورتوني

بون نوض الصباح مع الصلاة نصلي و نكمل الاعمال لي قعدتلي من النهر لي فات ... نوجدوا الفطور ..يكون الاب تاعي راح للصلاة .... و من كي يرجع نفطروا و يروح هو للذبيحة .... رايحين ندبحوا عجل و الذبيحة رايحة تكون في الباطوار .. عندنا 8 سنين و حنا هكذا .........

يا الله يبارك عجل ... مليح تاكلو بالصحة والهناء ان شاء الله
خليلي حقي ياك ماتنسايش

الغذا ككل عام انا المسؤولة عليه من سلاطة ماسيدوان للبطاطا مقلية .. العام لي فات ديرنا تليتلي نهار الاول مانعرف العام هذا فيها ولا لالا .. يادرا واش رايحة تشور عليا الوالدة ............

كي يجي نبداو نديروا الشوا على الجمر ..... كي يوجد .. ندوروا على المائدة و نتغذاو ...... ياربي مايطولوش واحد العام حتى ل 2 باه تغذينا

واه صح يحسن عونكم .... مي ماعليش ليسونسيال نهار اللول :d :d
ربي يدوم هناكم ان شاء الله

الزيارات العائلية نخليوها نهار الثاني

هذا واش راني نتفكر ...ممممم .. كاش حاجة نجي نزيده ..ههه

هههه وي مرحبا بيك في اي وقت :up::up:

​

شكرا لتواجدك بارك الله فيك

 

[Hakan]

رد: شاركنا يومك الأول من عيد الأضحى == مرحبا بيكم ==

السلاام عليكم عيدكم مبارك تقبل الله منا ومنكم
اما عن اول ايام العيد الخاصة بي
فتمر على النحو التالي : نصليو الفجر
ومن بعد الصلاة نرجع ندير فيها دوش نغتسل لصلاة العيد
نستيكي روحي قميص مليح وطاقية وريحة نتاع المسك
انا كي نخرجو من الجماع لازم نديرو مرهمات للخدود التقبيل بزااف تقريبا نسلم على ٦٠ بالمئة من رواد المسجد واللي الكثير منهم جيران ولافامي
ومن بعد نرجع للدار مباشرة نلبس القش نتاع الذبيحة ونرووح واكيد اللون الاحمر فيها
وقميص رقم ١٧ نتاع اللاعب ناني من مانشستر يونايتد
نروح لجدي اب الوالدة لانو انا المتكفل بالذبيحة نتاعو
نوجدلو الذبيحة وهو اللي يذبح
اما عملية السلخ فاقوم بها نن البداية للنهاية
وكي نكمل كل شيء نخرجلهم الاحشاء والكبدة وغيرها ويبدا مهرجان الملفوف
وكل هذا بعد ما نعاد ندوش ونحي عليا ريحة الذبيحة والدماء
ومن ثم نعاود نرجع للبيت نتاعنا واكيد عند جدي اب الوالد نسلم عليهم كااملاا ونقعد في دار الضيااف لاستقبال المهنئين انا والا ب والجد
والمساء نعاود نرجع لبيت جدي اب الوالدة نقطعلهم الجسد نتاع الاضحية
يشولي الهبرة كيما نقولو نشبع مليح وانتهى اليوم الاول
اما بقية الاياامىبين روحات الى الاقارب والاصحاب ربي يهنيك جلال وعيدك مبرووك انت خصيصااا​

 

[جليلوس]

رد: شاركنا يومك الأول من عيد الأضحى == مرحبا بيكم ==

السلاام عليكم عيدكم مبارك تقبل الله منا ومنكم

وعليكم السلام ورحمة الله
اهلا حبيبي حكيم نورت يعطيك الصحة
صحا عيدكم وكل عام وانتم بخير
بالصحة والهناء والعاقبة للعوام الجاية ان شاء الله

اما عن اول ايام العيد الخاصة بي
فتمر على النحو التالي : نصليو الفجر
ومن بعد الصلاة نرجع ندير فيها دوش نغتسل لصلاة العيد
نستيكي روحي قميص مليح وطاقية وريحة نتاع المسك
انا كي نخرجو من الجماع لازم نديرو مرهمات للخدود التقبيل بزااف تقريبا نسلم على ٦٠ بالمئة من رواد المسجد واللي الكثير منهم جيران ولافامي

هههههه المغافرة فيها فيها ماعندك ما دير ... الحنوك يدوبو :d :d

ومن بعد نرجع للدار مباشرة نلبس القش نتاع الذبيحة ونرووح واكيد اللون الاحمر فيها
وقميص رقم ١٧ نتاع اللاعب ناني من مانشستر يونايتد
نروح لجدي اب الوالدة لانو انا المتكفل بالذبيحة نتاعو
نوجدلو الذبيحة وهو اللي يذبح
اما عملية السلخ فاقوم بها نن البداية للنهاية

مليح راك شاطر خويا ... الله يبارك

وكي نكمل كل شيء نخرجلهم الاحشاء والكبدة وغيرها ويبدا مهرجان الملفوف
وكل هذا بعد ما نعاد ندوش ونحي عليا ريحة الذبيحة والدماء
ومن ثم نعاود نرجع للبيت نتاعنا واكيد عند جدي اب الوالد نسلم عليهم كااملاا ونقعد في دار الضيااف لاستقبال المهنئين انا والا ب والجد
والمساء نعاود نرجع لبيت جدي اب الوالدة نقطعلهم الجسد نتاع الاضحية

يحسن عونك اطلع اهبط .... الله يقدرك
مي واش دير لازم تلم دعوة الخير ... ربي يهنيكم

يشولي الهبرة كيما نقولو نشبع مليح وانتهى اليوم الاول
اما بقية الاياامىبين روحات الى الاقارب والاصحاب ربي يهنيك جلال وعيدك مبرووك انت خصيصااا

هههههه الله يسلمك وينو حقي ولا خلاص مابقاش :-r
سمحتني فيه ياااك :s ها صحا ههههههههه :d:d
الله ينورك صديقي بارك الله فيك
يبارك في يامك ان شاء الله
دمت بخير

​

شكرا لك اخي حكيم اسعدني تواجدك

 

[جليلوس]

رد: شاركنا يومك الأول من عيد الأضحى == مرحبا بيكم ==

مم شاطر كل عام وانتم بخير

الله لايضيع اجر المحسنين .........:sport01:وانت شاطر بمعنى الكلمة parceque انا نكره هدي الخدمة ونولي نزقي وكارهة حياتي .....:-rههه

خويا نجيب شاطر الله يبارك ... فحل بسلامتووو ربي يحفظو
ويخليلو يماه وكل امهات المسلمين يارب ويرحم الأموات منهم ان شاء الله
شكرا لتواجدك معنا

 

[جليلوس]

رد: شاركنا يومك الأول من عيد الأضحى == مرحبا بيكم ==

* باقة ازهار وورود ..
وسلة بخور وعود ..
والعيد عليكم يعود ..
وكل عام وانتم بخير

اما عن نفسي العيد كيما كل الاعوام الماضية الفرق انه هذه السنة قضيته و ناقص فرد من افراد الاسرة بنتي تزوجت و خلات فراغ كبيييييييير و لكن هذه هي سنة الحياة الله يسعدها و يسعد جميع الامة الاسلامية.

شكرا لك اخي على الموضوع الرائع

الله يسلمك صحا عيدكم كامل
ربي يتقبل منا ومنكم ... ربي يهني كل واحد ان شاء الله
العفو وشكرا لتواجدك

 

[جليلوس]

رد: شاركنا يومك الأول من عيد الأضحى == مرحبا بيكم ==

في كل صبحة اتذكر كل طفل وفتى محروم من الابتسامة و كل بلد مسلم محروم من الابتسامة بسبب الحصار. فاسال الله العلي القدير ان يوفق كل بلدفي صد الحصار وان يجمع شملهم

الله يفرجها على كل مغبون ومحروم من لذة الحياة
اللهم آمين آمين آمين ياااارب
شكرا لتواجدك بورك فيك

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم

اييييييييييييييي مزيا يا ربي جربت هداك الاحساس الي نجدروبه كل مرة :d انا دروك راني مديفورميا يا مامي
ماعليش باش ماتتعبش الوالدة احنا نتعبو في بلاصتها ويا دوب نرجعولها ولو القليل ملي مدتنا ربي يطولك في عمرها وجميع الوالدين يارب

ههههه شفتي كيفاه ... ماتنسايش احنا تاني رانا نعياو معاكم
خاصة نهار العيد كلش نديروه معاكم يد بيد :d:d
ربي يحفظ كل امهاتنا يارب ... ويرحم الاموات منهم

هاد العام راني خدمت كثر من العام الي فات وكي تزيد تروح اختي رايحة نزيد نخدم دوبل الا ربي كتب
راني نقيت حكمت مع ابي لخروف وسلخت معاه ونقيت الدوارة وغسلت بوزلوف وقصصته وزدت حرجت البكبوكة
راه عندي 4 جرحات في يدي هيهيههيهيه ابي سننا السكاكين ياو اينوي حاجة غاضتني ضفراني توسخو بلكحال نتاع زليف وقصيتهم
سا سي جاليلو كيما قالت اميرة وينه دورك باش تحكينا على يومك كيفاش فات؟

​

مسكينة راكي تشفي ياربي ياربي :d:d
يحسن عونك .... هههههههه :-r
خلاص راني خبرتكم واش درت نهار لول ... اجري شوفي
الله يعطيك الصحة وربي يكون معاكم ... ويخليك لأهلك واحبابك وناسك :up:
موفقة يارب

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم

وعليكم السلام ورحمة الله
اهلا بيك اختي عاشقة الكرة نورتي

اولا صحا عيدكم نتمنى فات عليكم بالصحة والهناء وكليتو بيان

الله يسلمك نتوما تاني كل عام وانتم بخير
تقبل الله منا ومنكم ان شاء الله

المهم نحكيلكم كفاه فوتنا نهار ليوم
نضنا صباح صلينا كي العادة ومبعد لحق صلاة العيد راح الاب واخوتي يصليو هداك هو مابين ماجاو وجدنا السكاكين والماء وكامل المستلزمات طبعا انا وامي المهم ذبح بابا وخويا لكبير وسلخو وانا وأمي شوطنا هذاك الراس ورجلين خخخخ الريحة يا بابا وغسلناهم بالبيان
ومبعد خرجولو المسران وفوادو وغسلناهم وعلقناهم وعلقنا الجزرة ولمينا حشاكم الزبل وكلشي غسلنا ونظفنا وسيقنا ومبعد خوتي تدوشو وستيكاو رواحهم وكلاو الكبدة الحميص وهادوك لفكاير مصران وكلية وقلب واحد لا ياكلهم آبار الوالدة ومبعد لحقت 10 لقينا رواحنا كملنا كلش ساجيين ناجيين ذابحيين ماكلين هههه فات النهار ومبعد جاو خوالي كما لعادة ورحبنا بيهم ودوكا رانا قاعدين كملنا نهار اليوم وفات على خير والحمد لله...وأكيد زيارة الأهل والأقارب بعد حين إن شاء الله
هذا مكان هههههه ولا نزيد

ههههه راكي حكيتي بالكونتيتي :d ... يعطيك الصحة :-r
ما شاء الله عليكم :up:... ربي يدوم اللمة ان شاء الله

عقبال العام جاي ان شاء الله....بالصحة والهناء

ان شاء الله يارب :up:
​

شكرا لمرورك اختي بارك الله فيك

 

[لؤلؤة قسنطينة]

رد: شاركنا يومك الأول من عيد الأضحى == مرحبا بيكم ==

السّلام عليكم , وصح عيد الجميع , ربي يهنيكم كامل
والله موضوعك يا خويا عندو 4 ايام وهو يحرق في قلبي ههههه, شفتو قبل العيد ولأنو كان عندي خلل ماكنت نقدر نشارك في المواضيع, ونهار قدرت نشارك كانت ليلة العيد, قلت خلي يجوزو يومين اللولين ونجيبلكم اخبار جديدة :d , وراني رجعت كيما وعدتك ^^
المهم بدون لف ودوران عندي مانخربش اليوم ههههه, نديرلك موضوع في نص موضوع, اولا رايحة نبدا بنهار عرفة, العايلة كاملة تكون صايمة
وحسيت بجو رمضان عاود رجع من جديد , واشوا كان جو تاع رمضان فيه نكهة العيد ^^ يعني ماشاء الله, وماش رايحة نحكي عليه بزااف خارط اكيد فيه خدمة مادام غدوة العيد , المهم من بعد نفطرو عادي نحنيو للكباش , انا بصراحة ماحبيتش نروح نشوف الكبش , خاطر علابالي غير نقرب ليه ونمسو يدخل في قلبي وغدوة يوجعني قلبي كي يدبحوه, مالا ماشفتو ماشافني ههههه, الليلة هاديك مستحيل نرقدو بكري, نبقاو ساهرين, هادي قاطوات ( اصلا تحلالي الخدمة غير الدقيقة اللخرة هههه) , ومن بعد نرقدو شوي حتى يجي الفجر, مالا نضنا صلينا هاداك هو هزينا الفراش ووجدت الفطور لبابا باه يروح يصلي صلاة العيد , وكي يخرج هو بنداو نفرزو ونضفو الدار ونغسلو لماعن تاع لفطور باه م نبعد تجينا الخدمة ساهلة , وغير يولي بابا نعيدو لبعضانا ونزيدو نروحو لدار جدي واعمامي خاطر ساكنين كيف كيف نعيدو لبعضانا ,ومن بعد نقولهم ماتجبدو حتى كبش حتى ندخل للدار وابداو اذبحو ههههه مانحبش نشوف قلبي يوجعني صح , نولي ندخل للدار ونوجد لماعن لي يحطو فيهم الراس وجماعتو هههه, ومن بعد الدبيحة يبدا بابا
يدخلنا الراس والكرشة والمصارن, هاد العام انا حكمت راس الكبش ورجليه وشوطتهم وختي حكمت المصارن وماما غسلت الكبدة والقلب والبقية,
وكي خلصنا خدمتنا كاملة ودخل بابا للدار, سيقت باه ماتبقاش الأوساخ في الدار, ومن بعد جبدنا نص الكبدة والقلب برك شويناهم , خاطر بابا مريض عندو السكر ولاطونسيو وماما عندها القلب والسكر, يسما شوي كبدة وشوي قلب وخلاص اصلا بزااف , تغدينا وانا اول عام ليا ناكل فيه الكبدة هههه
مانحبهاش, كليت شوي برك, وكي خلصنا غسلنا لماعن رتحنا شوي من التعب ولعشية رحنا لدار جداتي ربي يرحمها ولبعض الاقارب عيدنالهم , ولعشية روحنا وقسمنا الكبش باه نطيبو بيه الغدوة, بصح فليل ماشوينا ماكلينا والو من الكبش, مدايرين نظام :d
وغدوة الصباح نطيبو نعمة ( كسكس ) باللحم تاع الكتف الايمن , ونتغداو عادي ولعشية يتجمعو العائلة في دار جدي ونقعدو معاهم حتى لعشية خلاص
كل واحد يروح لدارو , وهكا يخلص اليوم الثاني تاع العيد
وتاني يوم مانشويوش اللحم تاني, شوف واحد السمانة هكاك باه نشويو ههههه , يسما نخافو على والديا يعودو يمرضو ولا نمرضو حنا بعد
وهادي هيا ايام عيد الأضحى , فات لاباس والحمد لله ربما جانا شوي صعيب لأنو اول عيد اضحى تكون فيه جداتي غايبة وتحت التراب
بصح الحمد لله هادي هي الدنيا , شكرا خويا على الموضوع القيم والمميز
وكيما وعدتك راني رجعت, وماحبيتش نحكي بالتفصيل الممل ولا نديرلك موضوع في نص موضوع ههههه
ربي يهنيك خويا ويهنينا جميعا وان شاء الله ينعاد علينا العيد بالصحة والهنا
تقبل مروري​

 

[Oussama.GF]

رد: شاركنا يومك الأول من عيد الأضحى == مرحبا بيكم ==

اولا صح عيدكم هاذ وين جيت خاطرش كونكسيو راحت عليا بش نعيد عليكم
مهم انا صباح عيد رحت جامع على 6:30 وبديت نكبر ومبعد كي عيدنا على بعضنا في مسجد روحت لدار وعيدت على لافامي كل حنا عيد تاعنا نتلاموا كل عمامي ونعيدوا كل مع بعضنا
ملا هاذ عيد انا ذبحت وعاونت بابا وعمي زعما راني راجل مهم وصل نص نهار بش كملنا 4 كباش وتغدنا مع 3:00 تعا لعشية الله غالب خدمة عطلتنا وصلت لعشية خرجنا نحوسوا شوي ومبعد ولينا لدار معا مغرب وبدنا نوجوا شوة وهكا انا قات يومي