أجواء العيد2015للمطبخ اللماوي مرحبا بكم

[rose09000]

قدم إليكم بأحر التهاني و أجملها بمناسبة حلول عيد الأضحى المبارك

كل عام و الأمه الإسلامية بخير و نسأل الله أن ينعم علينا

بالأمن و الأمان و أن يعم السلم في كل البلدان العربيه
و أن يعيده علينا أعواما عديدة
و نحن دائما أقرب إلينته بالطاعه
و بهذه المناسبة السعيدة نتمني من أخوات يشاركونا فرحة العيد بموائدهم من حلويات للمشوي و للأكلات...
هكذا كل واحدة تفتحنا دراها و حنا نكون ضياف عندها
و مشاركتكم حطوهم في هذا الموضوع
نتنظروا منكم مشاركتكم الكثيرة:d

​

 

[نبض الحياة]

رد: أجواء العيد للمطبخ اللماوي مرحبا بكم

السلام عليكم ورحمة الله وبركاته
صح عيدك خالتو روز وكل عام وانت واهلك بالف خير
فكرة رائعة نحاول نخطفلكم صور ان شاء الله اذا قدرت
فكرة رائعة

 

[rose09000]

رد: أجواء العيد2015للمطبخ اللماوي مرحبا بكم

السلام عليكم
عيدكم مبارك و كل عام و أنتم بخير
راني جبتلكم صور حلوياتي البسيطة تفضلوا مرحب بكم

قاطو بالكبريس

قاطو بالليمون

كيكعات مسكرين

قاطو ساك

​

 

[عاشقة الكرة]

رد: أجواء العيد2015للمطبخ اللماوي مرحبا بكم

صح عيِدك أختي وكُل عام وأنتِ بخيربخير...الله يباآرك عليكم
أحنَآ درنا مقروط وكروكي خفيف ظريف
وصايي كلينا الكبدة وهاكي تعرغي مصورتش ههههه كي نديرو المشوى نصور ان شاء الله
دمتِ في رعآية اللّه ....عقباآل العآم الجاي تتهنو فيه​

 

[أم عثمان]

رد: أجواء العيد2015للمطبخ اللماوي مرحبا بكم

وعليكم السلام ورحمة الله وبركاته

عيدكم مبارك،تقبل الله منّا ومنكم وغفر الله لنا ولكم.
حلويات رائعة روز،يعطيك الصحة ،كيفاش خدمت تع الكبريس

غذاتا اليوم

وهذا البوزلوف

وهذه الدوارة

 

[بنقابي افتخر]

رد: أجواء العيد2015للمطبخ اللماوي مرحبا بكم

صح عيدكم
القهوة ماصورتهاش :p ركو تقهويتو غند روز هههه تشبعو غير قهوة



ايا مدو يديكم الصوره لتقطت حوالي 11:18

زووووووووم

بصحاتكم للحباب

 

[samah06]

رد: أجواء العيد2015للمطبخ اللماوي مرحبا بكم

يعطيك الصحة روز على الفكرة
وانا كالعادة راني كل شيء نصورو
غير نقعد نحطهم
هاذ العشية اذا حب ربي
وصحى عيدكم وعيد جميع المسلمين
واضحى مبارك

 

[بقايا إنسان]

رد: أجواء العيد2015للمطبخ اللماوي مرحبا بكم

عيدكم مبارك وكل عام وأنتم بخير يعطيكم الصحة يا بنات الخير على هذه المأكولات التي ان دلت على شيء فإنها تدل على براعتكن في المطبخ الجزائري
سعيد انا جدا لاني شاركتكن وان بالكلام

 

[rose09000]

رد: أجواء العيد2015للمطبخ اللماوي مرحبا بكم

صباح الخير عليكم
إن شاء الله تكونوا ملاح و جوزتوا العيد مليح
يعطيكم الصحة كامل واش حطيتوا كلش الله يبارك ربي يخليكم و يخلي هذي اللمة
البارح أنا ماعنديش بزاف كواليس خطرش شركت في وكريف قعد كلش في بتوار نهار الأول تجيني غير الكبدة بصح هذا العام كبدة تاعي مريضةرموها

قاطو تع عجوزتي

قاطو مرت لوسي

مقالي في الليل

​

 

[الزهرة الحمراء]

رد: أجواء العيد2015للمطبخ اللماوي مرحبا بكم

السلام عليكم صحا عيدكم وكل عام وانتم بخير
لعقوبة للعام الجاي ان شاء الله يلقانا بالصحة والهناء
اختي روز يعطيك الصحة على الفكرة وان شاء الله نحاول نشارك

 

[{مُدَلَّلَتُهُ}]

رد: أجواء العيد2015للمطبخ اللماوي مرحبا بكم

ألسلام عليكم و رحمة الله و بركاته

عيدكم مبارك كل عام و انتم بخير ينعاد علينا و عليكم بالصحة لا فاقدين ولا مفقودين

الصور صورت بصح ماما دارتلي حجر على الصور خخخخخخخخ كي تجي هي تحطلكم أجواء العيد في دارنا ♥


بصحتكم ♥ !
​

 

[rose09000]

رد: أجواء العيد2015للمطبخ اللماوي مرحبا بكم

السلام عليكم
صح فطوركم بصحتك اللحوم:d
جبتلكم بعض كاليس تع الصبح

هذا اللحم مقسوم على زوج هبرة و بعظم

زليف البقري

دوراة

هذيوا حوايج بناتي حبوباتي

لبنات ماتناساوش تصور كلش:thumb_up02:






​

 

[بنقابي افتخر]

رد: أجواء العيد2015للمطبخ اللماوي مرحبا بكم

السلام عليكم
غدايا اليوم

البارح عشايا كان استاك وبرونشات مقليين وشيخي درتلو الدرارا مرقه ..... مقدرش نصور عييت بزاف مع اللي وحدي الله غالب

 

[louizalina]

رد: أجواء العيد2015للمطبخ اللماوي مرحبا بكم

mmmmmmmmmmmmmmmmmmmmmmm

 

[rose09000]

رد: أجواء العيد2015للمطبخ اللماوي مرحبا بكم

يعطيكم الصحة لبنات على الخير لي حطيتوه ربي يباركلكم فيه
أم عثمان حبيبتي قاطو ساهل ماهل تذوبي نصف باكي كابريس كي تذوبي زيدلها طرف زبدة صغير و نصف علبة نسلي و خلطي مليح و بذد ضيفي اللوز عينك ميزانك حتي تشوفي الخليظ ثقال حطيه في سنيوة وديري مالفوق شكولا ذايبة و زوقي بخطوط شكولا بيضاء أختي إذا مافهمتيش كاش حاجة راني .حبيبت نسقسيك رجلين الكبش خرجولك الله يبارك بيض واش درتيلهم:s:s​

 

[جليلوس]

رد: أجواء العيد2015للمطبخ اللماوي مرحبا بكم

السلام عليكم
اولا نقولكم صحا عيدكم وكل عام وانتم بخير
ينعاد علينا وعليكم بالصحة والهناء ان شاء الله
جيتو تاني منا ههههه جوعتونااا :/ ...
ان شاء الله سأشارك ريثما التقط بعض الصور
الله يبارك فيكم ... اسعدكم الرحمن
تحيتي
​

 

[rose09000]

رد: أجواء العيد2015للمطبخ اللماوي مرحبا بكم

و هذا فطوري تع اليوم

و مور الفطور حبو بوب كورن درتهلهم:-r

​

 

[السلطانة]

رد: أجواء العيد2015للمطبخ اللماوي مرحبا بكم

الله يبارك على القاطوات والمشاوي

كل عام وانتم بالف خير

 

[oumliyane]

رد: أجواء العيد2015للمطبخ اللماوي مرحبا بكم

* باقة ازهار وورود ..
وسلة بخور وعود ..
والعيد عليكم يعود ..
وكل عام وانتم بخير

 

[أم منيــــــر]

رد: أجواء العيد2015للمطبخ اللماوي مرحبا بكم

عيدكم سعيد كل عام و انتم بخير و الكوزينة منورة بيكم
يعطيك الصحة روز حبيت منك برك حلوة الليمون ان امكن و بارك الله فيك
مع التعب نسيت ناخد صور للاسف
يعطيكم الصحة كامل و تعيدو و تعاودوا ان شاء الله
​