العلاقات العاطفية في الجزائر

[noure1982]

السلام عليكم
هذا الموضوع حساس وقبل ما نكتبوا خممت غايا
راسي درني كي نقعد نسمع في ليزيستوار تاع الشبيبة
ونا واحد منهم الطفل يقولك انا ناس ملاح وهي خسرت معايا
والطفلة تقول العكس
والمشكل في زوج ماشي عارفين شاخاصهم
باغيين يعيشوا استوار دامور
بصح ليستوار دامور تاع الجزايريين وحدها
واحد يخرج معا خت صاحبوا واحد يخرج معا صحبت صاحبو
وهي مع جارهم لارتيست ولامعا تاع القرايا ولامول اللوطو
وفالنهاية 0.001بالمية من العلاقات ينجع
ووصيتي يلاباغي تنجح انوي الحلال وربي يسهل وماتقولش نحوس نعرف العقلية
يراك توقع فالمشاكل وانتي يالطفلة يلاكنتي بصح فحلة وتخافي علاعرض والديك خطيك منالخشش والبيتزيريات
واللي يشوفني غالط يصحح لي
باش نستفادوا​

 

[ريحانة الجزائر2]

رد: العلاقات العاطفية في الجزائر

بارك الله فيك اخي على الموضوع
طبعا انا معك 100/100 فيما قلت
صح في النهاية العلاقات اضاعة للوقت
و ادا كان الشاب يقيم علاقة مع فتاة
من اجل التعرف اكثر على طريقة تفكيرها
فنصيحتي ان يبتعد كلية عن هده الفكرة
لان كلاهما و بالاخص الفتاة
عندما تقيم علاقة لا تظهر لصديقها
الا ما هو ايجابي في شخصيتها في حين انه
لا يوجد شخص في الكون من دون سلبيات
و هناك الكثيرون ممن اقاموا علاقات مع الفتيات
و اقتنعوا بهم و و تزوجوهم و في النهاية
كان الاوان قد فات
​

 

[نيناNina]

رد: العلاقات العاطفية في الجزائر

والله لا عندك الصح يضرب معها 6سنين استوار دامور تقول راهو يدرس في كوكب وكي تقولو علي الخطبة يقولهاا

عقليتك ما جاتش علي عقليتي ههههههه العجب المعجب
​

باغيين يعيشوا استوار دامور
بصح ليستوار دامور تاع الجزايريين وحدها
واحد يخرج معا خت صاحبوا واحد يخرج معا صحبت صاحبو
وهي مع جارهم لارتيست ولامعا تاع القرايا ولامول اللوطو
وفالنهاية 0.001بالمية من العلاقات ينجع
ووصيتي يلاباغي تنجح انوي الحلال وربي يسهل وماتقولش نحوس نعرف العقلية
يراك توقع فالمشاكل وانتي يالطفلة يلاكنتي بصح فحلة وتخافي علاعرض والديك خطيك منالخشش والبيتزيريات
​

 

[micheal]

رد: العلاقات العاطفية في الجزائر

والله ما غالط ويعطيك الصحه على الموضوع
ان حاولت نصح اي احد بالابتعاد عن هذه العلاقات التي لا تؤدي الا الى الخراب الشرفي والنفسي و و......
اول ماسيواجهك به هو قوله بان عقلك متحجر وانك معقد
يعني بالدارجه*جبري وحابس وعقليتك بيريمي*
في الاخير مانقول غير الله يصلح الاحوال

 

[micheal]

رد: العلاقات العاطفية في الجزائر

المجرب يحكي ولا واشي

 

[janiya]

رد: العلاقات العاطفية في الجزائر

السلام عليكم

هذا الموضوع حساس وقبل ما نكتبوا خممت غايا
راسي درني كي نقعد نسمع في ليزيستوار تاع الشبيبة
ونا واحد منهم الطفل يقولك انا ناس ملاح وهي خسرت معايا
والطفلة تقول العكس
والمشكل في زوج ماشي عارفين شاخاصهم
باغيين يعيشوا استوار دامور
بصح ليستوار دامور تاع الجزايريين وحدها
واحد يخرج معا خت صاحبوا واحد يخرج معا صحبت صاحبو
وهي مع جارهم لارتيست ولامعا تاع القرايا ولامول اللوطو
وفالنهاية 0.001بالمية من العلاقات ينجع
ووصيتي يلاباغي تنجح انوي الحلال وربي يسهل وماتقولش نحوس نعرف العقلية
يراك توقع فالمشاكل وانتي يالطفلة يلاكنتي بصح فحلة وتخافي علاعرض والديك خطيك منالخشش والبيتزيريات
واللي يشوفني غالط يصحح لي

باش نستفادوا​

السلام عليكم

كلامك هو الكبير و لكن ......

و لكن سأطرح سؤال للجميع:

هل من سيتزوج يختار بنفسه
أو يطلب من الأهل ليقومو بهذه المهمة ؟؟؟؟

حذاري هذا السؤال يحدد شخصية الشاب أو الشابة

طيب شوف يا أخي الكريم

العلاقات الطوفانية التي ذكرتها أعتبرها
سحابة صيف و تهريج غير جدية
بمعنى علاقات صبيانية

فكم من علاقات مبنية على الصح و بما يرضي الله
و بشروط من كلتا الطرفين و نجحت صدّقني ..
صحيح أنني أشاطر أختي ريحانة على ما ذكرت
بأن الطرفين يبدين الإجابيات أكثر من السلبيات
هذي حاجة عادية !!!! سأقول لماذا ؟؟
إذا كانت الفتاة أو الشاب متخلقين و جديين
هنا يغلب عليهما ما يسمى بالحياء ( الحشمة )
بمعنى آخر لا يزال الجدار ما بينهما
و بعد الزواج أكيد سيحطم هذا الجدار
المهم عند اختيارهما لبعضهما
لا يندمان أبدا (عن اقتناع)

هذا بالنسبة لمن سيختار

أما بالنسبة لمن يترك الأمر للأهل
سأطرح للمرة الثانية سؤال و هو :

هل التي سيخطبها لم تعرف الحب
أو أي علاقة عابرة ؟؟؟؟؟

لا أظن لا يجود شابة لم يسبق لها أن أحبت شاب
و لو من شرفة المنزل أو إبن الجيران هاهاها
آسفة
إذا في هذه الحالة
هل تفضل أن تختار أو يختار لك ؟؟؟؟

تصحيح
إذا تعرف الشاب على فتاة
أحبد أن يدرس سلوكياتها قبل كل شيئ
و هذه الأخيرة ستكشف كيف تفكر الفتاة

سأختم قولي و أقول
إنما الأعمال بالنيات

ألف شكر على الموضوع


تحياااااااااااااااااتي

​

 

[noure1982]

رد: العلاقات العاطفية في الجزائر

السلام عليكم
اشكركم جزيل الشكر على هذا المجهود
اختايا ريحانة ونينا شكرا على موافقتكم التامة
وهذا يدل الى انكما كما يقال بالعامية (شاربة العقلية)اي ماتتحشالهاش
وبارك الله فيكما
كما اشكر اخي ميشال على التدخل
اما الاخت جنية الله يجعل ولد الحرام ما يقفش في طريقك ويوريلك الصواب
المشكلت ليست في الاختيار يا اختي المشكلة في الطريقة
على حد المثل(ياالمزوق من البرى واش حالك من الداخل)واتي يلا صبتي ولد الحلال الله يهرس بيناتكم قلة تاع عسل ويديك ومايخلي العديان يستشفاو فيك​

 

[حفيد هواري بومدين]

رد: العلاقات العاطفية في الجزائر

يعطيك الصحة
يعجبني لي يخرج مع اخت صاحبو
ولي يخرج مع صحبت صحبو
والنهاية كل واحد يعرفها

 

[نيناNina]

رد: العلاقات العاطفية في الجزائر

خاطيني الخشش وبيتزيريات ؟؟؟؟؟؟؟؟؟؟الحمد الله

الله يكتر من مثالي :party:

​

 

[يسرى 2008]

رد: العلاقات العاطفية في الجزائر

شكرا على الموضوع تكرم

 

[ZIZO/SAHARA]

رد: العلاقات العاطفية في الجزائر

السلام عليكم مشكور اخي على الموضوع الجميل
اول اقول لك اخي انه عندك حق فيما تقول

انوي الحلال وربي يسهل وماتقولش نحوس نعرف العقلية
​

بصح الى حبينا نتحدثو علاقة شاب وشابة في فترة المراهقة فهي مبنية على عواطف وحب وتفويت وقت وكل واحد تصرالو في صغرو انو يحب وتحبو وحدة ويسرى الي يصرى ....هذه العلاقات ليس مبنية على هدف الزواج تمر فترة وينتهي هذا الحب او العلاقة ...لبنات والاولاد تع ذوكا حابين يزهاو ياخويا ؟؟؟؟؟؟؟؟؟؟؟؟شكرا على الموضوع مرة اخرة

 

[c@m9lia]

رد: العلاقات العاطفية في الجزائر

قاع عندنا العقل و نعرفو المليح و الي مشي مليح
و لككككككككككككككن
كاين بزاااااااااااااف حوايج يغيرو المعتقدات
كيما المسلسلات العاطفية،
الأفلام الغرامية،
قصص الحب الخرافية،
و الصحبة اللي تفسد،
و كاين أسباب أخرى
كل واحد و وحدة منا راه تعرض ليها
و يعرفها
و الحاجة الأخطر و اللي تبعتنا من أول الخلق حتى تفنى الدني
هو الشيطان
لعنه الله
قد ما تكون الوحدة متربية و متخلقة و عاقلة
و يلا ما كانتش متحصنة بالذكر و الدعاء
حتى هي و يتعرض لها الشيطان
و ممكن تدير حوايج كان من المستحيل حتى تخمم فيهم
واش نقولو
اللهم أصلح إمورنا و لا تكلنا إلى أنفسنا طرفة عين
و أبعد الشيطان و جنبنا وسوسته
و أبعد عنا النار و ما قرب إليها
و أرزقنا الجنة و ما قرب إليها
آآآآآآآآآآآآآآآآآآآآمييييين

​

 

[عفاف الجزائرية]

رد: العلاقات العاطفية في الجزائر

ا اخي والله الوقت اللي رانا فيه صعيب بزاف الواحد يجبد على المشاكل ويحاسب روحو بلاك دار حاجة نقوللك حاجة الحب راح قبل مع النية نتاع زمان ضركا لا حب ولا هم يحزنون الواحد يبقى وحدو واللي دايرها ربي سبحانو تلحق مادام كاين ربي اللي كاتبة تلحق

 

[السعادة]

رد: العلاقات العاطفية في الجزائر

شوف وقيلا مكاش وحدة ولا واحد ما عندوش صاحبتو ولا صاحبها والله اعلم
صح لازم الواحد يتجنب من هدو العلاقات مي كاين الي تنجح كل واحد او زهرو
الله اعلم يا اخي