اَلحَيآةُ عِبآرةٌ عَن كَلمآت

[لؤلؤة قسنطينة]

سعيدة أنا اليوم .. فرحانة بزااف بزااف
اليوم جاتني هدية من زميلتي وبدون مناسبة والهدية كانت كتاب ولا رواية
أول مرة نتلقى كتاب كهدية فرحت بيه بزاااف لدرجة كي مدتهولي الفرحة خرجت من عينيا هههه
بغض النظر عن الكاتب وبغض النظر عن الكتاب وعن محتواه لي مفرحني أنو هدية
وكل حرف نقراه منو نحس بالفرحة هههه
فشكرا جزيلا والله فرحت من قلبي

ولي زاد فرحتي هاد اليوم (وكأنو ربي مخصصلي هاد اليوم للفرحة ان شاء الله)
سمعت أخت هنا عزيزة عزيزة عزيزة على قلبي ربي لي عالم
لبست الجلباب والحمد لله والله بكيت من الفرحة وحسيت أنا لي لبستو
ربي يثبتك ويوفقك لكل خير حبيبتي وتكوني اقرب من ربي سبحانو
العقوبة لينا ان شاء الله نتشرفو بهاد اللباس
مبروك عزيزتي ​

 

[{مُدَلَّلَتُهُ}]

سعيدة أنا اليوم .. فرحانة بزااف بزااف
اليوم جاتني هدية من زميلتي وبدون مناسبة والهدية كانت كتاب ولا رواية
أول مرة نتلقى كتاب كهدية فرحت بيه بزاااف لدرجة كي مدتهولي الفرحة خرجت من عينيا هههه
بغض النظر عن الكاتب وبغض النظر عن الكتاب وعن محتواه لي مفرحني أنو هدية
وكل حرف نقراه منو نحس بالفرحة هههه
فشكرا جزيلا والله فرحت من قلبي

ولي زاد فرحتي هاد اليوم (وكأنو ربي مخصصلي هاد اليوم للفرحة ان شاء الله)
سمعت أخت هنا عزيزة عزيزة عزيزة على قلبي ربي لي عالم
لبست الجلباب والحمد لله والله بكيت من الفرحة وحسيت أنا لي لبستو
ربي يثبتك ويوفقك لكل خير حبيبتي وتكوني اقرب من ربي سبحانو
العقوبة لينا ان شاء الله نتشرفو بهاد اللباس
مبروك عزيزتي ​

تقتلني براءتك و صفاء قلبك غاليتي ♥

الحمد الله ربي عرفني عليك و الله انك نعمة من الله . . . ربي يعطيك ما تتمناي و يفرحك ان شا الله ♥

جمعنا الله تحت ظله يوم لا ظل إلا ظله ♥

 

[لؤلؤة قسنطينة]

تقتلني براءتك و صفاء قلبك غاليتي ♥

الحمد الله ربي عرفني عليك و الله انك نعمة من الله . . . ربي يعطيك ما تتمناي و يفرحك ان شا الله ♥

جمعنا الله تحت ظله يوم لا ظل إلا ظله ♥

ربي يحفظك هدهودة وربي يحميك من كل سوء حبيبة قلبي
والشرف الاكبر ليا أني تعرفت عليك لأنك حتى نتي نعمة من الرحمن وكنز يفتخر بيه الانسان
اللهم آمين غاليتي ولكِ بالمثل وزيادة ان شاء الله
ربي يوفقك لكل خير وكيما جمعنا ربي في الدنيا يجمعنا في الآخرة ان شاء الله ​

 

[لؤلؤة قسنطينة]

يا الله اﻷشياء التي ﻻ نستطيع البوح بها أنت تعلمها فكن لها مُيسراً

​

 

[لؤلؤة قسنطينة]

ربي اترك لي وَ لمن أحببتُ بقعةً صغيرة تحت ظلَ عرشك تظلنا بها
~اللهم أرزقنَا أمان ذلك الشعور~
​

 

[لؤلؤة قسنطينة]

أمورنا مرتّبةٌ في السّماء
نظنُّ بأنّنا نختار .. نظنّ بأنّنا نقرّر
ثُمّ تأتِي {كُن فيكُون} فتعرفُ أنّك لا تملك من أمرك شيء​

 

[لؤلؤة قسنطينة]

توحشت بزاف ناس
ومتمنية نقعدو كيف كيف كيما زمان
من بينهم خواتاتي
ماجدة @الزهرة الحمراء
أمونة @"viola"
امونة الدوزيام @بنت الـ25
@بثيــــنة 19
@كارلا
@BLEU PEARL
سمية @صلوا على النبي
عبير @red rose
@قمر الوادي
اختيperle blanche
والقائمة طوييييلة
ربي يحفظهم وين ماكانوا ان شاء الله
ونحبكم والله العظيم ومشتاقة ليكم ربي لي عالم ​

 

[لؤلؤة قسنطينة]

انفجار قنبلة قبل دقائق في مدينتي
يارب رحمتك
اللهم احفظ مدينتي الحبيبة وأهلها وأهل الجزائر ككل من كل سوء​

 

[لؤلؤة قسنطينة]

السّعادة لا ترحل إنّما هي تقرع أبواب قلوبنا كلّ يوم
وتنتظر منا فتحه بـ ابتسامة ؛ إرادة ؛ صبر وتوكلّ على الله ​

 

[فعل الخير غايتي]

انفجار قنبلة قبل دقائق في مدينتي
يارب رحمتك
اللهم احفظ مدينتي الحبيبة وأهلها وأهل الجزائر ككل من كل سوء​

ان شاء الله ربي يحميها و يحمي كل أرض الجزائر
يبدوا أن هناك من يريد أن يزعزع أمن الدولة
لكن لن يفعلوا شيئا
نحن بلاد المليون و نصف المليون شهيد

 

[لؤلؤة قسنطينة]

ان شاء الله ربي يحميها و يحمي كل أرض الجزائر
يبدوا أن هناك من يريد أن يزعزع أمن الدولة
لكن لن يفعلوا شيئا
نحن بلاد المليون و نصف المليون شهيد

اللهم آمين حبيبتي ربي يحمي بلادنا من كل سوء ان شاء الله
ويحمي أهلها ان شاء الله
بارك الله فيك غاليتي
​

 

[لؤلؤة قسنطينة]

في مثل هذا الوقت وخاصة لما نكون وحيدة وندور وحدي في اللمة
يجيني حنين للماضي حنين لكل شي يتعلق بهاد المكان
وهادا لي يخليني نعاود نشوف مواضيع قديمة سواءا مواضيعي أو مواضيع غيري من الاعضاء نشوف الردود تاع المواضيع رد برد
نبتسم معاهم .. نضحك معاهم .. نبكي معاهم نحس بشعور جميل صراحة وكأن الماضي يعيد نفسه
اليوم قمت بجولة لمواضيعي حبيت نشوف لؤلؤة قسنطينة هل راهي في تقدم أو تراجع
لقيت صح هاد الفترة الاخيرة كاين تهاون شوي مقارنة بما مضى ولكن الحمد لله مازلني وفية لهاد المكان حتى ولو بردود قليلة
أيضا حبيت نشوف لؤلؤة قسنطينة في الفترة مابين 2015 حتى 2017 هل تغيرت طريقة ردودها؟ هل ولات تتكبر على الناس بعد ماولات مشرفة؟
هل كاين فرق بين معاملتها للغير بين البارح واليوم؟
صراحة والله بدون تكبر لقيت روحي الحمد لله كيما كنت كيما وليت ونويت انو كن نلقى نفسي بديت نتكبر نريgل روحي ونفطن لعمري
لكن الحمد والشكر لله مازالني كيما راني فقط وليت نتكلم بحرية خاطر في البداية كنت كي ندير رد نحشم بزااااف الان راني نضحك ونتكلم عادي وبراحتي
هادا من وجهة نظري يمكن انسان آخر يشوف بلي تغيرت في معاملتي الله اعلم واكيد نحترم الانتقادات لي يشوفوها فيا الغير
بعد جولة داخل مواضيعي كاملة (يعني ماش كاملة بداية بعودتي للمة سنة 2015) لقيت 4 مواضيع أثرو فيا بزاااف ومازالو للآن يأثرو فيا مع انو انا لي كتبتهم
هاد الاربع مواضيع مختلفين تماااماا عن مواضيعي الاخرى فيهم شيء غريب (والله هادا واش نحس) وكأني كتبتهم بروحي فيهم صدق كبيير جدا وربي لي عالم
والله حسيت الحروف وحدها تخاطبني، صراحة عندي مواضيع بزاف ولكن هاد الاربع مواضيع حسيت بلي بذلت فيها جهد ولا كتبتها بصدق كبير

~لؤلؤة قسنطينة~​

 

[لؤلؤة قسنطينة]

لكل شخص يعدي من هنا اكيد رايح يحكمو الفضول حول هاد المواضيع لي ذكرتها الفوق ههههه
أول موضوع هو أول موضوع بعد شاركت بيه بعد عودتي للمة وأول موضوع كتبتو صح في اللمة وكتبتو بصدق وكان هاد الموضوع حول جداتي لي ماتت
تما كان عندها 10 اشهر من لي ماتت والآن تقريبا عامين ونصف يعني سبحان الله الوقت يفوت
حبيت نهز اقتباس من هاد الموضوع فقط باه يبقالي ذكرى ونتفكرو
{مازالني نتفكر نهار نتائج الباكالوريا بقات ساهرة حتى ما بعد 12 تاع الليل وهي تستنا غير باه تكون أول شخص يباركلي بالنجاح، ما زالني نتفكر لما تصعاب عليا حاجة تقولي " راني ندعيلك ليل مع النهار باه ربي يسهلك وربي مستحيل يخيبك يا بنتي" ، هادي ماراهيش جداتي لي نتلاقاه من عيد لعيد وموسم لموسم هادي راهي ختي لي كي نقعد معاها تضحكني وتحيكيلي على صغرها ، ما زلت نتفكر لما نلقاها في وسط الدار كي الشمعة وهي تغني وتقولي " أنا الحمد لله ديما زاهية" بصح وينك يا الغالية؟ ، مازلت نتفكر نهار هزيت الهاتف وسمعت بخبر موتها من شدة الصدمة ابتسمت لأنو حسيت أنها كذبة ولا راني في منام بصح من بعد دموعي بداو ينزلو وحدهم وصوتي بدا يعلا وحدو وقلبي ولا يحرق ما أمنتش كن نستنى في كاش واحد يجي ينوضني ويقولي راكي تحلمي}
ربي يرحمها ويوسع عليها ان شاء الله ويرزقها الجنة

ثاني موضوع كذلك فرغت فيه قلبي وحكيت حكايتي وشاركت هاد الناس الطيبين ناس اللمة سري ولا نقولو نقطة تحول في حياتي وهي العام
لي عاودتو في الجامعة والمعاناة لي مريت بيها وسبحان الله الحادثة هادي صرات قبل 6 سنوات درك الحمد لله كن نزيدو نلقاو التوفيق من ربي نتخرجو ان شاء الله نهائيا من الجامعة
حبيت نقتبس هاد الجزء ربما يرجعلي الامل ويقويني ويعطيني ارادة وحبيت نقتبس هاد الجزء
"اتخيلو حتى كي نجي في الحافلة تاع الجامعة ما نحبسش قدام البلوك تاعنا نكمل مع الحافلة حتى لفوق ونجي على رجليا ، لدرجة البلاصة هاديك مانحملش حتى نهبط فيها ، لما يجيو الأمتحانات ونبدا نحفظ راسي يولي يوجع لدرجة ما تقدروش تتصوروها ،صدقوني عديت عام كحل، غير بكا وغير هم ، لدرجة اتخيلو لافيشاج ومارحتش شفتو ، اتخيلو ماشفتش إذا راني ناجحة ولالا حتى العام لي وراه كي بداو التسجيلات تأمنوها هادي ؟؟ ، نهار رحت للتسجيلات كان لازم على الناجحين كامل يجبو ورقة باه يسجلو ، وأنا مع دخلت الإدراة وهدرت مع لي تخدم تما قاتلي ماكانش ورقتك بيناتهم راكي عاودتي العام ، هاديك الدقيقة والله العظيم يا خاوتي مع قاتلي عاودتي العام الستار لكحل لي كان بين عينيا نزل ، صدقوني الظلمة هاديك مع سمعت الكلمة راحت ، أنا من الصدمة بداو غير دموعي ينزلو ماقدرتش نسكت ، مافهمتش إذا كنت نبكي كي عاودت العام ولا نبكي على الظلمة لي عشتها لمدة عام كامل "
الحمد لله على كل واش عطانا ربي سبحانو وبعد العسر يجي اليسر والحم لله

ثالث موضوع حكيت فيه تاني على حاجة تخصني وبالضبط تخص طفولتي كانت كلي تشوهات مازالت في قلبي وارتحت لما شاركتها مع غيري صراحة
وخاصة الردود كانت كالضماد صراحة داوتني وداواتلي هاداك التشوه وحبيت نقتبس هاد الجزء
ومن تما ولات المعلمة تشوف فيا السبب الرئيسي لهاديك الفوضى،
"وباه تخرج الغل تاعها ،اليوم لي من وراه زادت مكرا 15 دقيقة من ورا ما دق الجرس بصح أنا ماكنتش ضمن هادوك الدقائق ، لأنو مع سمعت الجرس شافت فيا وقاتلي "هزي حوايجك واخرجي مارانيش حابة لمشاكل"، وليت لميت حوايجي وخرجت ووليت كل يوم هكا نخرج والتلاميذ لخرين يبقاو يقراو وأنا نتحرم من حقي في الدراسة، ومن بعد ولات تقولي "كي تسمعي الجرس اخرجي وحدك مانبقاش انا كل يوم نقولك" ، ومن بعد وليت مع نسمع الجرس نهز حوايج ونخرج ، وساعات لما تشوفني خارجة توبخني وتقولي كيفاه أنا ما كملتش الدرس ونتي خارجة ؟؟ ، بصراحة ما لقيت ما ندير وفي نفس الوقت ما قدرتش نخبر والديا لأنو في الأخير رايحة نكون أنا الضحية ،صدقوني رغم عقلي الصغير هاداك الوقت لكن فهمت مليح واش معناها الظلم."

آخر موضوع لا علاقة له بحياة الشخصية ولكن كانت اول سلسلة نديرها في اللمة بذلت فيها مجهود كبير صراحة وكنت نقدم هاد المجهود بفرح وسعادة
وكان اول عدد لهاد السلسلة هو ما اثر فيا بزاف صراحة واسمها
سِلسِلة { أَعِيدُوا إِلينا أخلاقَنا وإسلآمنا } العدَد 1 [ دِينُنا الإسلآم ]
وحبيت نقتبس هاد الجزء
"الصلاة
لما نسمعو كلمة صلاة نعرفو انها تاني ركن من اركان الإسلام , وهي الصلة بيننا وبين ربي سبحانو, لما تشتاق في الدنيا لشخص وتهز هاداك الهاتف وتتكلم بيه معاه وتحس بهاديك الراحة, نفس الشي بالنسبة للصلاة, الله عز وجل راهو بنفسو يجي يقابلك عند كل صلاة ويسمعلك , فماذا قدمنا للصلاة ؟
صلاة الفجر لي راهي كل يوم تبكي علينا , وحنا لا خبر , لما تجمعنا السهرات نسهرو حتى للصباح , لما نكونو في النت نسهرو حتى الصباح بصح باه نصليو الفجر مانقدروش, بالرغم من أنو المؤذن ينادي الصّلاة خير من النوم وبالرغم من انو نعرفو بلي ركعات الفجر راهي خير من الدنيا وما فيها , واش يزيدنا ربي كتر من هكا تحفيز؟
مانحترموش مواعيد الصلاة على حق, نصليو الفجر مع الظهر والظهر مع العصر والعصر مع المغرب وهي رايحة
ونحتجو في الأخير بضيق الوقت, باه نتفرغو لمشاهدة مسلسل أو مباراة نورمال, بصح باه ناخدو 5 دقايق من وقتنا للصلاة مانقدروش ؟؟"
هادي هي المواضيع لي حسيت روحي فيها صح صادقة وصح كتبتها بقلبي
ان شاء الله يكون فيه جهد اكبر في الايام القادمة ان شاء الله وشكرا لكل من شجعني ولو بكلمة سابقا خلاتني نوصل لهاد المرحلة
بارك الله في الجميع

~لؤلؤة قسنطينة~​

 

[Hakan]

الحمد لله
اللي شرفني انو نكون من الاوائل الذين زارو هته المواضيع وخلينا فيها رد وان شااء الله تكون ردودي من بين الردود اللي كانت تفرحك
ولو اني حابك تعطيلي الرابط نتاع موضوع جداتك حاب نتفكر شويا هههه​

 

[فعل الخير غايتي]

مشاء الله اختي
بلاك محضرتش مواضيعك الا اني حسيت بصدق كلماتك و مشاعرك
من خلال متابعتي ليك في اللمة حبيتك ياسر
ربي يوفقك ختي​

 

[لؤلؤة قسنطينة]

الحمد لله
اللي شرفني انو نكون من الاوائل الذين زارو هته المواضيع وخلينا فيها رد وان شااء الله تكون ردودي من بين الردود اللي كانت تفرحك
ولو اني حابك تعطيلي الرابط نتاع موضوع جداتك حاب نتفكر شويا هههه​

الشرف الأكبر كان لي أنو ردودكم كانت تشجعني وتفرحني وتدعمني كل مرة
لما رجعت لموضوع جداتي وقريت الردود لقيت روحي بلي درك نعرفكم يعني قاعدة نقول هادا رد خويا حكيم وهادا رد خويا جليل وختي بنت الـ 25
وختي الباحثة عن الحظ وغيرهم، لكن نهار وضعت الموضوع ماكنت نعرفكم ولا كنتو تعرفوني بعيدا عن القابكم وعن اسماءكم
كنت نشوفكم قلوب طيبة شاركتني حزني وشاركتني الموضوع وفقط، يعني ماتعرفونيش بصح الردود تاعكم كلي تاع ناس تعرفني
يعني سبحان الله حتى كي نعاود نقراها نشك نقول بالاك يعرفوني هههه خاطر كانت ردود مؤثرة صراحة وصادقة
دعمتوني والشرف الكبير ليا اني اليوم بيناتكم لو درك يولي بيا الزمن لهاداك اليوم نعاود ننضم ليكم بدون تردد
ربي يحفظكم جميعا وشكرا على هاد الاخوة لي ماتتقيميش بالذهب
والرابط تاع الموضوع هاو ليك 8 صفحات باه لقيتو هههه
وَ رآحَت الغآليـــة
شكرا لمرورك خويا حكيم وشكرا لدعمك
​

 

[لؤلؤة قسنطينة]

مشاء الله اختي
بلاك محضرتش مواضيعك الا اني حسيت بصدق كلماتك و مشاعرك
من خلال متابعتي ليك في اللمة حبيتك ياسر
ربي يوفقك ختي​

ربي يحفظك حبيبتي
وانا لي نحزن انو اخت مثلك ماكانتش حاضرة في مواضيعي ومااستمتعتش بصفاء قلبها وردودها الطيبة
ربي يخليك ختي لعزيزة ومحبتك نعتز بيها والله وتاج على راسي
وربي يحميك من كل سوء ويوفقك لكل خير حتى نتي
تشرفني شوفتك في مواضيعي ويفرحني تواجدك ربي يهنيك ختي لعزيزة
تحياتي :kiss:
​

 

[Hakan]

تغيبين لمدة اسبوع كامل
ان شاا الله خير ​

 

["viola"]

توحشت بزاف ناس
ومتمنية نقعدو كيف كيف كيما زمان
من بينهم خواتاتي
ماجدة @الزهرة الحمراء
أمونة @"viola"
امونة الدوزيام @بنت الـ25
@بثيــــنة 19
@كارلا
@BLEU PEARL
سمية @صلوا على النبي
عبير @red rose
@قمر الوادي
اختيperle blanche
والقائمة طوييييلة
ربي يحفظهم وين ماكانوا ان شاء الله
ونحبكم والله العظيم ومشتاقة ليكم ربي لي عالم ​

يتوحشك الخيير مريووومة و الله ماام انا و كي جيت ملقيتكش دوماج ..
ان شاء الله تريقلي امورك و ترجعي قبل ما يفوتو ايامات بزااف مالعطلة و الله حابة نريح معاكم ​

 

[لؤلؤة قسنطينة]

تغيبين لمدة اسبوع كامل
ان شاا الله خير ​

الحمد لله أنا بخير خويا حكيم بارك الله فيك على السؤال ربي يحفظك
وتخمامك كان في محلو إما مرض أو نت لي تخليني نغيب، وهاد المرة الإثنين كانو ضدي هههه
الحالة الصحية نفس الحالة السابقة مازال مارتحتش منها بصح هكاك وتلقاوني هنا ندور رغم المرض
يسما النت بنسبة كبيرة هي لي منعتني ندخل، درك راني نضرب عليكم طلة مرة على مرة بالـ 3 جي حتى يفرج ربي
أمري لله هههه
دعواتكم برك باه نرجعلكم في اقرب وقت ونهبلكم شوي هههه
شكرا مجددا خويا وبارك الله فيك ربي يوفقك لكل خير
​