السلطات المختلفة

[Skor m@k]

بسم الله الرحمن الرحيم
السلام عليكم
راني عدت الى منتدى الطبخ بعد مدة من الغياب
جبت معايا بعض أنواع السلطات الخفيفة والسهلة
ان شاء الله تعجبكم عندي الكثير منهم
راني كل مرة ان شاء الله نحط شويا
منطولش عليكم
متضحكوش عليا منعرفش نعبر مليح خخخخخخ

نبداو مع السلطة الـ 1 :
كل المقادير حسب كمية السلاطة اللي ديريها

-الفطر المصبر
نشللو ونضعه في اناء

- فلفل أخضر
نفتح حبة الفلفل ونقطعه بالطول رقيق
- طماطم
نقسمها الى نصفين ثم نقطعها بالطول رقيقة
بصل
أيضا البصل نقطعه رقيق

ثم نخلط الكل ونضيف اليها الزيت الزيتون والخل والملح
وبالصحة

السلطة الـ 2 :
نغلي البطاطا في الماء كي طيب نقشروها ونقطعوها قطع مكعبة

أيضا البيض نغليه ونقطعه قطع مكعبة

الفلفل الأخضر نقعوه مكعبات بنفس الحجم مع البطاطا والبيض

نخلط البطاطة والببيض والفلفل ونضيف الطون والزيتون الأسود والقليل من الزيت الزيتون والخل والملح والفلفل الأسود

وبالصحة

السلطة الـ 3:
نغلي العدس في الماء

نقطعو الطماطم قطع صغيرة

أيضا الفلفل الأخضر قطع صغيرة

والقليل من البصل أيضا قطع صغيرة

نخلط الكل نضيف الزيت الزيتون والخل والملح
وبالصحة

شكرا على المتابعة ان شاء الله في سلطات أخرى بحول الله
السلام عليكم​

 

[AmiR@RoRo]

رد: السلطات المختلفة

يعطيك الصحة مالك فنان
حيرتني برك هديك تع العدس اول مرة نشوف سلطة بالعدس
ربي يوفقك في عمالك
ومرة على مرة ديرلنا جولة هكدا على المطبخ

 

[لؤلؤة قسنطينة]

رد: السلطات المختلفة

السلام عليكم
بارك الله فيك خويا مالك
وصفات تشهي صح
انا عن نفسي نحب السلطات بأنواعها حتى ولو ماناكلش البعض منها ههه
ان شاء الله مزيد من الابداع خويا
تحياتي العطرة​

 

[ثَسْكُورْثْ نَثْدُوكْلِي]

رد: السلطات المختلفة

سلام عليكم

مممم يعطيك الصحة اطباق راائعة ماشاء الله

وفكرة جديدة تع سلاطة العدس ان شاء الله نجربها

بارك الله فيك يا شاف اللمة ^^
قبعة احترام لك
تحياتي
​

 

[Skor m@k]

رد: السلطات المختلفة

يعطيك الصحة مالك فنان
حيرتني برك هديك تع العدس اول مرة نشوف سلطة بالعدس
ربي يوفقك في عمالك
ومرة على مرة ديرلنا جولة هكدا على المطبخ

السلام عليكم
شكرا ليك أختي أميرة
هههه العدس فيه لحديد خكخكخك
ان شاء الله ربي يهنيك ختي
والله غير عدت نعجز نكتب وصفات الله غالب خخخخ
سلام​

 

[Skor m@k]

رد: السلطات المختلفة

السلام عليكم
بارك الله فيك خويا مالك
وصفات تشهي صح
انا عن نفسي نحب السلطات بأنواعها حتى ولو ماناكلش البعض منها ههه
ان شاء الله مزيد من الابداع خويا
تحياتي العطرة​

وعليكم السلام
شكرا أختي
مليح الواحد كي يبغي يدير الريجيم
ومنذاك مليح تنوع
ربي يحفظك ختي​

 

[السلطانة]

رد: السلطات المختلفة

وعليكم السلام يعطيك الصحة اخي مالك سلطات شهية
بارك الله فيك لاتحرمنا من اطباق اخرى

 

[Skor m@k]

رد: السلطات المختلفة

سلام عليكم

مممم يعطيك الصحة اطباق راائعة ماشاء الله

وفكرة جديدة تع سلاطة العدس ان شاء الله نجربها

بارك الله فيك يا شاف اللمة ^^
قبعة احترام لك
تحياتي
​

وعليكم السلام
مي غسي على المرور أختي سارا
شلاظة تاع لعدس هايلة سورتو كي تخليها مليح تبرد
يعطيك الصحة ختي​

 

[Skor m@k]

رد: السلطات المختلفة

وعليكم السلام يعطيك الصحة اخي مالك سلطات شهية
بارك الله فيك لاتحرمنا من اطباق اخرى

السلام عليكم
شكرا ليك أختي ساندي
ان شاء الله الى كنا من الحيين
ربي يهنيك​

 

[Malika Tlm]

رد: السلطات المختلفة

السلام عليكم
يعطيك الصحة اخي
والله شهينا سعدات المراة لي تتزوج بيك
ربي يوفقك اخي

 

[مطبخ الأحلام]

رد: السلطات المختلفة

السلام عليكم

يم يم يم سلاطات ولا اروع في المحتوى وفي التزيين باك الله فيك اختي

خلينا نشوف جديدك الظاهر انك تحبي الكوزينة فلا تحرمينا من ابداعاتك
​

 

[نبض الحياة]

رد: السلطات المختلفة

السلام عليكم ورحمة الله وبركاته
ما شاء الله تبارك الرحمن
سلطات راائعة
يعطيك الصحة غاليتي

 

[ضحکَة خچڸ ღღ]

رد: السلطات المختلفة

السلام عليك

ماشاء الله والله تحفة فنية ههههههههههه
يعطيك الصحة هديك نتاع العدس نجربها عجبتني ههههههههه
يعطيك الصحة و مشكور ما ترحمناش من جديدك
​