أهلين باللماويات الجميلات الفحلات اللي كل صبع بصنعة ربي يبارك :thumb_up02:
ليامات هادو نضل ندور في مواضيع الشيفات اللماويات تع الطبخ ولفت انتباهي الطورطات الكثيرة اللي راهم يديرو فيهم
سيغتو روكا وسوسو دارو الـ succès وطيحو علينا البق هههههههههه
ايا غرت منهم وقلت علاش أنا تاني منتعلمش ، على قولة المثل الشعبي " عاند وما تحسدش":bravo01:
خاصة انو قرب عيد ميلاد أخي الصغير قلت هات نجربو نتعلمو فيه :d ههههههههه
صحيح عندي مشكلة في الوقت وبالسيف باش راني نوفق بين الخدمة برا وفالدار مي قلت والله نجرب يا فيها جات عقبة يا جات حدرة كيما يقولو
خخخخخخخخخ
بون طبقت وصفة أم ندى وللأمانة خطوات صنع الجينواز أخذتهم من موضوع الدكتورة روكااااا
http://4algeria.com/forum/threads/426463/
مع بعض التعديلات الطفيفة جدا من حيث التزيين اللي أخذتهم من وصفة لأخت في منتدى آخر جزاها الله ألف خير
المهم جربت هاد المرة في مول صغير 25 سم قطره باش أونكا نلبز الحالة وتخلاص عليها مال فالبوبال (حشاكم) متغيضش هههههههههههه
مي فالأخير جات خفيفة وبنينة بنينة تهبل لدرجة أبي ياكل وكل دقيقة يقول لماما والله خير من اللي تتباع :up:
معرف صح ولا يجامل فيا برك ههههههههههههه:bravo01:
المهم بلا كثرة هدرة نخليكم مع التطبيق المتواضع جداااااااااااااااا
اللي تضحك نشويها ونشقالها وين ما كانت ونتقبلها عينها ونديفورميها يرجعو رجليها في زوج طرواط :p
هههههههههههههههههههههه
نتمنى تعجبكم
سلام
