هاه راك كبير ارجع ل passé نقولك

[السلطانة]

رد: هاه راك كبير ارجع ل passé نقولك

السلام عليكم
مشكوووووورة ساندي لانك رجعتينا ليامات زمآن
هههههه موضوع شيق و فيه بزاف حكايات :yahoo01::yahoo01::yahoo01: :bravo01::bravo01:
اهلا وسهلا بيك نورتي :yahoo01:
بون انا كنت نتخايل بزااف و نخاف بزاااااااااااااااااااااااااااف
اصلا كانت كي تروح الكهرباء من شمبرة لاخرى منقدرش نمشي

اكثر حاجة كانوا يخوفونا بيها هي جدة غــــــــولة ههههههههه يدرى كيفاشم مدايرة :s:s
كنا واش منحبوش نديروا يقولك تجيك جدة غولة في اي وقت
جدة الغولة في اي وقت قادرة تخطف ههههههههههه وياعجبك تصدقيها وهي جامي جات خخخخخخخخ

:sport01:
و تاني حاجة لي كانوا يحكولنا عليها في الـ gـآيلة هي حمار الـgـآيلة
يقولنا لي ميرقدش ولا يكثر الدوران يجي ليه ههههه و انا مساكن نامنوا و من الدار منخرجوش :d:d


ههههههههههه مافهمتش الحمار هادا كيفاه قاعد زعم تاع القايلة برك

و الشيء المحير هو بوالسناسل هههههههههه :p:p لي منعرفش كامل كيفاش مداير
يقولك يخرج في الليل و منعرف :s

يكون لابس السناسل بزاف هههههههههههههههه
غير يجري بيهم يوليو يديرو في الحس
ههههههههههه و على فكرة انا اكبر خوافة في دااااااااارنا
ان شاء الله تجيبي الباك وكون تروحي تديري اقامة في الجامعة واش يصرى فيك في الليل كي تخافي :p:p:p
مشكووووووورة ساندي
لكاشما تفكرت راني نجرع​

نورتي :tongue02:

 

[السلطانة]

رد: هاه راك كبير ارجع ل passé نقولك

السلام عليكم ساندي
هههه يعطيك الصحة ساندي على الموضوع اييييه واش رجعلي من ذكريات مع لعفايس هاذو
نشفالها كي كنت مانحبش نرقد فالgايلة عمتي تخوفني بحمار الgايلة تقولي لي مايرقدش يجي يجي ليه ويخطفوا ويديه لبلاصة واحد مايعرفها

اهلا وسهلا بيك اختي
هههه ياعجبك كل الغوال لي خوفونا بيهم يتفقو في نقطة يخطفونا ويديونا لبعيد ههههههههههههههههه
زعم منعرف واين في كاش صحرا
ونشفالها تاني كانت تخوفني بواحد الشيخ يعيطولوا شيخ كركر تقولي يلبس كل شي ابيض وعندو شعرو ولحيتو طواااال بزاف وعندو عين في نص الجبهة تاعو كانت تقولي يخرج للناس ويقاطعهم هادي كانت تقولهالي كي كنت نحب نخرج نلعب وهي ماتخلينيش
تبا لايام الصغر
هاذا الشيخ يمشي ويتكركر اكيد هههههههه
ساندي يعطيك الصحة فكرتيني في عفايس كنت ناسيتهم خلاص هههه
دمتي في رعاية الله وحفظه​

نورتي اختي شكرااا

 

[السلطانة]

رد: هاه راك كبير ارجع ل passé نقولك

ولحكايات زمان طعم من نوع اخر

انا كنت الفتاة الوحيدة مركحة روحي ومربية زعما ....مي ديما كي نوض نعفس ونعيط يقولو راه كاين واحد/اسمو حمر سنانو وبنانو وانا نتخيلو كيما قالو//وماعندي حتى علم بيه

اهلا وسهلا بيك اختي
حمر سنانو هههه تتخيليه فمو بالدم

وتاني يخوفوني بالgزانة يقولونا تجي تسرق الدراري كنت من لما نخرج من المدرسة وانا نجري حتى للدار وقاتلني الخوف ههه

هههههههه القزانة لي تطلب وتضرب الكف
وتخطف الصغار
كانت جدة تقولنا راه بكري كانو يطبطبو علينا ويجيو يسرقو وكانو يسرقو الدراري الصغار كنت انا نتخيلهم كيما الغجر ههههههههههه
وكانت عندي فوبيا من اللي يلبسو النوار ولا اللي يحطو النواظر ههههه

اااه ومازال مازال

ههههه يشوكيوك
تبا من انتم لتقضوا على طفولتي البريئة ههههههه

بيناتنا مرات كي يروح الضو ال\كريات gع ترجع وتخدم خدمتها ههههه

ههههههههههه ملكونا وخلاونا

نورتي اختي

 

[السلطانة]

رد: هاه راك كبير ارجع ل passé نقولك

السلام عليك
هههه ديتينا للزمن الجميل
كنت صغيرة آختي كانت تخوفني أنها راح تموت و تبدا تعيطلي باسمي و زعما راح تموت كل يوم ديرهالي و أنا كل يوم مصدقتها
حتى فهمتني ماما من تم موليتش نأمنها ههه

اهلا وسهلا

هههههه هاذي اختك وحدها
تمثل في الدور

وماكانوش عندك غوال ساكنين في مخيلتك :d

 

[السلطانة]

رد: هاه راك كبير ارجع ل passé نقولك

السلام عليكم
مرحبا بيا هههه هادي مدة ماددخلتش و ما قريتش مواضيعكم الحلوة

ايييه يامات بكري
كنا حنا نسمعو كلمة الغول برك الغاشي كامل يهرب
وكانو يخوفونا بالعجوزة لي تسرق الاطفال
هههههه الطفولة و البراءة
اما الاطفال نتاع ضكا و الله مايصدقو الغول لي يخاف منهم
​

اهلا وسهلا بيك اختي عاش من شافك
رعبوك بالغول والعجوزة ههههههه
نورتي اختي
الاطفال تاع درك لازمهم الضرب والتكلاح وياربي

 

[أم منيــــــر]

رد: هاه راك كبير ارجع ل passé نقولك

و الله يا ساندي كانت عندك جماعة كبيرة نتع الخوف و كل واحد و الدور نتاعو ههه
الحمد لله لي كبرت و حتى واحد فيهم ما ضرك
فكرتيني في صغري كانت يما تقولنا انا و اختي لو كان ما ترقدوش تجيكم ترgو و عل حساب ما توصفهالنا امي تقول تشبه للوحش شعرها خشين و طالع في السما هي كلها كحلة في كحلة ايا رواحي تشوفي كي نتفكرها نتكمش تحت الغطا حتى ضيق فيا التنفس و ما نحبش نخرج راسي برا صبح نلقاها عند وجهي ههه
يا حسرااه كانت ايام زينة
بارك الله فيك ساندي على الموضوع الجميل لي رجعنا للزمن الجميل
اما االاطفال نتع درك ما يخافو من والو لو كان تقوليلهم ترgو يقولك نسناها نشوفها

​

 

[أم لينة]

رد: هاه راك كبير ارجع ل passé نقولك

هههههه اختي ام منير انت تاني كنت تخافي من الترقو مي الترقو تاعنا بوقوصة على الترقو تاعكم هههههه
صح فكرتيني مرة زعمة نخلع في بن خويا قتلو ارقد و الا يجيك الشبح ملا بدا : كيفاه داير و لمن يجي وويكتاش يجي و علاش يجي و راني حاب نشوفو ووووو ندمت قتلو راك انت الشبح هههه.

 

[Skor m@k]

رد: هاه راك كبير ارجع ل passé نقولك

السلام عليكم
أهلا أختي ساندي فكرتينا في يمات زمان
ماني كانت تخلعنا بوحد لعجوزة نسيت وسمها
تقولنا لكان تخرجو مور الظهر والمغرب جي ليكم اوو تديكم
ههه باش نروحو نرقدو
جي من جيهت الغابة حنا ساكنين في لبلاد تقربيا بعيد على السكان
اوو كاين بزاف غوال كي نتفكرهم نولي ههه
سلام​

 

[أم منيــــــر]

رد: هاه راك كبير ارجع ل passé نقولك

هههههه اختي ام منير انت تاني كنت تخافي من الترقو مي الترقو تاعنا بوقوصة على الترقو تاعكم هههههه
صح فكرتيني مرة زعمة نخلع في بن خويا قتلو ارقد و الا يجيك الشبح ملا بدا : كيفاه داير و لمن يجي وويكتاش يجي و علاش يجي و راني حاب نشوفو ووووو ندمت قتلو راك انت الشبح هههه.

هههه ايه كامل فتنا على هديك الطريق و الله كنت نخاف نتع الصح
ضحكتيني الله يعطيك الخير
ايه شفتي هاد الجيل والله تحصلي معاه احنا كنا نوايا و هاد الجيل يا لطيف شحال فايق
انت تسمحي و هو ما يسمحش و يحوس يفهم كل شي و يزيد يضحك عليك
يعطيك الصحة
​

 

[secret de coeur]

رد: هاه راك كبير ارجع ل passé نقولك

ههههههه والله ياتاع تلمسان قاع تهدرو على ترقو خخخ ماكانتش تخوفني عيات ماتحكيلي عليها ماما كي ماتخليتش كيفاش دايرة ماخفتش منها هههه
بولولو وبوشكارة هادو ولاد عمي كانو يموتو منهم هههه

 

[لؤلؤة قسنطينة]

رد: هاه راك كبير ارجع ل passé نقولك

السلام عليكم
والله كل يوم نقول نجمع شوي ذكريات وندخل نرد على الموضوع وننسى
مزية لي صدقت هاد المرة :d ، بصراحة قتلتوني ضحك ههههههههن واشوا هادا بوسناسل وبعين حمرا ولا معرف واش ههههه
قتلتوني تاع الصح ، انا الحق كنت عاقلة وماعنديش حاجة يخوفوني بيها اصلا مانخافش، انا هيا لغولة تاع الدار ههه
بصح لي نشفالهم، كانو يقولو بوشكارة ههههه زعما هاز شكارة ويخطف فيها لولاد ولا الgزانة كيما قالتها وحدة من الاخوات
حتى ولينا كي نخرج من المدرسة طيارةن ولا كانت تقولي ماما خالتي كسكاسة هههههه، كي قتلها شكون خالتي كسكاسة؟
قاتلي بلي جداتي كانت تخوفها بيهم وكانو حاطينها مدايرة كسكاس تاع الطياب فوق راسها ههههههه
والله يامات الصغر كانو ملاح صح وفكرتينا بيهم بهاد الموضوع المميز الله يبارك
درك جيل هاد الوت مايخاف من والو ماش كيما حنا كنا نأمنو كلشي
شكرا ساندريلا اللمة على الموضوع الباهي والرائع ننتظر باقي ابداعاتك
تحياتي
​

 

[آمِيْرَتُه]

رد: هاه راك كبير ارجع ل passé نقولك

اهلا وسهلا

هههههه هاذي اختك وحدها
تمثل في الدور

وماكانوش عندك غوال ساكنين في مخيلتك :d

ههه لالا كاين عمي بوشطاطة كنت متخيلته راجل كبير موسخ و مبهدل لابس غير الشطايط برك :p

 

[السلطانة]

رد: هاه راك كبير ارجع ل passé نقولك

و الله يا ساندي كانت عندك جماعة كبيرة نتع الخوف و كل واحد و الدور نتاعو ههه

اهلا وسهلا
ايه ههه سورتو كي كنا نورحو لدار بيت جدي مادام صغري فوتتو تم كانو خوالي وخوالاتي يبدعو في اختراع لغوال باه نسكتو عليهم من الحس
الحمد لله لي كبرت و حتى واحد فيهم ما ضرك

:dمزية
فكرتيني في صغري كانت يما تقولنا انا و اختي لو كان ما ترقدوش تجيكم ترgو و عل حساب ما توصفهالنا امي تقول تشبه للوحش شعرها خشين و طالع في السما هي كلها كحلة في كحلة ايا رواحي تشوفي كي نتفكرها نتكمش تحت الغطا حتى ضيق فيا التنفس و ما نحبش نخرج راسي برا صبح نلقاها عند وجهي ههه
يا حسرااه كانت ايام زينة

هههه ترقو تاعكم كانت مرى غولة
تضيقلكم النفس خخخ والله يالعفسة تاع تتخباي تخت الغطا نشفالها كنت نديرها حتى تلقى ماما لعرق يصب عليا ونجي نشوف نلقاهم هوما كل نورمال
على اساس غير انا مثلا يديني الغول :bravo01:
بارك الله فيك ساندي على الموضوع الجميل لي رجعنا للزمن الجميل
اما االاطفال نتع درك ما يخافو من والو لو كان تقوليلهم ترgو يقولك نسناها نشوفها

​

نورتي خالتي
ايه تاع درك ميصدقوش كلهم

 

[السلطانة]

رد: هاه راك كبير ارجع ل passé نقولك

هههههه اختي ام منير انت تاني كنت تخافي من الترقو مي الترقو تاعنا بوقوصة على الترقو تاعكم هههههه
صح فكرتيني مرة زعمة نخلع في بن خويا قتلو ارقد و الا يجيك الشبح ملا بدا : كيفاه داير و لمن يجي وويكتاش يجي و علاش يجي و راني حاب نشوفو ووووو ندمت قتلو راك انت الشبح هههه.

هههه مليح لي مااخترعلكش هو كاش غول وتحول ليه هههه

 

[السلطانة]

رد: هاه راك كبير ارجع ل passé نقولك

السلام عليكم
أهلا أختي ساندي فكرتينا في يمات زمان
ماني كانت تخلعنا بوحد لعجوزة نسيت وسمها
تقولنا لكان تخرجو مور الظهر والمغرب جي ليكم اوو تديكم
ههه باش نروحو نرقدو
جي من جيهت الغابة حنا ساكنين في لبلاد تقربيا بعيد على السكان
اوو كاين بزاف غوال كي نتفكرهم نولي ههه
سلام​

وعليكم السلام
ههه والله موضوعك دارلي الالهام :d
نشفى لصورة داركم منين حطيتها في ركن التصوير هههه تزيد تتصور انو فيها غوال اكثر
يتخباو في لبلايص كل
كيما عادت فيها الطبيعة وكلشي تزيد تخلي بالك يتوسع
نورت خويا

 

[السلطانة]

رد: هاه راك كبير ارجع ل passé نقولك

ههههههه والله ياتاع تلمسان قاع تهدرو على ترقو خخخ ماكانتش تخوفني عيات ماتحكيلي عليها ماما كي ماتخليتش كيفاش دايرة ماخفتش منها هههه
بولولو وبوشكارة هادو ولاد عمي كانو يموتو منهم هههه

ههههه او جاك بوشكارة هههه وترقو

 

[السلطانة]

رد: هاه راك كبير ارجع ل passé نقولك

ههه لالا كاين عمي بوشطاطة كنت متخيلته راجل كبير موسخ و مبهدل لابس غير الشطايط برك :p

ههههه منمن اشرحي يعيشك انا اختك
واش معناها شطايط :s

 

[Hakan]

رد: هاه راك كبير ارجع ل passé نقولك

انا من الاشباح كاامل خوفتني هاذيك المراة اللي التنا عليها جداتي الله يرحمها واللي كانت تخرج في قدام الباساان اللي كنا صانعينو
وكانت تخرج وهي تمشط شعرها الطويل خخخخ


المهم الحمد لله بكري كنت اكبر خوااف خخخخخ والحمد لله دركاا ما نخاف غير من امي هههههه


سلاام .​

 

[أم منيــــــر]

رد: هاه راك كبير ارجع ل passé نقولك

يعطيك الصحة ساندي
الموضوع نتاعك خلانا نكتاشفو كامل انواع الخوف و كامل الشخصيات لي كنا عايشين معاهم في الخيال
بارك الله فيك
​

 

[أم منيــــــر]

رد: هاه راك كبير ارجع ل passé نقولك

ههههههه والله ياتاع تلمسان قاع تهدرو على ترقو خخخ ماكانتش تخوفني عيات ماتحكيلي عليها ماما كي ماتخليتش كيفاش دايرة ماخفتش منها هههه
بولولو وبوشكارة هادو ولاد عمي كانو يموتو منهم هههه

الاسطورة المخية لي عشنا بيها و معاها
بولولو بوشكارة و نزيدلك اسم نسيتو بنسنس
كانت يما تقولنا ما تخرجوش للزنفة يديكم بنسنس عندو شكارة كبيرة يدير فيها الصغار و يهرب
كي كنت نلعب و نشوف واحد رافد شكارة نهرب للدار ههه
يا حسراه دنيا
​