العقم

[الصبورة رغم الالم]

السلام عليكم خاوتي لاباس انشاء الله:up:
المهم انا زوجت مند 3 سنوات بعد قصة حب جميلة لكن بعد الزواج اكتشفت ان زوجي لا ينجب عقيم 100 بالمئة و هدا ما أكده الاطباء انا أعيش حالة نفسية مدمرة الاسئلةعمرتلي راسي ما قدرتش نصبر يكدب لي يقول اني صابر يكدب على روحو

قالولنا روحو تكفلو ب يتيم لكن و الله نهايتها زي بدايتها مؤلمة
ساعات نقول نطلق وين روح نرجع لبابا واعر المجتمع اكثر و اكثر حاصلة في روحي

 

[Hakan]

رد: العقم

كأن قصص الحب تنتهي في اليوم الذي يعلن فيه ان الحبيبة صارت ملكا لحبيبها

تتكلمين يااخيتي عن قصة حب وانت في اول امتحانات الحب تحاولين ان تنسلي

من واجبات العاشقة والمتيمة ولماذا لان الحبيب لاينجب كما قلت

لوكان زواجك تقليديا لقلت ان سعادتك في بنين يكونون السند والعون

لكن مادام في القضية حب فاني انتهي بتحليلي هاهنا واقول :

خذلتم الحب يابنات حواء

رزقك الله ذرية تسعدك ورزق الله حبيبك وزوجك صبرا على محنته التي افقدته الابناء وستفقده على مااضن حبيبته

و وقد اجتمع معه ابتلاءان لاصبر عليها والله مع الصابرين ​

 

[Hakan]

رد: العقم

اذا كان جواب الرجل هذا ياترى كيف سيكون جواب الانثى؟ ...

 

[لؤلؤة قسنطينة]

رد: العقم

السلام عليكم
ربي يرزقك ان شاء الله بالذرية الصالحة اختي
ولكن في موضوعك توصلت لنقطتين، النقطة الأولى راهو سبقني فيها خويا حكيم
الشي لي كنت رايحة نقولو قالو، خاطر الزوج تاعك ماخلاكش تكوني صديقة ولا بنت يجوز معاها الوقت،
كان راجل معك وخيرك شريكة حياتو وخلاك اسعد إمرأة في الوجود، ودرك كي لحقت للصح تخليه وتطلقي؟؟
اسمحيلي ختي الحب عمرو لاكان هكا، وهنا نصحح كلام خويا حكيم لما قال: " خذلتم الحب يا بنات حواء "
لأنو هادا ماراهوش حب اصلاً ، خاطرالحب هو اخلاص ووفاء للطرف الآخر، و الحياة الزوجية فيها مصاعب، قادر يمرض راجلك
قادر تصرالو مشاكل مادية وإلا مشاكل نفسية، يعني وينو دورك هنا كزوجة؟؟ ووينو الحب ؟؟، يعنيا لزواج علاه دارو ربي؟؟
باه الزوج تكون سند لزوجها ولا باه تطيب لعشا وتغسل الكوزينة برك ؟؟
ختي مارانيش نعاتب فيك لكن خممي مليييح ، نتي تخمي على نفسيتك لي تدهورت وهو ماخممتيش عليه ؟
وماخممتيش القلب هاداك كيفاه راهو يتحرق؟
هو قدملك الحب لكن نتي ماقدمتيلو والو؟؟ خليتيه في اصعب الظروف، ماش قاعدة نقولك ساهلة الحالة ومعرف نهار تلحق
دالتنا واش نديرو العلم لله، ولكن مادام جيتي قدامي كحالة راني ننصح فيك ونقولك ماطيشيش راجلك وماطيشيش الشخص لي
خلاك تتعلمي معنى كلمة حب وتعيشي تفاصيلها
اما النقطة الثانية لي حابة نتكلم عليها وهي علاه قاطعة رحمة ربي؟؟ عندك 3 سنوات زواج فقط ؟؟ الناس راهي ب 10 سنين
بلا ولاد ومن بعد رزقهم ربي، يعني وينهو الصبر تاعك ووينهي ثقتك بربي؟؟ يعني ربي سبحانو لي خلق سيدنا عيسى عليه السلام
من دون أب عادي ونتي باه يرزقك بالذرية جاتك واعرة؟؟ وينهي صلاتك ؟ وينهي دعواتك ؟؟ سيدنا زكريا عليه السلام ياك تعرفي حكايتو ؟
ونذكرك ببعض الآيات من القرآن الكريم ومن سورة مريم بعد بسم الله الرحمن الرحيم : { ذِكْرُ رَحْمَةِ رَبِّكَ عَبْدَهُ زَكَرِيَّا (2) إِذْ نَادَى رَبَّهُ نِدَاءً خَفِيًّا (3) قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا (4) وَإِنِّي خِفْتُ الْمَوَالِيَ مِنْ وَرَائِي وَكَانَتِ امْرَأَتِي عَاقِرًا فَهَبْ لِي مِنْ لَدُنْكَ وَلِيًّا (5) يَرِثُنِي وَيَرِثُ مِنْ آَلِ يَعْقُوبَ وَاجْعَلْهُ رَبِّ رَضِيًّا (6) يَا زَكَرِيَّا إِنَّا نُبَشِّرُكَ بِغُلَامٍ اسْمُهُ يَحْيَى لَمْ نَجْعَلْ لَهُ مِنْ قَبْلُ سَمِيًّا (7) قَالَ رَبِّ أَنَّى يَكُونُ لِي غُلَامٌ وَكَانَتِ امْرَأَتِي عَاقِرًا وَقَدْ بَلَغْتُ مِنَ الْكِبَرِ عِتِيًّا (8) قَالَ كَذَلِكَ قَالَ رَبُّكَ هُوَ عَلَيَّ هَيِّنٌ وَقَدْ خَلَقْتُكَ مِنْ قَبْلُ وَلَمْ تَكُ شَيْئًا (9) } صدق الله العظيم
اقراي هاد الآيات ودرك تعرفي معنى الثقة بالله ومعنى الصبر وواش قادر يرزقك ربي بعد الصبر ، ربي سبحانو محتاج يسمع دعائك،
هو ابتلاك بحاجة وحابك تكوني قريبة ليه ماش تطيشي راجلك وتهربي، صدقيني قادرة تطلقي وعمرك لا تتزوجي وتتحرمي من الاولاد
ومن شخص عطاك قلبو، مالا خممي مليييح اختي العزيزة، انا جاتني 3 سنوات قليلة خلاص، زيدي اصبري وزيدي اتقربي لربي،
واذا ماكتبلكش ربي الاولاد ربي يتيم علاه لالا؟؟ تربحي أجر عند ربي كبير ، يعني صدقيني مشكلتك هادي فيها اجر كبير ليك
ونتي لاخبر، منها صبر ومنها ثقة بالله عز وجل وغيرها من الامور
ختي لعزيزة حطي عقلك في راسك وخممي في الشخص لي معاك وحطي ربي في قلبك وكملي مع راجلك ورايحة تفرج عليك عن قريب
وبإذن الله، ربي معاك ختي وربي يوفقك وربي يرزقك الذرية الصالحة ان شاء الله
تحياتي​

 

[بنت الـ25]

رد: العقم

السلام عليكم ورحمة الله تعالى وبركاته
منزيدش بزاف على كلام اخي حكيم واختي مريم اللؤلؤة إلا ما يلي:
لو كنتي انتي في مكانو بمعني انتي لي عاقر متجيبيش لولاد
كيفاش رح تكون ردة فعلك كي يتخلى عليك حبيبك؟
حطي روحك في مكانو يا اختي وانظري للأمر من هذه الزاوية ورح تقدري بإذن الله تحلي المشكل اللي تتخبطي فيه

نعطيك احتمالين: قادرة تخليه وتتزوجي برجل ما تحبيهش وممبعد ربي ما يرزقكش اولاد ، تخيلي حياتك ساعتها لا حب لا اولاد :down:
ممكن هو يعاود يتزوج من امرأة اخرى ويرزقو ربي بالأولاد :thumb_up02: صدمة كبيرة ليك

اختي ربي قال: لا تقنطو من رحمة الله ، لأنو هدا ربي سبحانو قادر على كل شيء
نحكيلك حكاية واقعية صرات في فامي تعنا
عندي ولد خالتي قبل ما يتزوج دار فحوصات وتحاليل وتأكد 100 بالمئة بلي مستحيل ينجب اولاد
صارح المرا اللي رح يتزوجها هي جارتو وامرأة ذات دين وخلق ، قبلت بيه لأنها تحبو وتموت عليه
صبرت معاه 5 سنين بلا اولاد ومشاكل مع امو اللي هي خالتي وجامي اشتكات المخلوقة
مي دوكا راهم 14 سنة زواج ربي يبارك جابو طفل يتيم رباوه ومن نهار كفلو هاد اليتيم وربي يرزق فيهم من الخيرات والنعم
الطفل جابوه مولا شهرين دوكا راه يقرا فالسنة الرابعة وعايشين وحامدين ربي
نتي 3 سنين بديتي تقنطي؟ نعرف واحد قريب ليا 10 سنين ومزال ما رزقوش ربي بالذرية وصابر بيه بمرتو
هو صحيح موقف صعب لكن الحب لازملو تضحيات وانا لو في بلاصتك موحال نتخلى عن زوجي حبيبي وهو في أحلك ظروفو
تحسبي هو عاجباتو روحو ما يجيبش اولاد؟
خممي مليح وراجعي حساباتك وان شاء الله ربي يفرج عليك علابالي بلي منا تكوي ومنا تحرق
​

 

[السلطانة]

رد: العقم

والله يااختي انا منزيدش على واش قالو الاخوة والاخوات لي ردو قبلي
لكن حطي روحك في بلاصة راجلك وكنتي انتي لي متجيبيش وقالك نطلقك ونتزوج واش يكون رايك ؟

رحمة ربي واسعة اختي
كاينة وحدة نعرفها صراتلها نفس الحالة تاعك
اتطلقت هي وراجلها
شوي كي عاود الزواج جاب نورمال !

3 سنين ماشي بزاف
ارجعي راجعي حياتك انتي وراجلك
وشوفي كان راكم تصليو تتصدقو
تاكلو من المال الحلال ؟

وحد القصة سمعتها من داعية اسلامي قال
هادا راجل عندو دراهم وابنو مرض بالسرطان الطبيب قالهم راه في اخر ايامو وماكانش امل في الشفاء تاعو والطبيب هادا في الخارج
الراجل خرج لقى مرأة تتسول
جبد مبلغ كبير من المال وقال نصدقو بنية يبرى ابني
مدلها المبلغ المرا طاحت تدعي بالشفاء لابنو
وتعاود
اتصوري الراجل هنا ناض يبكي ايه من الدعاوي لي اسمعهم والمرى كانت محتاجتهم
رجع للدار لقى ابنو قاعد !
بعد ماكان راقد غدوة اداه للطبيب قالو سبحان الله واش درتلو
واش من دوا عملتلو
قالو الصدقة وفهمو الطبيب كان مسيحي اسلم دخل للاسلام

يااختي دعوة صادقة ترفع الى السماء قادرة تبدل كلشي
والصدق اثناء الصدقة ايضا
والرسول عليه الصلاة والسلام يقولنا داووا مرضاكم بالصدقة

وانتي جاية تقولينا نطلق ومانطلق
اسمحيلي مي نقولك ايمانك ضعيف وبحاجة لاعادة شحن

​

 

[ماكانش]

رد: العقم

الله يصبركم
منا حامية منا تكوي

 

[ARCHICAD2016]

رد: العقم

سلام الله عليك أختاه :: الذريه والانجاب رزق من الله واذ كان الله حرمك منها و لعلى في ذللك ايضا نعمه امام الملاين من انجبوا الاولاد العاقين فكم اب كان مصرعه على يد ابنه انجبها فخبر سوء اخلاقها وموجونها سبب له سكته دماغيه اوقلبيه و كم اولاياء افنوا حياتهم في خدمه ابنائهم في مؤخرة العمر رميوا في دو العجزة .... وكم وكم وكم من قصص مؤلمه من العقوق و العياذ بالله .... وعليه اختاه عليك ان تحمدي الله على كل عطاء وحرمان .... واقدم للك هاته القصه حقيقيه استخلصي العبرة منها هديه مني اليك لك و لكل عقيم .... ولكل من رزقه الله الذريه عليه ان يجتهد في تربيتها و يدعو بالبركه والصلاح لها ...


السجن 5 سنوات لخليجي مخمور هتك عرض والدته

• ‏
• أعلنت محكمة التمييز في دبي عن تأييدها حكم محكمة الاستئناف القاضي بسجن خليجي خمس سنوات، حيث اتهمته النيابة العامة بهتك عرض والدته، وفقاً لما نشرته صحيفة "الخليج" الإماراتية

وفي تفاصيل القضية، والتي تعود إلى شهر مايو/أيار عام 2014، فقد عاقر المتهم الخمرة وشرع بمواقعة والدته التي تعاني اضطرابات عقلية، فيما أفاد شهود الإثبات بأن المتهم كرر اعتداءه على والدته مرات عدة. وبيّنت النيابة العامة في أوراق الإحالة، أن كشف الجريمة تم من خلال شقيق المتهم الذي شاهد ما يقوم به مع والدتهما، وحينها قام بإبلاغ الشرطة التي قدمت إلى المنزل وقبضت على المتهم، وتبيّن خلال ذلك أن المتهم اعتدى على والدته، وهو في حالة سكر شديد.

وفي قضية أخرى، أعلنت محكمة الجنايات في دائرة محاكم رأس الخيمة عن إصدارها حكماً بالسجن المؤبد لشاب من الجنسية العربية لاتهامه بحيازة المواد المخدرة والاتجار بها، حيث تشير أوراق القضية التي تعود إلى مطلع العام الجاري إلى تمكن رجال قسم مكافحة المخدرات بإدارة البحث الجنائي في القيادة العامة لشرطة رأس الخيمة من إلقاء القبض على الشاب المتهم في إحدى مناطق الإمارة إثر تلقيهم معلومات سرية مؤكدة تشير إلى حيازته كمية من المواد المخدرة المختلفة بقصد الاتجار بها وعرضها للبيع بين الشباب في الإمارة.

ويشار إلى أنه بعد إحراز المضبوطات وعرض المتهم للفحوصات الجنائية اللازمة التي أثبتت تعاطيه للمواد المخدرة تم التحقيق معه وتحويله إلى النيابة العامة لاستكمال الإجراءات القانونية ومنها للمحكمة المختصة التي قضت على المتهم بحكمها السابق بعد الاستماع لأقواله وتقديم دفوع محاميه.


منقول لك

 

[ملاك ملوكتي]

رد: العقم

السلام عليكم اختي كريمة انا ننصحك ما تسمحيش في راجلك واقفي معاه و على باش تجيبي طفل يتيم تربيه احسن حل مادمك صغيرة و عندك اجر عند الله و حنيي عليه ربي يرزقك من اين لاتدرين و الله اختي عندي عمتي تزوجت مع واحد تحبو و يحبها و16عام زواج رابي مارزقهمش بالذرية بصح جابت واحد يتيم راهي تربي فيه عمر عليهم الدار ديري ربي في خاطرك و قعدي مع راجلك دورك المرا مطلق ميرحموهاش فالمجتمع تاعنا تنذل و قاع يطمعو فيها واش ماخير راكي عايشا معزز مكرمة ولا تنذلي مهما يكون الراجل بصح يدير الحرمة للمرا بزاااف لي طلقو و ندموو و الله يفرج عليك و على جميع امة محمد عليه الصلاة و سلام

 

[ام أمينة]

رد: العقم

اختي ما تسمحيش في زوجك الا صح كنتي تحبيه
ما تهمكش هدرة الناس المهم انتي و هو تكونو مع بعضاكم و متفاهمين
كثري من الاستغفار و الدعاء لرب العالمين و هو مفتاح كل شيئ
مع الوقت حاولو تجيبو يتيم و ربوه منها تتونسو بيه و منها تدو الاجر

حاولو تشوفو اطباء اختصاصهم فالعقم ممكن يكون حل باذن الله
علابالي صعيب الحال
ربي يفرج عليك و على كل المسلمين الله آمين
​

 

[بقايا إنسان]

رد: العقم

سلام الله عليكم ورحمة الله وبركاته وبعد:من حقك أختنا الكريمة طلب الطلال لوجود العلة وهو عقم الزوج
لكن :أهو مضمون انك تلقاي زوج اخر ليس عقيم.؟؟؟
هل تضمني انك تقاي واحد يحبك ويخلصلك مثل الاول...؟؟؟؟؟
وهل تضمني انك تتزوجي بعد ما تتطلقي؟؟؟؟؟؟
واش رايك لو تتزوجي بتاني وتكون عندو نفس علة الاول...؟؟؟
بالمناسبة .كلو هبة من عند رب العالمين القائليَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ (50)
خيارك صعب اختنا الكريمة وانا حاسس بحالتك
وما نال البشرى مثل الصابر

 

[Salah eddin]

رد: العقم

يا اختي هذي حاجوة تاع مكتوب

عليك بالدعاء
عليكم بالسعي
فكم من حالة مشابهة اصبحت غير ذلك
واش نقلك
الله يجيب لي فيها الخير

​

 

[فيتامين سي]

رد: العقم

لالا نعرف بزاف هكدا و كفلو يتيم اجرك عند ربي كبير و نتي قلتيها حب معناها لازم تحاربي على جال هدا الحب لي بيناتكم جيبو بنوتة حلوة و دو الاجر
نصيحة برك ادا جبتي ولد جيبي غير أولاد و ادا جبتي بنت جيبي غير بنات متنسيش
حبيبتنا جابت بنوتة سبحان الله لي يشوف يقول بنتها الناس و مأمنوش نسخة طبق الأصل و امورة الدار
هدا امتحان م نعند ربي
و لي يسقسيك او يجرحك قليله مدلي لادريس مين جبت ولادك باختصال هدا رزق

 

[youcef.as.dz]

رد: العقم

الاستغفار الاستغفار
التصدق بنية الشفاء من العقم
الدعاء
قيام اليل
فرج الله همك