في المولد النبوي مفرقعات وفي مولد المسيح 2016 كعكات لابيش تقشف يا المسكين والنية

[zagane]

السلام عليكم
في المولد النبوي مفرقعات وفي مولد المسيح 2016 كعكات لابيش تقشف يا المسكين والنية .
تقول زادو حرشوهم ...هوما يقولو ليهم تقشفو وهوما هاجمين على كعكة لابيش 2015

كان هدايا ما كنت اعتقد انه افقر الفقراء والمحطرف الكبير في الجزائر 31/12/2015 كي صونا التيليفون بقا يهدر ويقول لمرتو ابعثيها تروح تجيب لاطار قبل ما يكملوها ولازم تكون السومة كدا وكدا وعيط لعمو احمد الحلوانجي يوصي ويزيد راهي جايا البنت تديها خليها
ويعاود يعيط ليهم روحو راني وصيتو هههههههه
انا قلت كون غير اتخبى وعيط ليهم هدا التالي في الجزائر مسكين
املا نحكو الان على الالفقراء دوي الدخل المجهول او المحدود او الممدود ما فهمنا والو
المهم ما يفوتوش الريفيون بلا ما يروسوها ويخلطوها ويخمروها ويرقصوها في الملاهي و .......
قريت في الجرائد زدت تخلعت شكون لي حبوه يتقشف بلاك شعب المريخ
جريدة الجمهورية 30/12/2015
http://www.eldjoumhouria.dz/Article.php?Today=2015-12-30&Art=15490
شوف العجب

الجزائريون واحتفالات رأس السنة الميلادية
سمر بالمنازل وسهر في الفنادق ووجهات مغرية الى الخارج ؟
سعر التذكرة من 6000 دج إلى 14000 دج للشخص الواحد سعيد الصنهاجي ، هواري بن شنات ومنسقي الـ" دي جي " نجوم الحفلات دورمان أمينة قامت أكبر الفنا...

وزيد

اقبال كبير على الاحتفال خارج الوطن
تونس وتركيا ... البلدان المفضلة و الأقل تكلفة
• اسطمبول ما بين 106 آلاف و 135 ألف دج مدة أسبوع • عروض استثنائية لسوسة و الحمامات مابين 35 ألف و 37 ألف دج يفضل عدد كبير من المواطنين استقبال ...

وزيد

"أونات" تقدم عروضا للسفر إلى تيميمون و جانيت
رحلات شبابية الى تاغيت بـ 3500 دينار
تحت شعار "اكتشفوا التراث السياحي للجزائر" و بمناسبة نهاية السنة الميلادية و عطلة الشتاء سطر الديوان الوطني للسياحة و الأسفار عبر كل وكالاته هذا العام ...

وزيد وزيد وزيد هدا غيظ من فيظ

وين راهم الفقراء في الجزائر وقيلا فقط اعضاء اللمة الفقراء الوحدين في الجزائر ههههه
شكون لي دعاهم وعرضهم للاحتفال بهده المناسبة ياك هوما مسلمين مشي مسيحيين
في المولد النبوي ما شراش شمعة لاولادو وفي عيد الميلاد لابيش
في المولد النبوي مفرقعات غالية وفي عيد الميلاد مفرقعات وكعكات وشجرات ورحلات .
شعب يحير لا خدمة لا زدمة والتفحشيش واللبسة والحطة والمارلبورو ووووووو
منين الله يعلم
نقول ليكم في الاخير
BONNE ANNEE 2016

 

[الورد الأحمر]

رد: في المولد النبوي مفرقعات وفي مولد المسيح 2016 كعكات لابيش تقشف يا المسكين والنية

وعليكم السلام ورحمة الله
هذا هو الشعب الجزايري يا أخي ما خلانا نفهمو عليه والو الكل يشكي مي الكل يشري ويقلش في روحو مرات يبانولي ما مخبيين حتى دورو تحتهم كون كاشما يصرالهم لا قدر الله مرض ولا يموتو شغل حرقوهم ديجا في اللبسة والتقلاش ... اليوم كيما قلت منين نعدي نلقى نسا ورجال وبنات بلي بواط لكبار تاع لابيش هيا تخلفت غير أنا وانا من العيباد الضعاف قدام الباتيسري رحت شريت كعيبات باتيسخي بالشوكولا بردت قلبي باسم ما نخليش كرشي بالسخفة ما بيا لا احتفال لا هم يحزنون ... كيما قلت واقيل الزواولة تاع الجزاير راهم تلمو في اللمة والباقي الكل من الجماعة لي ما يديغونجيهاش التقشف على خاطر شبعانين ... المهم كي تجي تشوف تلقى الشعب الكل فقير والأغنياء أو ما نشوفوهمش أصلا ... ومن بعد كي تجي تثبّت تلقى الشعب الكل مقلّش عشاه ما عندوش بصح كسوتو تسوا ثروة وموبايلو يبيعو يقدر يعيش بيه ولادو شهرين و و و ... ربي يقدرنا برك عالأوضاع الجديدة هذي لي ما علابالناش وين رايحة توصلنا وربي يسترنا ... مغسي خويا توحشنا مواضيعك ^^

 

[zagane]

رد: في المولد النبوي مفرقعات وفي مولد المسيح 2016 كعكات لابيش تقشف يا المسكين والنية

وعليكم السلام ورحمة الله
هذا هو الشعب الجزايري يا أخي ما خلانا نفهمو عليه والو الكل يشكي مي الكل يشري ويقلش في روحو مرات يبانولي ما مخبيين حتى دورو تحتهم كون كاشما يصرالهم لا قدر الله مرض ولا يموتو شغل حرقوهم ديجا في اللبسة والتقلاش ... اليوم كيما قلت منين نعدي نلقى نسا ورجال وبنات بلي بواط لكبار تاع لابيش هيا تخلفت غير أنا وانا من العيباد الضعاف قدام الباتيسري رحت شريت كعيبات باتيسخي بالشوكولا بردت قلبي باسم ما نخليش كرشي بالسخفة ما بيا لا احتفال لا هم يحزنون ... كيما قلت واقيل الزواولة تاع الجزاير راهم تلمو في اللمة والباقي الكل من الجماعة لي ما يديغونجيهاش التقشف على خاطر شبعانين ... المهم كي تجي تشوف تلقى الشعب الكل فقير والأغنياء أو ما نشوفوهمش أصلا ... ومن بعد كي تجي تثبّت تلقى الشعب الكل مقلّش عشاه ما عندوش بصح كسوتو تسوا ثروة وموبايلو يبيعو يقدر يعيش بيه ولادو شهرين و و و ... ربي يقدرنا برك عالأوضاع الجديدة هذي لي ما علابالناش وين رايحة توصلنا وربي يسترنا ... مغسي خويا توحشنا مواضيعك ^^

السلام عليكم
توحشناك ومرورك عطر في الموضوع
عندك الحق الشعب الجزائري هو اكبر شعب فقير وعايش متقلش
ما عندوش وما يخصوش
بارك الله فيك

 

[Hamasaki]

رد: في المولد النبوي مفرقعات وفي مولد المسيح 2016 كعكات لابيش تقشف يا المسكين والنية

ههههههه والله صح ربي يحفظك خويا لعزيز وربي يهدي ماخلق

 

[Hakan]

رد: في المولد النبوي مفرقعات وفي مولد المسيح 2016 كعكات لابيش تقشف يا المسكين والنية

ههههههه والله ياخويا موضوع توب
الله يباارك ما عنديش واش نزيد غير نقول انو الزوالي عندنا دمو سخون ما يعرفش وقتاش يخرج هاذيك الغيرة
تالمون الزوالي كل يوم يدخل للمارشي يقرعج على السعر نتاع المنتوجات ما يفوقش نهار راس السنة كي يشوف الغااشي يديو في الحلويات
وهو الله يبارك دمو سخون يقلك والله يا ولادي غير نزاهيهم كيما راهو يدير جاري مول الشركة الله غالب عقلية الجزاائرين ما يفهمو لا في الدين لا في الوااقع كل شيء بالتاقنانت
ربي يهدينا شكرا خويا على هذي المواضيع القيمة اللي تحمل في طابعها الخفيف مآسي كبير تنم عن جهل هذا الشعب ..بارك الله فيك ولوكان كملاحظة تعطيلي اسمك بااش نعيطلك بيه هنا في اللمة ويعرفوك كامل الاعضااء باسكو مواضيع كيا هاذي لازم نقولو فيهم السيد فلان تقديرا ليك خويا..​

 

[zohor kfz]

رد: في المولد النبوي مفرقعات وفي مولد المسيح 2016 كعكات لابيش تقشف يا المسكين والنية

mawdo3 raaaaaawwwwwwwww3aaaaaaaa
allah ybarak rak kafit w wafit
assam n9olak ghir ellah yahdi makhla9 mawalinach na3arfo wach sa7 kayn ta9achof wala ghir el7okoma raha tbalbal falfadi
w maranach na3arfo wach aslan kayan elmaskin wala bark rah yatmaskhar ... mnin tchofo wal t7ki m3ah tal9ah ghir ywa7wa7 w msaba9lak em mim
ma3adnach ma3andich bach nakol ma3andich elkhadma ma3andich manalbas
w mnin yjo had elmonasabat tla9ah yachri waykatar
ellah yaltaf bina