علاش تقرا تزوج خير

[ARCHICAD2016]

رد: علاش تقرا تزوج خير

السلام : في وقتنا هذا على ماني نشوف ...الي عندوا طفله عندو بونبه الزواج المبكر + عقد واتفاقيه مع العريس يلزم بعدم تطليقها .... الفساد الفساد وصل لدرجه لاتتصور .. فيما مضى كان الجيل يقاوم العنوسه و يصبر إمراة تتزوج في خمسون سنه عذراء و احدة من الجيل هذا عمره 17 سنه تتزوجها يجدوها غير عذراء ....
واضيف نحن في معضله عويصه صيحيح كثر الزواج المبكر وايضا كثر امامه الطلاق المبكر .. فتاه في عمرها 16 تبطل من الدراسه وتتزوج شهرين وترجع معها كولي ... وبعدها يكثر الفساد والدعارة باسم اطعام اطفالها و الفقر .ووو .. الوالدين ماحكموش في بناتهم وهن عازبات فما بلاك مطلقات ... الله يسترنا ... ا

 

[بنفسج]

رد: علاش تقرا تزوج خير

السلام عليك
تبان ليا تدي مراة قارية و راجل جاهل على آن تدي مراة جاهلة و راجل مثقف لأن مهما تكون لازم المراة تكون قارية و مثقفة لأن هي لي راه تgيدي أسرتها مش زوجها
الزوج يخرج و ميرجعش حتى ليل و شكون رايح يتكفل بيهم من غيرها
هما حاطين الزواج هو كل شي دقول زادو بيه خخخخ
شكرا على الموضوع

وعليك السلام
اهلا بك اميرته
شكرا لك لمشاركتك برايك كلامك عجبني اختي
والله غير عندك الحق تقول هدا الزواج زادو بيه
تحياتي لك حنونة :regards01:
سلام​

 

[بنفسج]

رد: علاش تقرا تزوج خير

شكرا على طرح حبوبتي
اممممم المراة نصف المجتمع و هي لي تلد و تربي نصف الاخر يعني لازم عليها تكون قراية هكا تفهم ا بيبي تاعها و ولدها من يكون في فترة مراهقة و تفهم راجلها و تعرف تجيري امورها و تقرا دواء و ماكلة وقتاش تتنتهى صلاحيتها و تعرف تحكي و تgمن ... بكري كانو جداتنا مقراوش بصح رباو والدينا و قراوهم و تحلى جماعتهم و كلامهم دواء بصح راكي تشوفي في هاد زمان قارية و تلقايها منحكيلكش مالا وكان حبست كيفاش و كاين لالا والله 16 سنة و شاربة عقلها مهم كي تجي تفهمي متفهميش ههه الوغ شا نديرو:s alors on dance ههههه :bravo01:
بصح رايي انا شخصي شيرة لازم تقرا سيرتو في وقت لي رانا فيه و منعرف كل واحد و قناعتووو و
مرسي عليك خيتوووو :regards01:[]اع​

[/CENTER][/CENTER]

اهلا بك غاليتي
ههههه والله غير عندك الحق تجي تفهم تحير
شكرا لك لمشاركتنا رايك
تحياتي لك :regards01:
سلام​

 

[بنفسج]

رد: علاش تقرا تزوج خير

الدراسة ليست شرطا لازما في بلوغ الفتاة ووصولها للمستوى الذي يخولها لكي تكون زوجة
الزواج ليس كتبا يتم تدريسها في المدارس
شروط الزواج معروفة : الدين المال والجمال
والدين يشمل كل شيء واش الفايدة تكون البنت طبيبة وهي ما تعرف والو
واخلاقها صفر
البنت وحدها تعرف مؤهلاتها وكاين بنات في عمرها 16 سنة قادرة تتحمل سؤولية عائلة وتكون اسرة ناجحة
وايضا كاين بنت في 25 سة قارية وعندها الشهادات كامل مي ما تقدرش تربي اسرة

اذا ملخص كلامي السن ودراسة الفتاة ليست شروطا في الزواج الناجح لانو الزواج الناجح مبني على عديد اسس
والسن والدراسة آخرها .. شكرا ​

السلام عليكم
اهلا بك اخ حكيم
اكيد الدراسة ليست شرطا لزواج ناجح
لكن نظن وقتنا هادا الطفلة لازم يكون عندها نيفو لانو رانا نسمعو بمطلقات ملقاوش عملا يعيشو بيه
ويعيشو ولادهم ولكل منا رايه
شكرا لك على مشاركتنا رايك

تحياتي لك :regards01:
سلام​

 

[بنفسج]

رد: علاش تقرا تزوج خير

وعليكم السلام
كي تعود الطفلة في عمر ال16 ويتحلو عويناتها على علاقات الحب مالا تولي تفكر في الزواج
نعرف وحدة كانت لباس بيها في قرايتها مالا وصلت للبيام ماجابتوش بويسك عينيها تفتحو على علاقات الحب
والعام الزاوج محبتش تعاود وقالت لامها قدقد راني نبطل باه نزوج
شوي وتخطبت ودارت عرسها قبل ماتكمل 19 سنة !
ضيعت روحها بيدها
ودرك فات الوقت كي نقعدو في مجامع نساء وبنات تقولنا ندامة عمري لي مقريتش
كون غير كملت قرايتي وبعدها تزوجت تقول الزواج هارب عليا
درك راهي 24 سنة عندها 6 سنين زواج
الحاصول الوحدة لي تكون لاباس بيها وتضيع قرايتها اخرتها تندم
واش يضمنلها الزمان ميدورش عليها
يموت الراجل ولايتشل ولايخرجوه من الخدمة ولاتطلق كاين بزاف حالات نشوفو فيهم اليوم
تولي لمرا كون متخرجش تخدم ماتكلش هي وولادها
القراية في الجيب تتخبى لوقت الشدة والخدمة لي ماشي شرط
بصح كي تحتاج تخرج وتلقى على الاقل مدخول يسترها.

صحيتي

السلام عليكم
اهلا بك ام ياسمين
والله ردك هوا اللي كنت مستنياتو عندك الحق في كل كلمة قلتيها
كيما قلتي القراية تجي في وقت الشدة والدنيا دوارة
لا حال يدوم
شكرا لك غاليتي
تحياتي لك :regards01:
سلام​

 

[بنفسج]

رد: علاش تقرا تزوج خير

انا راي الزواج مليح يعني تقدر تكمل قرايتها مور الزواج والا محبتش تتلهى براجلها ودارها راهم بزااف اساتذة يقروني فال 40 وماهمش متزوجين

اهلا بك اختي
شكرا لمشاركتنا رايك
تحياتي لك :regards01:
سلام​

 

[بنفسج]

رد: علاش تقرا تزوج خير

ana rayi man ray om yasmin
w nzid 3liha 7aja bark
takfina walak kalima nazlat fil9or2an hiya i9ra2
w zid el2islam mara7ch tanasro ay 7aja ghir el3ilm
w thani no9ta
kayan bnt y9adro ywaf9o bin zwaj wal9raya ida 9adrat twafa9 binathom mada bina
ahm 7aja no narf3o mostwana chwaya ida tla9iti bnas lhih ta3arfi fwch raha ta7ki w kitkoni 9arya matatlaflakch m3ahom

اهلا بك اختي زهور
عندك الحق حنونة ونعم كاين اللي تقدر توفق بين القراية والزواج
اكيد لانو العلم نور وكيما قلتي لازم نرفعو مستوانا
شكرا لمشاركتنا رايك غاليتي
تحياتي لك
سلام​

 

[بنفسج]

رد: علاش تقرا تزوج خير

ولاه كل احد ورأى لكن أنا مع البنت لتكمل قريتها

اهلا بك ام لقمان
ايه كاين اختلاف كل واحد ووجهة نظرو شكرا لك على مشاركتنا رايك وانا معك فيه
تحياتي لك:regards01:
سلام​

 

[بنفسج]

رد: علاش تقرا تزوج خير

انا عندي من احسن بنت تكمل قرايتها
وزواج مش هارب
على اقل يكون ليها تحصيل علمي جيد
ومن بعد تخمم في زواج
مش نبطل قرايتي على جال الزواج
مشكورة يا لحبيبة على موضوع

اهلا بك اريج نورتي غاليتي
شكرا لك لمشاركتنا رايك وانا اتفق معك فيما قلت
تحياتي لك
سلام​

 

[بنفسج]

رد: علاش تقرا تزوج خير

لو كان نمد رايي البنات يعدموني ولا يحطو جائزة لمن يأتي برأسي :d​

اهلا بك اخي زبانة
لا علاش يعدموك لك حرية الراي والاختلاف حاجة عادية رانا نستناو في رايك
تحياتي لك
سلام​

 

[بنفسج]

رد: علاش تقرا تزوج خير

صح كلام اي وحدة مي انا نحب طفلة تكمل قرايتها سيرتو اذا كانت قادرة وعندها مستوى وعلاش تتحرم منها اوموا دير موستاوا زعمة رجالة ليوم رجالة غير قليل اخرتها يذلك ويرميك مي كيتكوني بقرايتك مايتكشلش عليها خلاص
وهذا هو رايي وراي امي حبيبتي

اهلا بك هاماساكي
شكرا حنونة على مشاركتنا رايك عندك الحق فاللي قلتيه
تحياتي لك :regards01:
سلام​

 

[بنفسج]

رد: علاش تقرا تزوج خير

الله غالب هاذ هو مجتمع تاعنا

اهلا اخ اسامة
شكرا لمرورك
تحياتي لك :regards01:
سلام​

 

[بنفسج]

رد: علاش تقرا تزوج خير

السلام : في وقتنا هذا على ماني نشوف ...الي عندوا طفله عندو بونبه الزواج المبكر + عقد واتفاقيه مع العريس يلزم بعدم تطليقها .... الفساد الفساد وصل لدرجه لاتتصور .. فيما مضى كان الجيل يقاوم العنوسه و يصبر إمراة تتزوج في خمسون سنه عذراء و احدة من الجيل هذا عمره 17 سنه تتزوجها يجدوها غير عذراء ....
واضيف نحن في معضله عويصه صيحيح كثر الزواج المبكر وايضا كثر امامه الطلاق المبكر .. فتاه في عمرها 16 تبطل من الدراسه وتتزوج شهرين وترجع معها كولي ... وبعدها يكثر الفساد والدعارة باسم اطعام اطفالها و الفقر .ووو .. الوالدين ماحكموش في بناتهم وهن عازبات فما بلاك مطلقات ... الله يسترنا ... ا

اهلا بك اخي
علاش اللي عندو طفلة عندو بومبة:-o مش قاع ومش بالضرورة
ماقلته صحيح للاسف ربي يستر
شكرا لك اخي لمرورك
تحياتي لك :regards01:
سلام​

 

[لؤلؤة قسنطينة]

رد: علاش تقرا تزوج خير

السلام عليكم حبيبتي كارلا
واش احوالك؟ ان شاء الله راكي لاباس؟؟
والله يا اختي انا من رايي موضوع الدراسة والزواج مايتلاقاوش خلاااص
اصلا مستحيل وحدة تقولك نتزوج ونكمل قرايتي، وتوفق بين دار وزوج وبين الدراسة
يعني يا لقراية يا الزواج، وهنا نرجعو لموضوعك ولي هو الاختيار بين الاثنين
اصلا من وجهة نظري المرأة باه تتزوج لازم على الاقل تكون تجاوزت 20 سنة ، هادي بغض النظر
عن قدرتها على تحمل المسؤولية، على الاقل تكون شافت شوي من الدنيا، يعني بعد حذف 6 سنوات
نلقاو 14 سنة دراسة، انا نظن 14 سنة دراسة تكفيها
لكن موضوعك نظن لازم يتخذ عنوان خلاف وهو تفكير المرأة العاملة والمرأة غير العاملة
لأنو لي تقرا ونيتها انو تكون مثقفة في حواراتها وتقري ولادها وماش هدفها العمل، لما يجيها عريس مناسب
رايحة تقبل اكيد وتبجل الزواج على الدراسة خاطر لحقت لأهدافها، اما لي هدفها الدراسة بهدف العمل
اكيد قد تقرا تجيها قليلة لأنها تحوس على منصب عمل ورايحة تبجل عملها على الزواج
هكا نظن من رأيي الشخصي والله اعلم
بارك الله فيك غاليتي على الموضوع
تقبلي مروري
​

 

[بنفسج]

رد: علاش تقرا تزوج خير

السلام عليكم حبيبتي كارلا
واش احوالك؟ ان شاء الله راكي لاباس؟؟
والله يا اختي انا من رايي موضوع الدراسة والزواج مايتلاقاوش خلاااص
اصلا مستحيل وحدة تقولك نتزوج ونكمل قرايتي، وتوفق بين دار وزوج وبين الدراسة
يعني يا لقراية يا الزواج، وهنا نرجعو لموضوعك ولي هو الاختيار بين الاثنين
اصلا من وجهة نظري المرأة باه تتزوج لازم على الاقل تكون تجاوزت 20 سنة ، هادي بغض النظر
عن قدرتها على تحمل المسؤولية، على الاقل تكون شافت شوي من الدنيا، يعني بعد حذف 6 سنوات
نلقاو 14 سنة دراسة، انا نظن 14 سنة دراسة تكفيها
لكن موضوعك نظن لازم يتخذ عنوان خلاف وهو تفكير المرأة العاملة والمرأة غير العاملة
لأنو لي تقرا ونيتها انو تكون مثقفة في حواراتها وتقري ولادها وماش هدفها العمل، لما يجيها عريس مناسب
رايحة تقبل اكيد وتبجل الزواج على الدراسة خاطر لحقت لأهدافها، اما لي هدفها الدراسة بهدف العمل
اكيد قد تقرا تجيها قليلة لأنها تحوس على منصب عمل ورايحة تبجل عملها على الزواج
هكا نظن من رأيي الشخصي والله اعلم
بارك الله فيك غاليتي على الموضوع
تقبلي مروري
​

وعليكم السلام
اهلا بك غاليتي لؤلؤة شكرا انا الحمد لله
انا موضوعي كان عن العباد اللي يبطلو بناتهم من الدراسة ويقلك معندهم ميديرو بيها يعني يحتقرو في العلم
اكيد الدراسة والزواج ميتلاقاوش لانو من وجهة نظري الزواج بعد انتهاء الدراسة
او على الاقل تكون عندها شهادة تعتمد عليها في وقت الشدة سيرتو في وقتنا هادا ميرحمش
حكيت عن اللي تخلي دراستها ومستقبلها علاجال الزواج
مكانش قصدي نهدر على المراة العاملة و الغير عاملة مي شكرا على الاضافة
شكرا لك حنونة على كلامك الموزون كعادتك دايما تفيدينا
يبقى لكل منا وجهة نظر والاختلاف طبيعة فينا
تحياتي لك
سلام ا​

 

[zagane]

رد: علاش تقرا تزوج خير

السلام عليكم

واش راكم ناس اللمة ان شاء الله بخير وعال العال

ولينا نلاحظو بزاف بزاف اولياء يبطلو بناتهم عن الدراسة ويزوجوهم قاصرات يعني لسع 16 او 17 سنة وكي تسالو علاش
يقلك علاش تقرا وواش تستفيد كي تقرا خليها تتزوج خير
نحكيلكم حكاية صرات معايا
خطرة رحت لصحبتي باه نقلها نروحو نسجلو قاتلي راني بطلت راح نزوج وهيا لسع 16 سنة

قتلها منك بالصح جات داخلة علينا مها قاتلي ايه وواش تدير بالقراية راها طبيبة تزوجت بفلاح زعما هادي حجتها

والله غير تشوكيت لانو هادي صحبتي لباس تقرى تجيب حتى 16 معدل زادت الطفلة نطقت قاتلي المهم نعرف نقرا ونكتب
هنا عرفت بلي دارولها مسح دماغ دوروها تماما
ملقيت منقول خرجت وقلتها ربي يهنيك

واش رايكم فلي يقول القراية متدير والو
واش رايكم عندهم الحق هادو الناس ولا لا
اترك لكم الخط

السلام عليكم
ما فهمنا والو في هاد الزمان
الي دا وحدا قاريا يشتكي واللي دا وحدا مشي قاريا يشتكي والنسا كيف كيف يشتكو
اللي تزوج ندم واللي طلق ندم واللي بقا عازب ندم واللي قرا ندم واللي بطل ندم
اللي تزوجت ندمت واللي طلقت ندمت واللي بقات عازباء ندمت واللي قرات ندمت واللي بطلت ندمت
كيف كيف ما كانش حل

 

[بنت الـ25]

رد: علاش تقرا تزوج خير

السلام عليكم
البنت لما ما تتوفقش في قرايتها وتفشل هنا تتزوج خير ليها خاطر الطفلة كي تقعد فالدار ويحكمها الفيد تولي تخمم في أمورات
أما كي تكون قارية مالمفروض تكمل قرايتها الزواج مش هارب ، حتى لو ما تزجتش رايحة تنفع روحها وأسرتها والمجتمع
نعرف وحدة من لافامي تعنا كملت قرايتها طبيبة وكي عيط المكتوب داها واحد مش قاري
هي مكانتش قابلة بيه مي مكتوبها لاحها عندو
تزوجت بيه وكي عاشت معاه لقات بلي عقليتو مش تع عشرة قبيح وعصبي ويضربها ، ايا طلقت منو وهي بطفل
قوليلي كون ما جاتش قارية وتخدم كيفاش تعيش وتعيّش ابنها؟ الانسان صح يتمنى الحاجة المليحة مي يحسب تاني لحالات كيما هك
والشهادة في يد البنت سلاح كون ضيق بيها لاشتا متزوجة لكن نفرضو زوجها تعرض لحادث ولا حبس خدمة عالأقل تلقى شهادة تخدم بيها في مكان محترم
وبدون شهادة رايحة تضطر تخدم عاملة نظافة وإلا بائعة في محل +pas ورب العمل يتمعلم عليها ويحقرها ويدمر عليها

​

 

[sorie]

رد: علاش تقرا تزوج خير

de prefer wahda tkamal krayatha pcq zwaj jey jey :p

 

[بنفسج]

رد: علاش تقرا تزوج خير

السلام عليكم
ما فهمنا والو في هاد الزمان
الي دا وحدا قاريا يشتكي واللي دا وحدا مشي قاريا يشتكي والنسا كيف كيف يشتكو
اللي تزوج ندم واللي طلق ندم واللي بقا عازب ندم واللي قرا ندم واللي بطل ندم
اللي تزوجت ندمت واللي طلقت ندمت واللي بقات عازباء ندمت واللي قرات ندمت واللي بطلت ندمت
كيف كيف ما كانش حل

وعليكم السلام
اهلا بك اخ زبان
ههه تجي تفهم تحير شكرا لك على مرورك العطر
تحياتي لك
سلام​

 

[بنفسج]

رد: علاش تقرا تزوج خير

السلام عليكم
البنت لما ما تتوفقش في قرايتها وتفشل هنا تتزوج خير ليها خاطر الطفلة كي تقعد فالدار ويحكمها الفيد تولي تخمم في أمورات
أما كي تكون قارية مالمفروض تكمل قرايتها الزواج مش هارب ، حتى لو ما تزجتش رايحة تنفع روحها وأسرتها والمجتمع
نعرف وحدة من لافامي تعنا كملت قرايتها طبيبة وكي عيط المكتوب داها واحد مش قاري
هي مكانتش قابلة بيه مي مكتوبها لاحها عندو
تزوجت بيه وكي عاشت معاه لقات بلي عقليتو مش تع عشرة قبيح وعصبي ويضربها ، ايا طلقت منو وهي بطفل
قوليلي كون ما جاتش قارية وتخدم كيفاش تعيش وتعيّش ابنها؟ الانسان صح يتمنى الحاجة المليحة مي يحسب تاني لحالات كيما هك
والشهادة في يد البنت سلاح كون ضيق بيها لاشتا متزوجة لكن نفرضو زوجها تعرض لحادث ولا حبس خدمة عالأقل تلقى شهادة تخدم بيها في مكان محترم
وبدون شهادة رايحة تضطر تخدم عاملة نظافة وإلا بائعة في محل +pas ورب العمل يتمعلم عليها ويحقرها ويدمر عليها

​

وعليكم السلام
اهلا بك اختي بنت 25
والله غير عندك الحق حنونة حتى ولو متزوجش تنفع روحها ومجتمعها
والقراية تجي وقت الشدة واكبر دليل القصة اللي حكيتيها
شكرا لك على االمرور العطر
تحياتي لك:regards01:
سلام​