جلسة تبادل خبرات بين أمهات المنتدى -العدد الأول-

[السلطانة]

رد: جلسة تبادل خبرات بين أمهات المنتدى -العدد الأول-

السلام عليكم
الحليب كنت ارضعه رضاعة طبيعية حتى السن عام و شهرين تقريبا اما الحفاظ بانبرز و الحليب الان يشرب كاندا فيفا و الحمد لله على نعمة الأطفال

وعليكم السلام

بارك الله فيك اختي :thumb_up02:

 

[السلطانة]

رد: جلسة تبادل خبرات بين أمهات المنتدى -العدد الأول-

السلام عليكم ورحمة الله وبركاته

بنسبه للحفاظ نستتعل بامبرز سعرو 22اف والصابون كنت نستعمل دوس لمنطقه لحساسه وللجسم جانسون ما ييخص الحليب والزيت والطلك حتى شامبو استعمل جانسون رائع وسعرهم من 25 الى35 الف
​

وعليكم السلام
وهاذا بامبرز تشري بالحبة ولا بالكبيرة ؟
بارك الله فيك

 

[السلطانة]

رد: جلسة تبادل خبرات بين أمهات المنتدى -العدد الأول-

سلام اختي ساندي والله كي شفت الموضوع تاعك تبسمت
تخيلي انو كي دخلت اول مرة للمنتدى كنت نحضر فجهازي وكنت انت كذلك
بعد عرسك انتي ما طولتش انا موراك وتزوجت
و بعدها بديتي تحطي مواضيع عالحمل قلت اكيد هي حامل
وبعدها مدة قصيرة لقيت روحي حامل
والان انت تحكي على ياسمين وانا نحكي على الياس
ماعنديش خبرة فهذا المجال كي يشرف إلياس ويكبر نقدر نفيد الآن ران نستفاد
ادعولي ربي يسلكني على خير راني فالثلث الأخير من الحمل

اهلا بيك اختي ان شاءلله ياربي ربي يسهللنا في زوج وللجميع :thumb_up02:
ان شاءلله ياربي نستفادو من هاذ الموضوع

 

[السلطانة]

رد: جلسة تبادل خبرات بين أمهات المنتدى -العدد الأول-

ربي يكمل حملك انت و الاخت ساندريلا على خير و كي اليوم تفرحو بوليداتكم و تزيدو تكتبو هنا عن مواضيع التربية و الاكل و غيرو .

ان شاء الله وجميع الأخوات يفيدونا بخبراتهم

 

[السلطانة]

رد: جلسة تبادل خبرات بين أمهات المنتدى -العدد الأول-

سنكتفي نحن بالمتابعة

اهلا وسهلا بيك

 

[السلطانة]

رد: جلسة تبادل خبرات بين أمهات المنتدى -العدد الأول-

السلام عليك
و منكن نتعلم راني هنا كضيفة شرف بيلاما ماناب عليا ربي ههه
في المتابعة

وعليكم السلام
مرحبا بيك كي هالساعة

:love01:

 

[السلطانة]

رد: جلسة تبادل خبرات بين أمهات المنتدى -العدد الأول-

انا ولدي راه في عمرو 8 سنين
كنت نرضعر رضاعة طبيعية حولين كاملين و فوقهم سمانة هههههه يعني حطم الرقم القياسي
و من بعد العام الاول كنت نعاونو بالحليب العادي
اهلا وسهلا بالخالة أم منير كنت نسنى في مشاركتك :d
ههه ربي يحفظو ان شالله شبعتيه مليح بصحتو
الحفاظات خليط مرة بامبرس مرة مولفيكس و مرة بودوس

يعني عادي كيما تبدلي النوعية ماش راح تضر
مواد التنظيف كنت نستعمل صابون نيفيا و الشامبوان و العطرو الحليب ايبوس
وجهو كنت نظفو بالماء فقط كانت عندو بشرة حساسة وكنت لما نظفلو بالحليب الخاص ينوضلو حبيبات دقة في وجهو الصغير
الطبيب قالي غسليلو بالماء فقط لان بشرته لا تحتمل تلك المواد مهما كانت ماركتها
صح كاين دي بيبي بشرتهم تكون حساسة ومتتحملش وكاين حتى الزيت ميتحملوهش
و درك تهنيت من كل شي ربي يخليهم و يعين الامهات على تربية اطفالهم
خديجة و ساندي ربي يتمم لكم الحمل على خير و نفرحو معاكم
لبنات ان شاء نفرحو بزواجكم ومن بعد بولادكم
نهاركم مبروك
​

ربي يحفظهولك ويكبرو في طاعتك ان شاءلله

 

[الزهرة الحمراء]

رد: جلسة تبادل خبرات بين أمهات المنتدى -العدد الأول-

السلام عليكم غاليتي
بارك الله فيك على الموضوع لي رايحين نستفادوا منو بزااف
بالرغم من اني مانيش ام ولكن عندي خبرة فالاطفال
وبإذن الله مرة على مرة نجي نحط واش نعرف هنا
ربي يحفظك اختي ويهنيك ويعطيك واش متمنية

 

[أم منيــــــر]

رد: جلسة تبادل خبرات بين أمهات المنتدى -العدد الأول-

ربي يحفظهولك ويكبرو في طاعتك ان شاءلله

آمين يا رب العالمين و انت ربي يفرحك بقدوم ياسمين
و تتنور حياتك بها و من بعدها علاء و جواد و رميساء ووو :yahoo01:
و الله شبع حليب عامين و سمانة حتى قالولي خواتاتي واقيلا راكي حابة تكمليلو الرضاعة حتى يدخل يقرا
كان عندي الحليب و فطمتو بصعوبة
الحمد لله على كل شي
لالا عادي ولدي ماكانش ينضر لما نغيرلو الماركة نتع الحفاظ لانها كلها ماركات جيدة
المشكل انو في يوم من الايام خلاصو لي كوش و نسيت نشريلو ول نقول لباباه يشريلو
مع الليل تفكرتهم كل شي مغلوق واش ندير قلت نرجع للعادات و التقاليد و نعملو حفاظة تقليدية
صدقيني و الله ما حملها ولا قبلها و قعد يبكي
يومها باباه دارلي محاضرة طويلة عريضة على لي ما قتلوش
من يومها قعد يجيبلو ستوك نتع الشهر
ربي يكون في العون التربية صعيبة و حلوة
ربي يهنيكم كامل
​

 

[بنقابي افتخر]

رد: جلسة تبادل خبرات بين أمهات المنتدى -العدد الأول-

وعليكم السلام
وهاذا بامبرز تشري بالحبة ولا بالكبيرة ؟
بارك الله فيك

batta kbira

 

[{مُدَلَّلَتُهُ}]

رد: جلسة تبادل خبرات بين أمهات المنتدى -العدد الأول-

ألسلام عليكم و رحمة الله و بركاته

في المتابعة لكم و لنصائحكم حتى يفرج ربي و نجو حنا ننصحو كاش نهار هههه !

كي تجي الوالدة "خآلتكم أم لقمآن" نقوللها على الموضوع تجي كاش ما تفيد راهي خبرة الله يبارك

ربي يكمللكم بالخير و يرزقكم بالذرية الصالحة و يرزقنا حنا بولاد الحلال ان شا الله
​

 

[Oum Loukmane]

رد: جلسة تبادل خبرات بين أمهات المنتدى -العدد الأول-

السلام عليكم
كنت عند الجاره وراني جيت لقيت موضوعك الهام خاصة لبناتنا
أنا وليد الأخير لقمان 9سنوات وهو آخر العنقود
كنت نرضعه سليا وبعد سنه رضعته كونديا
الحفاظات كنت نستعمل بامبرس
الملابس كنت نغسلهم بصابون الطرف
الحمام كنت نغسله يوم بيوم أستعمل شامبوان petit oursوالحليب والعطر bonbon
انشاء الله نكون أفدت بناتي
المره الجايه نحط متى نبدأ نوكل الطفل