حساء العدس الأحمر

[Skor m@k]

بسم الله الرحمن الرحيم

السلام عليكم

رانا ولينا مع منتدى المطبخ بعد غياب
اليوم جبتلكم أكلة خفيفة وهي حساء العدس الأحمر
مافيهش مكونات بزاف و سهل التحضير
على بركة الله

المكونات :

1 بطاطة متوسطة الحجم
2 جزر
1 قرعة
1/2 بصلة
1/2 ملعقة أكل طماطم مصبرة
ملح - فلفة أسود - كمون - قرفة

طريقة التحضير :

نقشرو الخضر ونغسلهم
نقطعو البصل الى قطع صغيرة جدا

ونقطعو الجزر والبطاطة والقرعة الى قطع لا يهم الحجم
لكي تنضج فقط

نضع الزيت في القدر يغلي شويا نضع فيه البصل
نتركه يتحمس قليلا ثم نضع الخضر فيه
نضيف إليهم العدس الأحمر

نضيف إليهم الطماطم المصبرة والبهارات والملح
ثم الماء ونغلق القدر
نتركهم حوالي 10 الى 15 دقيقة فوق النار
إسمحولي مصورتهمش بابا جا بقى يدور قدامي هههههه حشمت نصور :d:p

في الأخير نخلط الكل بالخلاط الكهربائي حتى يصبح حساء

وهاهو الشكل النهائي

نتمنى يكون عجبكم هذا الحساء
سلام
​

 

[بنفسج]

رد: حساء العدس الأحمر

السلام عليكم
يعطيك الصحة خويا مالك على الوصفة

تشهي
تحياتي​

 

[الحلم الوردي]

رد: حساء العدس الأحمر

يعطيك الصحة خويا
جاك روووووووووووووعة
بصحتك
​

 

[iman-dz4ever]

رد: حساء العدس الأحمر

يعطيك الصحة خويا راك الله يبارك
راني رايحة نجيب مغرف و نبدأ بسم الله

​

 

[السلطانة]

رد: حساء العدس الأحمر

وعليكم السلام عدس احمر رائع

يعطيك الصحة خويا مالك شاف عن جدارة

 

[rose09000]

رد: حساء العدس الأحمر

السلام عليكم
أخي شكرا لك على الوصفة
و مزيد من وصفات خاصة ديكور
​

 

[سكون الفجر]

رد: حساء العدس الأحمر

ما شاء الله عليك أخي، وصفة شهية والصور وحدها تحكي
جزاكم الله خيراً وبصحتكم
​

 

[Djaouida]

رد: حساء العدس الأحمر

يعطيك الصحة خويا وصفة رائعة