عرايس 2016جيبو ورقة و ستيلو و الحقوني...........

[iman-dz4ever]

مرحباااااااااااااااااااا يا عرايس
راني نضل ندور في هذا القسم بصح دائما نلقاه فارغ
ايا رحت جبت بيدون ماء و رشيت عند الباب و نقيت شوية
تعرفوني شاطرة ههههه
و قررت بعد الله ان نقترح عليكم فكرة ان شاء تلقى صدى
عندكم يا عروساااااااات هذا الصيف
نديرو صفحة خاصة بينا باش نتبادلو الخبرات نتاع كلش من
وصفات للجمال و تجهيزات العرس و نصائح دينية
و افكار جديدة لليلة العمر
راكم فاهمين اوووووووووووكي
والله غير راهي هذي الفكرة في راسي من زمان بصح هاذا وين جاني الكوراج باش نقلكم عليها
سيرتو دائما نلقاكم حايرين و تسئلوا في كل واحد وحدو
شفت ان من الاحسن لوكان نديرو مكان خاص بينا باش نتلقاو فيه
و نطرحو اسئلتنا
بصح ماش الي تدخل و تخرج بلا فائدة ماذا بينا
نستفادو باكبر قدر ممكن من النصائح
و نخلوها صفحة نشيطة راه قرب الحال على الصيف و الاعراس
هكذا باش المخطوبة سواء عضو او ضيفة تدي فائدة
و الفكرة بدون اضافاتكم القيمة و تفاعلكم مش رايحة تنجح
و تلقاوني كيما هاك
و الله انا حابة لمة البنات و الفائدة تجمعنا برك
سيرتو العرايس ونلقا و حدة عندها الباك و لا البيام تدور هنا تشوووف

ايا حبوباتي فرحو قلبي بتفاعلكم راه عندي بزاف افكار و ثاني عندي بزااف
تساؤلات
اتكلو على ربي و شاورو عقولكم و ردولي بالخبر
راني مزال قاعدة هنا
و طلقت الكوزينة بالثلاث على جالكم ههههههه
باش كل وحدة فيكم ربي يهنيها هذا العام و العام الجاي تولي توجد لهذا


​

 

[ام أمينة]

رد: عرايس 2016جيبو ورقة و ستيلو و الحقوني...........

بالتوفيق
ربي يهنيكم
​

 

[السلطانة]

رد: عرايس 2016جيبو ورقة و ستيلو و الحقوني...........

اهلا ايمان والله فكرتيني في الوقت لي كان فيه ركن العرائس زاهي ومعمر بالعرايس والبنات لي يفيدو ويستفيدو

شوفي هنا

ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس
‏ جهاز عرائس اللمة الجزائرية/حصري/خاص ب 48 ولاية
دار عرائس اللمة الجزائرية 2014

مخطوبة واحترتي ارواحي هنا-خاص بمخطوبات 2014

دبرو عليا واش نطيب قاطو وماكلة في خطبتي/في عرسي/وواش نحط؟ -خاص بالاستفسارات حول القاطو وأكل العرس-

مُلتقى عرائس اللمة الجزائرية لسنة 2014

استفسارات العروس حول الكوسميتيك 2014​

تقدري تفتحي موضوع ونثبتهولك

فقط اتجنبوا الصور المخالفة

لازم تكون صور مطموسة لأجساد العارضات والوجه

 

[iman-dz4ever]

رد: عرايس 2016جيبو ورقة و ستيلو و الحقوني...........

بالتوفيق
ربي يهنيكم
​

شكرا ام امينة:regards02:و اميييين على الدعوة الرائعة الي في التوقيع الخاص بيك

 

[iman-dz4ever]

رد: عرايس 2016جيبو ورقة و ستيلو و الحقوني...........

اهلا ايمان والله فكرتيني في الوقت لي كان فيه ركن العرائس زاهي ومعمر بالعرايس والبنات لي يفيدو ويستفيدو

شوفي هنا

ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس
‏ جهاز عرائس اللمة الجزائرية/حصري/خاص ب 48 ولاية
دار عرائس اللمة الجزائرية 2014

مخطوبة واحترتي ارواحي هنا-خاص بمخطوبات 2014

دبرو عليا واش نطيب قاطو وماكلة في خطبتي/في عرسي/وواش نحط؟ -خاص بالاستفسارات حول القاطو وأكل العرس-

مُلتقى عرائس اللمة الجزائرية لسنة 2014

استفسارات العروس حول الكوسميتيك 2014​

تقدري تفتحي موضوع ونثبتهولك

فقط اتجنبوا الصور المخالفة

لازم تكون صور مطموسة لأجساد العارضات والوجه

ايه يا ام ياسمين نشفا اول ما سجلت في المنتدى كنت نضل في هذو المواضيع
شحال كانو ناشطين و ضرك تزوجو وراحو

بصح الحمد لله اللمة دائما زاهية بعرايسها
و نتمنى من ربي تثبيت الموضوع للفائدة

 

[iman-dz4ever]

رد: عرايس 2016جيبو ورقة و ستيلو و الحقوني...........

الا اله انت سبحانك اني كنت من الظالمين
اولا حبيت نحكيلكم على الزواج كفكرة عامة اذا اختي راكي تحسبي
الزواج فستان ابيض و تصديرة و حفلة و ناس تزها معاك و بس راكي غالطة
واذا دايرة الزواج في بالك باش تتزوجي زكاارة في الناس و قاع صحباتي تزوجو و انا لا
نقلك راكي غااااااااااااااااااااااالطة مليار
الزواج مؤسسة توحد بين عائلتين و روحين و شخصين
في اسمى معاني الحب الحب الحلال
:love01::love01:
ربي يزقنا واياكم نعمته لازم نفتحو مخنا مليح و نديرو في بالنا
ان اولا الزواج قسمة ونصيب و مكتوب نصيبك قبل ما تولدي
و بيد الله وحده لا غير يعني لو تطيري سابع سماء و ربي مش كاتبلك تتزوجي
مش راح تتزوج........ههههه بديتها بالتشوكير:p هههه
لكن هذا الصح و العكس صحيح اذا ربي كاتبلك نصيب لو اجتمعت الجن و الانس مش رايحين ينحوهلك
دخلولي هذي الفكرة ملييح في رؤسكم و خلوها تطيب على نار هادية
طابت الفكرة.......ايا مليح
ذرك ربي اكرم بنعمة الزواج وتخطبتي الف مليون مبرووك
استخيري ربي و فوضيلو امرك و اشكريه على كل النعم الي فضلك بيها عن الكثير
الحمد لله حتى يرضى و الحمد لله بعد الرضى و الحمد لله على كل حال

​

 

[iman-dz4ever]

رد: عرايس 2016جيبو ورقة و ستيلو و الحقوني...........

كل خطبة تختلف عن الاخرى باختلاف الناس و عاداتهم و تقاليدهم
كاين الي خطبتها سريعة و بالخف تتزوج:bravo01:
وكاين الي تطول الخطبة عليها بالسنين....نحكي عن تجربة
وعلى اساسها تبداي في التحضيرات للعرس
التحضيرات النفسية اولا قبل كل شئ
تقعدي قعدة صفاء مع روحك و تسلمي عليها و تحدثيها.....
_ما هو تصورك عن الزواج
_واش تتمناي صفات في الشريك
_هل انت على استعداد نفسيا على تقبل انك تكوني بعيدة على اهلك
_هل انت على استعداد نفسيا على تقبل ان تكوني جزء من عائلة اخرى
انا عملت هاذو الاسئلة جبت ورقة وستيلو جاوبت عليهم بكل صراحة
تفاجئت باجوبتي
ساعات الوحدة منا اذا يسقسوها الناس تقولهم شئ
بصح متقدرش تكذب على روحها
و على اساس اجاباتك تكوني فكرة و منها تبداي
مرحلة جديدة في حياتك ان شاء تكون كلها فرح وسعادة
​

 

[iman-dz4ever]

رد: عرايس 2016جيبو ورقة و ستيلو و الحقوني...........

ربي لا تذرني فردا و انت خير الوارثين
كاين بعض البنات امهاتهم من الصغر يوجدولهم للعرس
يعني تخبيلها في صوالح كيما الذهب و لا لبسة و لا دراهم:up:
و كاين الي تبدأ توجد في روحها من قبل الخطبة تخفف على روحها من ضرك
و كاين الي تخلي روحها حتى اخر لحظة باش تجهز
انا صراحة مع فكرة الي تجهز روحها قبل وسيرتو مع تدهور السوق المالية العالمية
ههههههههه
صح من نيتي ضرك دراهم المهر راهي ما تدير والو
شفت بزاف بنات ما دارلهم المهر والو و شفت بنات شطورات
دراهمهم داروها غير لبسة
كانو موجدين كلش من قبل انتم يا لمويات مع اي فكرة
منهم...
​

 

[iman-dz4ever]

رد: عرايس 2016جيبو ورقة و ستيلو و الحقوني...........

للّهم..
إنّ بين عبادك عبداً شطرتني عنه وحدك تعرفه
خلقته لي وخلقتني له
فأعد انصهاري به.
له صفات تتمنّاها النساء
ليكن كما أردته لي..
أبياً، شهيّاً، تقيّاً، وفيّاً، وعصي الانحناء.
ليكن مهري صلاته
وصداقي صدقاته،
ومنزلي منزلة عالية في شغاف قلبه.
أعنّي اللّهم على انتظاره
وأسعدني به حين يحلّ،
وريثما يأتي لا تشغلني عنه برجل
اللّهم..
زفّني إلى قلبه قبل سجلّه العائلي،
وصوّب به دربي واسكنه كتبي،
وجمّل به حياتي واجعله الأحقّ بي.
اللّهم..
أبعث لي من يحبّني لوجهك لا لوجهي،
لنور اسمك في قلبي لا لضوء اسمي،
محبّة فيك لا محض محبّة فـيّ


اللّهم..
اجعل لي في قلبه مسكناَ
و اجعله لي سكينة،
اللّهم كن ثالثنا
و بارك كلّ ما يجمعنا،
و ابعد عن سبيلنا ما يفرّقنا أو يؤذينا.
اللّهم..
أظلّنا بظل الإيمان والتقوى
ولا تجعل له سواي شهوة
اللّهم..
اجعل لقاءاتنا من نِعَم هباتك،
وخفّف عند الموت افتراقنا بفرحة ملاقاتك،
كن من نستودعه بعضنا البعض عند الفراق،
فلا ودائع تضيع في ملكوتك .
اللّهم..
إنّا نستعينك فأعنّا على أعدائنا
ولا تعن أحدنا على الآخر،
نسألك أن تثبّت قلبينا على محبّتك
وتثبّت الشغف في قلبينا
اللّهم..
أنت عالم الغيب اجعل ما تعلم من أمرنا مسرّة،
وألطف بنا.. إن كان في ما كتبته لنا مضرّة،
يا مقلّب القلوب آلف لآخر يوم بين قلبينا
ولا تجعل الأيام منقلباً علينا.​

 

[iman-dz4ever]

رد: عرايس 2016جيبو ورقة و ستيلو و الحقوني...........

 

[iman-dz4ever]

رد: عرايس 2016جيبو ورقة و ستيلو و الحقوني...........

شوفو هذو الافكار لتقديم المهر
صح افكار مبالغين فيها لكنها افكار من عند اخواتنا الخليجين

ههههههه العروسة المسكين تعد ليلة ونهار و هي
تحدد فيهم:p:p
​

 

[iman-dz4ever]

رد: عرايس 2016جيبو ورقة و ستيلو و الحقوني...........

افكار تقشفية هههههههه:d
لما يبدء طلاء الظافر بالتقشر و حبيتي تزيليه و معندكش
مزيل الطلاء ساهلة ماهلة جيبي شوية معجون اسنان وفرشاة قديمة
يقومو بالواجب

لتثبيت رائحة العطر طوووول اليوم و تبقاي كأنك
قرعة ريحة تدووور في الدار
و هذا الشئ مهم في المرحلة الجاية
باش تدوخي تعيس الحظ هههه
ديري الفازلين في اماكن النبض
و تطبقي العطر المفضل نتاعك ريحة طول اليوم
هذي انا جربتها:thumb_up02:

شكون منا متكسرلهاش الروج المفضل نتاعها
و رجعت تستعمل فيه باصباعها
غير قولو الحق قاع درناها :-r
لما يتكسر لك الروج نتاعك جيبي ولاعة
و شعلي شوية في الجزء المكسور ذوبيه شوية قصدي
و ارجعي لسقيه يرجع جديد و ملييحة هذي الفكرة اذا كسرتي لصحبتك الروج نتاعها
هههههههههه

​

 

[ام أمينة]

رد: عرايس 2016جيبو ورقة و ستيلو و الحقوني...........

للّهم..
إنّ بين عبادك عبداً شطرتني عنه وحدك تعرفه
خلقته لي وخلقتني له
فأعد انصهاري به.
له صفات تتمنّاها النساء
ليكن كما أردته لي..
أبياً، شهيّاً، تقيّاً، وفيّاً، وعصي الانحناء.
ليكن مهري صلاته
وصداقي صدقاته،
ومنزلي منزلة عالية في شغاف قلبه.
أعنّي اللّهم على انتظاره
وأسعدني به حين يحلّ،
وريثما يأتي لا تشغلني عنه برجل
اللّهم..
زفّني إلى قلبه قبل سجلّه العائلي،
وصوّب به دربي واسكنه كتبي،
وجمّل به حياتي واجعله الأحقّ بي.
اللّهم..
أبعث لي من يحبّني لوجهك لا لوجهي،
لنور اسمك في قلبي لا لضوء اسمي،
محبّة فيك لا محض محبّة فـيّ


اللّهم..
اجعل لي في قلبه مسكناَ
و اجعله لي سكينة،
اللّهم كن ثالثنا
و بارك كلّ ما يجمعنا،
و ابعد عن سبيلنا ما يفرّقنا أو يؤذينا.
اللّهم..
أظلّنا بظل الإيمان والتقوى
ولا تجعل له سواي شهوة
اللّهم..
اجعل لقاءاتنا من نِعَم هباتك،
وخفّف عند الموت افتراقنا بفرحة ملاقاتك،
كن من نستودعه بعضنا البعض عند الفراق،
فلا ودائع تضيع في ملكوتك .
اللّهم..
إنّا نستعينك فأعنّا على أعدائنا
ولا تعن أحدنا على الآخر،
نسألك أن تثبّت قلبينا على محبّتك
وتثبّت الشغف في قلبينا
اللّهم..
أنت عالم الغيب اجعل ما تعلم من أمرنا مسرّة،
وألطف بنا.. إن كان في ما كتبته لنا مضرّة،
يا مقلّب القلوب آلف لآخر يوم بين قلبينا
ولا تجعل الأيام منقلباً علينا.​

اللهم آمين
​

 

[السلطانة]

رد: عرايس 2016جيبو ورقة و ستيلو و الحقوني...........

اختي ايمان ياريت تعاودي تفتحي موضوع جديد نسقسيه مليح وديريلو اسم مثلا ملتقى عرائس اللمة الجزائرية 2016

ونثبتهولوك

 

[ام أمينة]

رد: عرايس 2016جيبو ورقة و ستيلو و الحقوني...........

اختي ايمان ياريت تعاودي تفتحي موضوع جديد نسقسيه مليح وديريلو اسم مثلا ملتقى عرائس اللمة الجزائرية 2016

ونثبتهولوك

فكرة شابة بالتوفيق
​