زوجي صغيرون !! زوجتي عجوز !!

[فعل الخير غايتي]

السلام عليكم و رحمة الله خاوتي
بون صـوآـ غ ـ :regards01:

شفت الناس كامل تجي لهاد القسم تكتب مواضيع اجتماعية باللهجة العامية
قلت نسيي زهري و نكتب

حاجة راني نشوف فيها تفشات بزاف فالمجتمع الجزائري معرفتش واش هو الشيء لي خلا بناتنا و شبابنا يروحولها

و هي انو شب يصاحب بنت اكبر منو
و فتاة تصاحب شب اصغر منها ؟؟ :s:s

و يتزوجوا و عادي جدا لكن نضن باللي هاد العلاقات مقتصرة على فئة من الناس و هوما لي ميخموش لقدام
تكون متبوعة بكاش مصالح
و فالاغلب تكون نهايتها الفشل

قد ما حوست نفهم السبب ملقيتوش ؟

خلاتني حايرة في الغاشي :-o

pour moi contre comme cette relation
et vous !!!!


آسكو كاين هاد الشيء في المناطق لي عندكم
و لواش ترجعوا الاسباب
​

 

[لؤلؤة قسنطينة]

رد: زوجي صغيرون !! زوجتي عجوز !!

وعليكم السلام ورحمة الله وبركاته
وبون صواغ ليك ولا نقولو بونوي هههه
ماديريش عليا، أولا مرحبا بيك في قسم واش راك تهدر نورتينا
والقسم هادا ماعندوش حدود يعني غير تجيك فكرة في راسك اوضعيها وزيد تساعدك اللهجة بزااف باه
توصلي افكارك، على العموم شكراً على الموضوع حبيبتي
وصراحة ومن وجهة نظري ولما نقول وجهة نظري ماش معناها انا متمنيتها
لكن كنظرة عامة مافيها والو مرأة تتزوج برجل اقل منها سناً ولا رجل يتزوج بمرأة أكبر منو سناً
هنا نحكي على الزواج والحلال مانتكلمش على يديرها صديقتو وغيرها من الامور هاديك،
يعني واش فيها إذا كان هناك فارق في السن، سيد الخلق محمد عليه الصلاة والسلام تزوج
بأمنا خديجة وهي كبيرة عليه بــ 15 سنة، ربما تقوليلي ماش كامل الرجال باخلاق النبي عليه الصلاة والسلام
هنا راني معاك بصح إذا كان الرجل اكبر من المرأة معناها عندو أخلاق النبي؟؟؟ يعني فهمتيني؟؟
أنا مافهمتش علاه المجتمع يشوف هاد النوع من العلاقات بنظرة غريبة، لما يتزوج شيخ في عمرو 80 سنة
من بنت العشرين تجيهم عادي يقولك يعيش حياتو ولما واحد يتزوج بوحدة كتر عليه بعامين ولا 3 سنوات يعايروه؟؟
ياك في الحلال؟ الزواج عندو اسس وأهمها التربية والاخلاق أما العمر ماش مشكل، انا صدقيني نعرف وحايد
من العائلة الرجل اقل من مرتو بــ 3 سنوات نظن تشوفي كيفاه عايشين تبكي على نفسك والله،
سواءاً من الناحية العاطفية ولا المادية ولا الاسرية ولا اي ناحية متفاهمين وعندهم اكثر من 20 سنة زواج
وزيد مثقفين وواصلين لمراتب مليحة وتزوجو عن قناعة، يعني لما يكون الشاب صالح والبنت صالحة
وموافقين على بركة الله وينو المشكل؟ صار لما نشوفو مسلسلات داروها الكفار ونشوفو الصديق يعامل صديقتو لي اقل منو سنا
برومانسية تعجبنا وننساو السن ولما تكون حلال نتخلعو منها؟؟ يعني فهمتيني واش نقصد؟؟
وكاين والله لي كتر على مرتو وتزوجو زعما عن حب وماكاين والو شهرين تطلقو، يعني الاساس هو مسؤولية
الطرفين واحترام ك منهما الآخر، نقطة انتهى
شكرا حبيبتي على الموضوع وربي يفرحك ان شاء الله
ونتمنى نزيد نشوفك مرة اخرى هنا طريقتك جميلة في الكتابة ماشاء الله ^^
تحياتي
​

 

[آمِيْرَتُه]

رد: زوجي صغيرون !! زوجتي عجوز !!

السلام عليكم
مجيتش معاك في الموضوع لي طرقتي ليه لأن هذي سموها حرية شخصية كل واحد حر في نفسه و مش أي زواج من صغر السن معنتها مصلحة إلا إذا تزوجت و لا تزوج و همهم الأوراق و الذهاب إلى أوروبا
لا نقتدي برسولنا في أشياء و نهمل أشياء أخرى
سلام

 

[فعل الخير غايتي]

رد: زوجي صغيرون !! زوجتي عجوز !!

وعليكم السلام ورحمة الله وبركاته
وبون صواغ ليك ولا نقولو بونوي هههه
ماديريش عليا، أولا مرحبا بيك في قسم واش راك تهدر نورتينا
والقسم هادا ماعندوش حدود يعني غير تجيك فكرة في راسك اوضعيها وزيد تساعدك اللهجة بزااف باه
توصلي افكارك، على العموم شكراً على الموضوع حبيبتي
وصراحة ومن وجهة نظري ولما نقول وجهة نظري ماش معناها انا متمنيتها
لكن كنظرة عامة مافيها والو مرأة تتزوج برجل اقل منها سناً ولا رجل يتزوج بمرأة أكبر منو سناً
هنا نحكي على الزواج والحلال مانتكلمش على يديرها صديقتو وغيرها من الامور هاديك،
يعني واش فيها إذا كان هناك فارق في السن، سيد الخلق محمد عليه الصلاة والسلام تزوج
بأمنا خديجة وهي كبيرة عليه بــ 15 سنة، ربما تقوليلي ماش كامل الرجال باخلاق النبي عليه الصلاة والسلام
هنا راني معاك بصح إذا كان الرجل اكبر من المرأة معناها عندو أخلاق النبي؟؟؟ يعني فهمتيني؟؟
أنا مافهمتش علاه المجتمع يشوف هاد النوع من العلاقات بنظرة غريبة، لما يتزوج شيخ في عمرو 80 سنة
من بنت العشرين تجيهم عادي يقولك يعيش حياتو ولما واحد يتزوج بوحدة كتر عليه بعامين ولا 3 سنوات يعايروه؟؟
ياك في الحلال؟ الزواج عندو اسس وأهمها التربية والاخلاق أما العمر ماش مشكل، انا صدقيني نعرف وحايد
من العائلة الرجل اقل من مرتو بــ 3 سنوات نظن تشوفي كيفاه عايشين تبكي على نفسك والله،
سواءاً من الناحية العاطفية ولا المادية ولا الاسرية ولا اي ناحية متفاهمين وعندهم اكثر من 20 سنة زواج
وزيد مثقفين وواصلين لمراتب مليحة وتزوجو عن قناعة، يعني لما يكون الشاب صالح والبنت صالحة
وموافقين على بركة الله وينو المشكل؟ صار لما نشوفو مسلسلات داروها الكفار ونشوفو الصديق يعامل صديقتو لي اقل منو سنا
برومانسية تعجبنا وننساو السن ولما تكون حلال نتخلعو منها؟؟ يعني فهمتيني واش نقصد؟؟
وكاين والله لي كتر على مرتو وتزوجو زعما عن حب وماكاين والو شهرين تطلقو، يعني الاساس هو مسؤولية
الطرفين واحترام ك منهما الآخر، نقطة انتهى
شكرا حبيبتي على الموضوع وربي يفرحك ان شاء الله
ونتمنى نزيد نشوفك مرة اخرى هنا طريقتك جميلة في الكتابة ماشاء الله ^^
تحياتي
​

صحا خيتيو
نورتي موضوعي
لا انتي فهمتني غالط ختي
مرانيش عالحلال ولا عالحرام
الشيء لي راني نقصد فيه
هو انو ولاو يتزوجوا من اجل مصالح
سي كاينة لي يتزوجوا عن حب
مي كاين لي يكون متبوع بالمصالح
الهدف من الموضوع هو الزواج تاع المصالح
يعني يقدر يأثر السن ولا مبقدرش

و شكرا عالمداخلة

 

[فعل الخير غايتي]

رد: زوجي صغيرون !! زوجتي عجوز !!

السلام عليكم
مجيتش معاك في الموضوع لي طرقتي ليه لأن هذي سموها حرية شخصية كل واحد حر في نفسه و مش أي زواج من صغر السن معنتها مصلحة إلا إذا تزوجت و لا تزوج و همهم الأوراق و الذهاب إلى أوروبا
لا نقتدي برسولنا في أشياء و نهمل أشياء أخرى
سلام

شكرا على رأيك اختي

 

[Hakan]

رد: زوجي صغيرون !! زوجتي عجوز !!

المسئلة مسئلة مودة ورحمة المسئلة مسئلة حب
ياعالم ياناس خلو اللي يحب طفلة كبر منو يعيش معاها اذا هي بادلاتو نفس الشعور
اما الزواج الزواج مبني على اكبر من حاجة اسمها السن
صح ماشي عقلانية يكون الفارق بين الراجل والطفلة اللي كبر منو اكثر من 5 سنوات
لكن كاين شباب يعني والله ماتميزي اذا في عمرو 20 سنة تالمون ربي سبحانو عاطيلو
قدر وعقل كبير مام فيزاجمون تلقايه الله يبارك
مي ننيك نسبة قليلة انو طفلة تحب واحد اقل منها لانو البنت تطلع دايما يكون الزوج نتاعها
اكبر منها عقلا هكاك باش تحس انو صغيرة عليه مي هذي من ناحية السن
لكن من ناحية العقل كاين اللي تعجبها عقلية الشاب مهما كان عمرو باسكو كاين اللي قدر يتخطى سنوات عمرو ويكبر بالخف بحيث تحس المراة انو راهي صغيرة عليه
المجتمع نتاعنا مجتمع معااق من كل شيء يخي ماداروش الحرام ربي يسهل خليو الناس تعيش حياتها
كل واحد بالذوق نتاعو انت مثلا بالاك ما طحتيش في حاجة كيما هاذي
كاين حتى بنات يكتاشفو بعد ما يحبو الشاب انو صغير عليهم ومع ذالك يحبو يكونو معاهم لانو لقات فيه واش راهي حابة
نعطيك رايي الشخصي :
منين شفيت لروحي لا اميل للمراة اللتي تكبرني سنا ولو توفرت فيا كل الشروط مانيش نرفضها مام تكون فايتتني بشهر
هكاك في قلبي ما نرتاحش لاني نحب دايما نكون انا هو الكبير من كل النواحي
في السن والشخصية وكل شيء
ما نقدروش نقولو راهم دارو حاجة خاارج الفطرة لانو هكاك نتهمو الرسول عليه الصلاة والسلام
بارك الله فيك ..​

 

[فعل الخير غايتي]

رد: زوجي صغيرون !! زوجتي عجوز !!

المسئلة مسئلة مودة ورحمة المسئلة مسئلة حب
ياعالم ياناس خلو اللي يحب طفلة كبر منو يعيش معاها اذا هي بادلاتو نفس الشعور
اما الزواج الزواج مبني على اكبر من حاجة اسمها السن
صح ماشي عقلانية يكون الفارق بين الراجل والطفلة اللي كبر منو اكثر من 5 سنوات
لكن كاين شباب يعني والله ماتميزي اذا في عمرو 20 سنة تالمون ربي سبحانو عاطيلو
قدر وعقل كبير مام فيزاجمون تلقايه الله يبارك
مي ننيك نسبة قليلة انو طفلة تحب واحد اقل منها لانو البنت تطلع دايما يكون الزوج نتاعها
اكبر منها عقلا هكاك باش تحس انو صغيرة عليه مي هذي من ناحية السن
لكن من ناحية العقل كاين اللي تعجبها عقلية الشاب مهما كان عمرو باسكو كاين اللي قدر يتخطى سنوات عمرو ويكبر بالخف بحيث تحس المراة انو راهي صغيرة عليه
المجتمع نتاعنا مجتمع معااق من كل شيء يخي ماداروش الحرام ربي يسهل خليو الناس تعيش حياتها
كل واحد بالذوق نتاعو انت مثلا بالاك ما طحتيش في حاجة كيما هاذي
كاين حتى بنات يكتاشفو بعد ما يحبو الشاب انو صغير عليهم ومع ذالك يحبو يكونو معاهم لانو لقات فيه واش راهي حابة
نعطيك رايي الشخصي :
منين شفيت لروحي لا اميل للمراة اللتي تكبرني سنا ولو توفرت فيا كل الشروط مانيش نرفضها مام تكون فايتتني بشهر
هكاك في قلبي ما نرتاحش لاني نحب دايما نكون انا هو الكبير من كل النواحي
في السن والشخصية وكل شيء
ما نقدروش نقولو راهم دارو حاجة خاارج الفطرة لانو هكاك نتهمو الرسول عليه الصلاة والسلام
بارك الله فيك ..​

و فيك بارك الله اخي
شكرا على رايك الخاص
عجبني التدخل ديالك
كلامك موزون
ربي يحفظك

 

[لؤلؤة قسنطينة]

رد: زوجي صغيرون !! زوجتي عجوز !!

صحا خيتيو
نورتي موضوعي
لا انتي فهمتني غالط ختي
مرانيش عالحلال ولا عالحرام
الشيء لي راني نقصد فيه
هو انو ولاو يتزوجوا من اجل مصالح
سي كاينة لي يتزوجوا عن حب
مي كاين لي يكون متبوع بالمصالح
الهدف من الموضوع هو الزواج تاع المصالح
يعني يقدر يأثر السن ولا مبقدرش

و شكرا عالمداخلة

حبيبتي لما يكون هناك مصلحة مايهتمو لا بسن ولا حتى بدين
يعني الشخص مستعد يخلي دينو على جال المصلحة فمابالك السن؟؟
وخاصة في الوقت هادا، ولات المرأة مستعدة تتزوج من رجل شايب قد جدها غير على وجه الدراهم والمصالح
والرجل نفس الشي يستغل كلمة حب غير باه يلحق لمصالحو
يعني هنا سواءاً سن صغير ولا كبير المصلحة لما تدخل في الزواج تريبو
حتى ولو كان الرجل اكبر من المرأة سنا
ان شاء الله يكون جوابي الآن مناسب للموضوع
تحياتي :regards01:
​

 

[فعل الخير غايتي]

رد: زوجي صغيرون !! زوجتي عجوز !!

شكرا اختي اللؤلؤة دوكا راكي قستيها فالصواب و هداك هو الصح
يعطيك الصحة

 

[بنفسج]

رد: زوجي صغيرون !! زوجتي عجوز !!

السلام عليكم

اهلا وسهلا بيك في هاد القسم
ماشي شرط لازم تفشل هاد العلاقات
اللي اهم من العمر هو التفاهم و الوعي الكامل بطبيعة هادا لزواج
و نظن مش دايما يكون الزواج هادا علاجال مصلحة
ممكن جدا حب او نعرف واحد متزوج بوحدة تكبرو ب4 سنوات
وعايشين حياتهم بسعادة خيرمن بزاف ازواج

شكرا على الموضوع
تحياتي ,,,,​

 

[فعل الخير غايتي]

رد: زوجي صغيرون !! زوجتي عجوز !!

السلام عليكم

اهلا وسهلا بيك في هاد القسم
ماشي شرط لازم تفشل هاد العلاقات
اللي اهم من العمر هو التفاهم و الوعي الكامل بطبيعة هادا لزواج
و نظن مش دايما يكون الزواج هادا علاجال مصلحة
ممكن جدا حب او نعرف واحد متزوج بوحدة تكبرو ب4 سنوات
وعايشين حياتهم بسعادة خيرمن بزاف ازواج

شكرا على الموضوع
تحياتي ,,,,​

شكرا اختي على الرد
حتى انا نعرف بزاف غاشي متزوجين بنساء اكثر منهم
رفضوا هاد الزواج لانو زواج تقليدي لكن بعد ما جاو الاولاد تغير كل شيء
و راهم عايشين لابال في

 

[السلطانة]

رد: زوجي صغيرون !! زوجتي عجوز !!

وعليكم السلام ورحمة الله وبركاته
هي قضية تفاهم بين الطرفين اذا كانو متوقعين انهم راح ينجو فربي يسهللهم
الخوف من مباعد كان هاذ الراجل تبدل على مرتو وعاد يشوف فيها كبرت في ساع وكيفاه تكون حالتها هنا ؟
انا ضد هاذ الزواج
كون مثلا جاني واحد اقل مني وطلبني للزواج راح نرفض
لأني منحبش نبان اكبر من زوجي سنا او فكرا وعن لي يزوجو بغرض المصلحة هادوك باينين على جال الدراهم او الاوراق ووو النية ماش مزيينها .
واكيد كل واحد ورايو

شكرا اختي
ان شاء الله نشوفولك مواضيع أخرى
بالتوفيق.
​

 

[ليليا مرام]

رد: زوجي صغيرون !! زوجتي عجوز !!

السلام عليكم
اهلا اختي راني كيما انت عجبني القسم راني نكتب فيه مرحبا بيك
موضوع مهم شوفي هو عيب فمجتمعنا لانو كل شي عيب لو وليدهم يروح يتزوج قاورية الجلود يبانو من تمنراست يا حسراه كامل يقبلو ويرحبو ويزدو يديرولها تصديرة وهي باقيتلها شخرة وهنا لو يتزوجها اكبر منو بسنوات قليلة سحراتو وسرقاتو ونتنفاتو
شعب فريد الاطرش من نوعو
انا نقولك الفارق مش عيب بالنسبة ليا والله عادي يكون صغير عليا واش علاقتها الارقام اهلو واهلي والدونا فهذوك الاعوام وحنا واش دخلنا فيهم هههههههه يماه ويمى مش كيفكيف الله غالب هوما داروها وحنا نخلصو اذا نحبو ومتفاهمين علاه لالا
اما نشوف للمستقبل هو قرار حاسم هو يفكر مليح وهي تفكر مليح لو قبلو عادي وين المشكل
مجتمعنا اللي ما يقبلش اما فالدين فهي عادي لو متفاهمين
ونقولك راهي رجعت موضة الصغار يدو الكبارات امالا خونا حكيم الصغنونات اللي قلت عليهم راحو لاكخيش يقراو ديزولي ههههههه
شكرا

 

[مسك وعنبر]

رد: زوجي صغيرون !! زوجتي عجوز !!

السلام عليكم أولا شكرا اختي على الموضوع و إجابة على التساؤل ديالك رايحا نقول بلي ما نقدروش نحكمو على أي علاقة من هاد النوع ونقول بلي ما تصلحش ولا تصلح غير إذا كنا في مثل هاد المواقف ولكن بصفة عامة كل واحد والتركيبة النفسية ديالو مثلا المرا بحكم الخوف نتاعها من الكبر في السن ممكن تختار شريك حياتها كبير عليها بسنوات كتيرة حتى ديما تشوف روحها صغير مقارنة بيه وبالنسبة للرجل ممكن يخير شريكة حياتو كبيرة عليه على خاطر حب وحدة تكون ناضجة في عقلها والتفكير ديالها وقادرة تكون تاني راجعة لعوامل نفسية أخرى كيما فقدان حنان الأم في الصغر وإلا إعجابا بالمرأة فقط يعني مش بالضرورة يكون هاد النوع من العلاقات مبني على ماديات ولا مصالح شخصية والله أعلم وبالتوفيق​

regards01:

 

[فعل الخير غايتي]

رد: زوجي صغيرون !! زوجتي عجوز !!

وعليكم السلام ورحمة الله وبركاته
هي قضية تفاهم بين الطرفين اذا كانو متوقعين انهم راح ينجو فربي يسهللهم
الخوف من مباعد كان هاذ الراجل تبدل على مرتو وعاد يشوف فيها كبرت في ساع وكيفاه تكون حالتها هنا ؟
انا ضد هاذ الزواج
كون مثلا جاني واحد اقل مني وطلبني للزواج راح نرفض
لأني منحبش نبان اكبر من زوجي سنا او فكرا وعن لي يزوجو بغرض المصلحة هادوك باينين على جال الدراهم او الاوراق ووو النية ماش مزيينها .
واكيد كل واحد ورايو

شكرا اختي
ان شاء الله نشوفولك مواضيع أخرى
بالتوفيق.
​

اهلا اختي ام ياسمين
انتي فهمتي الموضوع بالضبط
شكرا على رايك
حتى انا ضد
لانو في رايي لازم يكون الراجل هو الكبير و الرزين
و المراة تكون اقل لانو يقولوا المراة تكبر على الراجل
يعني الراجل يقدر يوصل لـ 50 و يبان تاع 30
اما المراة توصل لـ 30 مع الاولاد تولي تبان تاع 50

و ربي يهنيك اختي

 

[فعل الخير غايتي]

رد: زوجي صغيرون !! زوجتي عجوز !!

السلام عليكم
اهلا اختي راني كيما انت عجبني القسم راني نكتب فيه مرحبا بيك
موضوع مهم شوفي هو عيب فمجتمعنا لانو كل شي عيب لو وليدهم يروح يتزوج قاورية الجلود يبانو من تمنراست يا حسراه كامل يقبلو ويرحبو ويزدو يديرولها تصديرة وهي باقيتلها شخرة وهنا لو يتزوجها اكبر منو بسنوات قليلة سحراتو وسرقاتو ونتنفاتو
شعب فريد الاطرش من نوعو
انا نقولك الفارق مش عيب بالنسبة ليا والله عادي يكون صغير عليا واش علاقتها الارقام اهلو واهلي والدونا فهذوك الاعوام وحنا واش دخلنا فيهم هههههههه يماه ويمى مش كيفكيف الله غالب هوما داروها وحنا نخلصو اذا نحبو ومتفاهمين علاه لالا
اما نشوف للمستقبل هو قرار حاسم هو يفكر مليح وهي تفكر مليح لو قبلو عادي وين المشكل
مجتمعنا اللي ما يقبلش اما فالدين فهي عادي لو متفاهمين
ونقولك راهي رجعت موضة الصغار يدو الكبارات امالا خونا حكيم الصغنونات اللي قلت عليهم راحو لاكخيش يقراو ديزولي ههههههه
شكرا

و عليكم السلام اختي
و الله عندك الحق فواش قلتي
لوكان جات اوروبية تلقياهم شادين فيها بعشرة يدين و رجلين
و كي تجي بنت البلاد nn
mais انا نضن باللي المجتمع الجزائري contre هاد العلاقات
لانو تعودنا نشوفوا شبابنا يتزوجوا ببنات اقل منهم
و نشوفوا بنات يزوجوا بشباب اكبر منهم

و يبقى لكل واحد رايه الخاص

 

[فعل الخير غايتي]

رد: زوجي صغيرون !! زوجتي عجوز !!

السلام عليكم أولا شكرا اختي على الموضوع و إجابة على التساؤل ديالك رايحا نقول بلي ما نقدروش نحكمو على أي علاقة من هاد النوع ونقول بلي ما تصلحش ولا تصلح غير إذا كنا في مثل هاد المواقف ولكن بصفة عامة كل واحد والتركيبة النفسية ديالو مثلا المرا بحكم الخوف نتاعها من الكبر في السن ممكن تختار شريك حياتها كبير عليها بسنوات كتيرة حتى ديما تشوف روحها صغير مقارنة بيه وبالنسبة للرجل ممكن يخير شريكة حياتو كبيرة عليه على خاطر حب وحدة تكون ناضجة في عقلها والتفكير ديالها وقادرة تكون تاني راجعة لعوامل نفسية أخرى كيما فقدان حنان الأم في الصغر وإلا إعجابا بالمرأة فقط يعني مش بالضرورة يكون هاد النوع من العلاقات مبني على ماديات ولا مصالح شخصية والله أعلم وبالتوفيق​

regards01:

شكرا اختي على الرد
عجبني كلامك الله يبارك عليك رزينة و فاهمة
توالمي تدي واحد قل منك خخخخخ:p:p:p نتمسخر برك
و الله صح العوامل النفسية تعلب دور كبير اليوم
بصح نبقى ضد هاد العلاقات
لاني نبقى دايمن نشوف في شريك حياتي يكون كبير عليا عالاقل 5 سنين لفوق
شكرا على رايك الخاص

 

[فيتامين سي]

رد: زوجي صغيرون !! زوجتي عجوز !!

بونجوغ عليك ...نورتي القسم ختيتو
اه انا نمدلك جواب تاع شخص قاله نهار تزوج وحدة كبيرة عليه :p قال منيش حاب ندي وحدة كل يوم mama papa و وحدة متعرفش حتى تعيش في المجتمع متعرفش تهدر بزاف امور تهتم غير بالتفاهات حاب وحدة واعية و هذا حر في حياته ...كل واحد عنده نظرة
مثلا كاين تقول نفضل راجل قدي في اللاج
كاين تقول كبير عليا و كاين تحب صغير هكدا راجل المهم حاجة ماشي حرام هنا يدبرو ريسانهم

 

[فعل الخير غايتي]

رد: زوجي صغيرون !! زوجتي عجوز !!

اهلا بيك اختي هبة
شكرا على الرد
و الله من ناحية الدين انا مرانيش ضد
و خير مثال النبي صلى الله عليه و سلم
لكن المجتمع لي ميقبلهاش يا خوتي
خاصة العائلات

 

[فيتامين سي]

رد: زوجي صغيرون !! زوجتي عجوز !!

انا منكدبش عليك 100% ضد منقبلش ....
مي شفت ناس اختي غير هي كانت صغيرة على زوجها بسنواااات الباقي يا اما قدهم او كبار عليهم ..درك كلش كاين ...
مي صعيب شويا باسكو تولي عندك 30 يحسبوك ماماه ماشي مرته واااااع ....هدو داخل البلاد و خارجه اكثرهم على اوراق و دراهم برك
صح مجتمعنا يبفض هذي الفكرة
تقبلي مروري