• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

أيام غزة الجريحة 2007 *بقلمي*

medcherif03

:: عضو منتسِب ::
أتمنى أن تنال رضاكم كما أني لا أقصد أي تجريح أو تلميح لأي شخص كان...أخذتنا العزة بالنفس على أهلنا و حبايبنا في غزة فقط


يا حزني معتى ذاليام على غزة **** راحت دك و شفاية للعديان

يا سبحان الله مابقاتنا عزة **** واذلينا و الرخس علينا بان
حكمتنا ذالشمايت بالدبزة **** وتنشت عنا خوف من العصيان
وينك يا ذالفحل تعطينا دزة **** و توصلنا انحرو هاذي لوطان
ماطقنا للصبر مالقينا قفزة **** ماصبنا حيلة مالقينا جنحان
و يسرج ليها عرب زين الفزة **** يخليها قا رماد بلا دخان
وينك ياتاريخ يحيالي حمزة **** و يمحيها صلاح يقضي ع الكيان
اطلبتك يا خالقي رب العزة **** تنصرهم و لو يبقاو النسوان
و اللي ما حضرلك وقت الحزة **** متعمد وعدو مع الخيان
ياحرقي واش يبرد ذالوخزة **** حرقتها فالقلب زادتني نيران
حتى من... خيارهم ولا معزة **** وقت الشدة درق والله مابان
كشفتهم سرايلة عادو لبزة **** ذللهم صهيون طاعو لو خرفان
يا ربي لو كان تعطيهم هزة **** أتقلع السافل و تزيد الجبان
هاهي دونك الخادم قونزاليزا **** الواعر فيهم يشوفها يمهان
يتلموا قاع ويجوا في جزة **** طاعة للخادم و ينساو الرحمان
الله لالي حكم من حكم الركزة **** نعيش نهار فحل ولا ديمة طحان
الله غالب حكم البراك مع الوزة **** وآما الطير الحر شواوه للعديان
ويحك يا عرب الدزة و اللزة **** واتكشفت عوراتنا لبني عريان
عادت اوطانا بيبان بلا رزة **** بان الشق خلاص ظاهر للعيان
و يا حصراه منين كانت لمعزة **** زوعامه وبناوها ذوك الشجعان
من غير الاسلام مالينا عزة **** ضاعت ذالأمة ماعاد ليها شان.

تمت يوم 12-04-2007 أيام الحرب على غزة الجريحة

​
 
رد: أيام غزة الجريحة 2007 *بقلمي*

غزة بلادنا غالية نحن معكي دائما
 
توقيع Oussama.GF
رد: أيام غزة الجريحة 2007 *بقلمي*

تشكر على المرور ربي يحفظك
 
رد: أيام غزة الجريحة 2007 *بقلمي*

اللهم أنصر اخوتنا في غزة وفي كل شبر من الارض
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom