تنظيم عرس

دلال 16

:: عضو منتسِب ::
إنضم
18 مارس 2016
المشاركات
2
نقاط التفاعل
3
النقاط
3
السلام عليكم ورحمة الله و بركاته
من فضلكم أريد نصائح حول تنظيم عرس بتكاليف أقل ومن غير تبذير....خاصة في الأكل ....صدقوني الأمور أختلطت علينا و ماعرفناش كيفاش نديرو:s:s:s
لعروسة ندوها لبجاية وتما نديرو العرس والمعروضين خير ربي من احبابنا في العاصمة والاهل في بجاية و اهل العروسة....وهذا أول عرس نديروه خونا وحدو وراهو بدا يحس بالضغط كلما قرب الوقت:(:(:(....ماكاش اللي يعاونو...دبرو علينا كيفاش نديرو ....كيفاش نوجدوا و الصح واش احسن نعشوا الكل في مرة ولا الاهل قبل بنهار و احبابنا اللي يجوا من العاصمة واهل العروسة كي يجوا في اليوم الموالي....واش نديروا خير:-r:-r ...كسكس و شربة و سلطة مع الفاكية أو مثوم وشربة وووو....تعيشوا دبروا علينا....وربي يتمم افراحكم ويرزق الجميع.
 
رد: تنظيم عرس

السلام عليكم

الله يباركلكم في فرحكم ويتتم بالخير
مبروك على خوكم العروسة وربي يجعل الصلاح بناتهم ويرزقهم الذرية الطيبة
أنا من جيهة الشرق ولعل العادات تختلف من منطقة إلى منطقة ولعل سكان الوسط ينصحوك اكثر
ومع كل هذا مراحش نختالفوا في أمور بزاف على كل حال ندبر على أختي وربي يجيب الخير
الي فهمتو منك أختي دلال تحوسو تقتاصدوا وتكفيو الغاشي المعروض
أولا : شوفوا انتم شحال راكم عارضين إلا 200 ماش كيما 500 زماشي كيما 700 أو 1000 الله يبارك
ثانيا : أنا نشوف بلي العرس لكبير لازملوا لحم البقر مع شويا دجاج للإحتياط
ثالثا : الأطباق سلاطة + شربة فريك + كسكسي + وخيروا تحبوا المشروبات وإلا الفاكهة وإلا 2
ملاحظة : ماتعمروش روسكم بكلام الناس وتكلفوا نفوسكم فوق الطاقة على خاطر بعص البشر ةالله تشويلهم الحم فوق روس صباعك غير يهدروا ويعيبوا ويمنشروا أمالا ديروا على حساب جيبكم* وربي يبارك*
الله يباركلكم ويدوم أفراحكم ويفوت العرس بخير* آمين *​

تقبلوا تحياتي
 
رد: تنظيم عرس

أولا ربي يقدركم ويفرحكم ويهني اخوك

كيما قال الاخ رابح انا من الشرق بصح راح ندبر عليك ممكن تساعدك دبارتي

والله كون جيت نلقى لاليست تاع عرسي نكتبهالك لكن الله غالب ودروها في الدار

درك حسب الغاشي لازم تعملو ليست وتحسبو العراضة

ومادام عندكم الغاشي وحابين تقتصدو كون تقسموهم خير باه متتضغطوش

بصح كيفاه كريتو صال ولاواش ؟

كان كريتوها يعني تخلصو على شحال من مرة هنا شوي صعيبة

توليو تلموهم خير
في نهار واحد

او اقتراح اخر تلمو االاهل والاحباب في نهار
وتخليو اهل لعروسة وحدهم باه تقعدو رايحين معاهم

200 عبد حنا ذبحنالهم نعجة للشربة فريك وللكفتة ( اللحم الحلو ) والدوزيام بلا درنا
دجاج محمر بالزيتون
وسلاطة وديسار والمشروبات والماء والخبز .

do.php





درك ديرو حسابكم مع الطباخ هو يعطيكم الكونتيتي لي تشريوها حسب الاطباق
ونظن كون تديرو المثوم تحتاجو بزاف اللحم وحسب الغاشي تاعكم

2 نعجات ولا كثر

ربي يقدركم وبالهناء ان شاء الله نظمو اموركم برك ورقة وستيلو
ميتخلطلكم والو

والقاطو متكثروش

do.php



4 حبات في لابوات بزاف



do.php
do.php
 
رد: تنظيم عرس

ربي معاكم العرس واعر
انا حضرت عرس في بجاية بالظبط في خراطة
دبحو بقرة و لا اوكريف يومين من قبل
و نهار العرس دارو للفطور البوزلوف و الدوارة و سلايط
و للقهوة دارو قاطو ساك متنوع و معارك
و العروسة حتى 5 باش جابوها تسمى بداو يعشو الغاشي بكري
و كان عندهم غاشي بزاف بزاف وحد 1000 من صحاب و حباب و اهل و اهل العروسة و جيران بين النساء و الرجال
دارو طعام -كسكس- بالمرقة و دلاع و سلطة و مشروبات غازية واد لحق واحد لالا
وكلو ناسهم كامل في يوم واحد و الناس تفركتت قعدنا حنا لي بعاد و شوية لافامي للصبحية
دارو شربة فريك و سلايط و مثوم و لحم لحلو
و فاكهة و قازوز و للقهوة حطو لي قاطو ساك و معارك و سفنج و زادو حطو القاطو لي جابتو العروسة

انا حطيتلك واش شفت و ربي معاك انا من رايي اجمعو كامل الناس في يوم واحد خير
و ربي يهني اخوك في زواجو
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top