أنت، خويا... ! أختي... ! يماك وباباك في الحياة؟ إغتنم الفوز بالجنة

Sid-Ahmed

:: عضو منتسِب ::
إنضم
19 سبتمبر 2011
المشاركات
43
نقاط التفاعل
92
النقاط
3
كثير من الناس والشباب، عايش حياة الروتين
ينوض صباح، الحاجة وجدت الفطور، والحاج يشرب في القهوة
يفوت عليهم عينيه مغمضين من السهر، وحتى صباح الخير ما تخرج من فمو إلا من رحم ربي.
الهدرة معاهم بالتشناف، يطلبوه يدير حاجة... خطرة إبه خطرة لالا
يخرج صباح ما يبانش غير في الليل، ولا باه ياكل، حتى الدار ولات ريسطورو.
إجي نهار ....
ألو فلان... الدائم ربي... المولى أدا أمانتو...
ألو فلتان ... الدائم سبحانو ... والديك دارو أكسيدو
في هاذ اللحظة علابالك
شريط حياتك يفوت عليك فلااااش مع المتوفى، تم تم تعرف قدرك معاه... يا راه راضي عليك، ولا راه من الدنيا عليك غضبان.
يما ماتت غضبانة عليا؟ بابا مات وهو موش راضي عليا؟
واش بقالي في هاذ الدنيا؟

حدثنا شيبان بن فروخ حدثنا أبو عوانة عن سهيل عن أبيه عن أبي هريرة عن النبي صلى الله عليه وسلم قال:"رغم أنف ثم رغم أنف ثم رغم أنف قيل من يا رسول الله قال من أدرك أبويه عند الكبر أحدهما أو كليهما فلم يدخل الجنة"
الواحد فينا ينايف والديه شهور وربما أعوام، لا سلام لا كلام لا تيليفون، ولا حتى عيدك مبروك يما... ولا حتى صح فصورك بابا...

وقتاش آخر مرة سلمت على يد يماك؟ وقتاش آخر مرة سلمت على راس باباك؟
وقتاااااااااااااااااااااااااااااااش آخر مرة عانقتهم؟ وقلتلهم نحبكم يا والديا؟

الوقت مازال ما فات. اليوم قبل غدوة والأيام ما تامنش.

كاين بشر، أعوام ما شاف أمه ولا أبوه، هاذاك يتيم، ووالديه في الحياة.
http://library.islamweb.net/newlibrary/display_book.php?idfrom=7513&idto=7515&bk_no=53&ID=1188#docu
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

عندك الحق
هدانا الله جميعًا ، اللهم أرضي عنا في الدنيا وأخرة
وأرضي علينا الأم الكريمة والأب الصديق
بارك الله فيك ، نفع الله بك هنا
رضا عنك الله ، وأصلح بينك
شكر وعرفان علي هذا الكلام الصادق
والنبيل شكرًا أخي الطيب

 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

allah yahdina w yahdi kol makhla9 ... sa7 mahma 9adamna lihom ndalo m9asrin fi 7a9hom
chokran akhi 3ala eltadkir ... kima 9olt anta 7yatna walat rotin w nasyin yji nhar natfar9o
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

السلام عليكم خويا الكريم
موضوعك هايل وانا متاكدة اي شخص يقرا موضوعك راح يحس وراح ينوض يسلم على امو ولو غايبة متوفية يدعيلها بالرحمة وما ننساوش الاب وانا نقرا تفكرت والدي ربي يرحمو والحمد لله كنت مع والدي فكل لحظة وحتى اخر دقيقة وهو يموت كانت عند رجليه ربي يرحمو ويلاقيني بيه فجانتو ماكانش اعز من الوالدين الله يخليلي اميميتي وراني نرضيها بكل طاقتي
الله يحفظ والديكم واللي كيما قلت راهم والديه معاه يبروفيتي كل دقيقة ويدي رضاهم بيهم ينجح وبيهم يفشل
شكرا موضوع هايل
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

السلام عليكم
شكرا جزيلا على الموضوع
الله يحفظ لكل واحد والديه
*رب ارحمهما كما ربياني غيرا*
آمين
شكرا
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

موضوع الله يبارك
شكرا
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

شكرا جزيلا لكم على التفاعل والمشاركة
أن شاء الله نكون في مستوى تطالعاتكم وآمالكم.
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

والله ياخويا مشكب كبير وتقصير عظيم مع الوالدين
من جيهتي الحمد لله يعني ما نقولش ما نيش مقصر لكن دايما تقلي الوالدة راني عاطيتلك دعوة الخير
هي والوالد نتاعي ...ربي يحفظهم كاامل ..
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

Bien dit.
 
رد: أنت، خويا... ! أختي... ! يماك وباباك في الحياة؟ إغتنم الفوز بالجنة

السلام عليك
اكيد مكاش كيما الوالدين
واحد مايقدر يمدلهم حقهم
ايه نتاع الصح لازم لواحد يكونو والديه راضيين عليه
صح والله من موضوعك تفكرت بابا ربي يرحمو
ان شاء الله نتلقى بيه في الجنة
وربي يخليلي ماما قرة عيني
وان شاء الله نمدلها واش نقدر عليه
وتكون راضية عليا
بارك الله فيك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top