يعني للصراحة وانا نحب الصراحة وحاجة في قلبي نخرجها يالوكان المهم ما تبقاش في قلبي
البارح قاعد نخدم في البروجي نتاعي الخاص بالدراسة حتى لحقت 23:59
ايا قلت نقعد نحدق بالساعة حتى نشوف دخول يوم ميلادي مالغري الساعة اللي ولدت فيها رسميا هي 5:30وقيل ولا الثالثة صباحا
المهم عادي ايا قلت نفتح البيسي نشوف احبابي وخاوتي اللي نشكيلهم ونبكيلهم ونحكيلهم
من بعد قلت اواه خاوتي لازم نخليلهم فرصة بالاك مكانش اللي راهو نايض بالاك وبالاك
الصباح نضت على 6.00 نورمال سقهويت وفطرت ورحت وصلت البروجي وعطيتو لصاحبي
ومن بعد مباشرة على 9:00 قلت ندخل وقلبي يخبط وقلت ضركا ندير سيلفي مع هذيك التهاني الحاااااارة زعما
واذا بي نلقى زوج ميساجات ايا قلت معليه نورمال ندخل نشوف هذو الزوج اللي يعزوني
دخلت نلقى كلا من الاخت نجمة البحر والخالة ام لينا باعثيلي نفس الرسالة يقلولي فيها تمت دعوتك لحضور التعارف نتاع الطفولة هذاك
فتحت فمي تحركو شواربي من القنطة نورمال رحت جاوبت على اسئلة الموضوع
وخرجت فتحت الفايسبوك لقيت حبابي اللي يفكرهم الفايسبوك تفكروني شكرت وباركتلهم العمل لكن قلبي كان هنا
وجدت الكابة نتاعي باش نروح لدارنا من باتنة وصلت السيارة نتاع عمي ومشينا لنص طريق حتى وصلني اتصال يقلي عيد ميلاد سعيد
على 13:35 يعني سبحان الله 12 ساعة فاتت ماكانش اللي تفكرك
معليه المهم ربي يجازيك خالتي ويهنيك ويفتحلك بيبان الخير في وجهك وشكرا ليكم الاعضاء اللي دخلتو هنا يعلم ربي شحال نحبكم
مي اليوم غاضتني عمري لدرجة ما تتصوروهاش
قبيل مريح مع الوالدة هي تحكي وانا خارج مجال التغطية مالغري هي اللي هناتني الاولى وهذا حاجة عادية لانو امي وتعرف وليدها
مي حبابي اللي بالاك يعرفو كثر من واش راهي تعرف الام نتاعي مكانش اللي تفكرني على البكري
الله يرحم ايام كانت تجيني الرسالة على منتصف الليل ويقولولي فيها احسب معانا وراكم عارفين علامن نحكي
ويرحم ايام تجيني كادوات من عند الناس الي حبوني صح صح واللي راح فيهم رااح ربي يهنيكم كاامل خاوتي وتصبحو بخير ..
..
