ان لم تستحي فاصنع ماشئت

[دعاء الجنات]

من نهار روحت للعرس تاع بنت خالي وانا حابة نكتب لكوم هاد الموضوع ونشوف رايكم فيه , عرس بنت خالي اي هي العروسة بصح انا موالفة نشوف العروسة تحشم بزاف وماتحكيش بزاف مع خوها او باباها على العرس تالمو تحشم كي تسحق باباها تبعث مامها او ختها وادا سقساها باباها واش يخص تحط راسها وتقول خاصني كدا..... وكدا
بصح اسمحولي كي شفت بنت خالي وانقصدهتش هي برك بل كل واحدة تدير كيما هي لو كان تشوفو كيفاه تحكي مع باباها وتتهاوش معاه على اللوازم تاع العرس وقبل عرسها بنهار تطبل مع خياتها الصغار وتغني وخالي معاهم وتهاوش مع باباها على راجلها علاه ماخليتولوش الكبدة ...... انا يما تسقسيني برك على خطيبي نحمار ونصفار
الحياء هو اجمل صورة للمرأة ..... وحتى بعض الرجال ماشاء الله يحشمو
بصح جيل وحد أخر خرج رهيييييب بزاف
ربي يبقي الستر​

 

[الامين محمد]

رد: ان لم تستحي فاصنع ماشئت

كثير ناس راهم يشوفو الحشمة
حاجة قديمة لكن للأسف تفتحو أكثر من اللزوم

أيام زمان كنا ما نقدروش نتفرج مع الوالد حتى نشرة الأخبار
اما اليوم فكل العايلة تروح للبحر باش تتبحر

فعلا تبحرنا خلاص و تبخرنا كاامل
فلم نتحضر تحضر لائق و لا حافضنا على أصولنا
و بقينا معلقين لا مطلقين و لا مرتبطين

شبه خطاب ماشين مع بعض ليلا و نهارا
و قبل الزواج يحدث الطلاق أو اطلاق نار

فصلينا الجنازة على أمتنا لكن بلا طهارة
لأن الطاهرون قد غابو و من بقي منهم في المحن ذااابوا

ذهب الحياء فذهبنا و لم يبقى أحد منا

الله المستعااان
شكرا أختي ملااك
​

 

[دعاء الجنات]

رد: ان لم تستحي فاصنع ماشئت

كثير ناس راهم يشوفو الحشمة
حاجة قديمة لكن للأسف تفتحو أكثر من اللزوم

أيام زمان كنا ما نقدروش نتفرج مع الوالد حتى نشرة الأخبار
اما اليوم فكل العايلة تروح للبحر باش تتبحر

فعلا تبحرنا خلاص و تبخرنا كاامل
فلم نتحضر تحضر لائق و لا حافضنا على أصولنا
و بقينا معلقين لا مطلقين و لا مرتبطين

شبه خطاب ماشين مع بعض ليلا و نهارا
و قبل الزواج يحدث الطلاق أو اطلاق نار

فصلينا الجنازة على أمتنا لكن بلا طهارة
لأن الطاهرون قد غابو و من بقي منهم في المحن ذااابوا

ذهب الحياء فذهبنا و لم يبقى أحد منا

الله المستعااان
شكرا أختي ملااك
​

عجبني بزاف كلامك اخي الامين محمد بارك الله فيك

 

[فيتامين سي]

رد: ان لم تستحي فاصنع ماشئت

ربي يلطف تاع الصح راحت الحشمة
المشكلة كون تحكي معاهم يسمعوك العجب على هدي تسكتي احسن
ربي يسترنا

 

[زهرة اللمة]

رد: ان لم تستحي فاصنع ماشئت

واش نقولوا ربي يجيب الخير