الفَـآصـــــلْ في حيـآةِ الكَثِيْــــــريْـــــــــنَ

[ضآحكة مستبشرة]

رد: الفَـآصـــــلْ في حيـآةِ الكَثِيْــــــريْـــــــــنَ

الفيصل في حياتي و اللحظة الفارقة ستعرفونها من خلال هذا الموضوع

https://www.4algeria.com/forum/t/425188/
​

شكرا على مرورك اخي الامين
ان شاء الله تزهالك الدنيا و ربي يبعد عليك الحزن و الهم
و تلقاها من قدامك خضرة و من موراك خضرة كيما يقولوا لعجايز
ربي يفرج همك خويا العزيز​

 

[ضآحكة مستبشرة]

رد: الفَـآصـــــلْ في حيـآةِ الكَثِيْــــــريْـــــــــنَ

ربي يوفقك ان شاء الله، أنا العام نتاع الباك فوتو عاااادي وماحبيتش نعطيه أكثر من حقو، كنت نقرى عادي كاين وين نروح ووين نغيب، والباك نتاعي جاء مع كاس العالم وانا نموت على البالو نشفى نتفرج شويا ونروح نفوت ونخرج ديراكت نتفرج والدارمقلقين بصح كان عندي باقاج نفوت بيه الباك ماحبيتش ندير ضغط على روحي يزيد عليا، الحاجة الوحيدة لي درتها ماهدرت حتى مع واحد من الدار يامات الباك 4 ندخل للدار ندخل للشومبرا كلش يوصلني كانو مقلشيني وكنت كي نخرج ماعنديش نتاع كيفاه درت وخدمت ولا ماخدمتش اي مادة نفوتها مانرجعلهاش خلاص باه مانمرضش والحمد لله جات نتيجة لأنو اكتشفت ان الباك خلايع برك بصح امتحان عادي وهو لي خلاني نندم لأنو لوكنت نعلم راح يكون ساهل كنت نجتهد بالاك ندير صيدلة لكن الحمد لله درت اختصاص مليح ولي يحب يخدم الضرسة ولا يدير الفم ههههههه يجي مرحبا بيه وكوراج للقدام

ان شاء الله يا ربي
ربي يخليك و يحفظك اخي تسلم

كاس العالم ميبانش مع لقراية لوكان غير جا كاين كاش كاس هاد العام علاقل نطير بيه شوية تعب
- انا كي كنت نجوز في البيام هداك النهار كانت تلعب الجزائر في وقت الراحة الناس تندب و انا جيت في الحجابة مع لي جوندارم و قعدت نتفرج حتى صونات الساعة هههه -
و الله صح تاع المادة لي نديرها منرجعلهاش لانو كامل الاساتذة نصحونا بهاد الشيء هاد العام
هههههههههه خلاص كي يوجعوني ضروسي راني نجيك خويا
الله يبارك عليك ربي يوفقك و مزيد من التألق ان شاء الله
نورت​

 

[ليليا مرام]

رد: الفَـآصـــــلْ في حيـآةِ الكَثِيْــــــريْـــــــــنَ

السلام عليكم اختي اهلا وسهلا
اولا الله يوفقكم وينجحكم جميعا ان شاءالله
خليني نقولك اول شي انو المشكلة نتاع لبنات وليجون اللي مقبلين على الباك مهولين الحالة علاه تلقايهم يعرفو يقراو وما يجيبوش الباك لانو رهاب الباك يخلعهم ويخليهم ما يركزوش شوفو للباك على انو امتحان عادي هو امتحان مصيري صح مي مش بالهول اللي تهولو فيه كلنا حسينا واش تحسو مس دوها من المجربين الباك مجرد امتحان عادي
نقولك الباك كان فاصل في حياتي فعلا مي صدقيني انا ما هولتوش عادي حضرت روحي ووجدت نورمال ولما دخلت اول مادة والله صج قلبي يضرب فال 200 مي استغفرت ربي وعادي نورمال كملت كل المواد واول مرة لما ما ديتوش والله ما بكيت ما ندبت مع انو الكل راهن عليا كنت نقرا مليح بزاف تخلعو فبلاصتي أني ما ديتوش وانا نورمال لانو كانت عندي ظروف خلاتني ما راجعتش مليح مي لما عاودت ديتو والحمد لله والفاصل انو تاخرت عام عادي وكملت قرايتي وين لقاني اكبر مشكل وهو صحتي اللي خلاني حبست نهائيا فوسط الطريق وهذا هو الفاصل في حياتي وما خلاصش لضرك
شكرا ربي يوفقكم

 

[الامين محمد]

رد: الفَـآصـــــلْ في حيـآةِ الكَثِيْــــــريْـــــــــنَ

شكرا على مرورك اخي الامين
ان شاء الله تزهالك الدنيا و ربي يبعد عليك الحزن و الهم
و تلقاها من قدامك خضرة و من موراك خضرة كيما يقولوا لعجايز
ربي يفرج همك خويا العزيز​

شكرا أختي العزيييزة

 

[ضآحكة مستبشرة]

رد: الفَـآصـــــلْ في حيـآةِ الكَثِيْــــــريْـــــــــنَ

السلام عليكم اختي اهلا وسهلا
اولا الله يوفقكم وينجحكم جميعا ان شاءالله
خليني نقولك اول شي انو المشكلة نتاع لبنات وليجون اللي مقبلين على الباك مهولين الحالة علاه تلقايهم يعرفو يقراو وما يجيبوش الباك لانو رهاب الباك يخلعهم ويخليهم ما يركزوش شوفو للباك على انو امتحان عادي هو امتحان مصيري صح مي مش بالهول اللي تهولو فيه كلنا حسينا واش تحسو مس دوها من المجربين الباك مجرد امتحان عادي
نقولك الباك كان فاصل في حياتي فعلا مي صدقيني انا ما هولتوش عادي حضرت روحي ووجدت نورمال ولما دخلت اول مادة والله صج قلبي يضرب فال 200 مي استغفرت ربي وعادي نورمال كملت كل المواد واول مرة لما ما ديتوش والله ما بكيت ما ندبت مع انو الكل راهن عليا كنت نقرا مليح بزاف تخلعو فبلاصتي أني ما ديتوش وانا نورمال لانو كانت عندي ظروف خلاتني ما راجعتش مليح مي لما عاودت ديتو والحمد لله والفاصل انو تاخرت عام عادي وكملت قرايتي وين لقاني اكبر مشكل وهو صحتي اللي خلاني حبست نهائيا فوسط الطريق وهذا هو الفاصل في حياتي وما خلاصش لضرك
شكرا ربي يوفقكم

و عليكم السلام اختي ليليا
و بيك يعيشك الغالية
ان شاء الله يوفق الجميع دون استثناء

شوفي اختي ليليت بلاك راكي سبقتيني بالخبرة لكن الهول فيها فيها و انا بالنسبة ليا يزيدني حماس لانو لما الكل يكون يحكي عالباك هنا يولي كل انسان يثبت في جدارتوا و قدرة التحمل و الصبر ديالو و انا وحدة منهم
و زيد على هدا لحد الان مرانيش خايفة الحمد لله لاني كلي ثقة في رب العالمين الا شوي تخوف من الفلسفة اما بقية المواد فكلي ثقة في ربي اولا و نفسي ثانيا

و الله يا ليليا قصتك اثرت فيا لكن واش تحبي ربي يمغلق باب حتى يحل عشرة و انتي من شخصيتك تباني قوية و صبورة
انا وحدة لوكان منجيبش الباك عادي جدا مع اني صاحبة اكبر معدل في شعبة اداب و فلسفة للنهائي
و بزاف يقولولي باكك راهو في الجيب لكن الانسان منعرف ربي واش يكتبلو
ربي يعوضك يا اختي و يبعتلك ايام زينة كيفك يا العسلة
و ربي يخليك ليا و للمة كامل
تحياتي لكي
موفقة

 

[GI Joe]

رد: الفَـآصـــــلْ في حيـآةِ الكَثِيْــــــريْـــــــــنَ

voiila aki goltiha saha hadhek makan
c nrml ydjik stresse
kamel chyanou w ana wellit 72kg, tellment mkaabri guelbi w nakol bach maykounch stress :-r:-r

sah l attente waa3ra w nhar resultat kont deçu bzef kont nestena fi 15,
w zid ki cheft l relevé bekatni l 14 ta3 l physique prc t3abt fiha w khdemt 3la 20

en tt cas pr moi makanch امتحان مصيري prc dert hakdek bark choix mba3da
jamais la kan 3andi but f la vie w c pas bien hadi


bon courage bon courage
nwassik akhtik bark men djma3a li yhelou sujet ba3d ma tfewtou dik la matiere w kouli mliiih
​

 

[ضآحكة مستبشرة]

رد: الفَـآصـــــلْ في حيـآةِ الكَثِيْــــــريْـــــــــنَ

voiila aki goltiha saha hadhek makan
c nrml ydjik stresse
kamel chyanou w ana wellit 72kg, tellment mkaabri guelbi w nakol bach maykounch stress :-r:-r

sah l attente waa3ra w nhar resultat kont deçu bzef kont nestena fi 15,
w zid ki cheft l relevé bekatni l 14 ta3 l physique prc t3abt fiha w khdemt 3la 20

en tt cas pr moi makanch امتحان مصيري prc dert hakdek bark choix mba3da
jamais la kan 3andi but f la vie w c pas bien hadi


bon courage bon courage
nwassik akhtik bark men djma3a li yhelou sujet ba3d ma tfewtou dik la matiere w kouli mliiih
​

اهلا بيك اختي نورتي الموضوع
و الله بخصوص الماكلة انا ناكل عادي لانو معنديش خوف يمنعني باش مناكلش
راني ناكل و نرقد و نقرا غير بشوي مرانيش نفورصي على روحي لانو علبالي بلي الباك عندو يامات و متدوم غير الصحة
ان شاء الله ربي يروفقك اختي
بالنسبة ليا عندي هدفين لمقدرتش لواحد بإذن ربي نحقق الثاني
و اكيد مراحش نحل لي سوجي مع جماعة التعواج و العباقرة هادوك
ميرسي على الزيارة الطيبة
نورتي​

 

[السلطانة]

رد: الفَـآصـــــلْ في حيـآةِ الكَثِيْــــــريْـــــــــنَ

وعليكم السلام هذا الموضوع قريتو كيما حطيتيه وعجزت باه نرد
ياحصرا وليت بالسيف نقرى ونرد الوقت عاد ماكانش
المهم
الباك كيما اي امتحان اخر فقط المجتمع تاعنا لي ضخمو وكبرو وعطاه كثر من قيمتو
حتى وصلت انو كاين ناس دارلها هاجس منو وخافو قبل ميفوتوه وهذا ماشي نورمال خلاص
ذكرياتي الجميلة من بكالوريا 2007 :

أول اسبوع رحت نفوت فيه
نشفالها كي اليوم كان اسبوع الحرارة فيه مرتفعة بزاف
اتكلت على الله بعد انهاء المراجعة
الصباح وصلني خالي ربي يحفظو للثانوية لي راح نفوت فيها
وصلت لقيت الغاشي يسنى بنات منعرفهمش وكاين من صحاباتي لانهم خلطونا مع ثانويات خلاف
اول مادة اللغة العربية
رحنا حوسنا على اسامينا لقيناهم مع رقم الحجرة وجدنا الاستدعاء وبطاقة التعريف الوطنية
دق الجرس دخلنا
وزعولنا الاوراق عمرنا المعلومات تكلمو معانا الاساتذة الحراس شوي طلعولنا المورال راقبوا الاوراق
والاستدعاء وبطاقة التعريف
وبعدها جابو الاوراق ووزعوهم وبدينا الاجوبة
بسم الله
نشفالو مليح كان نص على العقّاد وكان طويل
(حنا كنا اخر دفعة قبل مايبدلو طريقة الاسئلة في البكالوريا ماكانش عندنا اختيار)
كانو يعطونا بيت شعري فيه اسئلة على القواعد
على 5 نقاط والباقي نخيرو بين:
نكتبو مقالة او نجاوبو على النص
وكنا نروحو للنص لانو اسهل من المقالة لي كانت صعيبة
لاعلينا
بديت نجاوب والنص طويل قريتو مليح
وبديت نجاوب
ومباعد بدات الشوشرة الشعب حارتلو في الصورة البيانية
كناية او استعارة
وبدا النش هيا عيطو الحراس عليهم سكتو
شغل 2007 ماكانوش يكوبيو كيما درك مازال ماظهرت ال 3 جي :tongue02:
هيا المهم بعدها فوتنا بقية المواد
وكملنا الاسبوع
اخر يوم جيت مروحة مع البنات كلينا لاكرام
وودعنا بعضانا
وبعدها جات ايام الانتظار واستنينا
لحين جا الوقت
وكنا نشوفو في موبيليس قبل مايبطلو منها
المهم وكان خالي عندنا هو لي شافلي وقالي مبروك راكي نجحتي وبديت نبكي ويما تبكي
لأني كنت نقول بلاك منجيبوش وخفت من الفلسفة
شوي لقيتها هي لي طلعتنلي والنقطة تاعها 13
يعني عمرك تفشلي روحك ولاتسمعي هدرة الناس خليها على ربي برك
وربي ينجحك ونفرحو معاك