وتغبرطت البكالوريااا

[حكيك]

رد: وتغبرطت البكالوريااا

غير السجناء الذين يجتازون امتحان شهادة البكالوريا دورة ماي 2016 هم وحدهم من سينجحون بمثالية بعيدا عن الغش فمستقبل الجزائر فى سجونها وليس مدارسه

 

[مشاعر قلم]

رد: وتغبرطت البكالوريااا

البكاوريا سقطت مصداقيتها في الحضيض والمنظومة التربوية تعاني من قصور كلوي وفشل رئوي وسكتة قلبية من جميع النواحي
الطالب الجزائري تم اعدامه اخلاقيا بحيث اضبح يستصغر كل ما له علاقة بالنزاهة والشفافية مجتمع مظلم وطريق لا ندري اي اين ستصل بنا
وزراء اليوم سيكونون غدا ارحم من وزراء المستقبل في نظرنا وبن غبريط غبرطت المجتمع الجزائري لكن لا ننسى انه لا دخل لها باي شكل من الاشكال
الى الوزيرة والخطأ الوحيد الذي ارتكبته الوزيرة بن غبريط هي سنها للقوانين في اسبوع البكالوريا وكان لابد لها ان تحذر الطالب حتى ياخذ الامر في عين الحسبان
وكل الاخبار اليوم تنبأ بمستقبل كارثي للجامعات الجزائرية​

 

[tistissa dj-tissou]

رد: وتغبرطت البكالوريااا

كي نتفكر عندي باك 2014 نحمد ربي ونشكرو على النعمة
هاد العام في الباك راه كارثة عظمى تاع الصح
يعني من المؤسف جدا هاد الشي انا كي نسمع بالباك جسمي يقشعر تالمو اللي ولات الحالة محولة لاحول ولا قوة الا بالله العلي العظيم
انا نقول اكيد انها مؤامرة ضذ بن عفريت الله لا تربحها وخدت التلاميذ مساكن
ربي يعدل حوال البلاد
​

 

[ليليا مرام]

رد: وتغبرطت البكالوريااا

عـــــــــــــــــاجل :
تسريب قائمة الناجحين في الباكالوريا : - شارجور نوكيا السعيد
_ حشيشة مسقية رقية
_علام بوعلام
_حيزية دار سبيطار
_بالبلوتوث خالد
_الكيتمان عائشة
_خرجت السوجي فتيحة
_ميسنجر عمر
_شعبان رمضان
_21 ماي زوبير
_نعاود الباك حتى نجيبو فضية
_اخت مرت لي دار السوجي مليكة
_الشابة لي معندهاش الزهر ميمي _شارلمونتي حليمة
_الصامط عبد الباسط
_البهلول جلول
_عواشير ذهبية
_اقصاء لمياء
_روطار عمار
_نقتل روحي خديجة
_فيديو وكيلكم ربي تاج الدين
_البراح فراح
_نرمي روحي يوسف
_حرام عليكم ليلى
_الحافظة ربيحة
_الخباشة كنزة
- 3جي خالد
- كي يخرج 4جي سمير
- مول الزربية فريد
- دخلت مور 8ونص سعاد
لونكبرومو ليليا ......... المدعوة شدتني سيروكلاسيو

راني زدت اسمي للقائمة ههه

 

[الزهرة الحمراء]

رد: وتغبرطت البكالوريااا

السلام عليكم خويا جليل
اولا يعطيك الصحة على الموضوع لي شحال وهو غابني
ثانيا هذا يبقى موضوع شائك وواسع ولوكان نفتحوه ماناش رايحين نسكروه
نبداو بموضوع اقصاء المترشحين ...شوف خويا انا فوت الباك العام لي فات والعام هدا تاني ...وهاذي تع الإقصاء العام هذا ضيعت حق بزاف طلبة ...كيما نعرفو كامل أنو الباك نورمالمون يبدا على 8:30 ولكن لحقت اوقات وين فات الوقت هذاك ولي سوجي مازال ماتوزعوش فالأقسام نشفالها نهار العلوم والله بدينا على 9:00 يعني كي نحسبوها نلقاوها نصف ساعة روطار هاذوما ماكانش لي حاسبهم على الروطار تاعهم ولكن التلميذ بسبب تأخر خمس دقايق يضيعولو عام من عمرو وهو لي قعد عام كامل يوجدلو مابين تعب وتوتر وقراية
يعني تجيك في بالك تلميذ يقرى في مؤسسة معينة ومبعدة في وقت الإجراء يبعثوه لمؤسسة خلاف بعيدة على وين يسكن مانعرف بشحال علاه ماش كل واحد يفوت فالليسي تاعو طبعا مع تغيير الأساتذة
وبالنسبة لقضة الاقصاء تاني انا من رأيي هاذي ترجع لرئيس المركز لأنو حتى ويجي الطالب روطار بخمس دقايق بسبب أمر خارج على يدو علاه مايخليهش يدخل يفوت عادي ...علاه بن غبريط رايحا تعرف اذا فلان ولا علان دخل روطار هاي ماكانش منها وصراحة انا المركز لي فوت فيه كانو طلاب يجو روطار ولكن يخلوهم يدخلو ....
الآن نرجعو للطامة الكبرى ولي هي فضيحة تسريب مواضيع البكالوريا ....حنا قلنا بكالوريا 2015 كانت الأفشل بسبب واش صرا فيها ولكن ظهر العكس ...يعني تجي تشوف الغش عن طريق الانترنت راهو ارحم وابرك من أنو سوجي يخرج .....ولوكان مادة ولا زوج لا علينا راهي تحدث في ارقى الدول .تلحق انو مواضيع تع مواد اساسية تتسرب ....نشفالها نهار الاثنين رايحين نفوتو رياضيات الناس سي بون عندها السوجي بالحل النموذجي من aحتى z وجايبينو معاهم ..واختك من هنا رايحا الصبحة هاذيك المورال بعد طايح ومديقوتية ...الناس تبكي بعد ماتشوف السوجي انا لالا بكيت قبل حتى ماندخل نفوت ههههه ..تزيد تكون تفوت وعبالك بروحك عاميها خلاه تشوف قدامك تلقى واحد عادي جبد ورقة الاجاية لي كان جايبها واطلق العنان للسيالة .مع العلم أنو الشعبة تاعي علوم تجريبية تسرب فيها موضوع الرياضيات .موضوع الانجليزية ..موضوع الفرنسية ...موضوع الاجتماعيات ...موضوع العلوم ...موضوع الفيزياء ..نزيدك من الشعر بيت ...سامحني خويا يمكن ردي طويل ولكن الله غالب القلب معمر وماكانش وين يفرغ .....تكون تفوت عادي في أمان الله يجيك استاذ بعد تقول كليتلو رزقو ولا رزق باباه ويطيحلك انا النزيه وانا الشريف ومانعرفش للغش طريق تقعد تفوت تلقى استاذ خلاف يدخل للقاعة ويجيب الحل النموذجي لتلميذ آخر ويعطيهولو والأستاذ لي كان داير درس أخلاقي يشوف ويسكت مايهدر والو أين هو حديثك عن محاربة الغش ايها الاستاذ مع انو ممنوع استاذ آخر يدخل في نصف الامتحان لقاعات اخرى ......
وزيد انا والله يلعن كلمة انا نحير في هاذو الناس لي يجرمو التلميذ على خاطر حل السوجي فالدار ورايح يفوت ويحملو التلميذ كل المسؤولية وناسيين انو التسريب الاول ماكانش من طرف التلميذ كان من طرف الاستاذ لانو نعرفو انو الاسئلة يديروها في سرية تامة بمعنى التلميذ ماهوش رايح يدخل معاهم
وزيد انا يحيروني لي يقولك كيفاه التلميذ يحل لي سوجي فالدار ويضرب طلة عليهم
انا ومن مكاني هذا ومانيش رايحا ندعي المثالية عليكم ونحط روحي أنو ربي خلق ملائكة فالسماء وخلقني انا فالارض ..انا لوكان طاح في يدي سوجي أي مادة ومهما كان نوعها نطل عليه ونطل على الاجوبة تاعو ...بالرغم من أنو من نهار بديت نفوت ماصادفني حتى سوجي لاني قبل مايبدا الباك ديزاكتيفيت الفايس تفاديا للبلبلة لي تؤثر على التلميذ بالسلب...انعم نقولها ...هذا ليس جهر بالمعصية لا تعودوا تجوني وكل واحد زيماه يفتي عليا .على خاطر هناك فرق بين انك تكون فالفايسبوك دور تشوف سوجي وتشوف الحل تاعو وبين انك تدي معاك الاوراق بالاجابات النموذجية ..لمركز الاجراء على خاطر هذا يعتبر غش ....كاين لي رايحين يقولولي علاه كي تشوفي الاسئلة برك ماهوش غش ..لا على خاطر كي يتحط السوجي يكون تضارب بين اذا كان صحيح ولا غالط بمعنى يبقى مقترح والتلميذ كي يطل عليه ماهوش يغش على خاطر التلميذ راهو يقرى 9 شهور وطيلة هاذيك المدة تكون مقترحات من طرف الاساتذة
ملخص الحديث السوجي كي يتحط يكون في هاذيك الحالة مجرد اقتراح ولكن بعد مايقرر التلميذ انو يدي معاه الاوراق ويجبدهم هنا تتحقق حالة الغش
وتاني بالنسبة لمن يتهم التلميذ الجزائري بأنه يفتقر الى الأخلاق ...اذا كان التلميذ هكا فكيف هو الحال بالنسبة للأستاذ الذي كادأن يكون رسولا .....ولهذا يجب تشخيص الداء لمعرفة الدواء في قطاع التربية
خويا جليل اسمحلي يمكن طولت عليك ولكن حاولت نختصر قد مانقدر
يعطيك الصحة انك طرقت للموضوع هذا
تحياتي ​

 

[باتنية و نص]

رد: وتغبرطت البكالوريااا

بغيت نبكي
ندمت علاه معاودتش الباك هاذ العام
نخرج طبيبة. وكي يجيني لمريض يداوي
نقولو الجرح يبرا بالدوا ..

 

[بنـ MaPa ـت]

رد: وتغبرطت البكالوريااا

بصراحة لي قرا قرا بكري ما بقات قراية دوك سي بون
انا جوزت باك ليبغ هاد العتم فريمون تجربة رائعة و الله نبات نعس في ليسوجي يخرجو خخخخ
ان شاء الله ربي بجيب الخير و خلاص ماهي الا مؤامرة لا غير الله يجيب الخير

 

[جليلوس]

رد: وتغبرطت البكالوريااا

واش نقول غير حسبيا الله و نعم الوكيل
صعب تلقا روحك انت قريت و غيرك يديا و هو مريح

وي هادي قاع قالتلهم ارقدو نغطيكم
بزاااف صعيبة خاصة لواحد يكون يقرا ويخبش
وفي تالي يديها عليييك واحد باين سهران قدام الفايسبوك ولقاها واجدة
​

بصح واش راح يستفادو بالنسبة ليا لي غش و لي خلاهم يغشو انسان حقير ...تافه .غبي

خلي البير بغطاااه راهم منهم وعليهم العجب المعجب
وكيلهم ربي سبحانووو
​

من بعد يقولك اليابان نونونو مطيحوش بيها و تحطو اليابان قدام بلادنا اوووو بغيتو يجو يحتلوكم
قالك رواح بكري مزال ميشوفو طريق كي تتبلع مي نسيت هما يركبو في الطائرات ديراكت

اي وي هاديك سموها الجابون ماشي لالجيري ....
الله يجيب الخير
​

من الخوف ولات تروح مع صحاباتها ساعة من قبل و هما برا غير باش ميلقاولهمش سبة
و مساكن لي بعاد راحت عليهم هنا طردو بزاااااف ...وكيلهم ربي ظالم ميربحش
وفرولهم ركبة عاد يحلو فامهم مي هما يعرفو غير بلا بلا بلا بلا
و تطبيق والو ..ربي يجيب
يجي داك الحمار لي عام كامل ماشي في عقله شراب ///خلي البير بغطاه //يقولك ساهل خدمت رسلوهلي في الليل و التلميذ لي عام كومبلي هو يتعب تتطفر فيه
حسبنا الله و نعم الوكيل فيهم و في لينقل و في لي غش و في لي خرج الموضوع
الظلم ظلمات يوم القيامة .....تغش و ترجع طبيب و تبقا حقيييير متسواش بصلا
انا هذا الموضوع يخنقني يغمني ......و لي يحكي على النظام و الوقت انهم يستاهلو نقولك لي رجليه في الما ماشي كما لي رجليه في النار

راكي مفوكرة كتر مني ههههه يحسن العون هاو كاش مخلاولنا عقل :-r
كانت باينة تكمل كيما هااااك واش نديرووو
غير ربي يهدي ماخلق .... الباك هادا غير نظام دولة ولا حديث الكل
وشغل التسريبات داروها تحريشة في كل بلاصة تلقاهم يهدرو عليهااا ....
اودي نزيدك تالية هههههههه
واحد في قاعة الإمتحان قالهم اعطوني غير ورقة الإجابة ماعندي ماندير بالأسئلة :d
سلامة راسك بالعقل ديريلنا كارثة تاني علينااا رانا غير نسايسو وما قديناااش
​

....مراكش عارف لي يسكن بعيد و طريق كي تتبلع ساعة لنحلت
و الأهم رانا في بلاد مسلمين+كاين حاجة اسما الإنسانية لي مكايناش في بلادنا

الله يجيب الخير هوما مايخمووش كيما راكي تخممي ... الله يهدينا ويلطف بهاد البلاد والعباااد
شكرا لتواجدك :regards01:

 

[جليلوس]

رد: وتغبرطت البكالوريااا

السلام عليكم
عاش من شافك جليلو هادي غيبة

وعليكم السلام ورحمة الله
سمحولي طولت باش رديت عليكم خيتي اميرة
راني بخير سوال عليكم ... الله لا يغيبك
هههههه ها كل يوم رانا نتعاودوو بلخبااار :d
:d راكي عارفة العقلية
​

بون بالنسبة لرمعون هادي كل مرة تخرج بحاجة جديدة

ربي يهديها راها غير تخلط مسكينة ... بروبلام رانا غير نتبعو لم نحرك ساكنااا
اياااا خليها تخلى وتبيع اللفت :p:p
​

بصح كامل لي صمطت فيها الاقصاءات هادي

ياودي بزاااف مرgتهااا gااااااع :tongue02::tongue02:
​

والله بزاف عليهم مساكين شحال عام كامل وهما اجبد جبد وفتالي 5 ولا 10 دقايق روطار اقصاء
تعب تع عام كامل راح
والله غاضوني وحدين قصاوهم جابوهم فالاخبار يحكيو والله يشفوو صح وحدة بلاك شفتها الفيديو تعها راه يدور فكل بلاصة قريب هبلت وهي تخبط وتوغ وتزقي كي ما خلاوهاش تدخل
ولي تشبط مع الصور تع الثانوية ولي نقز من الحيط ولي ولي ... كل واحد وظروفو يعني ما تعرف كامل كفاش وتتقدر تصرى حاجه وتجي روطار ،، الله لا تربحها قهر وحقرة عيناني زعما

اودي بزااااف ... بكاوهم بصح كاين ربي يخلص ماتخافيش
دروك راهم يقولوا مسكينة سمحتلهم يفوتوا ويعاودوا .... ها قتلك شعب غير يطبع تبع وخلاص :p
نزيدك حاجة شفتي هاديك لي كانت توغ وتزgي وتعيط هي فتحت السوجيات مع معالي القوفريطة
ايه تلفوها نورمال العشية طردوها والله غاضوني مساااكن مايقدروش الموقف والضروريات تسبق الحتمياااات
الله غالب التغبريط وصل الذروة :d
​

بنتها تاني راها تفوت الباك هاد العام شوفوها وكان تجي نص ساعه روطار يدخلوها نورمال باينه ويزيدوها نص ساعه فتالي باش تكمل فغرضها

هههه يفرشولها طابي دووور وبالعسة الله الله شانقولك .... يديرولها كليماتيزوور :smile02:
:smile02: نونونونو سيدي الحكم هادي مايبغيهاش ربي .... ياربي تخلص فيهم ياربي
​

ادا كان الشعب ووصلو السوجي للدار وحلو وشافو يتسمى بنتها راها علابالها بلي سوجي من نهار اتخدمو
السوجي لي يتخدم يروحلها ليها تحلو وتوجدو وتحفظو ونهار الباك غير تكوبيي وش كتبت وخلاص هههه

هههههههه تحلو وتعطيهم الكوريكسيون تيييب :p
​

هادي تع تسريب المواضيع قبل حتى ما يدخلو لمراكز الاجراء باين بلي وراها ريسان كبااااار كبااار حابيين يتهناو من رمعون هادي ايا راهم يديرولها فالعراقيل
(ربي يكون معاهم :sport02

اودي ماطيرش باسكو عندها خيط صحيح مايلاشيش وبوتفليقة راهو قالك نعزز ثقتنا في شمعون
طفرت غير في صحاب الباااك مساكن ... والله :down:
وجدي روحك العام لجااااي ههههههه نجيبلك السوجي في سيتمبر تحليييه ماتشقايش تروحي تفوتي :p

الله يسهلك ان شاء الله ديري لي عليك ولباقي على ربي
​

الله يجيب الخير برك كل خطره تبان حيه على طبع
صحيت خويا جليلو راه باين طلعلك التغبريط للراس وجيت تفرغ قلبك هههه

هههههه اودي النعناع ناضلي في راسي بفففف .... الله يجيبها زينة برك
خلي نشوفوا البكالوريا الجزئية كيفاش تفوووت :d باين كارثة كثر من لولاااا ههههههه

يعطيك الصحة اسعدني مرورك

 

[جليلوس]

رد: وتغبرطت البكالوريااا

السلام عليكم اهلا وسهلا نورتنا جليلوس

وعليكم السلام ليليا ... النور نوركم يعطيك الخير
​

شوف نقولك اول شي هذي غش ما غش ياخي ما نكذبوش هي باه جات وزيرة شبعت كوبياج زيد خويا بوتفليقة وراه كوبا مع خوه السعيد كيفاه واحج شعبي ما يكوبييش ايا خلينا

ههههه واه مكاش حاجة مبينة على الصح ... كلش راهو مخروب في هاد البلاد
​

والله شوف خويا السوجيات خرجو وخرجو من الوزارة هي مش هي ما يهمناش باه تقولي زوالي راح حطهم فالفايس احوجي منين هذا طالب نتاع الهند حتى يعرف ياو هوما في هوما وزكارة فيها

ايواااه هادي هيااا السوجيااات من عندهم تحتهم الريسان الكباااار ... باتت غير في الزوالي مسكين
​

الصراحة هي فالاقصاء كثرتها ومرقتها مش من حقها تحرمهم علاه الواحد يتعب وتجي هي تضيعلهم مستقبلهم نورماملو لو جيت انا منهم واهاليهم نوضو نحرقو الدنيا الزوالي هذا ديما متفرة فيه علاه والفو بينا ساكتين

والله العظيم ... غير راسك يحبس
علابالك خلاص ماوليتش نستوعب ...
راهم يقولوا راح يعاودولهم زعما منها عطاتهم لاشونص ايااا نشوفوا هاد المرة كيفاه راح تفووووت
وراني شاك تكون تبهديلة كبيرة كتر ملول الله يجيب الخير

​

نشفى زمان كنت نقرا خرجو مراقب كنا نحبوه متربي وعاقل بطلوه من الخدمة على جال كلمة حق نقولك الليسي كلو وقف برا التلاميذ كل الاقسام وما حبيناش نقراو ودرنا اعمال شغب واش نقولك اختك جرات المدير بالحفا وجبنا الصحافة حتى جاو من لاكاديمي اعتذو وردوخ للخدمة وزدنا زكارة فالمدير درنالو حفلة واش نقولك ورقاو فالادارة لما سمعونا وحكينا عليه وشكرناه طلعوه لمراقب عام بلادنا تحب الصوت العالي الزوالي ساكت خلي يعفسو عليه

اودي نستعرف بيكم علابالي ليليا آرgازة ههههههه تحصيلها
الله غالب مكاش لي يهدر كل واحد خايف على راسو راكي شايفة كيفاه
ايوا والزوالي يخلصها غالية :tongue02:
​

الله يديهم من الكبير للصغير برلمان العجايز

آمين آمين ههههههههه رانا صايمين كاش باب مفتوووح يستجاااب لينا
​

يعطيك الصحة ليليا بارك الله فيك

 

[جليلوس]

رد: وتغبرطت البكالوريااا

السلام عليكم ورحمة الله وبركاته

هذو لحوايج لي هوما في الصح كارثة بصح نضحكو عليهم هوما لي نقولو عليهم شر البلية ما يضحك والله ما تتصور شحال راني مغزلة من الموضوع هذا ومحتقرة الناس المتطئين في الظاهرة هذي الجديدة لي طلت علينا من 3 سنين تقريبا ... وأنا ما نشوفلهاش خلاص من الناحية الدينية على خاطر مانيش أهل للفتوى ونبدا نخرط على الشعب ونقول الغش ومعرف واش ونهانا عليه الرسول وأنا أصلا فيا عيوبي ... الموضوع أنا نشوف فيه من ناحية أخرى تاني ولي هي بهدلو بينا وطيحو شان التعليم في الجزاير لوكان هذا الشي صاير بلا واحد يسمع بينا نقدرو نبلعوها مام ما تتبلعش بصح الأخبار هذي راهي توصل آخر الدنيا والناس الكل تسمع بينا بلي الباك تاعنا رجع مهزلة وأنا الشي لي يشوه سمعة لبلاد نكرهو ونبغضو ... غدوة منداك لوكان واحد جزايري يحب يكمل قرايتو برا يرجعوه يبدا يقرا من الابتدائي والله ما نحير على خاطر يقولو التعليم تاعهم مهزلة والبارك تاعهم مهزلة ... على خاطر هذو لي راهم ينقلو أصلا تفكيرهم محدود وعينهم نظرها قصير راهم غير حابين يجيبو الباك برك ويطلعو للجامعة مي كاين راهي عينهم بعيدة النظر وحابين يكملو قراية برا وبسبة كومة جاهلين يخلصوها غالية ... والله نتمنى من كل قلبي كل واحد عملها يخرجها فيه ربي وما يديش الباك ولا يفيقو بيه ويقصيوه ان شاء الله .

وعليكم السلام ورحمة الله
اهلا بيك شابوغون غوج :d:d نورتينااا
ايه صح غير كيما جااات هاد لامودا الجديدة حبسولنا المخ والله العظيم كيما تجي تفهم دوخ
ايواه يعطيك الصحة هادي الهدرة الزينة ... مابقااا تعليم في بلادنا غير شكيل كل عام رانا نرجعو للوراء والمستوى في الحضيض للأسف
وراهم كامل لجنااس شافونا معا تبلعيط الصحافة كارثة وصايي ... وكيما قلتي المحرم راه في المجرم ... باتت في الزوالي مسكين
ربي يجيب الخير هادا مانقولوا الخسارة عدوك وماتتمناهالهش بصح لي يبنيها على الساس المخدوووع عمرو ولا ينجح
يعطيك الصحة سرني تواجدك خيتي :regards01:

 

[جليلوس]

رد: وتغبرطت البكالوريااا

السلام عليك
مرحبا عاش من شافك
جا عليك الإسم نيشان ههه
المشكل مش فيهم الطلبة المشكل في القماقم الكبار كيما قلت
شكون سرب السوجي ؟ شكون راه يخلي الطلاب ينقلو ؟
و شكون شكون شكون

وعليكم السلام ورحمة الله
اهلا اختي آمنة هادي غيبة ان شاء الله تكوني بخير
هههه شفتي جا عليااا ياااك :-h:-h كي راني نبااان دروك تبدلت :p
ويبقى السؤال المطرح لوينتا راح يبقى العليم في بلادنا هااكااا
ربي يجيب الخير الحالة ماهيش تعجب والله

 

[جليلوس]

رد: وتغبرطت البكالوريااا

والله وش راح نقول لخويا الباك يا الباك بكري كان صح باك
والله العظيم كان بكري غي فلان وفلان يدو البااااك وغي ب 12 كانو يطيرو قراية يا حسراااه
وين تجيبهم معا تاع دروك ... خلي البير بغطاااه حمبوووك فوكرنااا ماصبنا وين نصدووو :tongue02:
كان عندو قيمتو شكون لي كان يجيب الباك تروح تشوف تلقى نسبة نجاح ضعيفة بزاف ما تقليش الجيل تاع دوكا عندو الوسائل وهاديك الخزعبلات .. دوكا راهم ردوه خردة ما عندو حتى معنى تعرف واش يغيضني من هاد الحكاية غياب مبدأ تكافؤ الفرص واحد مسكين يجبد ليل مع نهار ويخدم بنيتو وبلا غش بالسيف يدي بعرقو وحبيبنا راقد وسوجي عندو والله حرام هاد شي واحد قاتل روحو ولاخر يطلع بالكوبياج ومش عارف
بصح راهم غالطين حسبو الجامعة دوملهم ههههه ياودي غير اسنى شاراه يقارعلهم ... من عامهم لول يغربلوهم
هههههه قاله نديرو ميدسين ولا لافياسيون يااااو طب طب دوووك تشوف ميدسين يا الغشاش
تعرف جاليلوس خويا انا ما نلومش بن غبريط ولا فلان قد ما نلوم رواحنا احنا لي خسرنا خويا في كلش ننهبو نسرقو نكوبييو كلش بريكولاج علاه وين راح نوصلو بهاد العقلية ونقولو جيل الغد وشباب المستقبل .
خويا بصح تاني هوما ماخلاوش الشعب يعيش براحتووو ... الضغط يولد الإنفجااار
علاش حنا في عوامنااا درنا كيمااا هاااك هااا كانت الغفلة وكل واحد يخمم في لافونير بصح دروك قولي شكون راه يخمم فيها
قاااع بايوليو طبااا ودكاترة ومانعرف واااش هههههه بواااش بالهف برك والكوبيااااج
هههههههه والله ماخلاوني نخمم آلاز راك تشوف غير وحدي ندووور في حلقة مفرغة
التغبريييط وصلي للحلق :p
والله ربي يهدينا برك
يعطيك الصحة خويا طريقة طرحك للموضوع مميزة
تحياتي صديقي
​

آمين خويا هاداك مانقولوا ربي يرزقنا الهداية والثبوووت
تعيش تحية اخوية متبادلة :regards01:

 

[جليلوس]

رد: وتغبرطت البكالوريااا

سلام عليكم خيو جاليلوو عش من شافك هذي غيبة ...
اهلا وعليكم السلام ورحمة الله
الله يسلمك ... الله لايغيبك ان شاء الله
بخير سوااال عليك
المهم والله كارثة تع الصح وش راهي صاري مهزلة وتبهدايلة تع الصح ...
واااه تبهديلة والله ملكبااار حشمووونا :tongue02:
راهم لحابو يهردو التعليم ف الجزائر وافساده نجحو وهردوه باستعمال كل الوسائل وكانت بن غبريط المرسول والمدعم من طر‏‎فهم والتلاميذ ضحيه خصوصا المجتهدين واللي تعبو غاضوني صح ..اما بخصوص اللي غشو وسربو المواضيع هذوك ان شاء الله يعذبهم ضميرهم وربي يهدي ماخلق ...
راح التعليم في بلادنا قاااع داك العام بسلامة
حسبي الله في كل لي غش ومازينش النية في هاد البلاد
كبير ولا صغير
حسبنا الله ونعم الوكيل في كل من ساهم في تشويه وفقدان مصداقية التعليم ف الجزائر ...

ربي يصلح الاحوال على كل حال..

الى متى ...؟....؟؟؟
آمين ياااارب
الله يجيبها زينة برك .... قلتلكم الحالة ماهيش تعجب
شكرا ع الموضوع خيو..
بالتوفيق..​

شكرا لمرورك اختي سارة
بارك الله فيك

 

[جليلوس]

رد: وتغبرطت البكالوريااا

عـــــــــــــــــاجل :
تسريب قائمة الناجحين في الباكالوريا : - شارجور نوكيا السعيد
_ حشيشة مسقية رقية
_علام بوعلام
_حيزية دار سبيطار
_بالبلوتوث خالد
_الكيتمان عائشة
_خرجت السوجي فتيحة
_ميسنجر عمر
_شعبان رمضان
_21 ماي زوبير
_نعاود الباك حتى نجيبو فضية
_اخت مرت لي دار السوجي مليكة
_الشابة لي معندهاش الزهر ميمي _شارلمونتي حليمة
_الصامط عبد الباسط
_البهلول جلول
_عواشير ذهبية
_اقصاء لمياء
_روطار عمار
_نقتل روحي خديجة
_فيديو وكيلكم ربي تاج الدين
_البراح فراح
_نرمي روحي يوسف
_حرام عليكم ليلى
_الحافظة ربيحة
_الخباشة كنزة
- 3جي خالد
- كي يخرج 4جي سمير
- مول الزربية فريد
- دخلت مور 8ونص سعاد

ههههههههههههههههه :d
وسربتو تاني النتائج ... اجري يابن قوفريط اجري :yahoo01:
زيدي تاني مولات العجار اشواق ههههههه .....
السلفي مول الكادو زين العابدين :d

 

[جليلوس]

رد: وتغبرطت البكالوريااا

السلام عليكم
موضوع الحدث هو تسريبات الباك
والله غير كارثة انا كي سمعت كل مرة الموضوع يسربوه نبقى حايرة
هذا هو العالم الثالث يستعمل التكنولوجيا في غير محلها
​

ههههههه العجب هيه ينوضلك القرنون في جبهتك :d
ربي يهديناااا كلش عندنا بالمقلوووب ومافلحنا في حتى شي
ربي يجيب الخير ويجيب موالييييه :up:

 

[اسيل الحياة]

رد: وتغبرطت البكالوريااا

ايه ربي يجيب الحفظ والسلامة في 2016 خرجوا لي سوجي في 2020 واش يدير
ناس تطور وحنا نولو لرول

 

[جليلوس]

رد: وتغبرطت البكالوريااا

سلالالام عليكم

وعليكم السلام خويا
موسيو دراكولا نورتني حبيبي:-r

​

يمشي في الحومة سمع خرج خرج خرج ياك تفجع وقال المسيح الدجال هو الي خرج كسقسا قالولو بلي سوجي الباك هو خرج =p

هههههه لعجب هاد الشعب توقع منو كلش
​

هدي النكتة تعبر على المنظومة الغبريطية التربوية التعليمة الي زعما جات باه تصلح الاوضاع وتقلبنا نافسو دول

العالم المتقدم حتى ولينا نافسو في الدول المتخلفة على المرتبة الاخيرة في الفساد .

ياحي قاله جات تصلح الاوضااااع يااا عماتها يعمي قلبها
عند الحق والله كلش راهو فاسد فلبلاد اسكت برك تبهديلة وخلاص
​

بن غبريط -كونفشيوش الجزائر- من اول مجات وهي مركبا الشكوك على اصلها وشكون هيا ومنين جات هدا الكل معليش نتجاوزوه بصح

انك كل مرة تخرج بخرجة من اللغة العامية الى نحو التربية الاسلامية الى تلاميذ الي قراو في المدارس القرآنية معندهمش

المستوى هممم مفهمنهاش كيفاه تخمم وين رايحا وين ؟!! قالك يقولو خذ الحكمة من افواه المجانين لالا تبدلت تو ولت خذ الحكمة من

افواه منظومة بن غبريط .!

واه كيما دير ماتفهمها ... مرة مشكلة الكلمااات مرة تتعgن علينااا ... العربية وماقدتلهاش زعما تقد على شعب باكملة محاااال
مكاش منها قاااع .... وزيد كل مرة تخرجلنا بهدة جديدة ... راها قريب تجرد الجزائر من هويتها العربية الإسلامية
​

قالك علاه اقصيتوهم هدوك المتأخرين قالو باه يتعلمو الانضباط في الوقت والباك لازم يكون حارص عليها ويجيها قبل

نص ساعة طيب كلامك معقول مي وش ندير اذا صرا اكسيدو صرا مشكل كبير ياك قادر يصرا كلش الواحد مش عالم

الغيب بلي راه طريقو راه ميسر مفيه حتى اشكال وفوقها متقوليش قوانين وعقوبات وصرامة اها راك انسان القوانين

هديك تمشي على آلة مبرمجها مي راك انسان تحس وتشوف وتخمم خذها ببساطة شوي خاصة على روطار تع زوج

دقايق 3 دقائق تحوج الطالب في عام كامل هدا مش منطق تجي تحكي على التسريبات ويفتحو المواضيع ويتعمدو

الروطار هي المواضيع مسربة مسربة الجماعة راه السوجي راقد معاه في دارهم جاي حافظو جاي يكتب ويروح اك

الفجعة وحكة الراس متجيهش او فايق بالعفسة.

ايوااا هادي جبتها خير مني في الموضوع ... ماحكاتش على الإقصاءات غير انها درgت عيبها وقالتلهم راح تعاودو
وحكاااات على التسريبااات دارت جورناااال ... الله يهديها هادا مانقولوا ... شيئ مؤسف حقاااا يتعاود البااااك
لاول مرة من التسعينااات يتعاود جزئي انا من عندي كون عاودوه قاااع هاكا نشوفوا مصداقيتها وين توصل :down:
​

هي البلاد وحدها عوجة وداخلا في حيط ها خليهم يفوتو الباك على رواحهم وش ضر في تأخر بسيط

غاضوني والله نشوف فيهم ونقول وعلاه القانون يطبق غير على الزوالي الي معندو والي يساندو اما جماعة السلطة

يجو بعد ساعة نورمال ميضرش الحال عندو سبة مقنعة

اودي دخنا في هد البلاد معرفناش اللوم على من على التلاميذ ولا على الاولياء انتاعهم ولا على التربية ولا على

وسائل الاتصال الحديثة ؟ شغل وش ادانا للتقدم والعصرنة كون بقينا في عصر ابو جهل خير ولا زعم هدي اياداي داخلية جايا كونطر الوزيرة

حابة تطير المخلوقة قاعدين يفسدولها ويديرولها في الفتنة ولا هدي الايادي الخارجية الي يحكو عليها قبل وصدعونا بيها والي يزيد

يحيرك الرد انتع الوزيرة قالتلك سوف نحاسب المتسببين في هذه التسريبات هدي الهدرة سمعناها من العام الي فات ولا الي قبلو

ومكان والوا لازمها المحقق كونان يحلنا هدي القضية راها صعيبة على المحققين انتاعنا هدا كن حققو وهي باينة بلي او مجرد

كلام فقط شبعونا مقروط .:-r

المحقق كونان وعمو توغو موري وخلاص .... هوام يسلكوها .... ياخي جياحة ياخي :down:
العجب العجاجيييييب كيما قالها سلاليل
​

والله ولينا في عجب وعجاب الطلاب كانو يخممو في سبور ضك ولاو يشوفو في المدسين حاجة ساهلة قادر يوصللها

برك بتعويذة صغيرة اسهر لل4 في الفايس بوك تلقا غير الطايب راح المحرم في جرة المجرم مسكين شقا عام كامل يقرا

وفي الاخير يحطمولو الحلم انتاعو بسبة واحد غشاش هزلو بلاصتوا .

ايه هادي هيااااا ... سياسة اقفز تعيش معا بن غبريط ماضيعش الفرصة هههههه
الله يجيب الخييير والله العظيم هم يضحك وهم يبكي ... يحيروووك ليزافغيكان تاع زازاير :tongue02:
​

هاذم طبة الي راح يداوونا انا وانت وانتِ و ووزراء ومحامين المستقبل ربي يلطف ويستر الموهم والاهم رد بالك تداوي عند طبيب ناجح باك 2016 =p

يا نندب عليهم كيما قلتلهم من قبل قررنا نداوو بالأعشاب حتى 2023 ههههه وهي سبع سنوااات لدراسة الأطباء
هههههههههههه اودي اصبر تشوف دووووك يندمو على النهار لي ربحو فيه الباك ... الجامعة جايتهم ساهلة :d
مازال مازال الخير القداااام هادا غير العربون :yahoo01:
​

امزح ليس الكل او الشاطر يجي نهار وينصفو ربي غير ميخافش مش راح يضيع مجهودو هكاك:regards01:

هممم ان شاء الله مطولتش بزاااف

هي فالحق ماطولتش بصح طولت ههههههه عييت وانا نقرا حرف حرف سطر سطر هههههههههه
والدليل راني فلييييت الرد تاعك :p
​

ومرسي خويا على الموضوع الباهي

ربي يحققلك وش كاينة في الخاطر


سلالام عليكم :-h





لقد تغربطنا

آمين يااارب يعطيك الخير خويا لعزيز بارك الله فييييك

وتغبرط المخ وطار القرمووود :d

 

[جليلوس]

رد: وتغبرطت البكالوريااا

السلام عليكم اخوتي
عجبني الموضوع بزززززززززاف ومعاك كلمة بكلمة والله رانا نبهدلوا كلشي مادارتو ديك اليهودية وحبيت نقولك على البنت لي راك كاتب عليها "منع دخول مترشحة لإجتياز الامتحان لأنها تأخرر و سبب التأخر كان حادث مرور و المترشحة تم منعها رغم انها جاءت رفقة الدرك الوطني " خلاص دخلوها وفوت البارح عادي ولي خلعتني ان المعدل تاعها 18 وكامل وحرموها منو ربي يحرمهم الجنة ان شاء الله
وفي الختا ادعو معايا
يارب يتحقق هذا نورية بن غبريط، ستقدم استقالتها،

اهلا بيك اختي اسيل نورتي
ههههههه راكي تشوفي العجب :-r عينيك ينقلبووو :p
ربي يبكيهم كيما بكاوهم .... صايي ردوهم يفوتوا الباااك من جديد
الدعوة غير نسايها وبن غبريط ماراحش تقدم استقالتها راهو الرايس زاااد دار فيها الكونفيونص :p
طفرت طفرت طفرت فييناااا :tongue02:

 

[جليلوس]

رد: وتغبرطت البكالوريااا

حتى و تقدم استقالتها تجي اكثر منها
المشكل فينا حنا

وي عندك الحق خيتي هبة ....
احنا كملنا على جد باباهاااا هههههههه :d

و بالنسبة للطالبة مراهيش هي اختي
الباك تروحلك مادة اقصاء لابغا تروحي في المواد التانيين++++++ مراهيش غير هي لي خرجوها في ثانوية حدانا قالولي 7 مخلاوهمش يدخلو يعني هكدا لازم يدخلوهم كامل+يعاودولهم امتحان لي فاتهم و هدا مستحيل
و هديك الطفلة لي صوروها تشبهلها و غير شوية لو تركزي مليح فيها لا علاقة ابدا ابدا

لالا يعاودولهم ان شاء الله مايكون غير الخير
احنا عندنا طفلة ماخلاوهاش تخل قطعت الشرايين قدام الليسي وناس تتفرج حتى قريب دخلت كومااا
والله مارحموهم وجوه الشر ... ربي يجيب العواقب سليمة ياارب :up: