لو ....نحطكم في مواقف مشابهة

[لاريمان]

السلام عليكم ورحمة الله وبركاته

أهلا بآل اللمة الكرام
موضوعي على سلوك ربما رايح ينقرض وربما راهو مازال سديبو
على الموقف والظرف الي يتحط فيه الواحد منا
هات تخطي راسي نقعد نتفرج بلا مندخل روحي
سوا في عراك مابين زوج
سواى واحد يتحرش بطفلة
او واحد يسرق
المهم انا خاطيني واذا تدخلت ممكن جدا يلحقني الضرر
لي صديقة تعرضت للسرقة سلسلة في رقبتها دون ان يحرك المارة ساكن
ربي يسهل عليها المهم تخطي راسي هنا نحبس:-h
هادو امثلة قليلة لحالات كثيرة
لو ....نحطكم في مواقف مشابهة
هل تدخلو.......ولا تمشيو المهم تخطي روسكم
علاه ولينا غير نتفرجو
هل عشت حالة من الحالات وكيف كان تدخلك
بصراحة
يلا تفضلو:regards01:

​

 

[لاريمان]

رد: لو ....نحطكم في مواقف مشابهة

بارك الله فيك اخي
نسيت ماكملتوش
شكرا

 

[hadil2044]

رد: لو ....نحطكم في مواقف مشابهة

وقت توا اغطى البرا ويا ربي يخطيك ههه
اذا كانت صديقتي او احد من معارفي اكيد ندخل
اما شخص غري لا اتدخل سورتو طفلة

شكرا على الطرح
​

 

[حلم يعانق السماء]

رد: لو ....نحطكم في مواقف مشابهة

منكذبش عليك ماما شحال من مرة تزعف عليا وتقول مدخلش روحك في المشاكل
لهذا ممكن نتصل بالشرطة وقيلا متلحقش

قبل شهرين تقريبا في تيزي وزو
وحدةطالبة كي خرجت من الجاميعة جات شاحنة داتها وهي تعيط
والناس مطاقوش يساندها لانو لاختاطفوها على هيئة ارهاب

لحد الآن مختفية

كاين بعض المواقف متكونش عنك القدرة باش تساعدي
​

 

[Msb security]

رد: لو ....نحطكم في مواقف مشابهة

السلام عليكم
ايه يا اختي واش نكولك
صعيب في الوقت هاد دير الخير يدور عليك
الناس ولات تخاف علي روحها وهادا من حقهم
لوكان دخل روحك تعشي مباسي

واحد صاحبي دخل روحو طفل سرقوه عاشين رافدينو
ماحبوش يتلقوه عكب مونداديبو شاكين فيه كومبلو معاهم

انا واحد ندخل روحي بصح كي نكون عارف مانطيحش في مشاكل
خاترش كاين لي مايخافوش ربي تسلك طفلة لي سرقها يشد عليك الحسد ويطفرها فيك تعشي في مشاكل
الله غالب

سلام

 

[أميرة ميرال]

رد: لو ....نحطكم في مواقف مشابهة

السلام عليكم
والله يا اختي موضوعك هذا باش نجاوبك عليه نقولك درك على حساب الموقف
إذا كان الموقف بين زوج بنات ما عنديش مشكل نتدخل وشحال من مرة تدخلت
بصح بين طفلة وطفل ما نكذبش عليك أنا دايرة كي القوفريطة وين نتدخل ؟ يسيبها
هي ويجي ليا أنا هي تمنع وأنا نسلكها هههه يا اختي واش داها للمشاكل حتى يجيها
واحد يتبلاها ديجا لي تمشي بالذهب في رقبتها راهي جابت مشكل لروحها وعلاش
تلبس الذهب برا راهي قالتلهم أرواحو يا ولاد لحرام أسرقوني أنا في مواقف هكذا
ما نجيبهاش في روحي القوة تاعي لا تسمح الطول تاعي لا يسمح وحتى باش نضرب
ونهرب السرعة تاعي لا تسمح ومرسي أختي على الموضوع الحساس
​

 

[باتنية و نص]

رد: لو ....نحطكم في مواقف مشابهة

سلام عليكم
صراتلي مرة واحد خرجلي موس قدام ربي وعبادو
ومستنيت من حتى واحد يتدخل
ربي يحفظلي رجليا..كون هداك الوقت شاركت في مئة متر حواجز راني ديت الميدالية الذهبية ^^
تحياتي

 

[Oussama.GF]

رد: لو ....نحطكم في مواقف مشابهة

شحال مرة مرت عليا هاذي كلمة مدخلش روحك
والله كي نسمعها نقعد نبكي على جال دوك ماشاكل

 

[لاريمان]

رد: لو ....نحطكم في مواقف مشابهة

وقت توا اغطى البرا ويا ربي يخطيك ههه
اذا كانت صديقتي او احد من معارفي اكيد ندخل
اما شخص غري لا اتدخل سورتو طفلة

شكرا على الطرح
​

مرحبا بيك اختي هديل
صح الوقت تبدل والحالة تخوف سيرتو الطفلة:up:
صحيتي اختي على الرد

 

[لاريمان]

رد: لو ....نحطكم في مواقف مشابهة

منكذبش عليك ماما شحال من مرة تزعف عليا وتقول مدخلش روحك في المشاكل
لهذا ممكن نتصل بالشرطة وقيلا متلحقش

قبل شهرين تقريبا في تيزي وزو
وحدةطالبة كي خرجت من الجاميعة جات شاحنة داتها وهي تعيط
والناس مطاقوش يساندها لانو لاختاطفوها على هيئة ارهاب

لحد الآن مختفية

كاين بعض المواقف متكونش عنك القدرة باش تساعدي
​

مرحبا بيك اختي حلم
ضح كاين مواقف تجيبي المشاكل لروحك
وكاين مواقف المتدخل خاسر
بصح كاين مواقف تحتاج النهي لبع=غى بالكلمة
وربما الخوف من المشاكل الي تلحق منبعد التدخل تخلي الواحد يجبد روحو
مشكورة اخي على ردك

 

[لاريمان]

رد: لو ....نحطكم في مواقف مشابهة

السلام عليكم
ايه يا اختي واش نكولك
صعيب في الوقت هاد دير الخير يدور عليك
الناس ولات تخاف علي روحها وهادا من حقهم
لوكان دخل روحك تعشي مباسي

واحد صاحبي دخل روحو طفل سرقوه عاشين رافدينو
ماحبوش يتلقوه عكب مونداديبو شاكين فيه كومبلو معاهم

انا واحد ندخل روحي بصح كي نكون عارف مانطيحش في مشاكل
خاترش كاين لي مايخافوش ربي تسلك طفلة لي سرقها يشد عليك الحسد ويطفرها فيك تعشي في مشاكل
الله غالب

سلام

وعليكم السلام يعطيك الصحة
وماحدث لصاحبك هذا اكثرسبب تخلي الناس متدخلش
وولي نادم لانو تدخل من الاساس
وكاين واحد تدخل يفك الشجار جاتو ضربة خنجر
حالات بزاف يخافو يدخلو فيها

شكرا ليك خويا على الرد

 

[لاريمان]

رد: لو ....نحطكم في مواقف مشابهة

السلام عليكم
والله يا اختي موضوعك هذا باش نجاوبك عليه نقولك درك على حساب الموقف
إذا كان الموقف بين زوج بنات ما عنديش مشكل نتدخل وشحال من مرة تدخلت
بصح بين طفلة وطفل ما نكذبش عليك أنا دايرة كي القوفريطة وين نتدخل ؟ يسيبها
هي ويجي ليا أنا هي تمنع وأنا نسلكها هههه يا اختي واش داها للمشاكل حتى يجيها
واحد يتبلاها ديجا لي تمشي بالذهب في رقبتها راهي جابت مشكل لروحها وعلاش
تلبس الذهب برا راهي قالتلهم أرواحو يا ولاد لحرام أسرقوني أنا في مواقف هكذا
ما نجيبهاش في روحي القوة تاعي لا تسمح الطول تاعي لا يسمح وحتى باش نضرب
ونهرب السرعة تاعي لا تسمح ومرسي أختي على الموضوع الحساس
​

وعليكم السلام
مرحبابيك اميرة
اكيد الطفلة متقدرش تدخل في حالات
فقط حبيت نعرفو رايكم علاه التدخل قل
وراهم الاخوة اعطاونا الاسباب
سلامتك اختي احلاماقعدي هنا في اللمة ومتروحي حتى بلاصة:p
مرسي ليك لانك شاركتنا برايك

 

[لاريمان]

رد: لو ....نحطكم في مواقف مشابهة

سلام عليكم
صراتلي مرة واحد خرجلي موس قدام ربي وعبادو
ومستنيت من حتى واحد يتدخل
ربي يحفظلي رجليا..كون هداك الوقت شاركت في مئة متر حواجز راني ديت الميدالية الذهبية ^^
تحياتي

وعليكم السلام اختي الباتنية
سلامتك اخي صح اختي في هاد الحالة الهربة تسلك
الموقف صعيب الحمد لله راكي بخير وربي يسترنا
تعيشي اختي على الرد الهادف

 

[لاريمان]

رد: لو ....نحطكم في مواقف مشابهة

شحال مرة مرت عليا هاذي كلمة مدخلش روحك
والله كي نسمعها نقعد نبكي على جال دوك ماشاكل

الحمد لله خويا **** بخير
ساعات الواحد قلبو حار مايلقى روحو غير في نص المشكل
سلامتك خويا
وشكرا ليك

 

[Msb security]

رد: لو ....نحطكم في مواقف مشابهة

سلام عليكم
صراتلي مرة واحد خرجلي موس قدام ربي وعبادو
ومستنيت من حتى واحد يتدخل
ربي يحفظلي رجليا..كون هداك الوقت شاركت في مئة متر حواجز راني ديت الميدالية الذهبية ^^
تحياتي

ههههههههه Usain Bolt :thumb_up02:
الهربة تسلك خخخخ
:d

 

[بنـ MaPa ـت]

رد: لو ....نحطكم في مواقف مشابهة

من رأى منكم منكرا فليغيره بيده فان لم يستطع فبلسانه
اصبحنا في زمن دير الخير تحصل وتولي في ندامة
دوك دخلي روحك تومبعد تخلصيها غالية !!! كيفاش ديري مع عباد هاد الزمان
ماكاش لي يحب يشوف المنكر و يسكت بصح الناس تخاف على روحها الله غالب
رانا نشوفو كيفاش الدنيا ولات الوغ الانسان يجبد روحو قد لي يقدر وخلاص واش نديرو
الله يجيب الخير