رمضان جا والناس هبلت ،،،

[Malika Tlm]

السلام عليكم حبابي وخاوتي ناس اللمة الغالية
اليوم جيتكم نفرغ ليكم قلبي وندي رايكم نتوما تاني
كيما نعرفوا سيدنا رمضان باقيلو يوم ولا يومين ربي يبلغنا ويدخلو علينا بالصحة والهنا يارب

مي الغريب في هاد الشعب هدا حاسبين رمضان غول راه جاي يقضي عليهم كاين لي يقول واش صومنا ولي يقول السخانة وووو

وكاين ناس يجاراو يسطوكيو الحليب الخبز اللحوم الخضر واش يا عباد ربي القصبر انقرض عندنا فالمارشي علاش ؟
الشعب قضى عليه يدو بالعشر قبضات ويكونجليوهم حبيت نشري قبضة ندير بيها حريرة ما لقيتش !! يالطيف

الناس نساو بلي رمضان ماشي نتاع اكل وتزيين الموائد والسهرات
رمضان نتاع القران الصلاة الصدقات والله ياخاوتي لازم الانسان يفرح ويحمد ربي لانو بلغو رمضان باش ينحي الدنوب لي دارهم فالعام
ولي تحمقني جشع التجار يالطيف منهم كلشي طلعوا سومتو ويقولك لالا السوق راه غالي
واش من سوق ربي وكيلكم هدا هو شهر الرحمة وين رانا رايحين وين
لي دوختني في المانيا انجيلا ميركل امرت التجار المسلمين باش ما يخلصوش الضرائب وشجعتهم باش يخفضو الاسعار
وبنت خويا عايشة في فرنسا تحكيلي قالك كي يقرب رمضان يديرو دي كولوار سبيسيال للعرب ويخفضولهم في كلشي وينقصو من السوام بمناسبة رمضان
هنا تحير هما لي خاطيين الاسلام وعندهم الانسانية وشوفو وش دارو

وحنا كي تقرب شي مناسبة يلهبو الاسعار

ونزيدكم واحد الضاهرة راها منتشرة فوسط الناس منعممش مي كاين لي فيهم ميداوقوش مع بعضاهم متال الجيران كانو زمان بيبانهم محلوليين بيناتهم لي طيبو وحدة دوقو لجارتها كانو عايلة وحدة ودروك يا لطيف البيبان حديد والقلوب تاني رجعوا حديد تخاف كانش ما تخرج الماكلة تكملها وعلاش نساو بلي ربي يخلف الحاجة فوقتها ويزكيلهم في المايدة نتاعهم نتمني هاد العادات الشايبين يرجعوا
بالنسبة لينا حمد لله مزلنا شادين هاد العادة بما انو اختي ونسا خوتي يسكنو قدامنا لي دير شي حاجة تدوق الاخرى وهكا كل يوم لحتى يكمل رمضان والحمد لله

منطولش عليكم حبابي ونتوما واش رايكم فهاد العادات الشابين نتاع زمان؟
واش هو السبب لي خلانا منحسوش بنسمة رمضان ؟

نتمني ربي يدخل علينا رمضان بالصحة يارب
وغتنموا هاد الشهر العظيم بالتلاوة وقيام الليل لانوا والله فرصة عظيمة عطاهالنا ربي لازمنا منضيعوهاش
ربي يقدرنا جميعا
تحياتي لكم

​

 

[Skor m@k]

رد: رمضان جا والناس هبلت ،،،

السلام عليكم
اهلا بيك ختي هاه توحشناك هنا
راني نولي لعشية باش نرد
سلام​

 

[لاريمان]

رد: رمضان جا والناس هبلت ،،،

السلام عليكم
والله طليتي قلبي شوفي نفس ماحصلك راني عشتو اليوم
رحت شريت البركوكس سخفنا عليه ولسان القط باه نديره تحلية
لقيت السوبيرات معمرة نسا يشريو ويعاود
والله نسيت خلاص بلي رمضان حتى شفت سيدة هزة الديول باه تفكرت هههه رمضان
احنا معندناش تاع الجيران كل واحد حاكم دارو
بضح مليحة كل واحد يدوق ملح الاخر
صحيتي اختي على الموضوع المميز
رمضان مبارك

 

[MOHAMED LAMINE7]

رد: رمضان جا والناس هبلت ،،،

شكرا على الموضوع
الدجاج وصل الكيلو اليوم عندنا الى 290 دج

 

[sosobibicha]

رد: رمضان جا والناس هبلت ،،،

سلام عليكم
اولا نقول اللهم بلغنا رمضان
و من بعد نحكواا على الموضوع شوفي انا هذ الغاشي نحسبهم غير نتاع كرشهم يرحم والديك واش تستناي من واحد طول النهار راقد ومن بعد يقولك رمضان هذا هلكنا و هذوك لي يسطوكوا كل شيئ هذوك غير وحدهم في التالي 30 يوم و هوما دايرين الحريرة برك :s وين راحوا لخرين الله اعلم و هنا التجار يضربوا ضربتهم مي عنهم الصح شايفين ناس جعانة يشروا و يدسوا و كيما قالوا رمضان راح زمان و بنتوا راحت مع ناس زمان نهار كانوا يتلموا كل العايلة يفرحوا و يسهروا مي ضروك كل واحد حاكم داروا يقولك علاش نروح بلا عرضة راني نطيح على الناس :-o
هذا الموضوع نتاع رمضان طويييييل و عريييييض الله يبارك :p قد ما تحكي عليه ما يكملش المهم ربي يجيب الخير ان شاء الله
الله يعطيك الصحة على الموضوع
رمضان كريم
تقبلوا مروري و تحياتي :regards01:
سلام ^^​

 

[قرصان الساحل]

رد: رمضان جا والناس هبلت ،،،

نحكي على موضوعك مليكة والله انت حطيتي اليد على الجرح في موضوعك هذا
نتكلم على جشع التجار لي نشوفوه كل رمضان اللي يستغلوه كفرصة للربح السريع وين يستغلو حالة الصايم لي كيما نقولو ياكل بعينيه ويبدا يشري برك هنا ويضربوه باسعار جنونية وين يستغلو نقطة الضعف تاع الصايمين باه يضربو جيوبهم وهذا والله حرام مي دوك رانا نشوفو في الجاج بين ليلة وضحاها طلع في السوق ونزيد هنا على نقطة تانية بلي الحق فينا حنا تاني لو نحبسو ما نشروش الجاج ياك مش راح نموتو خليه يتكدس عندو كثر من يومين وراح نشوفو بلي يولي يصدق فيه الله غالب ما عندناش ثقافة المستهلك.
وكي نتكلمو على فرنسا والمانيا هادو ناس يعرفو حقوق المستهلك ويديرو هكذا باه يشدو الجالية المسلمة لأن هوما تانيك يدخلو في دراهم مي على الاقل دارو جاست كيما قال الامام الغزالي ذهبت لبلاد الغرب فوجدت اسلام بلا مسلمين وجئت الى بلاد العرب فوجدت مسلمين بلا اسلام.
بخصوص كيما قلتي البيبان حديد والقلوب حديد وي عندك حق مي باه منغطوش على واحد الجانب تانيك ختي انا كي نكون في طريق في رمضان ونشوف الناس كيفاه مجندة وتفطر في الصايمين وين صراتلي مرة وكنت بعيد على الدار ودخلونا فطرنا وكاين وين تصلي وتاكل بلاك خير من داركم وكاين لي يديرو وجبات باردة مع طريق السيار يمدوها للمارة والله كي نشوف هاد المظاهر وناس دير لخير يطلعلي المورال ونقول البلاد مزالها بخير.

يعطيك الصحة ختي مليكة موضوعك قمة في الفكرة ولا في اسلوب الطرح اعجبني اسلوبك
​

 

[ام راس يابس]

رد: رمضان جا والناس هبلت ،،،

السلام عليكم حبابي وخاوتي ناس اللمة الغالية ...و عليكم السلام حبيبه
اليوم جيتكم نفرغ ليكم قلبي وندي رايكم نتوما تاني
كيما نعرفوا سيدنا رمضان باقيلو يوم ولا يومين ربي يبلغنا ويدخلو علينا بالصحة والهنا يارب

مي الغريب في هاد الشعب هدا حاسبين رمضان غول راه جاي يقضي عليهم كاين لي يقول واش صومنا ولي يقول السخانة وووو.....الفهم الخاطئ للهدف من صيام هذا الشهر الفضيل ...نتائج الإسلام الوراثي

وكاين ناس يجاراو يسطوكيو الحليب الخبز اللحوم الخضر واش يا عباد ربي القصبر انقرض عندنا فالمارشي علاش ؟ ....
في هاذ الناس كاين نوعين
كاين نوع الي عندو هبال و تفياش على الناس و مرض نفسي يحال الى المصحه الخاصه
و كاين ناس الي ظروفهم متساعدهمش
عندي صديقه
زوجها يعمل طول النهار و بعيد عليها بمسافه كبيرة...و ناس وهران يعرفو المسافه بين مدينه جديدة و مسرغين و مع الطريق كيفاش تكون دايرة في رمضان ...على رجليك تلحق قبل من السيارة ...و صديقتي هاذي راهي حامل و زيد هي متقدرش تخرج تشري فالنهار تخاف ....زوجها يشريلها المصروف بزاف كبير و ترفدو لمدة طويله ....القصبر و جماعته يرفدوه مكعبات فالمجمد .الليم يتنرفد فالمجمد بعد تقشيره..بعض الخضر يتم حفظها في الظلام ..الحليب ترفدو تاني فالمجمد تخيلي ادا ولدها احتاج حليب فالنهار كيفاش تعمل
و زيد كاين ناس الي يرفدو الاكل فالمجمد ... كاين ناس الي يصومو عندهم حبابهم ...كل واحد و ظروفه
الشعب قضى عليه يدو بالعشر قبضات ويكونجليوهم حبيت نشري قبضة ندير بيها حريرة ما لقيتش !!
يا عمري مسكينه ...ههه
يالطيف

الناس نساو بلي رمضان ماشي نتاع اكل وتزيين الموائد والسهرات ...هاذ الناس هوما جماعه الي يلعبو رواحهم فالحومه بطاطا كبيرة و يصلو فقط صلاه المغرب فالمسجد و خلف الامام مباشرة ..طريقتهم فالحياة تعتمد على المنظر الاجتماعي تاعهم بالنسبه للناس ...و هوما نفسهم الي يحتاقرو المسكين...هوما نفسهم الي مين يكونو يسوقو فالسيارة و يرمو القذارة تاعهم من النوافذ و هوما نفسهم لي كانو يقطعو للصغار البالون ...عندنا واحد كيفهم هنا....حياتهم قبل رمضان و بعد رمضان و في رمضان نفسها و في رمضان اسوء
رمضان نتاع القران الصلاة الصدقات والله ياخاوتي لازم الانسان يفرح ويحمد ربي لانو بلغو رمضان باش ينحي الدنوب لي دارهم فالعام
ولي تحمقني جشع التجار يالطيف منهم كلشي طلعوا سومتو ويقولك لالا السوق راه غالي
واش من سوق ربي وكيلكم هدا هو شهر الرحمة وين رانا رايحين وين
لي دوختني في المانيا انجيلا ميركل امرت التجار المسلمين باش ما يخلصوش الضرائب وشجعتهم باش يخفضو الاسعار
وبنت خويا عايشة في فرنسا تحكيلي قالك كي يقرب رمضان يديرو دي كولوار سبيسيال للعرب ويخفضولهم في كلشي وينقصو من السوام بمناسبة رمضان
هنا تحير هما لي خاطيين الاسلام وعندهم الانسانية وشوفو وش دارو ...انتهاز الفرص لامتصاص دماء الشعب

وحنا كي تقرب شي مناسبة يلهبو الاسعار

ونزيدكم واحد الضاهرة راها منتشرة فوسط الناس منعممش مي كاين لي فيهم ميداوقوش مع بعضاهم متال الجيران كانو زمان بيبانهم محلوليين بيناتهم لي طيبو وحدة دوقو لجارتها كانو عايلة وحدة ودروك يا لطيف البيبان حديد والقلوب تاني رجعوا حديد تخاف كانش ما تخرج الماكلة تكملها وعلاش نساو بلي ربي يخلف الحاجة فوقتها ويزكيلهم في المايدة نتاعهم نتمني هاد العادات الشايبين يرجعوا
بالنسبة لينا حمد لله مزلنا شادين هاد العادة بما انو اختي ونسا خوتي يسكنو قدامنا لي دير شي حاجة تدوق الاخرى وهكا كل يوم لحتى يكمل رمضان والحمد لله

احنا تقدري تقولي عندنا و تقدري تقولي لا ...و انا هاذ العاده صراحه في مواقف نبغيها و في مواقف لا ...
منطولش عليكم حبابي
نتمني ربي يدخل علينا رمضان بالصحة يارب ...امين
وغتنموا هاد الشهر العظيم بالتلاوة وقيام الليل لانوا والله فرصة عظيمة عطاهالنا ربي لازمنا منضيعوهاش
ربي يقدرنا جميعا
تحياتي لكم

​

........

 

[FATIMA 19]

رد: رمضان جا والناس هبلت ،،،

°°°°°°°°°°°°°°°°°°°°°°°°°°°°°°°°°°°°°°°°°°°
السّلام عليكم
رانا نهدرو على مواضيعْـ الحدث الطازجة
النسا مزالهم برك ماخدموش الشوربة و كونجلاوها و يزيدو يشرو 30 شكارة حليب و 200 خبزة و.......... والله هبلو ميتين غير على الماكلة
و التجار حكايتهم حكاية يستغلو في ناس سيرتو ناس لفقراء لي مايقدروش يشريو كيلو لحم في شهر الرحمة
على كل حآل إنْـــــ شآء الله ربي يقدرنا في هذا الشهر
°°°°°°°°°°°°°°°°°°°°°°°°°°°°°°°°°°°°°°°°°°°
​

 

[hadil2044]

رد: رمضان جا والناس هبلت ،،،

كل واحد وعقلو وش فيه
يخممو غي على الماكلة وعلى الربح

ربنا اكتب لنا خيرا كثيرا في هذا الشهر المبارك
​

 

[الورد الأحمر]

رد: رمضان جا والناس هبلت ،،،

السلام عليكم ورحمة الله وبركاته

اليوم خرجت لقيت غاشي عظيم زعمة رحت للسوبيرات نشري برك كولوغون أحمر للطاغط أو فخاز ويا ويلي على هذاك المنظر ما لقيتش وين نحط رجلي الناس ملهوفة يشرو في كلشي تقول سمعو بلي لمحلات في رمضان ناويين يغلقو !! وكل عان هكذا رهجونا وبيان سيغ حتى الكولوغون ما لقيتوش طارو بيه بالاك حتى هذا يحتاجوه في رمضان في بلاصة الطماطم يكولوغيو بيه الشوربة الحمراء !!!

العادة تاع يذوقو بعض أنا منين خلقت وكبرت وجيت نعرف صلاحي ما لقيتهاش يعني ما نعرفهاش خلاص نسكنو في بلاصة كل واحد فيها قافل باب دارو وكل واحد داير باب حديد ما نتلاقاوش غير ف ليزوغ تاع الخدمة يخي الشعب الكل يخرج على السبعة ونص من دارو باه يلحق في الوقت تما برك نطيح في الجيران مي نشوفهم برك واحد ما يحكي مع واحد !!!

ثالمون الناس قلوبها قسات وتيهدت رجع كل واحد جابد روحو وقافل عليه يقضي وحدو وياكل وحدو علابيها راحت حلاوة كلشي وسيغ تو حلاوة رمضان ما بقيناش نحسو بنسمتها خلاص بكري كان ليه هيبة درك كي عادو ينتهكو حرمتو عدنا نخافو حتى لا يجي رمضان ويكترو الجرائم ويكتر لهبال .

ربي يبلغنا رمضان بالصحة والعافية ونصوموه ويقدرنا على صيامو ويتقبلو منا في الختام وباقيها يتلهفو على السلعة ولا ما يذوقوش بعض ربي يسهل على كل واحد .

مغسي أختي .

 

[Skor m@k]

رد: رمضان جا والناس هبلت ،،،

السلام عليكم
واش نقولك يا ختي النار شعلوها عمبالهم يربحو على وجه الزوالي
لي عندو الدراهم مايحصلش كامل بصح الزوالي ديما مطفرا فيه
تانيت تشوفي لحوانت لي يبيعو لماعن تاع الطبخ متقدريش تحطي رجلك فيهم تقول راهم يمدو فيهم باطل
حنا ليزالجيريا مخلوعين تقول جامي كلينا
ماشي غيير في فرنسا ولا المانيا هام فالسعودية والامارات وكل البلدان العربية ينقسو فالسومة
الا الجزايريين يلهبوها تانيت الدولة تبقى تخزر
متعرفش تخرج المراقبين ويديرو بروسيات للبائعين
ربي يجيب للخير برك
يعطيك الصحة ختي​

 

[AmiR@RoRo]

رد: رمضان جا والناس هبلت ،،،

السلام عليكم
الله يستر ويحفظ
شعب ما بغاش يتربى كل عام يعيشو نفس الحالة وكل عام يشوفو بلي فرمضان ماراحش تنقطع الدنيا
بصح والو يعاودو كل عام يكررو نفس السيناريو
الناس لاهفة على كلشي حتى لي ديتاغجو يا عباد ربي
واحد داي 5 ازيس و4 اومو وقريزيل ووو
وش راه ينقرضو هادو في رمضان زعما ؟!!!
الله يهدي ما خلق شعب رايح فيها
وما تنسايش هاد العام حقي من المعقودة ههه
سلام

 

[Malika Tlm]

رد: رمضان جا والناس هبلت ،،،

السلام عليكم
اهلا بيك ختي هاه توحشناك هنا
راني نولي لعشية باش نرد
سلام​

السلام عليكم
يتوحشك الخير يا غزال اللمة
راني نسني فيك وياك متوليش ههه
ربي يخليك​

 

[Malika Tlm]

رد: رمضان جا والناس هبلت ،،،

السلام عليكم
والله طليتي قلبي شوفي نفس ماحصلك راني عشتو اليوم
رحت شريت البركوكس سخفنا عليه ولسان القط باه نديره تحلية
لقيت السوبيرات معمرة نسا يشريو ويعاود
والله نسيت خلاص بلي رمضان حتى شفت سيدة هزة الديول باه تفكرت هههه رمضان
احنا معندناش تاع الجيران كل واحد حاكم دارو
بضح مليحة كل واحد يدوق ملح الاخر
صحيتي اختي على الموضوع المميز
رمضان مبارك

السلام عليكم
رمضان مبارك ان شاء الله
ربي يهدي عبادو يارب
تصومي بالصحة ومتكتريش البوراك مقلي ههه​

 

[Malika Tlm]

رد: رمضان جا والناس هبلت ،،،

شكرا على الموضوع
الدجاج وصل الكيلو اليوم عندنا الى 290 دج

منا لي يدخل رمضان يردوه 300 هههه
الله يهديهم ​

 

[Malika Tlm]

رد: رمضان جا والناس هبلت ،،،

سلام عليكم
اولا نقول اللهم بلغنا رمضان
و من بعد نحكواا على الموضوع شوفي انا هذ الغاشي نحسبهم غير نتاع كرشهم يرحم والديك واش تستناي من واحد طول النهار راقد ومن بعد يقولك رمضان هذا هلكنا و هذوك لي يسطوكوا كل شيئ هذوك غير وحدهم في التالي 30 يوم و هوما دايرين الحريرة برك :s وين راحوا لخرين الله اعلم و هنا التجار يضربوا ضربتهم مي عنهم الصح شايفين ناس جعانة يشروا و يدسوا و كيما قالوا رمضان راح زمان و بنتوا راحت مع ناس زمان نهار كانوا يتلموا كل العايلة يفرحوا و يسهروا مي ضروك كل واحد حاكم داروا يقولك علاش نروح بلا عرضة راني نطيح على الناس :-o
هذا الموضوع نتاع رمضان طويييييل و عريييييض الله يبارك :p قد ما تحكي عليه ما يكملش المهم ربي يجيب الخير ان شاء الله
الله يعطيك الصحة على الموضوع
رمضان كريم
تقبلوا مروري و تحياتي :regards01:
سلام ^^​

وعليكم السلام
شفتي ختي صح والله التجار كي يشوفو الناس طايحة ملهوفة بسيف يزيدو يغليو
والله ربي ميجعلهم بركة باسكو خيان
الله يهديهم
تصومي بالصحة ختي ونتمني يامات زمان نرجعوها
تحياتي ​

 

[Malika Tlm]

رد: رمضان جا والناس هبلت ،،،

نحكي على موضوعك مليكة والله انت حطيتي اليد على الجرح في موضوعك هذا
نتكلم على جشع التجار لي نشوفوه كل رمضان اللي يستغلوه كفرصة للربح السريع وين يستغلو حالة الصايم لي كيما نقولو ياكل بعينيه ويبدا يشري برك هنا ويضربوه باسعار جنونية وين يستغلو نقطة الضعف تاع الصايمين باه يضربو جيوبهم وهذا والله حرام مي دوك رانا نشوفو في الجاج بين ليلة وضحاها طلع في السوق ونزيد هنا على نقطة تانية بلي الحق فينا حنا تاني لو نحبسو ما نشروش الجاج ياك مش راح نموتو خليه يتكدس عندو كثر من يومين وراح نشوفو بلي يولي يصدق فيه الله غالب ما عندناش ثقافة المستهلك.
وكي نتكلمو على فرنسا والمانيا هادو ناس يعرفو حقوق المستهلك ويديرو هكذا باه يشدو الجالية المسلمة لأن هوما تانيك يدخلو في دراهم مي على الاقل دارو جاست كيما قال الامام الغزالي ذهبت لبلاد الغرب فوجدت اسلام بلا مسلمين وجئت الى بلاد العرب فوجدت مسلمين بلا اسلام.
بخصوص كيما قلتي البيبان حديد والقلوب حديد وي عندك حق مي باه منغطوش على واحد الجانب تانيك ختي انا كي نكون في طريق في رمضان ونشوف الناس كيفاه مجندة وتفطر في الصايمين وين صراتلي مرة وكنت بعيد على الدار ودخلونا فطرنا وكاين وين تصلي وتاكل بلاك خير من داركم وكاين لي يديرو وجبات باردة مع طريق السيار يمدوها للمارة والله كي نشوف هاد المظاهر وناس دير لخير يطلعلي المورال ونقول البلاد مزالها بخير.

يعطيك الصحة ختي مليكة موضوعك قمة في الفكرة ولا في اسلوب الطرح اعجبني اسلوبك
​

اهلا بالبائس الافريقي
عندك الحق لوكان كامل الناس كي يشوفو الحاجة غلات يديرو اضراب عليها ميشريوهاش والله التجار يترباو
مي العكس الشعب هدا كي يسمع بالحاجة طلعت سومتها ايا اجري جيب وكتر والله مزال معندناش ثقافة الاستهلاك
وصح كلامك الحمد لله مزال كاين ناس نتاع الخير شباب يعاونو المساكين بقفة رمضان ويوجدو موائد الافطار ربي ؤيحميهم
ربي يخليك نورت موضوعي
سلم علي ناس لافريك كامل
تصوم بالصحة والهنا ​

 

[Malika Tlm]

رد: رمضان جا والناس هبلت ،،،

........

؟؟؟؟؟؟ :regards01:

 

[Malika Tlm]

رد: رمضان جا والناس هبلت ،،،

°°°°°°°°°°°°°°°°°°°°°°°°°°°°°°°°°°°°°°°°°°°
السّلام عليكم
رانا نهدرو على مواضيعْـ الحدث الطازجة
النسا مزالهم برك ماخدموش الشوربة و كونجلاوها و يزيدو يشرو 30 شكارة حليب و 200 خبزة و.......... والله هبلو ميتين غير على الماكلة
و التجار حكايتهم حكاية يستغلو في ناس سيرتو ناس لفقراء لي مايقدروش يشريو كيلو لحم في شهر الرحمة
على كل حآل إنْـــــ شآء الله ربي يقدرنا في هذا الشهر
°°°°°°°°°°°°°°°°°°°°°°°°°°°°°°°°°°°°°°°°°°°
​

هههههههههه صح والله
تعرفي البارح رحت نشري الحليب كيمتا العادة لقيت الناس فضات معاه
تحسب الوزينات فرمضان يغلقو هههه
الله يجيب يارب ساعة نتاع خير
ديرو ياناس ربي فقلوبكم القناعة كنز لا يفني
اسعدني مرورك
رمضان مبارك ​

 

[Malika Tlm]

رد: رمضان جا والناس هبلت ،،،

كل واحد وعقلو وش فيه
يخممو غي على الماكلة وعلى الربح

ربنا اكتب لنا خيرا كثيرا في هذا الشهر المبارك
​

صح عقليات بصح متخلفة
ربي يهديهم يارب
رمضانك كريم
​