امممم اتخيلو رانا في بيت واحد

[ليليا مرام]

رد: امممم اتخيلو رانا في بيت واحد

جويدة ادي نعاسك انا اختك وروحي
انا جاية بالقفازة وما حببيتش نرقد وانت جايا تتثاوبي عندنا روحي ارقدي فوق قدرتك ضرك نبدا نثاوب ونروح نرقد
انا قال فالدار يمة كاينة تشوفني مريضة ما تخليني ندير والو مي انا تغيضني لازم نعاونها فكل شي مي ترقدي قدامي نروح نرقد مانعرف حتى واحد

 

[الزهرة الحمراء]

رد: امممم اتخيلو رانا في بيت واحد

اختي جويدة مرحبا بيك لالا رانا فاطنين غير انت مازلتي شوية مدودنة ايا نوضي لا نجيك
حبيبتي ليليا لا مانعرفوهاش وريهالنا بالاك نعودو نديروها
راكي حاضرة امالا طيبيلنا اي حاجة خلاص اني حابة ناكل اليوم حاجة حلوة من يدك ايا شوفي واش طيبي

 

[Djaouida]

رد: امممم اتخيلو رانا في بيت واحد

اختي اسماء تقدري ديريلنا تحلية برك
والله انا من النوع العاقل وجامي قست واحد بالهدرة
مي حاجة الي غاضتني انو انا درتها بطريقتي صافي مازدتش فيها صوالح نتاع ناس الغرب
ونتاع الصح هي تختلف من دار الى دار
وكل واحد واش حاب يزيد ولا ينقص
ايه كتبتيلي اقتراح ونوغمال
وكي نشري برك الصوالح هدوك نديرها
ماقولت والو هد الحريرة ولات حكاية اللمة
ههههههههههههه
ايه ان شاء الله

ملوكة صافا حبيبة متقوليش برك رامي معمرة راسك بل الهدرة نورمال حنونة حريرة تاع الغرب تختلف من بلاصة لي بلاصة
كيما حنا معسكر منديروهاش كيما تاع بلعباس ولا تلمسان ولا وهران كل منطقة وطريقتها :-r
ونتي ديجا درتيها بطريقتك انتي ... بصح اصح صح شاطرة الله يبارك ختيتو ربي يحفظك :love01:

 

[AmiR@RoRo]

رد: امممم اتخيلو رانا في بيت واحد

جويدة اهلا بيك فيقي راها 2 قريب شوي وتدخلي الكوزينة
مجاجو عالسلامة حبيبتي وش حوالك ؟يادرا ماراهش غالبك ليوم هه
ليليا فيدينا بالوصفة بلاك تعجبنا ونحطو تطبيق تاعك وتولي مشهورة فالطبخ خخخخ

 

[الزهرة الحمراء]

رد: امممم اتخيلو رانا في بيت واحد

مازلتو تهدرو على لحريرة خخخخخ شوفو ماتخلونيش نوض نطيب حريرة ونخربها وندير فيها واش يعجبني واش نلقى فالفريجيدار نحطو ونجي نصورها ونحطها فاللمة وتتعوج وحدة فيكم تقولي ماش هكا وتشوفو زيماه نديرلها هههههه انا عاقلة
هذا هو لي قالو لحمار حماري والناس حايرة فيه
ياخي كل وحدة في كوزينتها وطيب كيما يعجبها
ومن هذا المنبر نقولكم ديروا واش تحبو وطيبوا واش تحبو واحرقو واش تحبو ولي يهدر معاكم جو سوي لا ياعيني على لفرونسي
انتهت المحاضرة انصراااف

 

[بنقابي افتخر]

رد: امممم اتخيلو رانا في بيت واحد

سلام ماجو وا ش راكي. مع رمضان قولي الصح غالبك وغالبك هههه

 

[Djaouida]

رد: امممم اتخيلو رانا في بيت واحد

جويدة ادي نعاسك انا اختك وروحي
انا جاية بالقفازة وما حببيتش نرقد وانت جايا تتثاوبي عندنا روحي ارقدي فوق قدرتك ضرك نبدا نثاوب ونروح نرقد
انا قال فالدار يمة كاينة تشوفني مريضة ما تخليني ندير والو مي انا تغيضني لازم نعاونها فكل شي مي ترقدي قدامي نروح نرقد مانعرف حتى واحد

هههههههههههههههه راني نايضة دوك نروح للكوزينة هههههه لا خيتي متروحيش ترقدي امشي للكوزينة ههههه

اختي جويدة مرحبا بيك لالا رانا فاطنين غير انت مازلتي شوية مدودنة ايا نوضي لا نجيك
حبيبتي ليليا لا مانعرفوهاش وريهالنا بالاك نعودو نديروها
راكي حاضرة امالا طيبيلنا اي حاجة خلاص اني حابة ناكل اليوم حاجة حلوة من يدك ايا شوفي واش طيبي

الله يسلمك حنونة
وي مزال راني نعسانة هههههه رقد علي 4 وزيد موضتني ماما علي 9 علا هادي راني نعسانة ههههههه
ايا انا نروح للكوزينة ندير الحريرة من بعد سلام

 

[الزهرة الحمراء]

رد: امممم اتخيلو رانا في بيت واحد

الله يسلمك اميرتي احم احم اني نقلش فيك
لا ماهوش غالبني اصلا جامي شفيت على روحي من نهار بديت نصوم غلبني رمضان لاه واش قالولك نتكيف خخخخخ

 

[بنقابي افتخر]

رد: امممم اتخيلو رانا في بيت واحد

مازلتو تهدرو على لحريرة خخخخخ شوفو ماتخلونيش نوض نطيب حريرة ونخربها وندير فيها واش يعجبني واش نلقى فالفريجيدار نحطو ونجي نصورها ونحطها فاللمة وتتعوج وحدة فيكم تقولي ماش هكا وتشوفو زيماه نديرلها هههههه انا عاقلة
هذا هو لي قالو لحمار حماري والناس حايرة فيه
ياخي كل وحدة في كوزينتها وطيب كيما يعجبها
ومن هذا المنبر نقولكم ديروا واش تحبو وطيبوا واش تحبو واحرقو واش تحبو ولي يهدر معاكم جو سوي لا ياعيني على لفرونسي
انتهت المحاضرة انصراااف

يا الجايحة غير تقدمي في وجهك
كانش نهار تجيك الصفعة تحمرلك دوك الخدود وتبانلك ههههه

 

[ليليا مرام]

رد: امممم اتخيلو رانا في بيت واحد

شوفي زهرور هذي عجينة السوفلي نتحداكم اللي تجربو وما يعجبهاش وكامل فالدار يعجبهم
كاس حليب دافي * مغرف كبيرة خميرة* مغرف كبيرة سكر*فنجان زيت او ربع اللي كيلتي بيه الحليب* ملح * خلطيهم كامل وزيدي كاس فرينة وخلطي غطيها 5 دقايق وبعدو زيدي الفرينة وعينك هي ميزانك العجينة طرية ولا يابسة ديري شوي زيت وديريها في ساشي وغطيها وخليها تخمر
بعدو يا البنات كل وحدة طي واش تحب
انا نقلي اللحم مفروم مع البصل والثوم والتوابل ونخليه اكوتي ونقلي البطاطا
شوفو ضرك جيبي صنيوة الكوشة روحي للعجينة حليها قد الصنيوة وخلي شوي زايد تحتاجيه معناها تقسميها على 2
ادهني الصنيوة ديري العجينة والداخل ديري البطاطا وفوقها الفيونداشي وفرماج نتاع البيتزا المهم عمروها الداخل بواش تحبو
العجينة االي بقات قطعيها شرائح وديري على الطول والعرض وبيديك مع الاطراف لصقي
تلاحظو يخرجولكم مربعات ديريو فيهم فرماج نتاع البيتزا
نروحو نديرو صفار بيضة مع شوي حليب وندهنو من فوق كل الاطراف وفالوسط ونرشو الجلجان ودخلوها طيب وبعدو قطعوها كيما البيتزا صدقوني روعة روعة
وهي نفس عجينة السوفلي جربوها وقولولي

 

[AmiR@RoRo]

رد: امممم اتخيلو رانا في بيت واحد

تسلميلي زهرورة
ههه شاطرة علابالي ما يغلبك
لاه واش قالولك نتكيف ---كنت سامعه هدرة هكا عليها سقسيتك خخخ

 

[جليلوس]

رد: امممم اتخيلو رانا في بيت واحد

سلآمووو كيراكم ان شا الله بخير

جليلو تبات تكونيكتي و تقوللنا اسكتو ؟ ! ماكانش الرقاد نوض اشري لأختك شا راه خاصها

سكون راكي عاقلة حنونتي وريلهم العين الحمرة خير ما يحـgـرونا -_- إنهم أشرار

هايا نوضو خلونا نهوو الدار خمرتو . . . نروح نصلي و نقرا شوي و نرجع

"ميجو البارح خلاتنا بلا فطور شوربة محروقة و طاجين سامط اليوم أنا نطيبلكم مع ملوكة و سكون تشوفو الطياب كيفاش :d "

​

هادو يخلووووك ترقد هادوووو .... بن عمي غير كيما غمضت جايتني نوض نوض

كنت نشري قبيل علاه ماهدرتييييش ولا بانتلكم غير كيما رقدت شوفي ماتخلطيش فياا اليوم نفطر علييييك

وديجا ماتهدرووووش حرقتوووو الفطووور البارح والطاجين السامط لي درتووو يسمط عدوووكم :smile02:

 

[Djaouida]

رد: امممم اتخيلو رانا في بيت واحد

واه رورو دوك نوض ههههههههههه
اااااااااا شوفو شوفو ماجو شا راهي باغية دير هههههههههههه شوفي ديريها الحرب تنوض علي حريرة ههه
كل وحدة وخربشتها ههههه ايا من بعد هههه

 

[AmiR@RoRo]

رد: امممم اتخيلو رانا في بيت واحد

يعطيك الصحة ليليا راح نسييها
ادا خرجت مليحه راني نحطها هنا وادا ماخرجتش مليحه راني ناكلها ونسكت ههه
وعلى ضمانتك ادا ماجاتش مليحه ايوا راني نديرلك تبهديلة مع ناس اللمة ههه

 

[الزهرة الحمراء]

رد: امممم اتخيلو رانا في بيت واحد

وعليكم السلام اسومة معلياش وانت معليكش
لا مايغلبنيش انا رمضان ديما غالباتو
جويدة تتعلمي المرة الجاية ترقدي على ربعة ارقدي بكري باه تكوني شاطرة كيما انا

 

[ليليا مرام]

رد: امممم اتخيلو رانا في بيت واحد

راني حطيتهالكم وجربوها واللي عندها خاوتها وا راجلها راج يموتو عليها فالدار ليجون
انا ما عنديش مي ديما نمد لجاري ولادو ليجون تعجبهم بزاف كل ما نديرها نمدلهم منها
جربوها البنات وقولولي
نظن راهي واضحة والعجينة هذيك ديروها سوفلي لانها نتاع لسوفلي وتولو دايما تعتمدوها
تظلو تهدرو عليا انا شطارتي واعرة احم احم هههه

 

[ليليا مرام]

رد: امممم اتخيلو رانا في بيت واحد

يعطيك الصحة ليليا راح نسييها
ادا خرجت مليحه راني نحطها هنا وادا ماخرجتش مليحه راني ناكلها ونسكت ههه
وعلى ضمانتك ادا ماجاتش مليحه ايوا راني نديرلك تبهديلة مع ناس اللمة ههه

راني متاكدة باللي راح تجي تقوليلي ليليا عجبتهم كامل
تبعي الخطوات وقوليلي
واله يا التهدايل انا الشاف نتاعهم نورمال جات مليحة قولي ماشي مليحة قولي هاكا نعرفو المشكل وين

 

[الزهرة الحمراء]

رد: امممم اتخيلو رانا في بيت واحد

اسومة ماتبغوش لي يقول لافيريتي خخخخخ راني واجدة ندي الصقلة على جال الحقيقة احم احم
ليليا يعطيك الصحة حبوبة نجربها ونرجعلك لخبر وكيما قالت اميرة اذا مليحة هانا ننشروها واذا لالا كلوها ونسكتو خخخخخ
اميرة لا غلطوك انا مانتكيفش الدخان مضر بالصحة مبصح ندير الشمة هذا ماكان هههههه
ياسي جليلو اسمع ماش ترقد حتى تخمر مبعدة تجي تعيط على روسنا هنا الواحد الشقيقة دايرة فيه حالة ماتكملش عليه خلي النهأر يفوت على خير

 

[الزهرة الحمراء]

رد: امممم اتخيلو رانا في بيت واحد

هههههه جويدة لالا مانوضش الحرب
مبصح الكوزينة كوزينتي نطيب كيما يعجبني خخخخخخ
ايا روحي درك طيبي لا نجيييك

 

[AmiR@RoRo]

رد: امممم اتخيلو رانا في بيت واحد

ليليا خلاص ان شا الله نجربها ونردلك خير علابالي شاطرة ويتكل عليك .. ماتديهاش فروحك بزاف هه
الله يبارك مجاجو تع شمة برك اي مفيدة للصحة تزيد فالعمر هههه