لبنات شكون تعرف شباح الصفرا مليح ساعدوني

انا ناس ملاح

:: عضو مُشارك ::
إنضم
26 ماي 2016
المشاركات
134
نقاط التفاعل
273
النقاط
13
السلام عليكن
اخواتي رمضان كريم و كل عام و الامة الاسلامية بخير

اريد معرفة الطريقة المثلى لصناعة الشباح الصفرا ، عندي مرتين طيبتهم بصح ماجاونيش كيما لازم :( ، يعني راني متبعة الطريقة الصحيحة بعد ما نعجن اللوز مرحي و نديرلهم البياض و نقليهم في الزيت و نعاود نطلي ببياض البيض و نزيد نقلي للمرة الثانية ،بصح ماجاونيش كيما الصورة اللي في كتاب الطبخ ، مش منفخين و حمر شوي ! كيفاش يجيني شكلهم مليح منفخ و لونهم اصفر ذهبي ؟؟؟؟؟ هل السبب في المحتويات ام هناك طريقة احسن من هاذي ؟
اجيبوني رجاءا لاني ساطبخهم اليوم و لا اريد ان تأتيني النتيجة مثل قبل :-h
رجاءا اللي عندها شي معلومة ماتبخلش عليا و شكرا لكن
 
رد: لبنات شكون تعرف شباح الصفرا مليح ساعدوني

السلام عليكم اختي
اسمحيلي و الله منعرفش لهاد الاكلة لي راكي تحكي عليها
نضرب طلة في google و نرجع نخبرك
 
رد: لبنات شكون تعرف شباح الصفرا مليح ساعدوني

أختي بالنسبة لمقادير صنع حبات الشباح الصفراء
كالتالي
3كيلات لوز مرحي رقيق جدا
كيلة ناقصة شوية سكر
و تجمعي بصفار البيض فقط حتى تتحصلي على عجينة متماسكة مثل تع المخبز
تقدري تشكليها و تطبعيها كيما تحبي
بعد تشكيلها تغطسي الحبة في البياض تع البيض وتقليها في زيت ساخنة وغزيرة
ماتخليهاش تحمار بزاف
لما تقلي كل الحبات خليها تبرد و امسكي منديل نظيف و امسحي الحبات كامل
و حاولي تنزعي الفتات تع اليض الي لصق فيها مع المحافظة عل الشكل
ثم عاودي اغطسي الحات في بياص البيص
حبة بحبة واقليهم للمرة الثانية و كرري عملية المسح
يعني القلي يكون على مرتين
هادي طريقة تحظير الشباح
اما المرق فعادي
حظري مرقة حلوة مثل تع العين
و خليها تخثار و لما تبدا تعقد ارمي الحبات تع الشباح الصفرا وخليهم يغليو مرتين او 3 وطفي النار
و زيني اللوز المحمص في الزبدة

ان شاء الله نكون افدتك​
 
رد: لبنات شكون تعرف شباح الصفرا مليح ساعدوني

اختي راهي اشواق كفت و وفت احنا جامي درناها اسمحيلي معنديش فكرة
نعرف طاجين الحلو فقط
 
رد: لبنات شكون تعرف شباح الصفرا مليح ساعدوني

اختي راهي اشواق كفت و وفت احنا جامي درناها اسمحيلي معنديش فكرة
نعرف طاجين الحلو فقط


حسب معلوماتي هذي الاكلة يديروها بزافــ ناس 25
 
رد: لبنات شكون تعرف شباح الصفرا مليح ساعدوني

ايه خاطرش احنآ جامي درناها مكاش عدنآ
مشكورة اختي​
 
رد: لبنات شكون تعرف شباح الصفرا مليح ساعدوني

أنا عمري ما د رتو مي وصفة أختي أشواق راهي شوقتني بش نعملها ان شالله
يا رب تنجحي فيها هاد الخطرة عزيزتي
 
رد: لبنات شكون تعرف شباح الصفرا مليح ساعدوني

وعليكم السلام ورحمة الله وبركاته

مسمعتش كامل بيه

مشكورة الأخت أشواق على الوصفة​
 
رد: لبنات شكون تعرف شباح الصفرا مليح ساعدوني

شباح الصفرا
نحتاج الــــــــى :
_ 3 كيلات لوز مرحي رطب ( كيلي بأي وعاء حابة صغير أو كبير ) أنا كيلت بوعاء ( 300 ملل )

_ 1 كيلة سكر ناعم
_ رشة ملح
_ ملعقة صغيرة قرفة
_ بيص حسب الخليط
- في كف يديك حكي حتى يولي رطب مليييح
- امزجي المكونات الكل مع بعض الا البيض راح ندير المرة الاولى صفــآر بيضة ونخلط باليد أحسن أو العجانة كيما تحبي

نرشوا فرينة فوق واش راح نحللوا العجينة بسمك 1 سم وكيس بلاستيكي فوقها راح يسهل أكيد عملية البسط ونطبعوها الاشكال لي نحبوها ونحطوها في plat حتى تقليوها

VKEppN.jpg


2Q==
 
رد: لبنات شكون تعرف شباح الصفرا مليح ساعدوني

اختي راها اشواق جاوباتك الشباح الصفرا معروفة عند ناس الشرق ويحطوها في طاجين لحم لحلو
ونشاله نكون افدناكي
 
رد: لبنات شكون تعرف شباح الصفرا مليح ساعدوني

شكرا اخواتي
صح فطوووركم
راني درتها و جاتني هاااايلة هاذ المرة
أشواق مشكووورة راني دايما نديرها بصح خصني السر تاعها و لقيتو
الحلم الوردي بالاك تديريها 1 سم هاذي غلطتي من قبل
و انما لازم تكون سميكة العجينة اي ارتفاعها يكون مثلا زوج او زوج و نص سم . كل ما تكون خشينة كل ما تجي سوا سوا .
أشواق انا كنت نعجن بالصفار و لكن هالمرة تبعت وصفة تع سميرة و درتها 500 غ ببيضتين كاملين و زوج صفار و اربع ملاعق كبيرة سكر . يعني حتى البياض فيها ، و جات هائلة الحبة منفخة و ذهبية ، ايه نسيت حتى القلي ماقليتهاش زوج مرات و انما مرة وحدة كيما قالت الطباخة تع سميرة و جاتني هائلة .
و المرقة تاعها قالت ماتديروش البصلة و فعلا كي مادرتش البصلة جات خير ، المرقة فيها لحم و قطرات زيت و طرف زبدة و شوي ملح و فلفل أكحل و نص عود قرفة فقط و نظيف الماء قليل ثم كي تطيب نظيف السكر و ما ورد و مبعد كي تعقد نحطو فيها الشباح الصفرا باش تشرب المرقة الحلوة .
فعلا كيما قلتو اخواتي هي طبخة قسنطينية . و البلدية عند ناس الشرق معروفين بيها .
 
رد: لبنات شكون تعرف شباح الصفرا مليح ساعدوني

حبيباتي السلام عليكم وصحى رمضانكم
السر في شباح السفرة
هي انك لما تعيدي قليها للمرة الثانية متتركيهاش تقعد مدة طويلة مباشرة حطيها في المرق
راح تكون شادة روحها وتقسميها بالملعقة مش راح تتفتتلك
اما البقية كيما خبروك لبنات
موفقة حبيبتي
 
رد: لبنات شكون تعرف شباح الصفرا مليح ساعدوني

شكرا سماح
و لكن تبين ان قليها للمرة الثانية لا معنى له ! فواحدة تكفي ، و هذا ما جربته و وجدته افضل
اما الجديد في طريقة صنعها هو ما ذكرته في مداخلتي السابقة وصفة جديدة هايلة خير من القديمة جربتها و جاتني تحفة
 
رد: لبنات شكون تعرف شباح الصفرا مليح ساعدوني

[FONT=&quot]:thumb_up02:جزاكم الله خير [/FONT]
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top