بعد فتوى شمس الدين بخصوص خميرة الحلوف ، ما هو بديلكن ؟!

[انا ناس ملاح]

السلام عليكن
كيف أحوالكن الرمضانية ... شخشوخة :sport01: أم شكشوكة :tongue02:

اليوم قلت مانطيبش كسرة خلي نشري الخبز ( فوgآس ) احسن
و تفكرت بلي راهو طالع بالخميرة ! و كيما قال شمس الدين ان فيها دهون الحلوف
يعني الخبز تع الكوشة ممنوع ! و حتى كي نطيبوه في الدار لازماتو خميرة باش يطلع ، كيف الحل هل هناك بديل عن هذه الخميرة المخنزة ؟ يعني كشما كاين طريقة قديمة نخدمو بيها خميرة في الدار تع جداتنا بكري :s
اللي تعرف تقولي و لها الأجر على ذلك

 

[ضآحكة مستبشرة]

رد: بعد فتوى شمس الدين بخصوص خميرة الحلوف ، ما هو بديلكن ؟!

اختي ديري خبز فطير مفيهش لخميرة و خلاص
معدنا منديروا
​

 

[hadil2044]

رد: بعد فتوى شمس الدين بخصوص خميرة الحلوف ، ما هو بديلكن ؟!

اختي كاين انواع خميرة ما فيهاش
احنا اصلا النوعية اللي قال عليها ما نشروهاش
نديرو في ماركة تركية ما فيهاش الرمز اللي قال عليه والله اعلم
​

 

[انا ناس ملاح]

رد: بعد فتوى شمس الدين بخصوص خميرة الحلوف ، ما هو بديلكن ؟!

شكرا لبنات يعطيكم الصحة عالاجابة
هديل وش اسمها خميرة الترك ؟

 

[AmiR@RoRo]

رد: بعد فتوى شمس الدين بخصوص خميرة الحلوف ، ما هو بديلكن ؟!

السلام عليكم
اختي هو ماقالش على الخميرة ككل كاين نوع برك بلاك اكي شايفتها لي تجي زرقا
كاين هاديك باكمايا مليحة
وادا حبيتي تتفاداي وتنحي الشك ديري خميرة طبيعية وتخرج عادا خير من الكيميائية مي لازمها وقت

 

[hadil2044]

رد: بعد فتوى شمس الدين بخصوص خميرة الحلوف ، ما هو بديلكن ؟!

Blé d'or
هادي اللي عندنا دركا وهي صغيرة موالفين نشرو وحدة كبيرة لونها ما بين الازرق والاخضر بصح راحلي الاسم
​

 

[انا ناس ملاح]

رد: بعد فتوى شمس الدين بخصوص خميرة الحلوف ، ما هو بديلكن ؟!

شكرا هديل افدتيني سأبحث عنها ، فعلا انا استخدم اللي قال عليها الزرقا ! ربي يغفرلنا

اميرا رورو مشكورة عالافادة نعم انا كنت معتقدة ان كل الخمائر اللي في السوق فيها الحلوف بصح راكم افدتوني بان هو نوع واحد فقط و بالإمكان استخدام نوع اخر شكرا لكن

 

[حاملة القرءان]

رد: بعد فتوى شمس الدين بخصوص خميرة الحلوف ، ما هو بديلكن ؟!

حسب معلوماتي الخميرة عبارة عن فطريات وش دخل دهن الخنزير

وزيد الدولة هي لي تتحمل مسؤولية استرادها وكي نجي نبحثوا كلش فيه الخنزير

واليوم ظليت من حانوت لخوه لقيت غير الخميرة العادية والله حرت

ودارنا لازم المطلوع يوميا وكيفاه نديرو.

وزدت سقسيت مليح وقالك هذاك مجرد رمز يدخل في جميع المواد الغذائية

وبالمنطق الجزائري لو كانت فعلا منتج فرنسي خالص راكي تشريها بالغلا

 

[tistissa dj-tissou]

رد: بعد فتوى شمس الدين بخصوص خميرة الحلوف ، ما هو بديلكن ؟!

انا راني نستعمل فيها عادي مي مادام كاين البديل اكيد راح نستعملو
شكرا هديل
​

 

[تـريـــاق المحـبـة]

رد: بعد فتوى شمس الدين بخصوص خميرة الحلوف ، ما هو بديلكن ؟!

شكرا ليكم يا البنات راكم افدتوني كنت نضن ان كافة المنتجات الخميرة فيها الدهن الخنزيري

 

[انا ناس ملاح]

رد: بعد فتوى شمس الدين بخصوص خميرة الحلوف ، ما هو بديلكن ؟!

من ترك شيئا لله عوضه بخير منه
شكرا للأخوات على تفاعلهن
حاملة القران للحيطة و الحذر من الأفضل استخدام التركية كيما قالت هديل
صح سحوركم حنونات

 

[حلم يعانق السماء]

رد: بعد فتوى شمس الدين بخصوص خميرة الحلوف ، ما هو بديلكن ؟!

مسمعتش كامل بيها استعملت اليوم عادي الخميرة
​

 

[أم بتول]

رد: بعد فتوى شمس الدين بخصوص خميرة الحلوف ، ما هو بديلكن ؟!

السلام عليكم
حنا سقسنا الخباز وهو انسان ملتزم قال بلي هي خميرة عادية ما فيها حتى مشكل
والله مافهمنا والو نشالله ربي يعوضنا خير وعلى رقبتهم نشالله

 

[MOHAMED LAMINE7]

رد: بعد فتوى شمس الدين بخصوص خميرة الحلوف ، ما هو بديلكن ؟!

 

[samah06]

رد: بعد فتوى شمس الدين بخصوص خميرة الحلوف ، ما هو بديلكن ؟!

السلام عليكم ورحمة الله وبركاته
متقلقوش لبنات رانا في دولة اسلامية وعندنا رقابة
انا اصلا ما شفتش لخميرة ولا شفت الفتوى
وراني معاكم نتابع في هذا الشان
وراح نسال عليها
لان زوجي يعمل في مديرية التجارة للمنافسة وقمع الغش

 

[انا ناس ملاح]

رد: بعد فتوى شمس الدين بخصوص خميرة الحلوف ، ما هو بديلكن ؟!

الأخوات الكريمات
بارك الله في العضو الذي ارفق مداخلته بشهادة تثبت ان الخميرة حلال و مصادق عليها من الشؤون الاسلامية ، هذا خبر يطمن و لله الحمد و الشكر

سماح مادا بينا تزيدي تسقسي راجلك يزيد ياكدلنا ، شمس الدين دارلنا الخلايع ديجا البارح جيت نشري بريوش سقسيت سع الخباز قتلو وشمن خميرة تدير رح نعتلي خميرتو لقيتها هي هي نفسها فاحبطت .
طيب اذا هي حلال علاش يقولو ان الرمز e491 يعني دهن الخنزير (اعزكم الله ) ؟؟

 

[شمس الاصيل2]

رد: بعد فتوى شمس الدين بخصوص خميرة الحلوف ، ما هو بديلكن ؟!

السلام كل مرة يجبدو حاجة عندي سمانة وانا قلبي داير من الخبز انا اصلا ماشفتوش ومانحبش اصلا القنوات الخاصة يديرو البلبة بزاف فاتو الجزيرة بشوي لو كان نجو للصح الخميرة حتى تع الحلويات مش مليحة للصحة خاطر فيها بيكربونات ربي يجيب الخير برك صح فطوركم دعواتكم

 

[samah06]

رد: بعد فتوى شمس الدين بخصوص خميرة الحلوف ، ما هو بديلكن ؟!

صباح النور لبنات واش راكم
بخصوص لخميرة هي صح فيها رمز e 491
وهو يدل على وجود دهن الخنزير ومتاكد منه
لكن قالي بلي مكان حتى قرار من الدولة راح نعملو بيه
او سيتم سحبها من السوق وتعويضها بماركة اخرى
ربي يغفر ويرحم برك
ذرك نخافو من اي شيء معلب ومن فرنسا بالذات
اعوام وحنا ناكلو فيها وثاني راهي تهبل الله لا يبارك فيها ههههههههههه

 

[انا ناس ملاح]

رد: بعد فتوى شمس الدين بخصوص خميرة الحلوف ، ما هو بديلكن ؟!

سماح اضحكتيني اضحك الله سنك هم يبكي هم يضحك
يعني خلاص راهي بانت بلي حلوف !
وعلاش الاخ حط الوثيقة هاذي و فيها قرار رسمي بلي راهي حلال !!! يعني الشؤون الدينية تتمسخر بينا ولا واش ؟!
شمس الأصيل ربي يجيب الخير ختي
هيا صحا فطوركم راهو الاذان رح يأذن
تقبل الله من الجميع

 

[taleb2011]

رد: بعد فتوى شمس الدين بخصوص خميرة الحلوف ، ما هو بديلكن ؟!

[FONT=&quot]:up:ربي يوفقكم ويجازيكم[/FONT]