السهرة الرابعة........ قهوة وتاي

[Msb security]

رد: السهرة الرابعة........ قهوة وتاي

مرحلة هدية الضيف

ضيفي الكريم
نتمنى انو تعجبك هديتي ولو تمنيت يكون هناك تصميم خاص بالموضوع
ولكن للاسف المنتدى يفقتر لمصممين واختي لاريمان غايبة هي صممت كل شي خاص بالموضوع ونشكرها بزاف

هذي هديتي ليك نتمنى تعجبك

​

شكراا لك اختي
هدية جميلة اعجبتني اتقبله بسورور
ربي يحفضك
ومزيد من العطاء انشاء الله
شكراااااا

 

[Msb security]

رد: السهرة الرابعة........ قهوة وتاي

وصلنا لآخر مرحلة

كلمة ختامية

ضيفي الكريم هاته مساحة لك لتعبر فيها عن كل شي بخصوص الموضوع
والاستضافة
انا نشكرك بزاف على قبول الدعوة وان شاء الله تكون سهرة ممتعة مع كل اللاعضاء

شكرا لك ولكل من يتابع الموضوع

​

اولا اشكرك انتي اختي ليليا ماشاء الله نشيطة في المنتدي
ربي يبارك بشهادتي
هاذ كان جانب من حياتي الشخصية وارجو اني كنت خفيف الضل عليكم نشكر الاعضاء لي سهرو معانا واتاسف اذ بطيت عليكم
والله لاكونيكسيو رايي ثقيلة بزاف راي لاشارج بزاف علي السيرفيرات واقيلا ههه تقبلو تحياتي
ربي يحفضكم وصح رمضانكم
الي الملتقي
السلام عليكم

 

[Msb security]

رد: السهرة الرابعة........ قهوة وتاي

سفيان يطول باه يجاوب
ياما راك تاكل ههههه وباه نقولو حاصل في الكلافي راك سبيساليست الله يبارك

نقسر برك
سهرة ممتعة نخليكم عنيا تغلقو

​

السلام عليكم
صح فطورك اختي هديل اسف اذ طولت عليك
نو البروبلام ماشي الكلافي راني كي حالتك عينيا تغمدو راني عيان من السهرة ولاكونيكسيو راي تقيلا واش نكولك
ربي يحفدك ديسولي وصحا صحورك
راني نجاوبك غير ماتخافيش

 

[Msb security]

رد: السهرة الرابعة........ قهوة وتاي

واش هو فريقك المفضل ؟
انت الكبير والا الصغير في الدار؟
حاجة درتها وندمت عليها؟
حلم حاب تحققو؟

​

اهلين هديل فريقي المفضل ريال اكيد
مدريدي ولو قطعو الوريد هههه :d

وي انا الصغير في الدار
حاجة درتها وندمت عليها
والله ماعلابالي ههه مي مادرتش حاجة لي راني نادم عليها الحمد لله
انشاء الله تكون عندي شركة خاصة لي في مجالي
والزوجة الصالحة اكيد هه :love01:

صح صحورك

 

[قرصان الساحل]

رد: السهرة الرابعة........ قهوة وتاي

صحا فطوركم كامل اللي حاضرين في السهرة
تشرفنا بمعرفتك سفيان خويا ونمد ليك شوي اسئلة
سفيان علاه سماوك سفيان هههه نقسر برك
كيفاه عرفت هاد المنتدى وسجلت فيه ؟؟
لو يعطوك نهار تولي رئيس العالم وش قادر تبدل فيه ؟
هل تستهويك اضواء الشهرة ؟
وش تقدر تحكي باختصار على الفترة لي قضيتها في المريكان ؟؟ وشحال لازمنا من عام باه نلحقوهم ؟
وفي الاخير هدا طلب خويا حاب نستفاد من خبرتك في الشبكات بما انك تحصلت على هاد الشهادة وعندك خبرة في الميدان ادا ما عندكش مانع ..
وتقبل تحياتي خويا وربي يهنيك
​

 

[Msb security]

رد: السهرة الرابعة........ قهوة وتاي

سلآمـ عليكم , و مرحبا بضيفنآ الكريم

و كل الحآضرين ♥

اسئلتي تتعلق بلحظات و انت حطلهم تعريف بحكم تجربة شخصية !
لحظة انفعال.....
لحظة تعاطف.....
لحظة دهشة ....
لحظة اكتشاف....
لحظة معرفة .....
لحظة تجعل لحياتك معنى .....​

وعليكم السلام
اهلين اختي صح فطورك

لحظة انفعال.....

الانفعال شيء مشي مليح الله غالب حنا الدزرين معروفين
بلانفعال لاتفه الاسباب
ربي يصلح حالنا ويهدينا

لحظة تعاطف.....

هو شعور جميل نحو الشخص الاخر تدخل في مشاعر الانسان من موقف ما او شيء جميل راه واعجبه وهاذ شيء رائع
انشاء الله نكون دايمن متحابين ومتعاطفين في ما بعضنا

لحظة دهشة ....

هههه الدهشة راني مدهوش بزاف بصح تفسيرها يدهش
ههه كي نفهم واش معنتها نقولك :s

لحظة اكتشاف....

الدنيا قراية وتعلمك بزاف صوالح
وتكتشف بزاف امور الانسان قدما يكبر يزيد يتعلم
رانا نكتاشفو غير امور السيئة في البلاد هادي
ربي يجيب الخير

لحظة معرفة .....

المعرفة وحدها لا تكفي لابد أن يصاحبها التطبيق

لحظة تجعل لحياتك معنى .....

عندما احس ان والديا راضين عليا
فهاذ اجمل لحضة ومعني لحياتي

شكراا لك اختي علي
المشاركة
صح صحورك

 

[Msb security]

رد: السهرة الرابعة........ قهوة وتاي

ايا مليح كجبتها:yahoo01:
سهرة ممتعة لضيف الحلقة
وصح فطور الجميع

اهلين اختي شكرا لك نتي زادا
صح صحورك

:regards01:

 

[Msb security]

رد: السهرة الرابعة........ قهوة وتاي

اهلا و سهلا بضيف السهرة
صح فطوركـ

اهلين اختي شكرا لك
شكرا لتدخلك صح فطورك و صحورك
تقبلي تحياتي ميرسي
:d

 

[Msb security]

رد: السهرة الرابعة........ قهوة وتاي

السلام عليكم غاليتي ليليا
صحا فطورك
ضيفنا مرحبا بيك في سهرتنا
اليوم نتعرفوا مليح علييك
انا في المتابعة كالعادة

السلام عليكم
مرحبا بيك نورتينا اختي
بارك الله فيك صح صحورك

 

[Msb security]

رد: السهرة الرابعة........ قهوة وتاي

اهلا وسهلا بضيفنا الكريم
ذ
اولا اسمك ؟
عمرك؟
المستوى الدراسي ؟
كفاش راك مع رمضان ؟غلبك ولا غالبه ولا تعادل ؟ههه
تتشرط انت فالماكلة الرمضانية ولا غيير لي جات اهلا ؟

هيا كاش ما نتفكر نرجع
باللتوفيق

السلام عليكم
مرحبا بيك اختي
بارك الله فيك
علي المشاركة

اولا اسمك ؟

سفيان

عمرك؟

24

المستوى الدراسي ؟

الثالثة ثانوي هربلي الباك ههه

كفاش راك مع رمضان ؟غلبك ولا غالبه ولا تعادل ؟ههه

واش نحكيلك اختي اسكتي برك راو دار فيا حالة هادو اليمات راني كاوو هههه

تتشرط انت فالماكلة الرمضانية ولا غيير لي جات اهلا ؟

انا يحي واش جات ناكول رحا يابحاينك مانتشرطش هههه :d

انشاء الله
في امان الله

 

[ليليا مرام]

رد: السهرة الرابعة........ قهوة وتاي

السلام عليكم
خويا سفيان نهارك مبروك ماشاء الله تعرفنا عليك مليح الله يبارك رحت للماريكان انا اختك كيفاه درت ورحت
الله يبارك والله انت خير مثال قادر الانسان ينجح مش لازم حتى تكون عندو شهادة كبيرة المهم الارادة ونشوف فيك والله ماشاء الله فمجالك عندك ارادة قوية وهواية ماشاء الله راه عندنا مهندس ماشاء الله
راح نرجع نشوف واش خيرت للبوقالة ونرجعلك
شكرا سهرة روعة واسمحنا ما قعدناش الله غالب
شكرا لكل الاعضاء اللي شاركو واللي يتابعو

 

[ليليا مرام]

رد: السهرة الرابعة........ قهوة وتاي

اه يا بوقلات نشاء الله خير
خير الامور اوسطها
اختار رقم 5

السلام عليكم
اييه البوقالات نورمالمو فالسهرة مي معليناش نديروها ضرك واعقدو النية


قولو قولو والعيب عادة فيكم أنا ديت الخمري وعشرة في عينكم


خونا سفيان نظن هذي أفير كادنة ههههههه
هذي اما مرتك راح تقولهالهم اما انت ناوي على خمرية هههههههههه
ان شاء الله ما تدي الا اللي يرضاو عليها والديك وربي يهنيك يا رب

 

[شتيلا]

رد: السهرة الرابعة........ قهوة وتاي

جمعة مباركة للجميع
راني نشوف غلقتو بكري عندبالي مازالت
وراني بالهاتف لهدا مقدرتش نشارك معكم
سؤال على السريع
عرفنا الاخ سفيان من خلال الردود
ونلقاه في اقسام التقنية
ههل ينوي الاخ كتابة المواضيع ولا رايح يكتفي بالمتابعة من بعيد؟

اي الاقسام يحب ضيفنا الكريم التواجد فيها؟
وصح فطوركم واسمحيلي اختي مريم واخي سفيان لقلة مشاركتي بالموضوع

 

[Msb security]

رد: السهرة الرابعة........ قهوة وتاي

السلام عليك
واش راك ان شاء الله راك مليح
صحا فطورك
بون اسئلة خفاف برك
علاش سميت روحك بهد الاسم
Msb security
_انت انسان عقلاني ولا عاطفي؟
_كي تكون منارفي واش دير؟
_واش تعلمت من هد الدنيا؟
_مواقف صراولك ومازالك متفكرهم لدوركايا؟
_تحب المغامرات ؟
الى كاش ماتفكرت راني نولي
هكدا خويا
​

وعليكم السلام
مرحبا بيك اختي وصح فطورك

نروحو للاسئلة تيعك

علاش سميت روحك بهد الاسم
Msb security

امم هاذ اسم العمل فقط ان صحا القول

M > Man in the middel attack
S > سفيان
B > لااقبي

security
وهو الامن والحماية

هاذ تفسير للاسم كاملا

انت انسان عقلاني ولا عاطفي؟

اممم هيا باش تكون عاطفي لازم تكون عاقل
في زوج ههه

كي تكون منارفي واش دير؟

نغمد عينيا وندير اليوقا ههه :d
والله مانتقلق بزاف مي نسي نكالمي روحي ونستغفر

واش تعلمت من هد الدنيا؟

واش نكولك اختي الدنيا واعرة والعقوبة واعرة
مازال بزاف نتعلمو رانا سغار بصح علمتني الدنيا مانديرش لامان

مواقف صراولك ومازالك متفكرهم لدوركايا؟

صراولي مواقع بزاف
خطرة طحت بلموتو انا واحد صاحبي في لوطوروط
واش نقولك شفت الموت قدامي كعدت 3 وانا ساكت
ربي سترنا الحمد لله

تحب المغامرات ؟

اكيد احب المغامرات و الاكشن ههه :sport02:

شكراا لك اختي
الحلم الوردي بارك الله فيك
اسف علي التاخر في الرد

صح فطورك

 

[Msb security]

رد: السهرة الرابعة........ قهوة وتاي

سلام خويا سفيان صحا فطورك

انت من اي ولاية؟
هدفك في الحياة؟
طموحاتك ؟
وش داير مع رمضان ؟
بلاك نزيد من بعد
​

وعليكم السلام

اهلين ب اختي هديل
ونتي زادا صح فطورك

انت من اي ولاية؟

انا من البليدة

هدفك في الحياة؟

ان اكون ناجح في عملي وحياتي وان اكون اسرة

طموحاتك ؟

طموحاتي كثيرة لكن رانا بلعقل وانشاء الله فيها خير

وش داير مع رمضان ؟

نصوم مبعد كي ياذن نفطر
ههه نكسر :d

عادي اختي العمل والعبادة

بلاك نزيد من بعد

ولي ولي راني هنا

:regards01:

 

[ليليا مرام]

رد: السهرة الرابعة........ قهوة وتاي

شوفي مريم كاين زوج
الاخ حكيم ستوري
او الاخ
Msb security
اكيد راني :thumb_up02:​

اهلا حبيتي
هذي هديتك واسمحيلي طولت

 

[ليليا مرام]

رد: السهرة الرابعة........ قهوة وتاي

اممم شبه متاكدة انو هوا الاخ

Msb security​

السلام عليكم
وانت لانو جبتيها صح
نتمنى تعجبك هديتي

 

[جليلوس]

رد: السهرة الرابعة........ قهوة وتاي

السلام عليكم
ختي ليليا يعطيك الصحة درتي بالراي ومن كل منتدى تصيدي واحد هههههه
وطاح في الشبكة العاقل فيهم خونا سفيان ... خيار الناس متشرفين بييييك ومعرفة خير ان شاء الله
سمعت ماريكان ما ماريكان علابالك ماتقوليش رحت وماديتنيش معااااك
صدقني بالله جاتني فرصة الى كندا وضيعتها لظروف راها غايضتني قالك الفرصة تجيك غير مرة في العمر ماشي 10
ايوا ماعليش مكتوب ربي ... نروح نضرب دورة في مسابقتي ونرجعلك خيي عندي اسئلة نقولهملك
يلا تفكرتهم ... الميهووووم تفطروو بالصحة وربي يطرح البركة وزينة القعدة هادي هيا معاكم
القبول ان شاء الله
​

 

[Msb security]

رد: السهرة الرابعة........ قهوة وتاي

السلام عليكم
صح فطوركم
مرحبا بالاخ سفيان
صح فطورك نشالله راك بخير
نشالله تستمتع هنا
كاش ميجني سؤال نرجع ههه
بالتوفيق لك
في امان الله

​

مرحبا ب اختي الكريمة جيهان واش راكي مع رمضان راو غالبك واقيل ههه

نتي زادا صح فطورك ختيتو ربي يحفضك
راني هنا اختي ولي مرحبا بيك :d

 

[تـريـــاق المحـبـة]

رد: السهرة الرابعة........ قهوة وتاي

اهلا وسهلا بضيف السهرة
ولاختي ليليا احلى تحية
من اجمل أشياء التي اعجبتني في السهرة هي هاذه النجمة