السهرة 13 .........قهوة وتاي

رد: السهرة 13 .........قهوة وتاي

سلاام عليكم ..و صحة فطوركم

يعطيك الصحة ليليا اختيار موفق

و اهلا بيك ميرو وشراكي :d

منقدرش منسقسيكش نتيا هههه :p

*كيفاه مع رمضاان تغلبيه و لا غاالبك ؟

*ميرو و الكوزينة في رمضاان ؟؟

*ماكلة معندكش الزهر فيها ؟؟ يعني كل ما ديريها يعيبولك عليها ؟؟

*تصلي التراويح ؟؟

*واشمن سورة لحقتي فالختمة ؟؟

*حاجة ممكن تطيرك من الفرحة في هذي اللحظة ؟؟

و الان الى فقرة on و off خخخخ تقتلني ليليا :d

المهم حاجة خفيفة : لي تعجبك قوليلي on و لي متحبيهاش قولي off اوكي ؟ اوكي هههه

*القهوة

*رمضان

*الضياف

*السهرة

*الفيس بوك

*بن غبريط ههههه بلعقل عليها هاذي

*اللمة

*sport

* المسلسلات

*فيولاا

:d:d:d

ايا الزينة سهرة ممتعة ..و صحا صحوركم
 
آخر تعديل:
رد: السهرة 13 .........قهوة وتاي

jmx98366.gif




خمسة بخمسة

rwy99691.gif



ضيفتي وصلنا للصح وللإحراج
هههه علاش بيك الاحراج يا ختي خلينا حباب :p
1- اميرة فالدقيقة هذي لو نقولك ارجعي للماضي او خمي فحاجة عزيزة عليك واش هي وما تقوليش والديا هذوك باينين
مممم نخمم في بعض الاصدقاء لي خسارة فيهم اصدقاء بل هم اكتر من الاخوة
عزاز عليا بالبزاف ربي يحفظهم وين ما كانوا

2-واش راي اميرة فالزواج تحب علاقة عن حب او زواج عادي ؟
هما تقريبا عادو في نفس الرتبة يعني لكل منهما محاسن ومساوئ
بصح لو نرجع ليا عن نفسي نفضل عن حب
shy-onion-head-emoticon.gif

3- جرح او الم عاشته اميرة واش هو ؟
هي حقيقة ما عشتش وحد الام او جرح كبيـــر لي نذكر
الله المستعان ;)

4- اول طفل عاكسك فالطفولة واسمو هههه ؟ وواش قالك ؟
اول واحد كان فعمري شهرين قالي اغغغغ وقتلو اييييغغغ ههههه
يا بينتي وانا وين عقلني على اول واحد ههه وزيد من طفولة ههه مش شافية حتى وش فطرت وحابتني نشفى على الطفولة هادا ههههه :p

5- حاليا اميرة تعيش حالة حب او لالا قولي الصح ؟
ممم تحبي الصح الصح



لآآآآ :d

ونروحو للفقرة الجاية

لبست ووجدنت والعمدة مزال مابان قلت نكمل نجاوب بيلا ما وخلاص هههه
الى الفقرة المواليةة

 
رد: السهرة 13 .........قهوة وتاي

jmx98366.gif



شكون تختار؟

ox698366.gif



ضيفتي فالفقرة هذي راني حابة نشوف الشعر يطاير فالسما انا خاطيني عاقلة وناوية خير وننشر المحبة بيناتكم
والدليل ما راحش نسلككم على العكس انا منك اميرة شنشفيها
مي يا درا عضوة او عضو المهم اللي جاك هاو ليك
ضيفتي اختاري احد ما للتحدي
وحنا علينا نتفرجو ايا الحلبة ليكم



ههههه خرابة بيوت انتي يا ليليا تحبيها غير شاعلة
انا عاقلة ماشي تع تشنشيف وعياط خخخ
بون هنا خليها شوي هادي نخمم ففكرة جهنمية ونرجعلها ههه

 
رد: السهرة 13 .........قهوة وتاي

أهلا بيك اميرة و صح فطورك و رمضانك

اتمنى لك سهرة ممتعة مع الاحباب

يمكن الاسئلة تكون صعبة عليك في هده السهرة الرمضانية

لكن مجبرة على الاجابة عن كل سؤال لأنك لم ترحمي اي احد

بأسئلتك .

شكرا لصاحبة الدعوة و اتمنى لكم سهرة ممتعة
 
رد: السهرة 13 .........قهوة وتاي

jmx98366.gif




من 1 لل 10

dr598366.gif



اييه يا اميرة بخرتك بالقصبر اللي شاف ردودك ما صبر
بخرتك بالحنتيت .... قريت مواضيعك حتى عييت

ههههه ربي يستر تقول راكي تقراي فشي تعويذة :tongue02:
ععععع
اميرة اختي اختاري نيميرو وراني نشوف بوقالتك وزهرك المنتحر على الاطلال واش راه يقول المهم انت قولي وانا ندبر راسي
ههه علاش مسكين منتحر على الاطلال زهري منعنع ومشعشع الله يبارك وخمسة فعينيكم هههه
"بلا كذب دزيريين تع زهر واحد رواو باين كفاش :-r:p"

اختاري رقم ونشوفو بوقالتك واش تقول




ا سيدي روح نختار 7
ان شا الله خير برك ما خاصني فقايع هههه

 
رد: السهرة 13 .........قهوة وتاي

jmx98366.gif



انت وزهرك

ضيفتي راسلتها ودرتلها هذا المقلب وكلاتو راهي امنت وشوفو واش صار



اهلا اميرة
هذو ملاح خلاص خليهم ندير هذو
قوليلي اميرة صح صاحبة القبعة الحمرا زعفت لما قتلك انت صممي الفواصل علاه ياخي انت او هي كيفكيف وانا والله ما نحبش نديرونجي الناس تعاملي معاك اسهل هي عارفة عندها مسؤوليات فالمنتدى هذا وبرك احكيلي واش صار صح زعفت مني ووعلاه بصح والله ما فهمت


رد: سلام إقتباس: المشاركة الأصلية أضيفت بواسطة: AmiR@RoRo
مساء الخير
وعلاش تزعف منك ؟
كاش ما قاتلك ولا واش ؟
اواه ماشكيت تزعف من حاجة هكا بالعكس
ياك هي لي قالتلي فالتحدي اني نصمم فواصل للموضوع
عادي حبيبة ماتعمريش راسك خلاص وراكي قلتيها عندها مسؤوليات اكبر
صحا فطورك ^^

اهلا اميرة ميرسي على الفواصل
والله ماني عارفة راهي راسلتني وكي شغل زعفت وقاتلي راهي قاتلي اميرة باللي راهي تصمملك
حسيتها زعفت وانت علاه راسلتيها حاجة صغيرة كيما هذي ماكانش لازم حتى يسمعو الناس الكل



العفو
انا راسلتها ؟
يا بنيتي وانا علاش نراسلها اصلا جامي حكيت معاها ابار فقسم المشرفين
كون حتى قلتلها مافيهاش زعاف هادي نورمال
ومنعرف تلفتيهالي يا ختي والله ماني فاهمة هذا الدي وجيب نتاع الهدرة مي كيفاه عرفت اني قتلك ديريلي تصاميم

ومنعرف بلاك كاش ما قلتيب انتي فرد ولا
خاطر من جهتي راني متاكدة محكيتش معاها
ديجا ماكلاه تعمري اسك مام يكون علابالها ماراحش تزعف اني قتلك ايا لالة اميرة او سلطانة صح انت ما قلت وانا ما قلت والمخلوقة ما راسلتني الليلة راكي ضيفتي ومبروك الكاميرا كاشي
لازم ندي حاجة صح حتى ندير بها الكاميرا هههههههههههه

ضيفتي بصحتك راكي كليتيها
اييه اختي القبعة الحمراء اسمحينا جبدناك فالغيب مي فالغيب

شكرا ونروحو لفقرة الجاية



ههههه كليتها تع صح
سيرتو جيتيها في صلب الموضوع لي كنا نحكو فيه
عليها امنتك
ما انا قليل وين تفوت عليا الكاميرا كاشي فايقة بسلامتي احم احم هههه "باين باين :p "

 
رد: السهرة 13 .........قهوة وتاي

jmx98366.gif



هدية الضيف

ضيفتي انت اميرة ولازملك كادو يوالمك مقامك
راح نشوفو محلات عمك قوقل نقضي ونجي

118440alsh3er.jpg



images



images




ضيفتي نتمنى يعجبوك






تحصيلها حبيبتي ليليا علابالي
يسلمو دياتك عجبوني ونص وخمسة وعشرين كما قالها واحد :d
 
رد: السهرة 13 .........قهوة وتاي

السلام عليكم
وعليكم السلام
وينكم يا مالين الدار ههههه
راحنا هنا ماكيش تشوفي نورنا كيفاش راه مضوي خخخ
صح فطوركم ومرحبا وأهلا وسهلا بضيفتنا الزينة أمورة المنتدى
الله يسلمك اهلا بيك حبيبة يعيشك كما تقولها :p
ان شاء الله اقامة طيبة في هاد السهرة
معاكم ومع لحباب كامل اكيد تكون طيبة وحلوة وعسل ^^
انا كي العادة نخليك تجاوبي على الاسئلة لي موجدتهم مريومة
ونولي من بعد ان شاء الله بأسئلتي
درك نعربن برك كيما تقولها مريومة ههههه
تحياتي



راني كملت البروصي تع ليليا هههه
مرحبا بيك في اي وقت
تنوري مريومة :love01:
 
رد: السهرة 13 .........قهوة وتاي

السلام عليكم
صار اميرة خلصت الجيش تاع الاسئلة؟؟ ههههه
نستعرف بيك
هيا نوليو للاسئلة تاوعي
بسم الله
اممم اميرة كيفاه السويد زعما شابة ههههه غير نضحك
هيا نوليو للصح قريت في ردودك على هاد الموضوع بلي نتي البنت الوحيدة في الاسرة
كيفاه مدايرة مع خاوتك الذكور؟ زعما مدللينك ولا مدايرين رايهم فيك هههه
وشكون لي يحب باباك كتر هوما ولا نتي؟
واش هو الاسم لي تدلعك بيه العائلة؟
وهل اميرة صديقاتها من خارج العائلة ولا من نفس العائلة كيما نقولو بنات خالاتك ولا عماتك؟
لو نقولك اذكريلي اسم شخص عزيز عليك شكون هو؟؟
هيا نخليك مع هاد الاسئلة ومن بعد نرجعلك ان شاء الله

 
رد: السهرة 13 .........قهوة وتاي

السلام عليكن
صح فطوركم
انا جيت نشرب اتاي وخصوني لي غوسات تع قاطو بالشوكولا
 
رد: السهرة 13 .........قهوة وتاي



اهلا وسهلا بيك اميرة ضيفة سهرة اليوم
 
رد: السهرة 13 .........قهوة وتاي

السلام عليكم ورحمة الله وبركاته
أهلاً بكِ غاليتي أميرة، نورتي المكان بحضورك حبيبتي
استمتعت كثيراً وانا أقرأ ردودك وأحاباتك على الأسئلة
ليس عندي ما أسألكِ اياه عزيزتي
ولكني احببت ان احييكِ واتمنى لكِ سحوراً طيباً وصياماً مقبولاً ان شاء الله
في أمان الله عزيزتي
 
رد: السهرة 13 .........قهوة وتاي

السّلآم عليكمْ
وعليكم السلام
يووه اميرتِي الضيفَة مرحباآ مرحباآآ
بوه حشمتيني جوزي جوزي
اهلآ وسهلا بيك غاليتِي نتمناآلك اقاآمة ممتعة
اكيد ممتعة بوجود الحلوين كيفك ^^
في المتاآبعة ان شاء الله
ولي عودة بالاسئلة ^^
صحيتي ليلياآآ

تنوري فكل وقت حبيبتي السمرا :love01:
 
رد: السهرة 13 .........قهوة وتاي

السلام عليكم

وعليكم السلام ا
هلا وسهلا بضيفتنا الكريمة
اهلين فيك
:d
صحا فطوركم
ان شاء الله تكوني بخير.
الله يسلمك ونتوما زادا
الحمد لله بخيــــر

عمرك ؟
65 سنة (خمسة في عينيكم :d)
كيفاش كنت معا رمضان؟

ممم صافا نهار هاك ونهار هاك ههه
مي فالاغلب انا غالباتو :sport01:
وش القسم لي يستهويك بزاف فااللمة ؟

قسم البوح
واش راك تهدر
النقاش الجاد
العلوم وامعرفة
التصميم
التقاطات الصور الحصرية
اني قريب نقولهم قاع وخلاص هههه
كفاش تعرفتي على اللمة ؟

كنت نحوس على وصفات ووالوصفة لي نطلبها تخرجلي فهاد المنتدى :up:
تعرفت عليه في 2012 وبقيت نتابع من بعيد مرة على مرة وف 2013 قررت نسجل
:dوراني هنا والحمد لله ما ندمتش على قراري :thumb_up02:
فريقك المفضل ؟

الجزائــــر أكيد :d
اتلتكو
برشلونة
ليستر سيتي ( محرز
embarrassed1-onion-head-emoticon.gif
)
كل مرة واحد على حساب القوسطو ماعنديش واحد اخر معين ابار البرصا :d:d

لاعبك المفضل؟

ممم مكانش واحد معين عندي لاعبيــــــن خخ بصح مش لدرجة مفضلين يعني يعجبو وخلاص :d
واش رايك في المنتدى بكل صراحة؟

اقل ما يقال عليه رائع
لا من مواضيع ولا من اعضاء ولا كلشي
ماشاء الله اخوة واكتر ،، ربي يديم لمتنا
ان شاء الله مانكونش كثرت عليك


لا ما كترت والو
مرحبا بيك فكل وقت خيي :regards01:
 
رد: السهرة 13 .........قهوة وتاي

حالياً الأعضاء النشيطين الذين يشاهدون هذا الموضوع: 6 (4 عضو و 2 ضيف) ‏soumia hadj, ‏AmiR@RoRo+, ‏assinat, ‏NOUREDDINE 31
 
رد: السهرة 13 .........قهوة وتاي

السلآم عليكم
وعليكم السلآم اهلا بك من جديـــد

هاآآني جيت بالاسئلة -_-
بون قبل كالعاآآدة حاآجة باردة
images

مممم يحبلي يامك السمرا ديالي :love01:
بنين يهبل كيفك :p

عمرك؟
65 سنة (خمسة فعينيكم :p)
مستواآآك الدراآسي ؟
طالبة بكالورية باذن الله :d
ما تستعجبيش من 65 وباكالوريا راني نعاود فيه برك ههههه

ميولاتك علمية ولآ أدبية ؟
والله مافهمت روحي يلا علمية ولا ادبية هههه
نحبهم بزوج ونميلهم بزوج
انا علمية درجة اولى بصح يستهويني الادب والروايات والاشعار والخواطر وكل ما يخص الادب :love01:

تحبي التحواآس كشماآ زرتي ولآيات غير ولآيتك طبعاآ خخخ -_-
اه نموت عليه ههه
زرت الولايات المجاورة الغربية والعاصمة با بلوس :p

اهداآآفك ؟
نكمل قرايتي
ندير التخصص لي حاباتو وننجح فيه باذن الله
ونفتح عيادة خاصة :graduation: ادعولي بالتوفيق ;)

الآقساآآم المفضلة ليكْ فاللمة؟
سبق ودكرتها عجزت نكتب هه اصبري نديرلك كوبيي كولي
قسم البوح
واش راك تهدر
النقاش الجاد
العلوم وامعرفة
التصميم
التقاطات الصور الحصرية
اني قريب نقولهم قاع وخلاص هههه


أميرة سيريو ولآ من عشاآق التمهبيلْ ؟
سيريو فاوقات معينة وباينة ومهبولة درجة اولى فاوقات اخرى :d
مي يغلب عليا طابع التمهبيل فالحياة العادية هههه


تكفي هاآآد الاسئلة ان شاآآء الله منكونش كثرت علييك
كشماآآ يخطر بباآآلي سؤال هاآني نولي
سهرة ممتعة

اسئلة خفيفة ظريفة كي مولاتها :-r
يعطيك الصحة حبيبتي السمرا
ادا كاش ما جا فبالك اني هنا :d
ربي يحفظك ويخليك حبيبة :love01:
 
رد: السهرة 13 .........قهوة وتاي

السلام عليكم خاوتي
واشراكم انشاء الله بخير
مع رمضان

مرحبا بضيفة السهرة
اميرة
ربي يحفضك اختي :)
وسهرة ممتعة

الله غالب وصلت روطار هههه :s

ميرسي للاخت ليليا لما تقدمه
بارك الله فيك :up:

سهرة ممتعة للجميع
وصح صحوركم
سلام
:thumb_up02:
:smile02:
 
رد: السهرة 13 .........قهوة وتاي

سلاام عليكم ..و صحة فطوركم
وعليكم السلام
الله يسلمك ونتي زادا


يعطيك الصحة ليليا اختيار موفق
ها قاع ليليا وماتعرفش تختار ولا :p
و اهلا بيك ميرو وشراكي :d
والله بخير والحمد لله
نورتي فولا الغالية ههه
منقدرش منسقسيكش نتيا هههه :p
اه مرحبا بيك وباسئلتك زينة ديالي :p

*كيفاه مع رمضاان تغلبيه و لا غاالبك ؟
كل نهار وبراكتو ههه
مرات غالبة ومرات مغلوبة من تقريبا النتيجة في صالحي يعني غالباتو بالدرجة اولى :sport02:
الحمد لله

*ميرو و الكوزينة في رمضاان ؟؟
علاقة يسودها اضطراب نوعا ما ههه
ما تستهوينيش الكوزينة بزاف بصح فرمضان نلقى روحي لصقت فيها ههه
انا مابياش الطبخ لي عييني قد ما تعييني السخانة لي فيها هههه
بصح حمد لله مسلكتها :up:

*ماكلة معندكش الزهر فيها ؟؟ يعني كل ما ديريها يعيبولك عليها ؟؟
مكانش هيهيهي
يعني كل ما يجي من ايدي حلو هههه نضحك برك
كاين الزيتون منعرف مايجينيش كما لي ديرو ماما عندها سر وماقالتوش باين ههه
مي مام هكا مش لي يتعيب يتكل عادي :d

*تصلي التراويح ؟؟
فالمسجد لا :-r بصح فالبيت قليل بزاف
*واشمن سورة لحقتي فالختمة ؟؟
الفرقان :-r
*حاجة ممكن تطيرك من الفرحة في هذي اللحظة ؟؟
ههه مكانش حاجة ممكن طيرني من الفرحة
يعني ما مستنيا والو باش نفرح :p
يمكن باطة شوكولا منوعة ممكن تطيرني ونص ههه

و الان الى فقرة on و off خخخخ تقتلني ليليا
:d
ههه بسم الله
المهم حاجة خفيفة : لي تعجبك قوليلي on و لي متحبيهاش قولي off اوكي ؟ اوكي هههه
اوكيات :d
*القهوة
off
*رمضان
on
*الضياف
on وكي يكون المورال طايح off :tongue02:
*السهرة
on :thumb_up02:
*الفيس بوك
off
*بن غبريط ههههه بلعقل عليها هاذي
offfffff........ كي تعياي زيدي f هههه
*اللمة
ON
*sport
on
* المسلسلات
on
*فيولاا
on ونص وخمسة وعشرين :d:d
:d:d:d

ايا الزينة سهرة ممتعة ..و صحا صحوركم

الله يسلمك الزينة
يعطيك الصحة
نورتيني :love01:
 
رد: السهرة 13 .........قهوة وتاي

حالياً الأعضاء النشيطين الذين يشاهدون هذا الموضوع: 8 (6 عضو و 2 ضيف)
‏la brunette, ‏AmiR@RoRo, ‏assinat, ‏Malika Tlm, ‏Msb security, ‏NOUREDDINE 31

سيلفي تشيييييييييييييييييييييز
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top